Хуурамч ажилд зуучлах схем: Хиймэл оюун ухааны тусламжтай ажилд авах залилан
OpenAI олон нийтэд мэдээлсэн Хойд Солонгостой холбоотой мэдээллийн технологийн ажилтнуудын ажиллагааны шинж бүхий хуурамч ажилд зуучлах схемд ашигласан байж болзошгүй бүртгэлүүдийг хориглолоо.
Энэхүү кейс судалгааг анх OpenAI-ийн 2025 оны хоёрдугаар сарын(шинэ цонхонд нээгдэнэ) тайланд нийтэлсэн.
Этгээд
Хуурамч ажилд зуучлах ажиллагаанд дэмжлэг үзүүлэхэд ашигласан байж болзошгүй хэд хэдэн бүртгэлийг бид хориглосон. Бидний ажигласан үйл ажиллагаа нь Хойд Солонгостой холбоотой байж болзошгүй мэдээллийн технологийн ажилтны схемд Microsoft(шинэ цонхонд нээгдэнэ) болон Google(шинэ цонхонд нээгдэнэ)-ийн хамааруулсан тактик, арга техник, ажиллагааны горимтой (TTP) нийцэж байв.
Бид эдгээр этгээдийн байршил, харьяаллыг тогтоох боломжгүй ч таслан зогсоосон үйл ажиллагаа нь Хойд Солонгосын төр хуурамч ажилд авах схемээр орлого төвлөрүүлдэг талаар олон нийтэд мэдээлсэн(шинэ цонхонд нээгдэнэ) шинжүүдтэй ижил байв. Ийм схемд хүмүүс барууны компаниудад залилангаар ажилд орж, дэглэмийн санхүүгийн сүлжээг дэмждэг.
Үйл ажиллагаа
Янз бүрийн бүртгэл манай загваруудыг ашиглан ажилд авах үйл явцын үе шат бүрийг чиглэсэн мэт контент үүсгэсэн бөгөөд өөр өөр хууран мэхлэх аргууд нь харилцан бие биеэ дэмжихээр төлөвлөгдсөн байв.
Эдгээр этгээд виртуал хувийн сүлжээ (VPN), AnyDesk зэрэг алсаас хандах хэрэгсэл, мөн ихэвчлэн АНУ-д байрлаж буй мэт харагдах интернет протоколд суурилсан дуут холбооны (VOIP) утас ашигласан. Эдгээр этгээд контентоо хэрхэн түгээснийг бүрэн харах боломж бидэнд хязгаарлагдмал байсан ч LinkedIn-д нийтэлсэн контентыг илрүүлсэн.
Үүсгэсэн контент
Эдгээр этгээдийн үүсгэсэн контентын нэг гол хэсэг нь зохиомол “ажил горилогчдод” зориулсан анкет, ажлын байрны цахим танилцуулга, ажилд орох хүсэлт зэрэг хувийн баримт бичиг байв. Шаардлага сайн хангасан нэр дэвшигч мэт харагдах боломжийг нэмэгдүүлэхийн тулд эдгээр анкет, танилцуулгыг тодорхой ажлын зар бүрд ойр ойрхон тохируулдаг байжээ. Хоёр дахь хэсэг нь “дэмжигч” дүрүүдийг бүтээхээс бүрдэж байв. Тэдгээрийг “ажил горилогчдын” тодорхойлолтыг баталгаажуулах, ажлын боломжид санал болгоход ашиглажээ.
Үүний зэрэгцээ зохион байгуулагчид бодит хүмүүсийг схемдээ татан оролцуулахын тулд олон нийтийн сүлжээний нийтлэл бэлтгэсэн. Тухайлбал, зөөврийн компьютерийг гэртээ хүлээн авч байрлуулах эсвэл ажил горилогчдыг суурь шалгалтад тэнцүүлэхийн тулд өөрийн нэр, хувийн мэдээллийг схемд ашиглуулах хүсэлтэй хүмүүсийг хайж байв.
Эцэст нь, “ажил горилогч” дүрүүд ярилцлагын үеэр техникийн болон зан төлөвийн асуултад үнэмшилтэй хариулт үүсгэхдээ манай загваруудыг ашигласан бололтой. Гэхдээ тэд манай ярианаас ярианд буулгах хэрэгслүүдийг ашигласан нь ажиглагдаагүй.
Ажилд орсон мэт болсныхоо дараа тэд код бичих, алдаа оношлох, хамтран ажиллагсадтай мессежээр харилцах зэрэг ажлын даалгаврыг гүйцэтгэхдээ манай загваруудыг ашигласан. Мөн видео дуудлагаас зайлсхийх, зөвшөөрөлгүй улсаас компанийн системд хандах, тогтмол бус цагаар ажиллах зэрэг хэвийн бус үйлдлээ тайлбарлах халхавч түүх зохиохдоо манай загваруудыг ашигласан.
Энэ этгээд АНУ-ын иргэдийг өөрсдийнх нь мэдэлгүйгээр залилангийн ажиллагаандаа татан оролцуулах зорилгоор манай загваруудаар үүсгүүлээд, дараа нь олон нийтийн сүлжээнд нийтэлсэн контентын жишээ.
Нөлөө
Энэхүү өргөн хүрээтэй үйл ажиллагааны зөвхөн багахан хэсгийг бид харах боломжтой байсан тул нөлөөллийг нь үнэлэхэд олон талын оролцогчоос мэдээлэл авах шаардлагатай.
OpenAI-ийн бодлогоор манай хэрэгслийн гаралтыг залилан, луйварт ашиглахыг хатуу хориглодог. Хуурамч ажилд зуучлах схемүүдийг шалгах явцад бид олон арван бүртгэлийг илрүүлж, хориглосон. Бид таслан зогсоосон залилангийн сүлжээнүүдийн талаарх мэдээллээ салбарын түншүүд болон холбогдох байгууллагуудтай хуваалцсан. Ингэснээр ийм аюулыг хамтдаа илрүүлэх, урьдчилан сэргийлэх, хариу арга хэмжээ авах чадавхаа сайжруулж, нийтлэг аюулгүй байдлаа бэхжүүлсэн.