Хайр дурлалаар өгөөшилсөн залилан: Хиймэл оюун ухаан ашигласан ажиллагааны явц
OpenAI хайр дурлалаар өгөөшилсөн залиланд хиймэл оюун ухаан ашиглан холбоо тогтоох, орчуулах, хохирогчтой харилцах, хуурамч хөрөнгө оруулалтад татах үйл ажиллагаа явуулж байсан бүртгэлүүдийг хаалаа.
Энэхүү кейс судалгааг анх OpenAI-ийн 2026 оны 2-р сарын(шинэ цонхонд нээгдэнэ) хиймэл оюун ухааныг хорлонтойгоор ашиглах үйл ажиллагааг таслан зогсоох тухай тайланд нийтэлсэн.
Бид загваруудыг маань урвуулан ашиглахыг оролдсон залилангийн сүлжээнүүдийн үйл ажиллагааг таслан зогсоосон тухайгаа жилийн өмнөөс(шинэ цонхонд нээгдэнэ) мэдээлж эхэлсэн бөгөөд түүнээс хойш дэлхийн олон бүс нутагт үйл ажиллагаа явуулж байсан залилангийн олон сүлжээг хаасан. Тэдгээрт энгийн даалгавар гүйцэтгээд олсон гэх, үнэндээ байхгүй орлогоо авахын тулд мөнгө төлөх ёстой гэж хохирогчдыг итгүүлдэг “даалгаврын” залилан, мөн байхгүй хөрөнгө оруулалтын компанид мөнгөө хийхийг ятгадаг хөрөнгө оруулалтын залилан багтаж байв.
Хиймэл оюун ухаан бий болохоос ч олон жилийн өмнөөс түгээмэл байсан нэг төрөл нь хайр дурлалаар өгөөшилсөн залилан юм. Залилагчид хайр сэтгэлийн харилцаа үүсгэх хүн болж жүжиглэн, онилсон хүндээ хань ижилтэйгээ учирлаа гэж итгүүлэхийг оролдоод, улмаар улам их мөнгө нэхдэг. Залилангийн үйл ажиллагааг таслан зогсоосон тухай бидний анхны нийтлэлд Камбожид шинээр байгуулагдсан гэмт хэргийн сүлжээг онцолсон. Тэд ChatGPT ашиглан хайр дурлалаар өгөөшилсөн залилангийн зурвас бичүүлж, заримыг нь нийгмийн сүлжээгээр тарааж байв. Түүнээс хойш бид хайр дурлалаар өгөөшлөн залилах олон төрлийн оролдлогыг таслан зогсоосон. Бид 6-р сард(шинэ цонхонд нээгдэнэ) бичсэнчлэн, эдгээр болон бусад төрлийн залилан хиймэл оюун ухаан ашиглахдаа нийтлэг дарааллыг дагадаг. Үүнийг бид холбоо тогтоох (танихгүй хүнд хандах), сэтгэл хөдлөл өдөөх, мөнгийг нь салгах гэсэн гурван үе шат гэж үздэг.
Холбоо тогтоох (танихгүй хүнд хандах): Залилагч онилж болох хүнийхээ сонирхолд нийцүүлэн анхаарлыг нь татах контент үүсгэдэг. Жишээлбэл, бидний өнгөрсөн жил мэдээлсэн “гахай нядлах” залилангийн сүлжээ анагаах ухааны салбарт ажилладаг, 40 гаруй насны америк эрчүүдийг голчлон онилж, тэдний гольфын тухай нийгмийн сүлжээний нийтлэлд хариу бичдэг байв. Бусад сүлжээ танихгүй хүмүүст SMS зурвас, ажилд авах тухай хуурамч зурвас илгээдэг байсан бол бидний хамгийн сүүлд илрүүлсэн хайр дурлалаар өгөөшилсөн залиланд нийгмийн сүлжээний зар сурталчилгаа ашигласан байв (доор тайлбарласан). Эдгээр тохиолдол бүрд хорлонт этгээдүүд ChatGPT ашиглан уламжлалт залилангийн зурвасаас илүү сонирхол татахуйц, гадаад хүн бичсэн нь төдийлөн анзаарагдахгүй зурвас гаргуулахыг зорьжээ.
Бидний 2025 онд мэдээлсэн “гахай нядлах” залилангийн сүлжээнээс тухайн ажиллагаатай холбоогүй хэрэглэгчийн Facebook нийтлэлд хариу болгон илгээсэн, гольфын сэдвээр яриа эхлүүлэх зурвас.
Сэтгэл хөдлөл өдөөх: Залилагч онилсон хүнийхээ сэтгэл хөдлөлийг хүчтэй өдөөх контент үүсгэж, түүнийг хүссэнээрээ удирдахад хялбар болгодог. Хайр дурлалаар өгөөшилсөн залиланд онилсон хүнээ залилагчид сэтгэлтэй болгохыг оролддог. Бусад залиланд их ашиг олох боломжтой наймаанд догдлуулах, боломжийг алдахаас айлгах, эсвэл хууль зөрчсөн, төлбөрийн өртэй гэх зэргээр түгшээхийг оролдож болно. Заримдаа холбоо тогтоох анхны зурвастаа сэтгэл хөдлөл өдөөх агуулгыг давхар оруулдаг.
Бидний 2025 оны 6-р сард илчилсэн “Буруу дугаар” залилангийн сүлжээнээс танихгүй хүнд илгээсэн SMS зурвас. Багахан ажил хийгээд үнэмшмээргүй их ашиг олно гэсэн мэдээлэл нь “сэтгэл хөдлөл өдөөх” зорилготой байсан бололтой.
Мөнгийг нь салгах: Залилагч онилсон хүнээ мөнгө өгөхөд ятгах контент үүсгэдэг. Үүнд хэлэх шалтаг нь маш олон янз байж болно. Жишээлбэл, хайр дурлалаар өгөөшилсөн залиланд хайртай хүнийхээ бизнест хөрөнгө оруулах, эсвэл санхүүгийн хүндрэлээс гарахад нь мөнгөөр туслахыг хүсэж болно. “Даалгаврын” залиланд онилсон хүмүүстээ өөрсдийн олсон гэж итгэж буй (зохиомол) орлогоо авахын тулд эхлээд мөнгө төлөхийг шаарддаг. Хөрөнгө оруулалтын залиланд онилсон хүмүүсээ бодит бус хөрөнгө оруулалтад мөнгөө хийхийг ятгадаг.
Бидний 2025 оны 6-р сард илчилсэн “Буруу дугаар” залилангийн сүлжээнээс танихгүй хүнд илгээсэн SMS зурвас. Багахан ажил хийгээд үнэмшмээргүй их ашиг олно гэсэн мэдээлэл нь “сэтгэл хөдлөл өдөөх” зорилготой байсан бололтой.
Энэ дарааллаас харахад залилангийн салшгүй нэг хэсэг нь мэдээлэл түгээх сүлжээ юм. Бидний илчилсэн залилангийн сүлжээнүүд анхны зурвасаа SMS, шифрлэгдсэн зурвасын апп, нийгмийн сүлжээний нийтлэл, цахим зар сурталчилгаагаар, эсвэл эдгээрийг хослуулан хүргэж байв. Хиймэл оюун ухаанаас өмнөх үеийн залилагчид цахим шуудан(шинэ цонхонд нээгдэнэ), утасны дуудлага(шинэ цонхонд нээгдэнэ), бүр XIX зуунд захидал(шинэ цонхонд нээгдэнэ), цахилгаан мэдээ(шинэ цонхонд нээгдэнэ) ашиглаж байсан нь зартай. Олон залилан мэдээллээ ялгалгүй өргөн хүрээнд тараадаг ч зарим нь тодорхой хүмүүсийг нарийн онилохыг оролддог бололтой. Жишээлбэл, бидний 2025 оны 2-р сард мэдээлсэн(шинэ цонхонд нээгдэнэ) “гахай нядлах” залилан гольф зэрэг сэдэвт төвлөрч байв. Өөр нэг хайр дурлалаар өгөөшилсөн залилан нийгмийн сүлжээний зар сурталчилгаагаар Индонезийн залуу эрчүүдийг онилсон бол алдартны нэр барьсан залиланд(шинэ цонхонд нээгдэнэ) ихэвчлэн алдартай хүний дүр эсгэн, түүний шүтэн бишрэгчдийн бүлгүүдийг онилдог. Баримт нотолгоо бүрэн бус тул бидний таслан зогсоосон залилангуудыг найдвартай харьцуулахад бэрх. Гэсэн ч тухайн сүлжээ янз бүрийн ажилд хиймэл оюун ухааныг хэр зэрэг ашигласнаас үл хамааран, сонгосон түгээлтийн арга нь (жишээлбэл, ялгалгүй өргөн хүрээнд тараах эсвэл тодорхой бүлгийг онилох) зорилтот хүмүүстээ хүрч, тэднийг хохироож чадах эсэхэд чухал нөлөөтэй гэж бид дүгнэж байна.
