ChatGPT‑ийг хариуцлагатай ашиглах нь
AI бол оюуны хөдөлмөрийг үндсээр нь өөрчилж буй шинэ технологи юм. ChatGPT‑ийн үндэс болсон хэлний том загваруудыг (LLM) нийтэд нээлттэй асар их хэмжээний бичвэр болон бусад өгөгдөл дээр сургаж, хүнийхтэй төстэй хэл яриаг таамаглан үүсгэдэг болгосон. Ингэснээр эдгээр загвар бичвэрийн эх бэлтгэх, хураангуйлах, шинэ санаа гаргах, асуултад хариулах зэрэг ажилд тусалж, хүмүүсийг илүү үр бүтээлтэй, бүтээлчээр ажиллахад дэмжлэг үзүүлдэг.
Энэ технологи тасралтгүй хөгжиж буй тул AI-ийг хариуцлагатай ашиглах нь чухал. Эдгээр загвар заримдаа буруу мэдээлэл өгч болох бөгөөд гаргасан дүгнэлтийг нь нягтлалгүй хэрэглэх нь буруу ашиглалтад хүргэж болзошгүй. Ерөнхий хиймэл оюун ухаан (AGI) бүх хүн төрөлхтөнд үр өгөөжөө өгөх нөхцөлийг бүрдүүлэх нь OpenAI-ийн эрхэм зорилго бөгөөд үүнийг биелүүлэхийн тулд хүн бүр аюулгүй, ухаалгаар ашиглах шаардлагатай. Энэ хуудсан дахь зөвлөмжүүд нь ChatGPT‑ийг анхлан ашиглаж буй хэн бүхэнд аюулгүй, үр дүнтэй ашиглах сайн дадлыг хэвшүүлэхэд тусална.
Байгууллагынхаа болон OpenAI-ийн бодлого, журмыг дагаж мөрдөөрэй. Манай хэрэгслүүдийг хариуцлагатай ашиглах талаар нэмэлт заавар авахын тулд OpenAI-ийн Ашиглалтын бодлогыг уншаарай. ChatGPT‑ийг ажилдаа ашиглахдаа байгууллагынхаа дүрэм журмыг нэн түрүүнд баримтлах тул ашиглаж эхлэхээсээ өмнө AI-ийн талаарх дотоод бодлоготойгоо танилцаарай.
Чухал ажилд хүний оролцоо, хяналтыг хадгалаарай. (шинэ цонхонд нээгдэнэ)ChatGPT алдаатай мэдээлэл өгч болно(шинэ цонхонд нээгдэнэ), мөн мэдээлэл нь хуучирсан байж болно. Учир нь хариултаа сургалтын өгөгдлийн зүй тогтолд тулгуурлан үүсгэдэг бөгөөд уг өгөгдөл нь хамгийн сүүлийн үеийн мэдээллийг агуулаагүй эсвэл алдаатай байж болзошгүй. Чухал баримтыг найдвартай эх сурвалжаар үргэлж давхар нягталж, алдаа илэрвэл эрхий хуруугаа доош харуулсан товчоор тэмдэглээрэй.
Өрөөсгөл хандлага болон ямар өнцгөөс хандсаныг анхаараарай. (шинэ цонхонд нээгдэнэ)Загварууд өрөөсгөл хандлага агуулж болзошгүй(шинэ цонхонд нээгдэнэ) тул хариултыг үргэлж анхааралтай хянаж, шаардлагатай үед дүгнэлтийн үндэслэлийг нягтлан үнэлээрэй. Бид өрөөсгөл хандлагыг бууруулах чиглэлээр тасралтгүй судалгаа хийж байгаа бөгөөд сайжруулах талаар санал хүсэлт хүлээн авахдаа таатай байх болно.
Хууль, эрүүл мэнд, санхүүгийн зөвлөгөөг мэргэжлийн хүнээр хянуулаарай. ChatGPT нь тусгай зөвшөөрөлтэй мэргэжилтэн биш, харин өгөгдлийн зүй тогтолд тулгуурлан хариулт өгдөг харилцан ярианы AI бөгөөд мэргэшсэн хүний зөвлөгөөг орлохгүй. Тиймээс ChatGPT‑ийн зөвлөгөө таны нөхцөл байдалд үргэлж тохирохгүй байж болно. Эрүүл мэнд, хууль, санхүү зэрэг асуудлаар чухал шийдвэр гаргахдаа аливаа алхам хийхээсээ өмнө мэргэшсэн хүнээс заавал лавлах эсвэл байгууллагынхаа бодлого, журмыг баримтлаарай.
ChatGPT ашигласнаа ил тод мэдэгдээрэй. Хэрэв ажил олгогч эсвэл сургууль тань ажилдаа AI ашигласнаа мэдэгдэхийг шаарддаг бол ChatGPT хэрхэн тусалсныг бусдад харуулахын тулд харилцан ярианы холбоос(шинэ цонхонд нээгдэнэ) эсвэл түүхийг хадгалаарай.
Бусдын дуу хоолой, өгөгдлийг хуваалцахын өмнө зөвшөөрөл аваарай. (шинэ цонхонд нээгдэнэ)Бичлэгийн горим(шинэ цонхонд нээгдэнэ) (ажлын талбарын администратор тань идэвхжүүлсэн бол) болон түүнтэй төстэй боломжууд хувийн мэдээллийг бичиж авч болзошгүй. Эдгээр боломжийг ашиглахдаа бичлэг хийх зөвшөөрлийг бүх оролцогчоос авсан эсэхээ нягталж, байгууллагынхаа бодлого, журмыг дагаж мөрдөөрэй.
Санал хүсэлт өгч, бодлогын зөрчлийг мэдээлээрэй. Аюултай эсвэл буруу хариултыг эрхий хуруугаа доош харуулсан товч эсвэл мэдээлэх үйлдлээр мэдэгдээрэй. Таны санал хүсэлт хүн бүрийн аюулгүй байдлыг сайжруулахад тусалдаг(шинэ цонхонд нээгдэнэ).
Хамгийн сүүлийн үеийн мэдээлэлтэй хариулт авахын тулд хайлт эсвэл гүн судалгаа ашиглаарай. Шинэ мэдээлэл чухал үед хайлт(шинэ цонхонд нээгдэнэ) эсвэл гүн судалгааг(шинэ цонхонд нээгдэнэ) идэвхжүүлбэл ChatGPT сүүлийн үеийн эх сурвалжаас мэдээлэл авч чадна. Хариултад найдахаасаа өмнө эшлэлийг шалгаж, холбоосуудыг нээж, мэдээллийг нягтлаарай.


