എല്ലാവർക്കും, എല്ലായിടത്തും AI ലഭ്യമാക്കുന്നു

AGI എല്ലാ മനുഷ്യരാശിക്കും പ്രയോജനപ്പെടുമെന്ന് ഉറപ്പാക്കുക എന്നതാണ് OpenAI-യുടെ ദൗത്യം, ഈ ദൗത്യം നിറവേറ്റാൻ ലോകമെമ്പാടുമുള്ള ആളുകളിലേക്ക് അവർ ആയിരിക്കുന്നിടത്ത് തന്നെ എത്തിച്ചേരേണ്ടതുണ്ട്.

വൈദ്യുതിക്ക് തുല്യമായി AI-യും നിർണായകമായ ദേശീയ അടിസ്ഥാന സൗകര്യമായി കൂടുതൽ അംഗീകരിക്കപ്പെടുന്നു. ലോകമെമ്പാടുമുള്ള സർക്കാരുകളും സ്ഥാപനങ്ങളും,അവര്‍ക്ക് ലഭ്യമായ ഏറ്റവും കഴിവുള്ള സിസ്റ്റങ്ങളിലേക്കുള്ള ആക്സസ് ഉറപ്പാക്കുന്നതിലൂടെ, AI യുഗത്തിൽ അവരുടെ പൗരന്മാർക്കും സമ്പദ്‌വ്യവസ്ഥകൾക്കും പ്രയോജനം ലഭ്യമാക്കാൻ ആഗ്രഹിക്കുന്നു.

AI-യ്ക്ക് ആ വാഗ്ദാനം നിറവേറ്റാൻ, അത് പ്രാദേശികമായി പ്രസക്തമാകണം. അതായത് പ്രാദേശിക ഭാഷകളിലും പ്രാദേശിക ഉച്ചാരണത്തോടെയും സംസാരിക്കുക, പ്രാദേശിക നിയമങ്ങളെ മാനിക്കുക, കൂടാതെ സാംസ്കാരിക മാനദണ്ഡങ്ങളും മൂല്യങ്ങളും പ്രതിഫലിപ്പിക്കുക എനിങ്ങനെ.

എന്നിരുന്നാലും, വളരെ കുറച്ച് രാജ്യങ്ങൾക്കേ സ്വയം അത്യാധുനിക AI മോഡലുകൾ വികസിപ്പിക്കാൻ കഴിവുള്ളു. മിക്കവർക്കും വെല്ലുവിളി ഒരു മോഡൽ തുടക്കം മുതൽ എങ്ങനെ നിർമ്മിക്കാം എന്നതല്ല, മറിച്ച് ലഭ്യമായ ഏറ്റവും മികച്ച AI അവരുടെ പ്രത്യേക സാഹചര്യത്തിന് എങ്ങനെ അനുയോജ്യമാക്കാം എന്നതാണ്. ലോകമെമ്പാടുമുള്ള സർക്കാരുകളിൽ നിന്ന് ഞങ്ങൾ സ്ഥിരമായി കേൾക്കുന്ന ഒരു കാര്യമാണ് ഇത്: അവർക്ക് അവരുടെ ഭാഷയിലേക്ക് വിവർത്തനം ചെയ്ത സിസ്റ്റങ്ങൾ പോര, അവര്‍ ഞങ്ങളോടൊപ്പം സ്വയംഭരണ AI നിർമ്മിക്കാൻ ആണ് ആഗ്രഹിക്കുന്നത്.

ഞങ്ങളുടെ OpenAI for Countries സംരംഭം⁠ വഴി, പ്രാദേശികവൽക്കരണം പ്രായോഗികമായി എങ്ങനെ പ്രാവര്‍ത്തികമാക്കാംഎന്ന് ഞങ്ങൾ അന്വേഷിച്ചുവരുന്നു. ലക്ഷ്യം പ്രാദേശികവൽക്കരിച്ച AI സിസ്റ്റങ്ങൾ അനുവദിക്കുകയാണെങ്കിലും, ആഗോള തലത്തിലുള്ള അത്യാധുനിക മോഡലിൽ നിന്ന് പ്രയോജനം നേടുക എന്നതും ഉൾപ്പെടുന്നു.

ഞങ്ങൾ ChatGPT Edu പ്രവർത്തനത്തിന്റെ ഭാഗമായി, എസ്റ്റോണിയയിലെ വിദ്യാർത്ഥികൾക്കായി പ്രാദേശിക പാഠ്യപദ്ധതികളും അധ്യാപന സമീപനങ്ങളും ഉൾപ്പെടുത്തി ChatGPT‑യുടെ ഒരു പ്രാദേശികവൽക്കരിച്ച പതിപ്പ് നിലവിൽ പരീക്ഷിച്ചു കൊണ്ടിരിക്കുന്നു. ഞങ്ങൾ മറ്റ് രാജ്യങ്ങളുമായി പൈലറ്റ് ലോക്കലൈസേഷൻ ശ്രമങ്ങൾ അന്വേഷിക്കുന്നു. AI ഗവേഷണവും വിന്യാസവും എങ്ങനെ നടക്കുന്നു എന്നതിൽ സുതാര്യത ഉറപ്പാക്കാനുള്ള ഞങ്ങളുടെ പ്രതിബദ്ധതയുടെ ഭാഗമായി, ലോക്കലൈസേഷൻ എങ്ങനെ പ്രവർത്തിക്കുന്നു എന്നതിനെക്കുറിച്ച് കൂടുതൽ വിശദാംശങ്ങൾ ഞങ്ങൾ പങ്കുവയ്ക്കുന്നു.

ഞങ്ങളുടെ മോഡൽ സ്പെക്⁠ എന്നത് ഞങ്ങളുടെ മോഡലുകൾ എങ്ങനെ പെരുമാറണമെന്ന് ഞങ്ങൾ ഉദ്ദേശിക്കുന്നതിനെ വ്യക്തമാക്കുന്ന ഒരു പൊതുഡോക്യുമെന്റാണ്. ഞങ്ങൾ ഞങ്ങളുടെ മോഡലുകളെ സ്പെക്ക് പിന്തുടരാൻ പരിശീലിപ്പിക്കുന്നു, കൂടാതെ ലോകമെമ്പാടുമുള്ള ആളുകളിൽ നിന്ന് ഞങ്ങളുടെ ടീമുകൾ കേൾക്കുന്നതിനെ ഉൾക്കൊള്ളുന്ന, സഹകരണപരമായ, OpenAI മുഴുവൻ ഉൾപ്പെടുന്ന ഒരു പ്രക്രിയയിലൂടെ അതിനെ തുടർച്ചയായി മെച്ചപ്പെടുത്തുന്നു. ഈ സ്പെക്ക് ഞങ്ങളുടെ മോഡലുകൾ ഉപയോഗിക്കുന്ന വിവിധ രീതികളെക്കുറിച്ച് വിശദീകരിക്കുന്നു, ChatGPT മുതൽ, ഞങ്ങളുടെ പ്ലാറ്റ്ഫോമിൽ ഡെവലപ്പർമാർ നിർമ്മിക്കുന്ന അനുഭവങ്ങൾ, മറ്റ് സാഹചര്യങ്ങൾ എന്നിവ വരെ.  എവിടെയായാലും ഞങ്ങളുടെ മോഡലുകൾ വിന്യസിക്കുമ്പോൾ ബാധകമായ ഈ നിയമങ്ങളില്‍, എന്തെല്ലാം മാറ്റാൻ കഴിയും, എന്തെല്ലാം മാറ്റാൻ കഴിയില്ല എന്നതിൽ വ്യക്തമായ പരിധികള്‍ നിർവചിക്കുകയും മാറ്റങ്ങളെക്കുറിച്ച് സുതാര്യത പുലർത്താനുള്ള ഞങ്ങളുടെ പ്രതിബദ്ധത വ്യക്തമാക്കുകയും ചെയ്യുന്നു.

മോഡൽ സ്പെക്കിൽ “റെഡ്-ലൈൻ തത്വങ്ങൾ⁠(പുതിയ വിൻഡോയിൽ തുറക്കുന്നു)” ഉൾപ്പെടുന്നു, ഇത് OpenAI for Countries പ്രോഗ്രാമിന്റെ കീഴിലുള്ളവ ഉൾപ്പെടെ എല്ലാ വിന്യാസങ്ങൾക്കും ബാധകമാണ്. ഇവയിൽ, “മനുഷ്യ സുരക്ഷയും മനുഷ്യാവകാശങ്ങളും OpenAI-യുടെ ദൗത്യത്തിന് അത്യന്താപേക്ഷിതമാണ്” എന്ന് ഞങ്ങൾ ഊന്നിപ്പറയുകയും, കൂടാതെ താഴെ പറയുന്ന കാര്യങ്ങൾ വ്യക്തമായി വ്യക്തമാക്കുകയും ചെയ്യുന്നു:

• അക്രമ പ്രവർത്തനങ്ങൾ, വിനാശകരമായ ആയുധങ്ങള്‍, ഭീകരവാദം, പീഡനം അല്ലെങ്കിൽ കൂട്ടനിരീക്ഷണം പോലുള്ള ഗുരുതര ഹാനികൾക്ക് ഞങ്ങളുടെ മോഡലുകൾ സഹായകരമാകാൻ ഞങ്ങൾ ഒരിക്കലും അനുവദിക്കില്ല.
• ആരെയെങ്കിലും ലക്ഷ്യമിട്ടോ വ്യാപകമായോ ഒഴിവാക്കലിനും, കൈകാര്യം ചെയ്യലിനും, മനുഷ്യ സ്വയംഭരണത്തെ ദുർബലപ്പെടുത്തലിനും, പൗരപ്രക്രിയകളിലെ പങ്കാളിത്തം കുറയ്ക്കുന്നതിനും ഞങ്ങളുടെ മോഡലുകൾ ഉപയോഗിക്കാൻ ഞങ്ങൾ അനുവദിക്കില്ല.
• AI-യുമായുള്ള ഇടപെടലുകളിൽ വ്യക്തികളുടെ സ്വകാര്യത സംരക്ഷിക്കാൻ ഞങ്ങൾ പ്രതിബദ്ധരാണ്.

OpenAI ഉപഭോക്താക്കൾക്ക് ChatGPT പോലുള്ള ഫസ്റ്റ്-പാർട്ടി അനുഭവം നേരിട്ട് നൽകുമ്പോൾ, അതിലൂടെ ഞങ്ങൾ പ്രതിബദ്ധതയെടുക്കുന്നു:

• ആളുകൾക്ക് ഞങ്ങളുടെ മോഡലുകളിൽ നിന്ന് വിശ്വസനീയമായ സുരക്ഷാ-നിർണായക വിവരങ്ങൾ എളുപ്പത്തിൽ ലഭ്യമാകേണ്ടതാണ്.
• ഇഷ്ടാനുസൃതമാക്കൽ, വ്യക്തിഗതമാക്കൽ, പ്രാദേശികവൽക്കരണം എന്നിവ മോഡൽ സ്പെക്കിലെ ബാധകമായ നിയമങ്ങളെ മറികടക്കില്ല. ഇതിൽ വസ്തുനിഷ്ഠമായ കാഴ്ചപ്പാട്⁠(പുതിയ വിൻഡോയിൽ തുറക്കുന്നു) എന്ന തത്വവും ഉൾപ്പെടുന്നു, അതായത് ലോക്കലൈസേഷൻ ഭാഷയെയോ ശൈലിയെയോ ബാധിക്കാം, പക്ഷേ അവതരിപ്പിച്ചിരിക്കുന്ന വസ്തുതകളുടെ ഉള്ളടക്കമോ തുല്യതയോ മാറ്റാൻ കഴിയില്ല. 
• ആളുകൾക്ക് നമ്മുടെ മോഡലുകളുടെ പെരുമാറ്റത്തിന് പിന്നിലെ പ്രധാന നിയമങ്ങളും കാരണങ്ങളും സുതാര്യമായി അറിയാൻ കഴിയണം, ഉദാഹരണത്തിന്, നിയമപരമായ ആവശ്യകതകൾ മൂലം ഒഴിവാക്കിയ ഉള്ളടക്കം ഓരോ മോഡൽ പ്രതികരണത്തിലും ഉപയോക്താവിനോട്‌ സുതാര്യമായി സൂചിപ്പിക്കും, നീക്കം ചെയ്ത വിവരത്തിന്റെ തരം, അതിന്റെ നീക്കത്തിനുള്ള കാരണം എന്നിവ വ്യക്തമാക്കിക്കൊണ്ട്, എന്നാൽ ഒഴിവാക്കിയ ഉള്ളടക്കം വെളിപ്പെടുത്താതെ തന്നെ. അതുപോലെ, ചേർക്കുന്ന ഏതൊരു വിവരവും സുതാര്യമായി തിരിച്ചറിയപ്പെടുകയും ചെയ്യും.

OpenAI for Countries വഴി പ്രാദേശികവൽക്കരിച്ച, സ്വതന്ത്ര AI, നാം പര്യവേക്ഷണം ചെയ്യുന്നതിനാൽ, നാം പഠിക്കുന്ന കാര്യങ്ങളെക്കുറിച്ച് കൂടുതൽ പങ്കുവെക്കുകയും, ഞങ്ങളുടെ സമീപനം സുതാര്യമായി വികസിപ്പിക്കുകയും ചെയ്യുമെന്നതില്‍ നാം പ്രതിജ്ഞാബദ്ധരാണ്.