Politika dwar il-kondiviżjoni u l-pubblikazzjoni

Biex jiġu mitigati r-riskji possibbli ta’ kontenut iġġenerat mill-IA, stabbilixxejna l-politika li ġejja dwar il-kondiviżjoni permessa.

Li tippostja l-frażijiet tiegħek li jiġġeneraw interazzjoni bejn l-utent u l-IA (prompts jew completions) fuq il-media soċjali huwa ġeneralment permess, kif inhu wkoll permess il-livestreaming tal-użu tiegħek jew id-dimostrazzjoni tal-prodotti tagħna lil gruppi ta’ nies. Jekk jogħġbok aderixxi ma’ dan li ġej:

• Irrevedi b’mod manwali kull ġenerazzjoni qabel ma tikkondividi jew waqt li tkun qed tagħmel streaming.
• Attribwixxi l-kontenut taħt ismek jew il-kumpanija tiegħek.
• Indika li l-kontenut huwa ġġenerat mill-IA b’mod li l-ebda utent ma jista’ b’mod raġonevoli jaqbeż jew jifhem ħażin.
• Tikkondividix kontenut li jikser il-Politika dwar il-Kontenut⁠⁠ tagħna jew li jista’ joffendi lil ħaddieħor.
• Jekk tuża rikjesti tal-udjenza bħala prompts, agħmel ġudizzju bil-għaqal; iddaħħalx prompts li jistgħu jirriżultaw fi vjolazzjonijiet tal-Politika dwar il-Kontenut ⁠tagħna.

Jekk inti tkun tixtieq tiżgura li t-tim ta’ OpenAI jkun konxju dwar completion partikolari, tista’ tibagħtilna email jew tuża l-għodod għar-rappurtar fi ħdan Playground.

• Ftakar li inti qed tagħmel interazzjoni mal-mudell mhux raffinat, li jfisser li aħna ma niffiltrawx u ma naqtgħux rispons preġudikat jew negattiv. (Flimkien ma’ dan, inti tista’ taqra aktar dwar kif timplimenta l-Moderation endpoint⁠ mingħajr ħlas⁠(jinfetaħ f’tieqa ġdida) tagħna hawnhekk.)

Kreaturi li jixtiequ jippubblikaw il-kontenut miktub tagħhom stess (eż. ktieb, kompendju ta’ stejjer qosra) li jkun ikkreat parzjalment bl-OpenAI API huma permessi li jagħmlu dan taħt il-kundizzjonijiet li ġejjin:

• Il-kontenut ippubblikat jiġi attribwit taħt ismek jew il-kumpanija tiegħek.
• Ir-rwol tal-IA fl-ifformular tal-kontenut jiġi muri b’mod ċar b’tali mod li ma jkunx possibbli li jinqabeż minn l-ebda qarrej, u li qarrej tipiku jista’ jsibu ħafif biżżejjed biex jifhmu.
• Is-suġġetti tal-kontenut ma jmorrux kontra l-Politika dwar il-Kontenut⁠ jew it-Termini tal-Użu⁠ta’ OpenAI, eż., mhumiex marbuta ma’ kontenut għall-adulti, spam, kontenut ta’ mibegħda, kontenut li jkun ta’ inċitament għall-vjolenza, jew użu ieħor li jista’ jikkawża ħsara soċjali.
• Ġentilment nitolbuk li ma tikkondividix outputs li jistgħu joffendu lil ħaddieħor.

Pereżempju, f’Daħla jew Introduzzjoni (jew f’post simili ieħor) wieħed għandu jagħti dettalji tar-rwoli relattivi tal-abbozzar, l-editjar eċċ. In-nies m’għandhomx jippreżentaw kontenut iġġenerat mill-API daqslikieku dan kien kollu ġġenerat minn persuna umana jew kollu ġġenerat mill-IA, u għandha tkun persuna umana li tieħu r-responsabilità finali tal-kontenut li qed jiġi ppubblikat.

Dawn li ġejjin huma frażijiet li tista’ tuża biex tiddeskrivi l-proċess kreattiv tiegħek, sakemm ikun preċiż:

Aħna nemmnu li huwa importanti li d-dinja aktar wiesgħa tkun kapaċi tagħmel evalwazzjoni tar-riċerka u l-prodotti tagħna, speċjalment li tifhem u ttejjeb il-limitazzjonijiet potenzjali u s-sikurezza jew problemi ta’ preġudizzju fil-mudelli tagħna. Għaldaqstant, aħna nilqgħu pubblikazzjonijiet ta’ riċerka marbuta mal-API ta’ OpenAI.

• F’ċerti każijiet, jista’ jkun li nkunu rridu nenfasizzaw ix-xogħol tiegħek internament u/jew esternament.
• F’każijiet oħra, bħalma huma pubblikazzjonijiet li jappartjenu għas-sigurtà jew użu mhux xieraq tal-API, jista’ jkun li nkunu rridu nieħdu azzjonijiet xierqa biex nipproteġu lill-utenti tagħna.
• Jekk tinnota kwistjonijiet marbuta mas-sikurezza jew mas-sigurtà fl-API tul il-kors tar-riċerka tiegħek, jekk jogħġbok nitolbuk tissottomettihom b’mod immedjat permezz tal-Coordinated Vulnerability Disclosure Program⁠⁠(il-Programm Koordinat għad- Divulgazzjoni tal-Vulnerabbiltà).

Hemm numru ta’ direzzjonijiet għar-riċerka li aħna entużjasti li nesploraw fl-OpenAI API. Jekk int interessat/a fl-opportunità għal aċċess sussidjat, jekk jogħġbok għaddielna d-dettalji dwar il-każ tal-użu fir-riċerka tiegħek fuq ir-Researcher Access Program application⁠⁠ (l-applikazzjoni tal-Programm ta’ Aċċess għar-Riċerkatur).

B’mod partikolari, aħna nikkunsidraw dawn li ġejjin bħala direzzjonijiet speċjalment importanti, għalkemm inti liberu/a li tfassal id-direzzjoni tiegħek stess:

• Allinjament: Kif nistgħu nifhmu liema objettiv, jekk hemm, jista’ jitqies l-aħjar li mudell qed isegwi? Kif nistgħu nżidu l-firxa tal-allinjament ta’ dak l-objettiv ma’ preferenzi umani, bħal permezz ta’ prompt design jew fine-tuning?
• Ġustizzja u rappreżentanza: Kif għandhom jiġu stabbiliti l-kriterji ta’ prestazzjoni għall-ġustizzja u r-rappreżentanza f’mudelli tal-lingwa? Kif jistgħu jiġu mtejba l-mudelli tal-lingwa sabiex ikunu jistgħu jappoġġjaw b’mod effettiv il-miri tal-ġustizzja u r-rappreżentanza f’kuntesti speċifiċi implimentati?
• Riċerka interdixxiplinari: Kif jista’ l-iżvilupp tal-IA jikseb għarfien minn dixxiplini oħra bħalma huma l-filosofija, ix-xjenza konjittiva, u s-soċjolingwistika?
• Spjegabbiltà u trasparenza: Kif jaħdmu dawn il-mudelli, mekkanistikament? Nistgħu nidentifikaw liema kunċetti qegħdin jużaw, jew nagħmlu estrazzjoni ta’ għarfien latenti mill-mudell, nagħmlu inferenzi dwar il-proċedura tat-taħriġ, jew nagħmlu previżjoni ta’ mġiba sorprendenti fil-futur?
• Potenzjal ta’ użu mhux xieraq: Kif jistgħu sistemi bħalma hi l-API jintużaw b’mod mhux xieraq? Liema tipi ta’ approċċi ta’ “red-teaming” nistgħu niżviluppaw biex jgħinu lilna u lil żviluppaturi oħra tal-IA naħsbu kif nagħmlu disponibbli teknoloġiji bħal din b’mod responsabbli?
• Esplorazzjoni tal-mudell: Mudelli bħal dawk moqdijin mill-API għandhom varjetà ta’ kapaċitajiet li għad irridu nesploraw. Aħna entużjasti b’investigazzjonijiet li jsiru f’diversi oqsma inkluż il-limitazzjonijiet tal-mudell, proprjetajiet lingwistiċi, raġunament b’sens komun, u l-użu potenzjali għal tant problemi oħrajn.
• Robustezza: Mudelli ġenerattivi għandhom uċuh b’kapaċitajiet diversi, bil-potenzjal ta’ oqsma ta’ kapaċità sorprendentement b’saħħithom u oħrajn sorprendentement dgħajfa. Kemm huma robusti mudelli ġenerattivi kbar għal perturbazzjonijiet “naturali” fil-prompt, bħal modi differenti tal-formulazzjoni tal-istess idea jew bi żballji tat-tipa jew mingħajrhom? Nistgħu nagħmlu previżjoni tat-tipi ta’ dominji u kompiti li għalihom huwa aktar probabbli li mudelli ġenerattivi kbar ikunu aktar robusti (jew mhux robusti), u kif dan jirrelata mad-data tat-taħriġ? Hemm tekniki li nistgħu nużaw biex inbassru u ntaffu l-agħar imġiba possibbli? Kif tista’ tiġi mkejla r-robustezza fil-kuntest tal-apprendiment few-shot (eż., f’firxa ta’ varjazzjonijiet fil-prompts)? Nistgħu nħarrġu mudelli biex ikunu jistgħu jissodisfaw il-proprjetajiet tas-sikurezza li jkollhom livell għoli ħafna ta’ affidabilità, anke taħt inputs kontradittorji?

Jekk jogħġbok innota li minħabba l-volum għoli ta’ talbiet, il-proċess ta’ reviżjoni ta’ dawn l-applikazzjonijiet jieħu ħafna ħin u mhux ir-riċerka kollha tiġi pprijoritizzata għas-sussidju. Aħna nikkuntattjawk biss jekk l-applikazzjoni tiegħek tiġi magħżula għas-sussidju.