წარმოგიდგენთ OpenAI-ს ეკონომიკური კვლევების გაცვლის პროგრამას (OpenAI Economic Research Exchange)
ამ ახალი პროგრამის მიზანია, მხარი დაუჭიროს გულდასმით გარე კვლევებს ხელოვნური ინტელექტის ეკონომიკური გავლენების შესახებ.
განახლება — 2026 წლის 5 აგვისტო:იხილეთ მიმდინარე კვლევის კოჰორტა აქ.
AI ცვლის ადამიანების მუშაობის, კომპოანიების საქმიანობისა და იდეების შექმისა და გაზიარების გზებს. ამ ცვლილებების გასაგებად ცალკეული მაგალითები საკმარისი არ იქნება. ამისთვის საჭირო იქნება რეალურ მონაცემებზე დაფუძნებული, მკაცრი ემპირიული კვლევა, რომელსაც მკვლევართა ფართო საზოგადოება ჩაატარებს.
დღეს OpenAI იწყებს OpenAI-ის ეკონომიკური კვლევების გაცვლის პლატფორმას — ახალ ინიციატივას, რომელიც AI-ის ეკონომიკური გავლენის შესახებ მნიშვნელოვანი გარე კვლევების მხარდაჭერას ემსახურება. გაცვლის პლატფორმის ფარგლებში შერჩეული მკვლევრები OpenAI-ის ეკონომიკური კვლევების გუნდთან სტრუქტურირებული, პროექტებზე დაფუძნებული თანამშრომლობით ჩაატარებენ კვლევებს. მიზანია სანდო და დამოუკიდებელი მტკიცებულებების მოპოვება იმის შესახებ, თუ რა ზეგავლენა მოახდენს AI დასაქმებულებზე, კომპანიებზე, ინსტიტუტებსა და მთლიანად ეკონომიკაზე.
ვეძებთ პროექტებს, რომლებიც AI-ის ეკონომიკურ გავლენასთან დაკავშირებულ მნიშვნელოვან საკითხებს შეისწავლის. წინადადებებში განმარტებული უნდა იყოს, როგორ შეუწყობს ხელს ამ კითხვებზე პასუხის გაცემას OpenAI-ის ინსტრუმენტების სათანადო ზედამხედველობითა და კონფიდენციალურობის დაცვით გამოყენება. მიზანია OpenAI-ის ინსტრუმენტებისა და მონაცემთა ნაკრებების გამოყენებით შესაძლებელი გახდეს მკაცრი და სანდო კვლევების ჩატარება, რომლებიც მხოლოდ ტრადიციული მონაცემებით არ შემოიფარგლება. ამასთან, მკაფიოდ უნდა იყოს დაცული მომხმარებელთა კონფიდენციალურობა და მონაცემთა პასუხისმგებლიანი გამოყენების პრინციპები.
შერჩეული მკვლევრები განახორციელებენ მკაფიოდ განსაზღვრული მასშტაბის პროექტებს, კონკრეტული ეტაპებით, მონაცემთა მართვისა და განხილვის პროცესებით. მივესალმებით წინადადებებს მკვლევრებისგან, რომლებსაც აქვთ ძლიერი ემპირიული უნარები და შესაბამისი გამოცდილება გამოყენებითი მიზეზ-შედეგობრივი ანალიზის, გაზომვის, შრომის ეკონომიკის, პროდუქტიულობის, კომპანიების, განათლების, მეწარმეობის, საჯარო ფინანსების, რეგიონული ეკონომიკის, განვითარების, უთანასწორობის ან მომიჯნავე სფეროებში.
გაცვლის პლატფორმა ეფუძნება OpenAI-ის უფრო ფართო ძალისხმევას AI-ის ეკონომიკური გავლენის შეფასების გასაუმჯობესებლად, მათ შორის OpenAI Signals-ს. გარე კვლევითი თანამშრომლობების მხარდაჭერით ვიმედოვნებთ, რომ გავაფართოებთ მტკიცებულებათა ბაზას, რომლითაც მკვლევრები, პოლიტიკის შემმუშავებლები, ბიზნესები და საზოგადოება სწრაფი ტექნოლოგიური ცვლილებების პერიოდში ისარგებლებენ.
წინადადებები შეფასდება მეთოდოლოგიური სიმკაცრის, განხორციელებადობის, გაცვლის პლატფორმის პრიორიტეტებთან შესაბამისობის, მკაფიო ეტაპებისა და AI-ის ეკონომიკური გავლენის შესახებ სანდო გარე მტკიცებულებების შექმნის პოტენციალის მიხედვით.
განაცხადის შეტანის პროცესის შესახებ დამატებითი ინფორმაციისთვის საპროექტო წინადადებების მოთხოვნა იხილეთ აქ ან მოგვწერეთ მისამართზე econresearch@openai.com. განაცხადების მიღება უკვე დაწყებულია — განაცხადის შეტანა შეგიძლიათ აქ. მიღება 2026 წლის 5 ივლისს დასრულდება. შემოსულ განაცხადებს განვიხილავთ და შერჩეულ მკვლევრებს შედეგებს 2026 წლის 31 ივლისამდე შევატყობინებთ.
