ഓരോ റോളിനും ടൂളിനും വർക്ക്‌ഫ്ലോയ്ക്കുമുള്ള Codex

50 ലക്ഷത്തിലേറെ ആളുകൾ ഇപ്പോൾ എല്ലാ ആഴ്ചയും Codex ഉപയോഗിക്കുന്നു. തുടക്കം സോഫ്റ്റ്‌വെയർ രംഗത്തായിരുന്നെങ്കിലും, Codex ഇപ്പോൾ മറ്റെല്ലാ ജോലികൾക്കും ഉപയോഗിക്കാം. അനലിസ്റ്റുകൾ, മാർക്കറ്റിംഗ് പ്രൊഫഷണലുകൾ, ഓപ്പറേറ്റർമാർ, ഡിസൈനർമാർ, ഗവേഷകർ, നിക്ഷേപകർ, ബാങ്കുകൾ എന്നിവയുൾപ്പെടുന്ന ഡെവലപ്പർമാരല്ലാത്തവർ—ആകെ Codex ഉപയോക്താക്കളുടെ 20% വരും⁠, കൂടാതെ ഇവരുടെ വളർച്ചാ നിരക്ക് ഡെവലപ്പർമാരെക്കാൾ മൂന്നിരട്ടി വേഗത്തിലാണ്.

Codex ഉപയോഗിച്ച് കൂടുതൽ കാര്യങ്ങൾ ചെയ്യാം: നിങ്ങളുടെ ജോലികൾക്ക് Codex-ന് അനുയോജ്യമായ plugin-കൾ, ഫലങ്ങൾ മെച്ചപ്പെടുത്താനുള്ള അനോട്ടേഷനുകൾ, URL വഴി വർക്ക്‌സ്‌പേസിലുള്ളവരുമായി പങ്കിടാവുന്ന ആപ്പുകളും വെബ്സൈറ്റുകളും നിർമ്മിക്കാനുള്ള പ്രിവ്യൂ എന്നിവ ഇന്ന് ഞങ്ങൾ അവതരിപ്പിക്കുന്നു.

OpenAI-യിൽ സാങ്കേതിക വിദഗ്ധരല്ലാത്ത ആളുകൾപ്പോലും ഇൻ്റേണൽ ആപ്പുകൾ നിർമ്മിക്കാനും എക്സിക്യൂട്ടീവ് റിപ്പോർട്ടുകൾ തയ്യാറാക്കാനും ഡാഷ്ബോർഡുകൾ ഉണ്ടാക്കാനും ഇപ്പോൾ Codex ഉപയോഗിക്കുന്നുണ്ട്. ബ്രാൻഡ് നിയമങ്ങൾ പാലിച്ചുകൊണ്ട് സർഗ്ഗാത്മക ആശയങ്ങളെ മികച്ച സൃഷ്ടികളാക്കി മാറ്റാനും ഇത് അവരെ സഹായിക്കുന്നു. Zapier-ൽ ആകട്ടെ, Slack, Google Docs, Coda തുടങ്ങിയ ടൂളുകളിൽ നിന്നുള്ള വിവരങ്ങൾ ശേഖരിക്കാനും അവ ഉപയോഗിച്ച് റിപ്പോർട്ടുകളും ടിക്കറ്റുകളും തയ്യാറാക്കാനുമാണ് Codex ഉപയോഗിക്കുന്നത്. കൂടാതെ, NVIDIA-യിലെ ഗവേഷകർ തങ്ങളുടെ പഠനപ്രവർത്തനങ്ങൾ വേഗത്തിലക്കാനും മെഷീൻ ലേണിംഗ് സക്രിപ്റ്റുകൾ തയ്യാറാകനും Codex പ്രയോജനപ്പെടുത്തുന്നു.

നിങ്ങൾ ഉപയോഗിക്കുന്ന ടൂളുകളുമായി ചേർന്നു പ്രവർത്തിക്കാനും ആവശ്യമായ കാര്യങ്ങൾ വേഗത്തിൽ തയ്യാറാക്കാനും സാധിക്കുമ്പോഴാണ് Codex നിങ്ങളുടെ ടീമിന് ഏറ്റവും കൂടുതൽ ഉപകാരപ്പെടുന്നത്.

നിങ്ങളുടെ ടീമിൻ്റെ ജോലികൾക്കും ടൂളുകൾക്കും ഒപ്പം ചേർന്നു പ്രവർത്തിക്കാൻ Codex-നെ plugin-കൾ സഹായിക്കുന്നു. കോഡിംഗ് പഠിക്കാതെ തന്നെ പലതരം ജോലികൾ ചെയ്യാൻ സഹായിക്കുന്ന ആറ് പുതിയ plugin-കൾ ഇന്ന് മുതൽ ലഭ്യമാണ്:

• ഓരോ റോളിനും പ്രത്യേകമായ പ്ലഗിൻ പ്രസക്തമായ ആപ്പുകൾ, സ്കില്ലുകൾ, നിർദ്ദേശങ്ങൾ, വർക്ക്ഫ്ലോകൾ എന്നിവ ഒരുമിച്ച് നൽകുന്നു. മൊത്തം 62 പ്രമുഖ ആപ്പുകളും 110 സ്കില്ലുകളും ഇതിലുണ്ട്.

• ഡാറ്റ അനലിറ്റിക്സ് പ്ലഗിൻ⁠(പുതിയ വിൻഡോയിൽ തുറക്കുന്നു) അനലിസ്റ്റുകളെയും ബിസിനസ് ടീമുകളെയും ഡാറ്റ ഉപയോഗിച്ച് ചോദ്യങ്ങൾക്ക് ഉത്തരം കണ്ടെത്താൻ സഹായിക്കുന്നു. പ്രൊഡക്റ്റ്-ബിസിനസ്സ് വിവരങ്ങൾ വിശകലനം ചെയ്യാനും, ബിസിനസ്സിലെ മാറ്റങ്ങൾ മനസ്സിലാക്കാനും റിപ്പോർട്ടുകൾ തയ്യാറാക്കാനും ഇത് സഹായിക്കും. Snowflake, Databricks Genie, Hex, Tableau പോലുള്ള പ്രമുഖ ടൂളുകൾ ഇതിൽ ലഭ്യമാണ്. കൂടുതൽ ടൂളുകൾ ഉടൻ തന്നെ ലഭ്യമാകും.

• ക്രിയേറ്റീവ് പ്രൊഡക്ഷൻ പ്ലഗിൻ⁠(പുതിയ വിൻഡോയിൽ തുറക്കുന്നു) മാർക്കറ്റിംഗ്, ക്രിയേറ്റീവ് ടീമുകൾക്ക് ലഭിക്കുന്ന നിർദ്ദേശങ്ങളെ അവർക്ക് പരിശോധിക്കാവുന്ന അസറ്റുകളാക്കി മാറ്റാൻ സഹായിക്കുന്നു. Figma, Canva, Shutterstock, Picsart, Fal പോലുള്ള ടൂളുകൾ ഉപയോഗിച്ച് ടീമുകൾക്ക് ക്യാമ്പെയ്ൻ ബോർഡുകൾ സൃഷ്ടിക്കാനും ഡിസ്പ്ലേ പരസ്യ വേരിയേഷനുകൾ ഉണ്ടാക്കി മെച്ചപ്പെടുത്താനും ഉൽപ്പന്ന ലൈഫ്‌സ്റ്റൈൽ ഷോട്ടുകളോ ഇ-കൊമേഴ്‌സിന് തയ്യാറായ ഇമേജ് സെറ്റുകളോ നിർമ്മിക്കാനും കഴിയും.

• വിൽപ്പന പ്ലഗിൻ⁠(പുതിയ വിൻഡോയിൽ തുറക്കുന്നു) ഡീലുകൾ മുന്നോട്ട് കൊണ്ടുപോകുന്ന ജോലിയിൽ ഉപഭോക്തൃ സന്ദർഭം കൊണ്ടുവരാൻ വിൽപ്പന ടീമുകളെ സഹായിക്കുന്നു. സെയിൽസ് ടീമുകൾക്ക് പ്രധാനപ്പെട്ട ഉപഭോക്താക്കളെ കണ്ടെത്താനും മീറ്റിംഗുകൾക്ക് തയ്യാറെടുക്കാനും ഈ പ്ലഗിൻ സഹായിക്കും. Salesforce, HubSpot, Slack, Outreach, Clay, Rox, Actively പോലുള്ള ടൂളുകൾ ഉപയോഗിച്ച് ഉപഭോക്തൃ വിവരങ്ങൾ പുതുക്കാനും ഫോളോ-അപ്പുകൾ ചെയ്യാനും ബിസിനസ്സ് ഡീലുകൾ കൃത്യമായി വിലയിരുത്താനും ഇതിലൂടെ സാധിക്കുന്നു.

• ഉൽപ്പന്ന രൂപകൽപ്പന പ്ലഗിൻ⁠(പുതിയ വിൻഡോയിൽ തുറക്കുന്നു) പ്രാരംഭ ആശയങ്ങളെ ടീമുകൾക്ക് അവലോകനം ചെയ്യാവുന്ന പ്രോട്ടോടൈപ്പുകളാക്കി മാറ്റുന്നതിനായാണ് നിർമ്മിച്ചിരിക്കുന്നത്. പ്രൊഡക്റ്റ് ഡിസൈനുകൾ പരിശോധിക്കാനും ഒരു ലൈവ് URL-ൽ നിന്ന് പ്രോട്ടോടൈപ്പ് ഉണ്ടാക്കാനും സാധാരണ സ്ക്രീൻഷോട്ടുകളെ ഇൻ്ററാക്ടീവ് ആക്കാനും ടീമുകൾക്ക് ഇതിലൂടെ കഴിയും. ഈ ജോലികളെല്ലാം Figma, Canva പോലുള്ള ടൂളുകളിലേക്ക് മാറ്റി എളുപ്പത്തിൽ തുടരാവുന്നതുമാണ്.

• പബ്ലിക് ഇക്വിറ്റി നിക്ഷേപ പ്ലഗിൻ⁠(പുതിയ വിൻഡോയിൽ തുറക്കുന്നു) വിപണിയെയും കമ്പനിയെയും സംബന്ധിച്ച വിവരങ്ങൾ മനസ്സിലാക്കാൻ നിക്ഷേപകരെ സഹായിക്കുന്നു. കമ്പനികളുടെ വരുമാന കണക്കുകൾ പരിശോധിക്കാനും അവ തമ്മിൽ താരതമ്യം ചെയ്യാനും ഇതിലൂടെ കഴിയും; Moody’s, Daloopa, Datasite, FactSet, LSEG, S&P, PitchBook, Hebbia തുടങ്ങിയ വിവിധ സ്രോതസ്സുകളിൽ നിന്നുള്ള വിവരങ്ങൾ ഉപയോഗിച്ച് തങ്ങളുടെ നിക്ഷേപ തീരുമാനങ്ങൾ ശരിയാണോ എന്ന് കൃത്യമായി മനസ്സിലാക്കാൻ ഇത് സഹായിക്കും.

• ഇൻവെസ്റ്റ്മെന്റ് ബാങ്കിംഗ് പ്ലഗിൻ⁠(പുതിയ വിൻഡോയിൽ തുറക്കുന്നു) ഗവേഷണവും വിശദപരിശോധനയും ക്ലയന്റുകൾക്ക് നൽകാൻ സജ്ജമായ സാമഗ്രികളാക്കി മാറ്റാൻ ബാങ്കർമാരെ സഹായിക്കുന്നു. വിശ്വസനീയമായ ഡാറ്റ ഉപയോഗിച്ച് ബിസിനസ്സ് പ്രസൻ്റേഷനുകൾ തയ്യാറാക്കാനും സമാനമായ മറ്റ് കമ്പനികളുടെ ഇടപാടുകൾ വിലയിരുത്താനും പഠനറിപ്പോർട്ടുകളുടെ അടിസ്ഥാനത്തിൽ മികച്ച നിർദ്ദേശങ്ങൾ നൽകാനും അവർക്ക് ഇതിലൂടെ കഴിയും.

Plugin-കൾ പ്രത്യേക ക്രമീകരണങ്ങളൊന്നുമില്ലാതെ തന്നെ പ്രവർത്തിക്കുന്നു. ഓരോ ടീമിനും അവരുടെ ആവശ്യാനുസരണം ഈ plugin-കളിൽ മാറ്റങ്ങൾ വരുത്താം. കൂടാതെ, തങ്ങളുടെ ബിസിനസ്സ് രീതികൾക്കായി പുതിയ plugin-കൾ സ്വന്തമായി നിർമ്മിക്കാനും അവ മറ്റുള്ളവരുമായി പങ്കുവെക്കാനും ഇതിലൂടെ സാധിക്കും.

കോർപ്പറേറ്റ് ഫിനാൻസ്, പ്രൈവറ്റ് ഇക്വിറ്റി ഇൻവെസ്റ്റിംഗ്, മാർക്കറ്റിംഗ് സ്ട്രാറ്റജി, സ്ട്രാറ്റജി കൺസൾട്ടിംഗ്, ലീഗൽ തുടങ്ങി ഓരോ മേഖലയ്ക്കും അനുയോജ്യമായ കൂടുതൽ plugin-കൾ ഉടൻ തന്നെ ലഭ്യമാകും. ഇത് തുടക്കം മാത്രമാണ്: ആർക്കും സ്വന്തമായി plugin-കൾ നിർമ്മിച്ച് Codex-ലും ChatGPT‑ലും ഉപയോഗിക്കാൻ സാധിക്കുന്ന ഒരു ഓപ്പൺ പ്ലാറ്റ്‌ഫോം ഞങ്ങൾ ഒരുക്കുകയാണ്.

ബിസിനസ്സ് ഉപഭോക്താക്കൾക്കായി പ്രിവ്യൂ ഘട്ടത്തിൽ അവതരിപ്പിക്കുന്ന ഈ ഫീച്ചറിലൂടെ, Codex-ന് ഇനി വെബ്സൈറ്റുകളുടെ ആപ്പുകളും സ്വന്തമായി നിർമ്മിച്ച് മറ്റുള്ളവരുമായി പങ്കുവെക്കാൻ കഴിയും.

നിങ്ങളുടെ ആശയങ്ങൾ ആവിഷ്കരിക്കാനുള്ള പുതിയ മാധ്യമമാണ് സൈറ്റുകൾ. നിങ്ങളുടെ ആശയങ്ങൾ, വിശകലനങ്ങൾ, പദ്ധതികൾ എന്നിവ എടുത്ത് അവയെ ഡാഷ്ബോർഡുകൾ, പ്ലാനറുകൾ, റിവ്യൂ വർക്ക്‌സ്‌പേസ്, പ്രോജക്റ്റ് ബോർഡുകൾ, ഗാലറികൾ, ലഘുവായ ടൂളുകൾ എന്നിവയാക്കി മാറ്റാൻ Codex-ന് സാധിക്കും. ഇന്ന്, നിങ്ങളുടെ വർക്ക്‌സ്‌പേസിലുള്ള ആരുമായും URL വഴി സൈറ്റുകൾ പങ്കിടാൻ കഴിയും. ഇത് ടീമുകൾക്ക് ജോലികൾ പരിശോധിക്കാനും, അഭിപ്രായങ്ങൾ നൽകാനും, പുരോഗതി ട്രാക്ക് ചെയ്യാനും, ഒരുമിച്ച് തീരുമാനങ്ങൾ എടുക്കാനും ഒരു പൊതുവായ ഇടം നൽകുന്നു.

വരാനിരിക്കുന്ന ഒരു ഉപഭോക്തൃ അവലോകനത്തിനായി Codex-നോട് ഒരു സൈറ്റ് സൃഷ്ടിക്കാൻ ആവശ്യപ്പെടുക. ആ അക്കൗണ്ടിനായുള്ള പ്രസക്തമായ ഉൽപ്പന്ന അപ്‌ഡേറ്റുകൾ, പരിഹരിക്കാത്ത ചോദ്യങ്ങൾ, ഉപയോഗ പ്രവണതകൾ, അടുത്ത ഘട്ടങ്ങൾ എന്നിവ ഉൾപ്പെടുത്തിയ ഒരു ഇൻ്ററാക്ടീവ് വെബ്‌പേജ് അത് സൃഷ്ടിക്കും. ധനകാര്യ വിവരങ്ങൾ വെച്ച് ഒരു സിനാരിയോ പ്ലാനർ ഉണ്ടാക്കാൻ മോഡലിനോട് പറയാം. ഡോക്യുമെൻ്റിലെ പല പേജുകൾ നോക്കി സമയം കളയാതെ തന്നെ, ബിസിനസ്സിലെ പലവിധ കണക്കുകൂട്ടലുകൾ എളുപ്പത്തിൽ ഒത്തുനോക്കാൻ ഇത് കമ്പനി മേധാവികളെ സഹായിക്കും. ലോഞ്ച് വിവരങ്ങൾ ഉൾപ്പെടുത്തി എപ്പോഴും അപ്ഡേറ്റ് ആകുന്ന ഒരു വെബ്പേജ് ഉണ്ടാക്കാൻ അതിനോട് പറയാം. പുതിയ അറിയിപ്പുകളും ലക്ഷ്യങ്ങളും ആർക്കൊക്കെയാണ് ചുമതലയെന്ന വിവരാവുമെല്ലാം ടീമിന് ഒരേ സ്ഥലത്തുനിന്ന് തന്നെ എളുപ്പത്തിൽ മനസ്സിലാക്കാൻ ഇത് സഹായിക്കും. ശേഷം, വിശദാംശങ്ങൾ മാറുന്നതിനനുസരിച്ച് സൈറ്റ് പുതുക്കി നിലനിർത്താൻ Codex-നോട് ആവശ്യപ്പെടുക.

ഒരു ടൂളിൻ്റെയോ ഫയലിൻ്റെയോ പരിധിക്കുള്ളിൽ നിന്ന് ജോലി ചെയ്യുന്നതിന് പകരം, ആവശ്യാനുസരണം മാറ്റങ്ങൾ വരുത്താവുന്ന സൈറ്റുകൾ നിർമ്മിച്ച് കാര്യങ്ങൾ എളുപ്പമാക്കാൻ ടീമുകൾക്ക് കഴിയും. മാത്രമല്ല, സൈറ്റുകൾ സ്ഥിരമായവയല്ല. ഒരു പ്രധാന പ്രോജക്റ്റിൻ്റെ പുരോഗതി നിരീക്ഷിക്കാനും, ഉപഭോക്തൃ സേവന പ്രതിനിധികൾക്ക് മാർഗനിർദേശം നൽകാനും, അല്ലെങ്കിൽ നിങ്ങളുടെ ടീമിൻ്റെ സർഗ്ഗാത്മക ബ്രീഫുകൾ സുരക്ഷിതമായി സൂക്ഷിക്കുന്ന ഒരു റിപ്പോസിറ്ററിയായി പ്രവർത്തിക്കാനും ഇവയ്ക്ക് കഴിയും.

സൈറ്റുകൾക്കായുള്ള പങ്കാളിത്ത ശൃംഖല ഒരുക്കുന്നതിൻ്റെ ഭാഗമായി Vercel, Wix, Base44, Replit, Lovable, Figma, Webflow, Emergent തുടങ്ങിയ ആദ്യകാല പങ്കാളികളുമായി ചേർന്ന് ഞങ്ങളും പ്രവർത്തിക്കുന്നുണ്ട്.

Codex സൃഷ്ടിക്കുന്ന കോഡ്, Markdown ഫയലുകൾ, വെബ്‌സൈറ്റുകൾ എന്നിവ പരിഷ്കരിക്കാൻ ഡെവലപ്പർമാർ ഇതിനകം തന്നെ Codex-ൽ അനോട്ടേഷനുകൾ ഉപയോഗിക്കുന്നു. അനോട്ടേഷനുകൾ ഉപയോഗിച്ച്, നിങ്ങൾ പരിഷ്കരിക്കാൻ ആഗ്രഹിക്കുന്ന കൃത്യമായ ഭാഗം ചൂണ്ടിക്കാണിക്കുകയും എന്താണ് മാറ്റേണ്ടതെന്ന് Codex-നോട് പറയുകയും ചെയ്യുന്നു. ഇനി മുതൽ നിങ്ങൾ ഉണ്ടാക്കുന്ന ഡോക്യുമെൻ്റുകളിലും സ്‌പ്രെഡ്‌ഷീറ്റുകളിലും സ്ലൈഡുകളിലും ഇതേ രീതിയിൽ തന്നെ കൃത്യമായ മാറ്റങ്ങൾ വരുത്താൻ സാധിക്കും.

ഒരു സൈറ്റിലെ നാവിഗേഷൻ ബാർ തിരഞ്ഞെടുക്കുക, തുടർന്ന് ഫോണ്ട് അപ്ഡേറ്റ് ചെയ്യാൻ Codex-നോട് ആവശ്യപ്പെടുക. നിക്ഷേപ രേഖയിലെ ഒരു പ്രധാന വാചകം മാർക്ക് ചെയ്ത്, ആ വിവരം എവിടെ നിന്ന് കിട്ടിയതാണെന്ന് Codex-നോട് ചോദിച്ച് മനസ്സിലാക്കാം. സ്ലൈഡിലുള്ള ചാർട്ട് സെലക്ട് ചെയ്ത്, അതിലെ വിവരങ്ങൾ എളുപ്പത്തിൽ മനസ്സിലാകുന്ന രീതിയിലേക്ക് മാറ്റാൻ പറയാം. നിങ്ങൾ സെലക്ട് ചെയ്ത ഭാഗത്ത് മാത്രമേ Codex മാറ്റങ്ങൾ വരുത്തൂ, അതുകൊണ്ട്, നിലവിൽ നന്നായി വന്നിട്ടുള്ള ഭാഗങ്ങൾ മാറ്റാതെ തന്നെ നിങ്ങൾക്ക് ആവശ്യമുള്ള കാര്യങ്ങൾ മാത്രം എളുപ്പത്തിൽ തിരുത്താം. ആദ്യ ഡ്രാഫ്റ്റിന് ശേഷം, ജോലിക്ക് വിലയിരുത്തലും ഫീഡ്ബാക്കും ആവർത്തിച്ചുള്ള മെച്ചപ്പെടുത്തലുകളും ആവശ്യമായിരിക്കുമ്പോൾ, അനോട്ടേഷനുകൾ Codex-നെ കൂടുതൽ ഉപകാരപ്രദമാക്കുന്നു.

പിന്തുണയുള്ള പ്രദേശങ്ങളിൽ നിർദ്ദിഷ്ട ചുമതലകൾക്കായുള്ള പ്ലഗിനുകൾ Codex-ൽ ലഭ്യമാക്കിത്തുടങ്ങിയിരിക്കുന്നു, Codex പ്ലഗിൻ ഡയറക്ടറിയിൽ⁠(പുതിയ വിൻഡോയിൽ തുറക്കുന്നു) നിന്ന് നിങ്ങൾക്കിത് ഇൻസ്റ്റാൾ ചെയ്യാം, ഒപ്പം ഇവ സജ്ജീകരിക്കാൻ Codex നിങ്ങളെ സഹായിക്കുകയും ചെയ്യും. ഒരു പ്ലഗിൻ ഇഷ്ടാനുസൃതമാക്കാനും Codex സഹായിക്കും. Business, Enterprise വർക്ക്‌സ്‌പേസുകൾക്കായി, അഡ്മിൻമാർക്ക് വർക്ക്‌സ്‌പേസ് ക്രമീകരണങ്ങളിൽ നിന്ന് ആപ്പ് അനുമതികൾ നിയന്ത്രിക്കാനാകും.

Codex ആപ്പ് വഴി Business, Enterprise ടീമുകൾക്കായി Sites പ്രിവ്യൂ രൂപത്തിൽ ലഭ്യമായി തുടങ്ങിയിട്ടുണ്ട്. അഡ്മിൻ ക്രമീകരണങ്ങളിൽ Enterprise അഡ്മിൻമാർക്ക് സൈറ്റുകൾ പ്രവർത്തനക്ഷമമാക്കാം⁠(പുതിയ വിൻഡോയിൽ തുറക്കുന്നു).

മറ്റുള്ളവർ Codex എങ്ങനെ പ്രയോജനപ്പെടുത്തുന്നു എന്ന് മനസ്സിലാക്കാം, കൂടുതൽ വിവരങ്ങൾക്കും സഹായത്തിനുമായി ഞങ്ങളുടെ ടീമിനെ ബന്ധപ്പെടാവുന്നതാണ്.