Օգտագործման կանոններ

Ուժի մեջ մտնելու ամսաթիվը՝ 2026թ․ նոյեմբերի 20 | Նախորդ տարբերակ⁠

Մենք ձգտում ենք ապահովել, որ մեր գործիքներն օգտագործվեն անվտանգ և պատասխանատու կերպով՝ միաժամանակ առավելագույնի հասցնելով ձեր վերահսկողությունը դրանց օգտագործման եղանակի նկատմամբ։ Օգտագործման կանոնները մշակելիս մենք հաշվի ենք առնում մի քանի կարևոր բան։

Օգտատերերին հնարավորություն ենք տալիս նորարարություններ կատարել ԱԲ-ի միջոցով։ Մենք ստեղծում ենք ԱԲ պրոդուկտներ, որոնք առավելագույն չափով ապահովում են օգտակարությունն ու խթանում ազատությունը՝ միաժամանակ երաշխավորելով անվտանգությունը։ Օգտագործման կանոնները մեր պրոդուկտների օգտագործման վերաբերյալ հստակ սպասումներ ձևավորելու միայն մեկ եղանակ են՝ գոյություն ունեցող ավելի լայն անվտանգության էկոհամակարգի շրջանակներում, որտեղ մեր ծառայությունների նկատմամբ կիրառվում են պաշտպանող սահմանափակումներ։ Դուք կարող եք ավելին իմանալ անվտանգության նկատմամբ մեր մոտեցման, ինչպես նաև մեր հանձնառության մասին ՝ ապահովելու հարմարեցման հնարավորություն, թափանցիկություն և մտավոր ազատություն՝ ԱԲ-ի միջոցով ուսումնասիրելու, քննարկելու ու ստեղծագործելու համար։

Պատասխանատու օգտագործումը ընդհանուր առաջնահերթություն է։ Մենք մեր օգտատերերի մասին ամենադրական կարծիքն ունենք։ Մեր պայմաններն ու քաղաքականությունները՝ ներառյալ այս Օգտագործման քաղաքականությունները, սահմանում են թույլատրելի օգտագործման ողջամիտ չափանիշներ։ Մեր կանոնները չեն փոխարինում իրավական պահանջներին, մասնագիտական պարտականություններին կամ էթիկական պարտավորություններին, որոնք պետք է ազդեն այն բանի վրա, թե ինչպես են մարդիկ օգտագործում ԱԲ-ն։ Մենք մարդկանց պատասխանատվության ենք ենթարկում մեր ծառայությունների ոչ պատշաճ օգտագործման համար, իսկ մեր կանոնների և անվտանգության միջոցների խախտումը կամ շրջանցումը կարող է հանգեցնել նրան, որ կորցնեք մեր համակարգերից օգտվելու հնարավորությունը կամ ենթարկվեք այլ պատժամիջոցների։

Մեր ծառայությունները նախագծելիս մենք առաջին հերթին հաշվի ենք առնում անվտանգությունը։ Մենք վերահսկում և կիրարկում ենք քաղաքականությունները՝ կիրառելով գաղտնիության պաշտպանության միջոցներ և ունենալով վերանայման հստակ գործընթացներ։ Մենք մշակողներին տրամադրում ենք գործնական մոդերացիայի գործիքներ⁠⁠(բացվում է նոր պատուհանում) և ուղղորդում, որպեսզի նրանք կարողանան աջակցել իրենց վերջնական օգտատերերին։ Մենք հրապարակում ենք այն, թե ինչ կարող են և ինչ չեն կարող անել մեր համակարգերը, կիսվում ենք հետազոտություններով և թարմացումներով, ինչպես նաև տրամադրում ենք չարաշահման մասին հաղորդելու պարզ միջոց։

Մենք թարմացնում ենք մեր համակարգերը՝ հիմնվելով ժամանակի ընթացքում կուտակած մեր գիտելիքների վրա։ Մարդիկ ամեն օր նոր ձևերով են օգտագործում մեր համակարգերը, և մենք թարմացնում ենք մեր կանոնները՝ դրանք չափազանց սահմանափակող չլինելու և մեր օգտատերերին ավելի լավ պաշտպանելու համար։ Մենք մեզ իրավունք ենք վերապահում սահմանափակել մուտքը, եթե ողջամտորեն կարծում ենք, որ դա անհրաժեշտ է մեր ծառայությունը, օգտատերերին կամ որևէ այլ անձին պաշտպանելու համար։ Դուք կարող եք բողոքարկել⁠⁠, եթե կարծում եք, որ մենք սխալ ենք կիրառում մեր քաղաքականությունը, և մենք կաշխատենք դա շտկելու ուղղությամբ։ Եթե ցանկանում եք տեղեկացվել Օգտագործման կանոնների թարմացումների մասին, խնդրում ենք լրացնել այս ձևաթուղթը։

OpenAI ծառայություններից օգտվելը պետք է համապատասխանի հետևյալ օգտագործման կանոններին.

• Պաշտպանել մարդկանց։ Յուրաքանչյուր ոք ունի անվտանգ և պաշտպանված լինելու իրավունք։ Հետևաբար Դուք չեք կարող օգտագործել մեր ծառայությունները հետևյալ նպատակներով՝

  • սպառնալիքներ, ահաբեկում, ոտնձգություն կամ զրպարտություն

  • ինքնասպանության, ինքնավնասման կամ սննդային խանգարումների խրախուսում կամ աջակցություն

  • սեռական բռնություն կամ առանց համաձայնության ստեղծված ինտիմ բնույթի բովանդակություն

  • ահաբեկչություն կամ ատելության վրա հիմնված բռնություն՝ ներառյալ այլ բռնության տեսակները

  • զենքերի մշակում, ձեռքբերում կամ օգտագործում՝ ներառյալ ավանդական զինատեսակները կամ CBRNE-ն

  • ապօրինի գործունեություն, ապրանքներ կամ ծառայություններ

  • Այլոց համակարգերի կամ սեփականության ոչնչացում, վնասում կամ խախտում՝ ներառյալ չարամիտ կամ վնասաբեր կիբեռգործունեությունը, ինչպես նաև այլոց մտավոր սեփականության իրավունքները խախտելու փորձերը։

  • իրական փողով խաղադրույքների կատարում

  • ԱԲ գործիքների ստեղծում կամ առաջարկում, որոնք այլ անձանց տրամադրում են անհատականացված խորհրդատվություն այնպիսի ոլորտներում, որտեղ դրա համար պահանջվում է մասնագիտական արտոնագիր՝ առանց համապատասխան արտոնագիր ունեցող մասնագետի պատշաճ ներգրավվածության։ Դուք նաև չեք կարող պնդել կամ ակնարկել, թե ԱԲ-ն ինքն ունի մասնագիտական որակավորում կամ համապատասխան գործունեություն իրականացնելու թույլտվություն։

  • անվտանգության չպահանջված փորձարկում

  • մեր կողմից մշակված անվտանգության միջոցների շրջանցում

  • ազգային անվտանգության, իրավապահ գործունեության կամ հետախուզական նպատակներով՝ առանց մեր կողմից նախնական ուսումնասիրության և հաստատման

• Հարգեք գաղտնիությունը։ Մարդիկ ունեն անձնական կյանքի գաղտնիության իրավունք։ Այդ իսկ պատճառով մենք արգելում ենք այլոց գաղտնիությունը խախտելու փորձերը, այդ թվում՝ անհատներին վերաբերող անձնական կամ գաղտնի տեղեկությունների հավաքագրումը, վերահսկումը, պրոֆիլավորումը կամ տարածումը՝ առանց նրանց համաձայնության։ Դուք երբեք չեք կարող օգտագործել մեր ծառայությունները հետևյալ նպատակներով՝

  • դեմքի ճանաչման տվյալների բազաները՝ առանց տվյալների սուբյեկտի համաձայնության

  • իրական ժամանակում հեռակա կենսաչափական նույնականացում հանրային տարածքներում

  • Մեկի նմանության, ներառյալ նրա ֆոտոռեալիստական պատկերը կամ ձայնը, օգտագործումը առանց նրա համաձայնության՝ այնպես, որ դա կարող է շփոթություն առաջացնել իսկության վերաբերյալ

  • Անհատների գնահատում կամ դասակարգում՝ հիմնված նրանց սոցիալական վարքագծի, անձնական հատկանիշների կամ կենսաչափական տվյալների վրա (ներառյալ սոցիալական գնահատման վարկանիշը, պրոֆիլավորումը կամ զգայուն հատկանիշների եզրակացությունը):

  • Անհատի հույզերի վերաբերյալ եզրակացություններ աշխատավայրում և կրթական միջավայրում՝ բացառությամբ այն դեպքերի, երբ դա անհրաժեշտ է բժշկական կամ անվտանգության նկատառումներով։

  • անձի կողմից քրեական հանցագործություն կատարելու ռիսկի գնահատում կամ կանխատեսում՝ հիմնված բացառապես նրա անձնական հատկանիշների կամ պրոֆիլավորման վրա

• Պաշտպանեք երեխաների և դեռահասների անվտանգությունը։ Երեխաներն ու դեռահասները հատուկ պաշտպանության կարիք ունեն։ Մեր ծառայությունները նախատեսված են նրանց վնասից պաշտպանելու և նրանց բարեկեցությանը նպաստելու համար։ 

  • Երեխաների նկատմամբ սեռական բռնություն և շահագործում։ Մեր ծառայությունները չպետք է օգտագործվեն 18 տարին չլրացած որևէ անձի նկատմամբ սեռական բռնություն գործադրելու, սեռական շահագործման ենթարկելու կամ սեռականացման նպաստելու, ինչպես նաև նման գործողությունները հնարավոր դարձնելու, դյուրացնելու, աջակցելու կամ խրախուսելու նպատակով։ Երեխաների նկատմամբ սեռական բռնություն պատկերող ենթադրյալ նյութերի և սեռական բռնության այլ դրսևորումների մասին մենք հաղորդում ենք⁠ Անհետ կորած և շահագործման ենթարկված երեխաների ազգային կենտրոնին։ Մենք արգելում ենք մեր ծառայությունների օգտագործումը հետևյալ նպատակներով.

  • երեխաների նկատմամբ սեռական բռնություն պատկերող նյութեր (CSAM)՝ անկախ նրանից՝ դրանց որևէ հատված ստեղծվել է արհեստական բանականության միջոցով, թե ոչ  

  • երեխաներին սեռական նպատակներով հրապուրելը, սեռական շորթումը կամ երեխաների նկատմամբ սեռական բռնության ցանկացած այլ դրսևորում 

  • երեխաներին սեռականացված ձևով ներկայացնելը 

  • երեխաների նկատմամբ սեռական բռնությանը կամ շահագործմանը նպաստող ցանկացած այլ օգտագործում կամ վարքագիծ 

  • Դեռահասների կողմից մեր արտադրանքների և ծառայությունների օգտագործումը։ OpenAI-ի գործիքները չպետք է օգտագործվեն 18 տարին չլրացած որևէ անձի անվտանգությունը վտանգելու նպատակով։ Մենք ներդնում ենք տարիքին համապատասխան պաշտպանական միջոցներ, որոնք նախատեսված են վնասակար կամ զարգացման տվյալ փուլին անհամապատասխան բովանդակության հետ առնչվելու հավանականությունը նվազեցնելու համար։ Մենք արգելում ենք մեր ծառայությունների օգտագործումը հետևյալ նպատակներով.

    • անչափահասներին տարիքին չհամապատասխանող բովանդակության ենթարկելը, օրինակ՝ ինքնավնասման բացահայտ պատկերներ, սեռական բնույթի, կամ բռնություն պարունակող բովանդակություն

    • խրախուսել անչափահասների անառողջ սննդակարգի կամ վարժությունների վարքագիծը

    • ծաղրել կամ որևէ այլ կերպ խարանել անչափահասների մարմնի կառուցվածքը կամ արտաքին տեսքը

    • անչափահասների շրջանում վտանգավոր մարտահրավերների կամ տարիքային սահմանափակումներով ապրանքների և ծառայությունների խթանումը կամ դրանց հասանելիության դյուրացումը

    • ներգրավել անչափահասներին տարիքին չհամապատասխանող՝ սեռական բնույթի կամ դաժան դերային խաղերում

• Հնարավորություններ բացել մարդկանց առջև։ Մարդիկ պետք է կարողանան որոշումներ կայացնել իրենց կյանքի և համայնքների վերաբերյալ։ Այս պատճառով մենք արգելում ենք մեր ծառայությունների օգտագործումը մարդկանց մանիպուլյացիայի ենթարկելու, խաբելու, մարդու իրավունքների իրացմանը միջամտելու, խոցելի կողմերից օգտվելու կամ կրթություն ստանալու և կարևոր ծառայություններից օգտվելու հնարավորությանը խոչընդոտելու նպատակով, ներառյալ՝ հետևյալ գործողությունները.

  • ակադեմիական անազնվություն

  • Խաբեություն, խարդախություն, խարդախ սխեմաներ, սպամ կամ ինքնության կեղծում:

  • քաղաքական քարոզարշավ⁠(բացվում է նոր պատուհանում), լոբբինգ, միջամտություն արտաքին կամ ներքին ընտրություններին կամ զորքերի ապահավաքի հետ կապված գործողություններ

  • զգայուն ոլորտներում բարձր ռիսկ պարունակող որոշումների ընդունման ավտոմատացում՝ առանց մարդու կողմից ստուգման  Սա ներառում է գործողություններ, որոշումներ, գործարքներ, դիմումների ներկայացում և այլ քայլեր, որոնք էական ազդեցություն ունեն անձի իրավունքների, անվտանգության, կենսական նշանակության ծառայությունների հասանելիության կամ այլ կարևոր շահերի վրա հետևյալ ոլորտներում՝

    • կարևոր ենթակառուցվածքներ

    • կրթություն

    • տնային պայմաններ

    • զբաղվածություն

    • ֆինանսական գործունեություն և վարկ

    • ապահովագրություն

    • իրավական

    • բժշկական

    • անհրաժեշտ պետական ծառայություններ

    • ապրանքների անվտանգության բաղադրիչներ

    • ազգային անվտանգություն, հետախուզական և իրավապահ մարմինների գործունեություն 

    • միգրացիա

• ՄՄոդելների ուսուցում և մշակում։ Լայն հնարավորություններ ունեցող մոդելները գործարկվելուց առաջ պետք է ապահովված լինեն իրենց ներկայացրած ռիսկերին համաչափ պաշտպանական միջոցներով։ OpenAI-ի մոդելների ելքային տվյալների հիման վրա մեկ այլ մոդելի ուսուցումը կարող է հանգեցնել այդ հնարավորությունների փոխանցմանը՝ առանց համապատասխան պաշտպանական միջոցների պահպանման։

  • Դուք չպետք է օգտագործեք OpenAI-ի մոդելները կամ դրանց ելքային տվյալները՝ OpenAI-ի մոդելներին կամ ծառայություններին այլընտրանք կամ փոխարինող լինելու համար նախատեսված մոդելների ուսուցման նյութեր կամ ազդակներ ստեղծելու, պատրաստելու, ընտրելու կամ տրամադրելու նպատակով։ Սա ներառում է՝

    • Ուսուցման տվյալների, ուսուցման առաջադրանքների, գնահատման չափանիշների կամ ամրապնդումով ուսուցման միջավայրերի ստեղծում կամ պատրաստում։

    • Ուսուցման համար օգտագործվող հետադարձ կապի տրամադրում, այդ թվում՝ պիտակների, միավորների, վարկանիշների, նախապատվությունների, պարգևատրումների կամ ուղղումների տեսքով։

    • Ուսուցման տվյալների, առաջադրանքների կամ գործողությունների հաջորդականությունների ընտրություն, զտում կամ վավերացում։

  • Դուք չպետք է փորձեք ստանալ պաշտպանված դատողության գործընթացի վերաբերյալ տեղեկություններ՝ չարտոնված հասանելիության, հակադարձ ճարտարագիտության կամ պաշտպանական միջոցների շրջանցման միջոցով։ 

  • Սույն սահմանափակումները գործում են անկախ նրանից՝ աշխատանքն իրականացնում եք ինքներդ, մեկ այլ կողմի համար, թե Ձեր անունից գործող անձի միջոցով, նույնիսկ եթե արդյունքում ստեղծված մոդելի ուսուցումը Դուք չեք իրականացնում։ Դրանք կիրառվում են նաև այն դեպքերում, երբ արտադրանքների օգտագործման կամ գնահատման արդյունքում ստացված ելքային տվյալները հետագայում օգտագործվում կամ տրամադրվում են ուսուցման նշված նպատակներով։

  • Դուք կարող եք OpenAI-ի մոդելներն օգտագործել հետազոտությունների, ծրագրային ապահովման մշակման, մոդելների գնահատման և համեմատական փորձարկումների, ինչպես նաև արտադրանքների մշակման նպատակներով՝ պահպանելով նշված սահմանափակումները։

  • Այս սահմանափակումները չեն արգելում OpenAI-ի հետ Ձեր գործող պայմանագրով հստակ թույլատրված օգտագործման դեպքերը, այդ թվում՝ Ծառայությունների մատուցման պայմանագրով նախատեսված ցանկացած Թույլատրելի բացառություն։ 

OpenAI-ի կողմից հաստատված օգտագործում։ Մեր ծառայությունների օգտագործման որոշ ձևեր, որոնք այլ դեպքերում արգելված են, կարող են օգտակար լինել հասարակության համար, եթե ապահովված են համապատասխան պաշտպանական միջոցներ։ Նման օգտագործումը հնարավոր դարձնելու նպատակով OpenAI-ը կարող է առանձին գործընկերների թույլատրել բացառություններ սույն Օգտագործման կանոններով սահմանված որոշ սահմանափակումներից՝ յուրաքանչյուր դեպք դիտարկելով անհատապես։ Որոշում կայացնելիս մենք հաշվի ենք առնում այնպիսի գործոններ, ինչպիսիք են գործընկերոջ ինքնությունը, առաջարկվող օգտագործման նպատակը, նախատեսված պաշտպանական միջոցները և գործընկերոջ ստանձնած պարտավորությունները՝ ապահովելու սահմանված պահանջների պահպանումը։ Նման օգտագործման համար կարող է պահանջվել գրավոր համաձայնություն, իսկ տրամադրված թույլտվությունը տարածվում է բացառապես հաստատված գործընկերոջ, օգտագործման ձևի և պայմանների վրա։ Օրինակ՝

• Ազգային անվտանգություն, հետախուզական և իրավապահ մարմինների գործունեություն։ Վերը նկարագրված պահանջների պահպանման պայմանով և ինչպես նշված է Ազգային անվտանգության ոլորտում գործընկերության մեր սկզբունքներում⁠(բացվում է նոր պատուհանում) մենք աջակցում ենք ազգային անվտանգության, հետախուզական  և իրավապահ ոլորտներում մեր ծառայությունների այնպիսի օգտագործմանը, որը ծառայում է մարդկանց շահերին, ամրապնդում ժողովրդավարական կառավարումը և ապահովում մարդու կողմից պատշաճ դատողության ու որոշումների կայացման, ինչպես նաև հաշվետվողականության պահպանումը։ Սակայն բոլոր հաճախորդները և մեր ծառայությունների օգտագործման բոլոր դեպքերը պետք է համապատասխանեն ազգային անվտանգության և իրավապահ մարմինների գործունեության ոլորտներում բարձր ռիսկային որոշումների, այդ թվում՝ ուժի կիրառման վերաբերյալ որոշումների կայացման գործընթացում մարդու դատողության և պատասխանատվության պահպանման մեր պահանջներին, ինչպես նաև մեր Սկզբունքներով սահմանված մյուս արգելքներին, որոնք վերաբերում են մեր գործիքների օգտագործմանը երկրի ներսում զանգվածային հսկողություն իրականացնելու կամ իրավական պարտավորություններից, վերահսկողությունից ու հաշվետվողականությունից խուսափելու նպատակներով։ 

Մեր մոդելներին հասանելիության տրամադրում։ Եթե Դուք շահագործում եք մոդելներին հասանելիություն ապահովող միջնորդ հարթակ կամ այլ ծառայություն, որի միջոցով երրորդ անձինք կարող են անմիջականորեն օգտվել OpenAI-ի մոդելներից, պարտավոր եք նախապես ստանալ մեր հավանությունը՝ համապատասխան ուսումնասիրությունից հետո։ Այս պահանջը չի կիրառվում միայն այն հիմքով, որ հավելվածում ինտեգրված են OpenAI-ի մոդելները՝ դրա հնարավորությունների կամ գործառույթների աշխատանքն ապահովելու համար։

• 2026-10-21. մենք թարմացրել ենք մեր Օգտագործման կանոնները՝ հստակեցնելով OpenAI-ի մոդելների և դրանց ելքային տվյալների օգտագործման սահմանափակումները՝ այլ մոդելների ուսուցման նպատակով։ Մենք նաև հստակեցրել ենք երեխաների և դեռահասների պաշտպանության միջոցներն ու բարձր ռիսկային ոլորտներում մեր ծառայությունների օգտագործման պահանջները։ Թարմացված կանոններում ներառվել են նաև ազգային անվտանգության ոլորտում մեր գործող սկզբունքները և սահմանվել նախնական հաստատման պահանջներ ազգային անվտանգության ու իրավապահ գործունեության նպատակներով մեր ծառայությունների օգտագործման, ինչպես նաև մոդելներին հասանելիություն ապահովող միջնորդ հարթակների համար։ Այս փոփոխություններն ուժի մեջ են մտնում 2026 թվականի նոյեմբերի 20-ից։

• 29.10.2025․ մենք թարմացրել ենք մեր Օգտագործման կանոնները՝ դրանք համապատասխանեցնելով OpenAI-ի բոլոր ապրանքների և ծառայությունների համար գործող համընդհանուր կանոններին։

• 29.01.2025․ մենք թարմացրել ենք մեր Համընդհանուր կանոնները՝ պարզաբանելու գործող օրենքներով սահմանված արգելքները։

• 10.01.2024․ մենք թարմացրել ենք մեր Օգտագործման քաղաքականությունը՝ ավելի հասկանալի լինելու և ծառայությանը վերաբերող հատուկ ուղեցույց տրամադրելու համար։

• 15.02.2023․ Մենք միավորել ենք օգտագործման դեպքերի և բովանդակության կանոնները՝ ստեղծելով ընդհանուր օգտագործման կանոններ և տրամադրել ենք ավելի հստակ ուղեցույց այն գործունեության վերաբերյալ, որը արգելում ենք այն ոլորտներում, որոնք համարում ենք բարձր ռիսկային։

• 09.11.2022․ մենք այլևս չենք պահանջում, որ Ձեր հավելվածները գրանցեք OpenAI-ում։ Փոխարենը, մենք կօգտագործենք ավտոմատացված և ձեռքով իրականացվող մեթոդների համակցություն՝ քաղաքականության խախտումները վերահսկելու համար։

• 25.10.2022․ Թարմացվել է հավելվածների վերանայման գործընթացը (ուղարկելուց հետո մշակողները այլևս կարիք չունեն սպասելու հաստատման, եթե նրանք հետևում են մեր քաղաքականության պահանջներին)։ Անցում է կատարվել արդյունքահեն մոտեցման, ինչպես նաև թարմացվել է «Անվտանգության լավագույն փորձը»։

• 07.06.2022․ Վերամշակվել է՝ ըստ դիմումների կատեգորիաների և համապատասխան պահանջների։

• 09.03.2022․ Վերակազմավորվեց որպես «Հավելվածի վերանայում»։

• 19.01.2022։ Պարզեցվել են հեղինակային իրավունքի և հոդվածներ գրելու/խմբագրելու ուղեցույցները։

• 15.11.2021․ Ավելացվել է «Բովանդակության ուղեցույցներ» բաժինը, փոփոխություններ են կատարվել գրեթե միշտ թույլատրվող և չթույլատրվող օգտագործման դեպքերին վերաբերող կետերում, փաստաթուղթը վերանվանվել է «Օգտագործման ուղեցույց»։

• 04.08.2021. Թարմացվել է կոդի գեներացման հետ կապված տեղեկատվությունը։

• 2021-03-12։ Ավելացվել են մանրամասն պահանջներ յուրաքանչյուր դեպքի համար, կատարվել են փոքր փոփոխություններ տեքստերի և հերթականության մեջ։

• 26.02.2021։ Պարզաբանվել է Tweet-ի և Instagram-ի գեներատորների օգտագործման անթույլատրելիությունը։