ვეხმარებით ბაღისა და სკოლის პედაგოგებს ხელოვნური ინტელექტის პრაქტიკული უნარების განვითარებაში

ბაღისა და სკოლის მასწავლებლები, ადმინისტრატორები, რაიონული ხელმძღვანელები და სასკოლო თემები ყოველდღე ეხმარებიან მოსწავლეებს სწავლაში, განვითარებასა და მომავლისთვის მზადებაში. ამავე დროს, მათ უწევთ სწრაფ ტექნოლოგიურ ცვლილებებთან გამკლავება შეზღუდული დროის, მზარდი პასუხისმგებლობებისა და პრაქტიკულ მხარდაჭერაზე არათანაბარი წვდომის პირობებში.

სწორედ ამის გამო OpenAI Academy უოლტონების ოჯახის ფონდთან⁠(იხსნება ახალ ფანჯარაში) თანამშრომლობით ამ ზაფხულს უმასპინძლებს ხელოვნური ინტელექტის უნარების მთავარ პრაქტიკუმს (AI Skills Jam) ბაღისა და სკოლის პედაგოგებისთვის და შექმნის მაღალი ნდობით განმსჭვალულ ინტერაქციულ გარემოს, სადაც მასწავლებლები და ადმინისტრატორები ინტერესიდან პრაქტიკულ გამოყენებაზე გადავლენ. არაკომერციული ორგანიზაციებისა⁠(იხსნება ახალ ფანჯარაში) (Nonprofit AI Jam) და მცირე ბიზნესისთვის⁠(იხსნება ახალ ფანჯარაში) (Small Business AI Jam) განკუთვნილი ხელოვნური ინტელექტის პრაქტიკუმების წარმატებაზე დაყრდნობით, ეს პრაქტიკუმი ბაღისა და სკოლის 1600-ზე მეტ მასწავლებელს, ადმინისტრატორსა და რაიონულ ხელმძღვანელს შეკრებს აშშ-ის ქალაქებში ინტერაქციულ უშუალო სემინარებზე. ბაღისა და სკოლის პედაგოგებისთვის განკუთვნილი ხელოვნური ინტელექტის უნარების პრატიკუმის (AI Skills Jam) მეშვეობით OpenAI Academy მიზნად ისახავს, დაეხმაროს პედაგოგებს, შეიტყონ, როგორ შეუძლია ხელოვნურ ინტელექტს უფრო ეფექტიანად დაუჭიროს მხარი სწავლებას, დაგეგმვას, კომუნიკაციასა და სხვა ყოველდღიურ სამუშაოს და ამავდროულად, ხელი შეუწყოს განათლების სფეროში ხელოვნური ინტელექტის წიგნიერების, შესაძლებლობებისა და პასუხისმგებლობიანი დანერგვის განვითარებას.

უოლტონების ოჯახის ფონდისა (The Walton Family Foundation) და Gallup-ის კვლევა, Teaching for Tomorrow: Closing the Expectations Gap Report⁠(იხსნება ახალ ფანჯარაში), აჩვენებს, რომ მასწავლებლები, რომლებიც ხელოვნური ინტელექტის ხელსაწყოებს კვირაში მინიმუმ ერთხელ იყენებენ, საშუალოდ კვირაში 5,9 საათს ზოგავენ. ჩვეულებრივ სასწავლო წელზე გადათვლით, ეს დაახლოებით ექვს კვირას უდრის. მასწავლებლების თქმით, ამ დროს ისინი ისევ ისეთ საქმეებში დებენ, როგორიცაა მოსწავლეებისთვის უფრო დაწვრილებითი უკუკავშირის მიცემა, ინდივიდუალური გაკვეთილების დაგეგმვა, მშობლებთან კომუნიკაცია ან თუნდაც სახლში უფრო გონივრულ დროს დაბრუნება. ხელოვნური ინტელექტის უნარების პრაქტიკუმზე (AI Skills Jam) მასწავლებლები და ადმინისტრატორები მიიღებენ საჭირო მხარდაჭერას, რათა თავდაჯერებულად დაიწყონ ხელოვნური ინტელექტის ჩართვა სამუშაოში და მისგან სარგებელი მიიღონ.

პრაქტიკუმის დროს მონაწილეები OpenAI-ს მენტორებთან ერთად იმუშავებენ, რათა ისწავლონ, როგორ ჩართონ ხელოვნური ინტელექტი ყოველდღიურ საქმიანობაში: გაკვეთილების დაგეგმვაში, მშობლებსა და თანამშრომლებთან კომუნიკაციაში, ადმინისტრაციულ ამოცანებში და სხვა. სეანსები პრაქტიკული იქნება და საკლასო და სასკოლო სისტემის რეალურ საჭიროებებზე იქნება ორიენტირებული; მონაწილეებს ექნებათ დრო და სივრცე ხელსაწყოების გამოსაცდელად, კითხვების დასასმელად, წუხილების გასაზიარებლად და თავდაჯერებულობის გასამყარებლად. მონაწილეებისთვის ასევე ხელმისაწვდომი იქნება OpenAI Academy⁠(იხსნება ახალ ფანჯარაში), უფასო ონლაინპლატფორმა, რომელიც ხელოვნური ინტელექტის გამოყენების შესახებ რესურსებსა და საუკეთესო პრაქტიკულ სახელმძღვანელოებს შეიცავს, რათა მათ გააგრძელონ ის საქმე, რომელიც პრაქტიკუმზე დაიწყეს. OpenAI-ს მიზანი მხოლოდ ერთდღიანი სემინარის ჩატარება არ არის; ჩვენი მიზანია, დროთა განმავლობაში გავაფართოოთ ურთიერთობები პედაგოგებთან, სასკოლო სისტემების ლიდერებსა და ეკოსისტემის პარტნიორებთან. 

„სწორედ პედაგოგები არიან იმ პროცესის ცენტრში, რომელიც თემებს ახალი ტექნოლოგიის გაგებასა და მასთან ადაპტაციაში ეხმარება“, — განაცხადა ლეა ბელსკიმ, OpenAI-ს განათლების ვიცე-პრეზიდენტმა. „ბაღისა და სკოლის პედაგოგებისთვის განკუთვნილი ხელოვნური ინტელექტის უნარების პრაქტიკუმის (AI Skills Jam) მეშვეობით გვსურს, მასწავლებლებსა და სკოლის ხელმძღვანელებს მივცეთ პრაქტიკული მხარდაჭერა, სანდო სასწავლო გარემოები და პირდაპირი შესაძლებლობები, განსაზღვრონ, როგორ შეიძლება ხელოვნური ინტელექტის პასუხისმგებლობიანად გამოყენება განათლებაში. ხელოვნურ ინტელექტზე წვდომა მხოლოდ საწყისი წერტილია; ნამდვილი შესაძლებლობა ის არის, რომ ადამიანებს განუვითარდეთ ამ ხელსაწყოების გააზრებულად გამოყენებისა და მნიშვნელოვანი პრობლემების გადაჭრის უნარი“. 

ბაღისა და სკოლის პედაგოგებისთვის განკუთვნილი ხელოვნური ინტელექტის უნარების პრაქტიკუმის (AI Skills Jam) ჩატარების დადასტურებული ადგილები და პარტნიორები: 

• ჯონსბორო, ჯორჯია, კლეიტონის ოლქის საჯარო სკოლებთან ერთად — ოთხშაბათი, 8 ივლისი
• ფეარფაქსი, ვირჯინია, ფეარფაქსის ოლქის საჯარო სკოლებთან ერთად — ხუთშაბათი, 9 ივლისი
• ორლანდო, ფლორიდა, მშობლებისა და მასწავლებლების ასოციაციის (Parent Teacher Association) კონფერენციაზე — შაბათი, 11 ივლისი
• ჩიკაგო, ილინოისი, 211-ე სასკოლო ოლქთან ერთად — ოთხშაბათი, 15 ივლისი
• სან-ბერნარდინო, კალიფორნია, ქალაქ სან-ბერნარდინოს გაერთიანებულ სასკოლო ოლქთან ერთად — ოთხშაბათი, 22 ივლისი
• ფენიქსი, არიზონა, საგანმანათლებლო მომსახურების მომწოდებელთან Vertex Education და სკოლების ქსელთან Legacy Traditional Schools ერთად — პარასკევი, 31 ივლისი
• სოლტ-ლეიკ-სიტი, იუტა, დეივისის სასკოლო ოლქთან ერთად — პარასკევი, 7 აგვისტო
• ლას-ვეგასი, ნევადა, საგანმანათლებლო მომსახურების მომწოდებელთან Vertex Education და სკოლების ქსელთან Legacy Traditional Schools ერთად — პარასკევი, 4 სექტემბერი

მადლობას ვუხდით ოლქებს, სასკოლო სისტემებს, პედაგოგებს, პარტნიორებსა და უოლტონების ოჯახის ფონდს (Walton Family Foundation) ამ ძალისხმევაში შეტანილი წვლილისთვის. მათი ლიდერობა და ექსპერტული ცოდნა აუცილებელია, რათა ხელოვნური ინტელექტი სასარგებლო, პასუხისმგებლობიანი და ხელმისაწვდომი იყოს განათლების სფეროში.