AI-ն ընդլայնում է մարդկանց և ձեռնարկությունների հնարավորությունները։ Գաղափարները, որոնց իրականացմանը Գաղափարները, որոնց իրագործմանը նախկինում խանգարում էին ժամանակի, ֆինանսական միջոցների կամ փորձագիտական գիտելիքների հասանելիության սահմանափակումները, այժմ հնարավոր է կյանքի կոչել։ Սա ճանապարհ է բացում մարդկային նոր նվաճումների, նոր ձեռնարկությունների, նոր շուկաների ու հնարավորությունների համար։ OpenAI-ն ստեղծվել է՝ օգնելու իրագործել այս հավակնությունները։
GPT‑6 Astra-ն մեծ առաջընթաց է AI-ի կարողությունների ոլորտում։ Այն աշխարհի ամենախելացի և մարդկային նպատակներին ամենահամահունչ մոդելն է ու առաջատար արդյունքներ է ցուցաբերում համակարգչից օգտվելու, վեբ դիտարկման, ծրագրային ճարտարագիտության, կիբեռանվտանգության, գիտության և մասնագիտական աշխատանքի ոլորտներում։
OpenAI-ն ստեղծվել է՝ հետազոտական այս առաջընթացը մարդկանց և կազմակերպություններին ամբողջ աշխարհում լայնորեն օգտակար դարձնելու համար։ Սպառողական և կորպորատիվ շուկաներում մեր լայն ընդգրկման շնորհիվ նոր կարողությունները հաճախորդներին են հասնում անմիջապես՝ նրանց արդեն օգտագործած արտադրանքների միջոցով։ Իսկ հաշվողական ամբողջ շղթան ընդգրկող մեր ռազմավարությունը մեզ ավելի մեծ վերահսկողություն է տալիս այդ բանականությունն ապահովելու համար անհրաժեշտ հզորության, արդյունավետության և ծախսերի նկատմամբ։
Այս առավելությունները համակցվելով ավելի են ուժեղանում։ Ավելի լավ մոդելները նոր աշխատանքներ կատարելու հնարավորություն են ստեղծում։ Ավելի արդյունավետ հաշվողական ռեսուրսները թույլ են տալիս այդ աշխատանքը մատչելի գնով կատարել ավելի մեծ մասշտաբով։ Օգտագործման աճից ստացվող եկամուտը ֆինանսավորում է հետագա հետազոտություններն ու ենթակառուցվածքը՝ ամրապնդելով հաջորդ բեկումնային առաջընթացին հասնելու և այն ամբողջ աշխարհի մարդկանց հասանելի դարձնելու մեր կարողությունը։
Մեր արտադրանքներից օգտվում են շաբաթական ավելի քան մեկ միլիարդ ակտիվ օգտատերեր և 2,5 միլիոն ձեռնարկություններ։ Հետազոտական յուրաքանչյուր առաջընթաց բարելավում է ChatGPT‑ը, ChatGPT Աշխատանք-ը, Codex-ը և մեր API-ի հիման վրա ստեղծված հավելվածները։ Մոդելների հետազոտության մեջ մեկ ներդրումն աջակցում է բազմաթիվ արտադրանքների և դրանց եկամտի բազմազան աղբյուրներին։
Մարդիկ, ովքեր տանը ծանոթանում են ChatGPT‑ին, այդ փորձը կիրառում են նաև աշխատավայրում։ Կորպորատիվ ներդրումները նրանց տրամադրում են բարդ աշխատանքին և իրենց կազմակերպության պահանջներին համապատասխան գործիքներ։ Աշխատավայրում ձեռք բերած փորձն իր հերթին կարող է փոխել այն, թե մարդիկ ինչ են ակնկալում AI-ից անձնական կյանքում։ Մշակողներն ավելի են ընդլայնում մեր հասանելիությունը՝ ստեղծելով հավելվածներ այնպիսի կարիքների համար, որոնք ինքներս գուցե չբացահայտեինք։ Ժամանակի ընթացքում ակնկալում ենք, որ ավանդաբար ավելի հստակ տարանջատված այս ոլորտների սահմաններն աստիճանաբար կվերանան, քանի որ մեր ագենտային արտադրանքներն ավելի լավ կճանաչեն ձեզ՝ թե՛ որպես անհատ, թե՛ աշխատանքի և անձնական կյանքի համատեքստերում։
Անհատական օգտագործումն ու կորպորատիվ ներդրումները ժամանակի ընթացքում ընդլայնվում են։ Անհատական ChatGPT պլաններից օգտվողների վերաբերյալ մեր ուսումնասիրության համաձայն՝ գրանցումից վեց ամիս անց օրական հաղորդագրությունների քանակն առաջին ամսվա համեմատ մոտ 50%-ով ավելի մեծ էր, իսկ մարդիկ փորձել էին մոտ երկու անգամ ավելի շատ տարբեր առաջադրանքներ։
Indexed to the first 28 days after signup
Source: OpenAI
Մեր բիզնես մոդելը թույլ է տալիս եկամուտ ստանալ օգտագործման աճին զուգահեռ։ Գովազդով ֆինանսավորվող անվճար հասանելիությունն օգնում է մարդկանց բացահայտել, թե AI-ն ինչով կարող է օգտակար լինել։ Բաժանորդագրություններն ու օգտագործման ծավալից կախված առաջարկները հաճախորդներին հնարավորություն են տալիս ավելի շատ ծախսել, երբ արտադրանքից ավելի մեծ արժեք են ստանում։
Մոդելների աճող կարողություններն ընդլայնում են այն աշխատանքների շրջանակը, որոնց կատարումը հաճախորդները կարող են իրենց թույլ տալ։ Ձեռնարկությունը կարող է բարելավել մի գործընթաց, որը նախկինում չափազանց շատ մասնագիտական ժամանակ էր պահանջում, կամ մուտք գործել շուկա, որը նախկինում չէր կարող շահութաբեր կերպով սպասարկել։
Դա տեսնում ենք նաև մեր թիմի աշխատանքում։ Մեր հետազոտական թիմի վերջին թարմացումը ցույց է տալիս, որ հետազոտողներն ավելի արագ են կոդ գրում և ավելի շատ փորձարկումներ իրականացնում՝ ագենտներին ավելի բարդ առաջադրանքներ վստահելով։ Թիմերն ագենտների օգնությամբ լուծում են ենթակառուցվածքային խնդիրներ, որոնք նախկինում մասնագետի աջակցություն էին պահանջում։ Այժմ հետազոտական կազմակերպությունում մարդու աշխատանքի յուրաքանչյուր օրվան բաժին է ընկնում ագենտների կատարած 3,1 աշխատանքային օրվան համարժեք աշխատանք։
Source: OpenAI Research Organization, mid-August 2026, Stanford 8-hour workday.
Մարդիկ շարունակում են սահմանել հետազոտական առաջնահերթություններն ու գնահատել արդյունքները, իսկ ագենտները մեծացնում են խոստումնալից գաղափարներ զարգացնելու նրանց կարողությունը։ OpenAI-ի համար այդ աշխատանքը կարող է օգնել բարելավել մոդելներն ու այն ենթակառուցվածքը, որոնց ապավինում են մեր հաճախորդները։
Ընդլայնելով մարդկային կարողությունները՝ AI-ն շուկա է ստեղծում, որը շատ ավելի մեծ է, քան մեր այսօրվա աշխատանքի շրջանակը։ Ավելի շատ մարդիկ կարող են հետամուտ լինել իրենց ամենամեծ հավակնություններին, նոր բացահայտումներ անել և ստեղծել լուծումներ, որոնք կբարելավեն գալիք սերունդների կյանքը։
Աճող պահանջարկը բավարարելու համար անհրաժեշտ են թե՛ բավարար հզորություններ, թե՛ ավելի նպաստավոր տնտեսական պայմաններ։ Մեր հաշվողական ռազմավարությունն ընդգրկում է տվյալների կենտրոնները, չիպերը, ծրագրային ապահովումը, մոդելներն ու արտադրանքները։ Մենք այդ ընտրությունները կառավարում ենք միասին՝ յուրաքանչյուր աշխատանքային ծանրաբեռնվածության համար շարունակաբար փնտրելով կարողությունների, արագության, հուսալիության, արդյունավետության և ծախսերի լավագույն համադրությունը։
Առաջադեմ մոդելի ուսուցումն ու արագ, ինտերակտիվ ագենտի գործարկումը ենթակառուցվածքին տարբեր պահանջներ են ներկայացնում։ Մենք ինքներս ենք ստեղծում այն բաղադրիչները, որոնց համատեղ նախագծումը բարելավում է արդյունավետությունը կամ նվազեցնում ծախսերը, իսկ այլ դեպքերում համագործակցում ենք լավագույն լուծումն առաջարկող գործընկերների հետ։ Սա մեզ տալիս է յուրաքանչյուր առաջադրանքի համար լավագույն համակարգն ընտրելու ճկունություն։
GPT‑5.6 Sol-ն օգնեց բարելավել մեր արտադրական միջավայրում մոդելների սպասարկման ծրագրային ապահովումը՝ սպասարկման ամբողջական ծախսերը նվազեցնելով 20%-ով։ Լրացուցիչ բարելավումները թոքենների ստեղծման արդյունավետությունը բարձրացրին ավելի քան 15 տոկոսով՝ համակարգին թույլ տալով իր հաշվողական ռեսուրսներով ավելի մեծ ծավալի արդյունք արտադրել։
Մեր առաջին հատուկ ինֆերենսային չիպը՝ Jalapeño-ն, այդ աշխատանքը տարածում է նաև սարքավորումների վրա։ Երեք հանրային մոդելներով անցկացված InferenceX փորձարկումներում այն մեկ վատտի հաշվով ապահովեց թոքենների 1,5-1,9 անգամ ավելի բարձր առավելագույն թողունակություն, քան փորձարկված առևտրային համակարգերը՝ համեմատությունը հավասարեցնելով ըստ չիպերի անվանական հզորության։ Ծայրից ծայր հապաղումը 1,7-3,6 անգամ ավելի ցածր էր: Նախատեսում ենք մինչև տարեվերջ սկսել դրա ներդրումը՝ NVIDIA-ի, AMD-ի և այլ գործընկերների արագացուցիչների հետ միասին։
Հաճախորդների համար կարևորը առաջադրանքի կատարումն է։ Ավելի լավ մոդելները կարող են այն կատարել ավելի քիչ փորձերով։ Ավելի լավ ծրագրային ու սարքային ապահովումը կարող է յուրաքանչյուր փորձն ավելի արագ և էժան դարձնել։ Երկուսի բարելավումը կարող է մեզ հնարավորություն տալ մեր ստեղծած և գնած հզորություններով ավելի մեծ ծավալի աշխատանք սպասարկել։
Հետազոտությունների, արտադրանքների և հաշվողական ռեսուրսների ոլորտում տարիների ներդրումներն այժմ մեկտեղվում են։ Սպառողական և կորպորատիվ շուկաներում մեր ընդգրկման շնորհիվ մոդելների յուրաքանչյուր առաջընթաց անմիջապես հասնում է հաճախորդներին։ Հաշվողական ամբողջ շղթան ընդգրկող մեր ռազմավարությունն օգնում է այդ բանականությունն ապահովել ավելի բարձր արդյունավետությամբ և ավելի նպաստավոր տնտեսական պայմաններով։
Այս համադրությունն ավելի է ուժեղանում, երբ հաճախորդները գործի են դնում AI-ը։ Նրանց կարիքներն օգնում են ուղղորդել հետազոտություններն ու հզորությունների զարգացումը։ Ավելի լավ մոդելներն ու ցածր ծախսերն տնտեսապես իրագործելի են դարձնում ավելի շատ աշխատանք, իսկ օգտագործման աճից ստացվող եկամուտը ֆինանսավորում է հետազոտությունների և ենթակառուցվածքի հաջորդ սերունդը։
Կապիտալի կարգապահ կառավարումն օգնում է մեզ պահպանել այդ աճը։ Յուրաքանչյուր ներդրում գնահատում ենք ըստ այն պահանջարկի, որը կարող է սպասարկել, այն բանի, թե որքան արագ կարող է սկսել արդյունք տալ, և արդյոք ակնկալվող եկամտաբերությունն արդարացնում է ներդրված կապիտալը։
Հենց սա է մեզ վստահություն տալիս, որ OpenAI-ն կարող է պահպանել առաջատար դիրքը AI-ի հաջորդ սերունդների զարգացման ընթացքում։ Յուրաքանչյուր առաջընթացով մենք կարող ենք օգնել մարդկանց հասնել ավելիին և կառուցել բիզնես, որն աճում է նրանց հավակնություններին համընթաց։
