Samsung-ը իր աշխատակիցներին հասանելի է դարձնում ChatGPT և Codex

• ChatGPT Enterprise-ն և Codex-ը հասանելի են Samsung Electronics-ի բոլոր աշխատակիցներին Կորեայում, ինչպես նաև Device eXperience (DX) ստորաբաժանման բոլոր աշխատակիցներին ամբողջ աշխարհում
• Samsung-ի գլոբալ ներդրումը OpenAI-ի երբևէ խոշորագույն կորպորատիվ գործարկումներից մեկն է
• Samsung Electronics-ը նախատեսում է կիրառել ChatGPT‑ն և Codex-ը իր գործունեության տարբեր ոլորտներում՝ R&D-ից և արտադրությունից մինչև մարքեթինգ, կորպորատիվ գործառույթներ և այլ բիզնես ուղղություններ

Samsung Electronics-ը ChatGPT Enterprise-ն ու Codex-ը ներդնում է աշխարհի տարբեր երկրներում իր աշխատակիցների համար՝ արագացնելով ԱԲ-ի կիրառումը ամբողջ ընկերությունում։ Համաձայնագրի շրջանակում ChatGPT‑ն ու Codex-ը հասանելի կդառնան Samsung Electronics-ի Կորեայի բոլոր աշխատակիցներին, ինչպես նաև ամբողջ աշխարհում նրա Device eXperience (DX) ստորաբաժանման բոլոր աշխատակիցներին։ Սա OpenAI-ի մինչ օրս խոշորագույն կորպորատիվ ներդրումներից մեկն է։

Samsung Electronics-ը նախատեսում է ChatGPT‑ն ու Codex-ը օգտագործել տեխնիկական և ոչ տեխնիկական աշխատանքներում՝ գործառույթների լայն շրջանակում, այդ թվում՝ ծրագրային ապահովման մշակման, մարքեթինգի, արտադրանքի մշակման և արտադրության մեջ, որպեսզի բարձրացնի աշխատակիցների արտադրողականությունն ու խնդիրների լուծման կարողությունները։ Codex-ը սկզբում մշակվել էր որպես ծրագրավորման գործիք, սակայն այժմ այն ավելի լայն կիրառություն է ստանում տարբեր ոլորտներում։

ChatGPT‑ի միջոցով Samsung Electronics-ի աշխատակիցները ավելի արդյունավետ են իրականացնում գիտելիքահենք լայնածավալ աշխատանքներ՝ ներառյալ տեղեկատվության որոնումն ու վերլուծությունը, փաստաթղթերի մշակումը, գաղափարների զարգացումը և տվյալների մեկնաբանումը։ ChatGPT Enterprise-ն ապահովում է կորպորատիվ մակարդակի հնարավորություններ, որոնք կազմակերպություններին թույլ են տալիս անվտանգ և արդյունավետ օգտագործել ԱԲ՝ այդ թվում՝ տվյալների պաշտպանությունը, օգտատերերի և հասանելիության կառավարումը, ինչպես նաև անվտանգության վերահսկիչ մեխանիզմները։ Այս հնարավորությունները Samsung Electronics-ի աշխատակիցներին թույլ են տալիս ընկերության անվտանգության քաղաքականությունների և կառավարման շրջանակի սահմաններում օգտագործել առաջադեմ ԱԲ։

Codex-ը կարող է բարձրացնել ոչ միայն ծրագրավորողների արտադրողականությունը՝ օգնելով կոդի գրրմանը, վերանայմանը և սխալների ուղղմանը, այլ նաև ոչ տեխնիկական թիմերի արդյունավետությունը նրանց ամենօրյա աշխատանքում։ Օրինակ՝ աշխատակիցները կարող են Codex-ի օգնությամբ գաղափարները վերածել աշխատող ծրագրային ապահովման, ներքին գործիքների, կայքերի և ավտոմատացված աշխատանքային հոսքերի։

Այժմ ավելի քան 5 միլիոն մարդ ամեն շաբաթ օգտագործում է Codex-ը տեխնիկական և ոչ տեխնիկական աշխատանքային հոսքերում ու դերերում։ Կորեայում Codex-ի շաբաթական ակտիվ օգտատերերի թիվը 2026 թվականի փետրվարի 1-ից աճել է գրեթե 800%-ով։

«OpenAI-ի համար այս պատմական ներդրումը հատկապես կարևոր է, քանի որ տեխնոլոգիաների և արտադրության համաշխարհային առաջատար Samsung Electronics-ը ԱԲ-ն չի դիտարկում որպես առանձին թիմերի կամ գործառույթների համար նախատեսված գործիք, այլ որպես հիմնական հարթակ՝ գլոբալ մակարդակով աշխատակիցների աշխատանքի և նորարարության բարելավման նպատակով», նշել է OpenAI Korea-ի գլխավոր մենեջեր Հարիսոն Քիմը։

«OpenAI-ը սերտորեն կաշխատի Samsung Electronics-ի հետ՝ օգնելու իր աշխատակիցներին զարգացնել իրենց հմտությունները ChatGPT‑ի և Codex-ի միջոցով, որպեսզի նրանք ավելի արագ անցնեն գաղափարներից դեպի իրականացում, լուծեն բարդ խնդիրներ և ստեղծեն նոր արտադրանքներ ու ծառայություններ»։

OpenAI-ն և Samsung Electronics-ը նախկինում սկսել էին համագործակցել գլոբալ AI ենթակառուցվածքների ոլորտում։ Samsung Electronics-ը համագործակցում է OpenAI-ի հետ՝ հաջորդ սերնդի ԱԲ ենթակառուցվածքների համար անհրաժեշտ առաջադեմ հիշողության կիսահաղորդիչներ մատակարարելու նպատակով։ Samsung Electronics-ի կողմից ChatGPT Enterprise-ի ընդունմամբ երկու ընկերությունների հարաբերությունները ընդլայնվում են՝ դուրս գալով ԱԲ ենթակառուցվածքներից և ընդգրկելով աշխատուժի վերափոխումը և ընկերության ամբողջական ԱԲ ընդունումը։

Կորեայում նաև Սեուլի ազգային համալսարանը վերջերս սկսել է ChatGPT Edu տրամադրել իր համայնքի բոլոր 47,000 անդամներին՝ ներառյալ ուսանողներին, դասախոսներին և աշխատակիցներին,՝որպես համալսարանի ԱԲ-կենտրոն վերափոխման մաս։ OpenAI-ը նաև համագործակցել է Kakao-ի հետ՝ հնարավորություն տալով օգտատերերին ուղղակիորեն KakaoTalk խմբային զրույցներում ստանալ ChatGPT‑ի պատասխաններ՝ բերելով ChatGPT‑ն Կորեայում լայնորեն կիրառվող հաղորդակցման հարթակ։

Կորեայում տարբեր ոլորտների ընկերություններ՝ ներառյալ LG Electronics-ը, LG Uplus-ը, LG CNS-ը, GS E&C-ը, Samsung SDS-ը, TVING-ը, Krafton-ը, Toss-ը, MUSINSA-ն, Korea Zinc-ը, Nexen Tire-ը և HanaTour-ը, նույնպես օգտագործում են ChatGPT Enterprise-ը, OpenAI-ի API-ները և Codex-ը։