നിങ്ങളുടെ ഏറ്റവും വലിയ ലക്ഷ്യങ്ങൾ കൈവരിക്കാനുള്ള ജോലികളിൽ ഇനി ChatGPT‑യും ഒരു പങ്കാളിയാണ്

നിങ്ങളുടെ വലിയ ലക്ഷ്യങ്ങൾ കൂടുതൽ എളുപ്പത്തിൽ പൂർത്തിയാക്കാൻ സഹായിക്കുന്ന ChatGPT‑യിലെ പുത്തൻ ഏജൻ്റായ ChatGPT Work ഞങ്ങൾ അവതരിപ്പിക്കുന്നു. ഷീറ്റുകൾ, സ്ലൈഡുകൾ, ഡോക്യുമെൻ്റുകൾ, വെബ് ആപ്പുകൾ എന്നിവയൊക്കെ നിർമ്മിക്കുന്നതിനായി നിങ്ങളുടെ വിവിധ ആപ്പുകളിൽ നിന്നും വർക്ക്ഫ്ലോകളിൽ നിന്നും വിവരങ്ങൾ ശേഖരിക്കാൻ ഇതിന് സാധിക്കും; ഒപ്പം സങ്കീർണ്ണമായ പ്രോജക്റ്റുകളെ ചെറിയ ഘട്ടങ്ങളായി തിരിച്ച് സ്വതന്ത്രമായി പൂർത്തിയാക്കിക്കൊണ്ട് മണിക്കൂറുകളോളം അതിനായി തുടർച്ചയായി പ്രവർത്തിക്കാനും ഇതിന് കഴിയും.

Codex സാങ്കേതികവിദ്യ കൂടി ഉൾപ്പെടുത്തിയതോടെ, വെറും ചോദ്യങ്ങൾക്ക് ഉത്തരം നൽകുന്നതിനപ്പുറം വെബ്, ഡെസ്ക്ടോപ്പ് എന്നിവയിലുടനീളം ശരിക്കും ജോലികൾ ചെയ്തു തീർക്കാൻ ഇനി ChatGPT‑യ്ക്ക് സാധിക്കും. നിലവിൽ ഓരോ ആഴ്ചയും 50 ലക്ഷത്തിലധികം ആളുകൾ Codex ഉപയോഗിക്കുന്നുണ്ട്. ഡെവലപ്പർമാർക്കായുള്ള ഒരു കോഡിംഗ് ഏജൻ്റായാണ് ഇത് ആരംഭിച്ചതെങ്കിലും സോഫ്റ്റ്‌വെയർ വികസനത്തിന് പുറമെയുള്ള മറ്റ് ജോലികൾക്കായി ഇന്ന് 10 ലക്ഷത്തിലധികം ആളുകൾ ഇത് ഉപയോഗിക്കുന്നു. ഇതിൻ്റെ പ്രവർത്തനക്ഷമതയ്ക്ക് കൂടുതൽ വൈവിധ്യമാർന്ന ജോലികളെ പിന്തുണയ്ക്കാൻ സാധിക്കുമെന്നാണ് ഇത് വ്യക്തമാക്കുന്നത്.

ഈ ടാസ്‌കുകൾ കൂടുതൽ മികച്ച രീതിയിൽ കൈകാര്യം ചെയ്യാൻ, ChatGPT Work-ന് ഞങ്ങളുടെ ഏറ്റവും പുതിയ അത്യാധുനിക മോഡൽ ആയ GPT‑5.6 ആണ് കരുത്തേകുന്നത്, ഇതും ഇന്ന് മുതൽ ലഭ്യമാക്കുന്നു⁠. GPT‑5.6 ChatGPT‑യെ മൾട്ടി-സ്റ്റെപ്പ് ടാസ്കുകൾ റീസണിംഗ് വഴി പരിഹരിക്കുന്നതിലും നിങ്ങളുടെ ടെംപ്ലേറ്റുകളും റഫറൻസ് ഫയലുകളും കൃത്യമായി പിന്തുടർന്ന് മെറ്റീരിയലുകൾ സൃഷ്ടിക്കുന്നതിലും ഏറ്റവും പുതിയതാക്കി മാറ്റുന്നു.

ChatGPT Work ഉപയോഗിക്കാൻ പഠിക്കാൻ ഏറ്റവും നല്ല മാർഗം, നിങ്ങൾക്ക് ഇതിനകം നന്നായി അറിയാവുന്ന ഒരു ടാസ്ക് അതിന് നൽകുന്നതാണ്: മാസാവസാന ബജറ്റ് വ്യത്യാസം വിശകലനം ചെയ്യുകയോ നൽകിയിട്ടുള്ള വിവരങ്ങൾ ഉപയോഗിച്ച് ഒരു മാർക്കറ്റിംഗ് കാമ്പെയ്ൻ ബ്രീഫ് തയ്യാറാക്കുകയോ അല്ലെങ്കിൽ ഒരു സെയിൽസ് മീറ്റിംഗിനായുള്ള ഒരുക്കങ്ങൾ നടത്തുകയോ ചെയ്യാം. ഇത് ചെയ്യുന്നതിനിടയിൽ ആപ്പിൻ്റെ പുരോഗതി നിരീക്ഷിക്കാനും ചോദിക്കുന്ന ചോദ്യങ്ങൾക്ക് മറുപടി നൽകാനും ആവശ്യമെങ്കിൽ ജോലിയുടെ രീതി മാറ്റിയെടുക്കാനും പ്രധാനപ്പെട്ട നടപടികൾക്ക് അനുമതി നൽകാനും നിങ്ങൾക്ക് സാധിക്കും.

ഒറ്റ അഭ്യർത്ഥനയിലൂടെ മുഴുവൻ വർക്ക്ഫ്ലോകളും ഏറ്റെടുക്കാൻ ChatGPT Work- നോട് നിങ്ങൾക്ക് ആവശ്യപ്പെടാനും കഴിയും. ഉദാഹരണത്തിന്, കസ്റ്റമർ റിസർച്ച് ക്യാമ്പെയ്ൻ ബ്രീഫാക്കി മാറ്റാനും, ആ ബ്രീഫ് ഉപയോഗിച്ച് മാർക്കറ്റിംഗ് ആസ്തികൾ സൃഷ്ടിക്കാനും, ഓരോ ഘട്ടത്തിലും കോൺടെക്സ്റ്റ് നിലനിർത്തിക്കൊണ്ട് ആ ആസ്തികളെ വ്യത്യസ്ത മാർക്കറ്റുകൾക്കായി രൂപാന്തരപ്പെടുത്താനും ഇതിന് കഴിയും.

നിങ്ങൾ കമ്പ്യൂട്ടറിൽ നിന്നോ ഫോണിൽ നിന്നോ അകലെയായിരിക്കുമ്പോഴും, ഷെഡ്യൂൾഡ് ടാസ്ക്കുകൾ ഉപയോഗിച്ച് ChatGPT Work പ്രോജക്റ്റുകൾ മുന്നോട്ട് കൊണ്ടുപോകാനാകും. ഉദാഹരണത്തിന്, Microsoft Teams, Slack എന്നിവയിൽ നിന്നുള്ള പുതിയ സന്ദേശങ്ങൾ പരിശോധിച്ച്, നിങ്ങളുടെ സഹായമില്ലാതെ തന്നെ സ്വയം ഡോക്യുമെൻ്റുകളോ സ്ലൈഡുകളോ അപ്ഡേറ്റ് ചെയ്യാനും അതിലെ പ്രധാനപ്പെട്ട മാറ്റങ്ങൾ നിങ്ങളുടെ ടീമുമായി പങ്കുവെക്കാനും ഇതിന് കഴിയും.

ആദ്യഘട്ട പരിശോധനകളിൽ ഉപയോക്താക്കൾക്ക് ചെയ്യാൻ കഴിയുന്ന കാര്യങ്ങളുടെ വ്യാപ്തി ChatGPT Work എത്രത്തോളം വർദ്ധിപ്പിക്കുന്നുവെന്ന് ഞങ്ങൾ കണ്ടറിഞ്ഞു:

ഫിനാൻസ്, സെയിൽസ് എന്നിവയുൾപ്പെടെ OpenAI-യ്ക്ക് ഉള്ളിലെ ഏതാണ്ട് 100% ടീമുകളും ഇപ്പോൾ ജോലികൾ വേഗത്തിലാക്കാനും കൂടുതൽ സങ്കീർണ്ണമായ കാര്യങ്ങൾ ഏറ്റെടുത്തു നടത്താനും ഉപയോക്താക്കൾക്കായി കൂടുതൽ സമയം മാറ്റിവെക്കാനും ChatGPT Work-യും Codex-ഉം ഉപയോഗിക്കുന്നുണ്ട്.

• സെയിൽസിൽ, സാധാരണയായി ആഴ്ചകൾ എടുക്കുന്ന പ്രക്രിയയെ ChatGPT Work, 24 മണിക്കൂറിനുള്ളിൽ ചെയ്ത് തീർത്തു—അതായത്, ഒരു ഉപഭോക്താവുമായി നടത്തിയ പ്രാഥമിക ചർച്ചകളിൽ നിന്ന് അവരുടെ ഏറ്റവും നിർണ്ണായകമായ ഒരു പ്രശ്നത്തിനുള്ള കൃത്യമായ പരിഹാരം ഇത് തയ്യാറാക്കി നൽകി. ഇതിനായി ChatGPT മീറ്റിംഗ് വിവരങ്ങൾ കൃത്യമായി ക്രമീകരിക്കുകയും ആ വിവരങ്ങൾ ഒരു സൊല്യൂഷൻസ് ആർക്കിടെക്റ്റിന് കൈമാറുകയും സാങ്കേതിക ടീമുമായി ചേർന്ന് പ്രവർത്തിക്കുകയും ചെയ്തു. ഇതോടെ സെയിൽസ് ടീം-ലീഡിന് മറ്റ് ജോലികളുടെ ഭാരമില്ലാതെ ഉപഭോക്താവിൽ കൂടുതൽ ശ്രദ്ധ കേന്ദ്രീകരിക്കാനും അവർക്ക് ഉയർന്ന ഒരു ബിസിനസ്സ് ഉപദേശകനായി പ്രവർത്തിക്കാനും സാധിച്ചു.
• ഫിനാൻസ് വിഭാഗത്തിൽ, സാധാരണയായി ദിവസങ്ങളോളം എടുക്കാറുള്ള മാസാന്ത്യ കണക്കെടുപ്പുകളും ബഡ്ജറ്റ് പ്രവചനങ്ങളും വെറും മണിക്കൂറുകൾക്കുള്ളിൽ ചെയ്തു തീർക്കാൻ ChatGPT Work സഹായിച്ചു. ആവശ്യമായ വിവരങ്ങൾ കണ്ടെത്തുക, അവ Excel-ലേക്കോ Sheets-ലേക്കോ മാറ്റുക, കണക്കുകൾ ഒത്തുനോക്കുക, പ്രസൻ്റേഷൻ സ്ലൈഡുകൾ തയ്യാറാക്കുക ഒടുവിൽ ഫലങ്ങൾ പരിശോധിച്ച് ഉറപ്പുവരുത്തുക എന്നിവയിലെല്ലാം ഇത് ടീമിനെ സഹായിക്കുന്നു. ഇതോടെ ബഡ്ജറ്റ് പ്രവചനങ്ങളിൽ വന്ന മാറ്റങ്ങൾ കൃത്യമായി മനസ്സിലാക്കാനും അവയ്ക്കുള്ള കാരണങ്ങൾ വിശദീകരിക്കാനും കമ്പനിയുടെ അടുത്ത നീക്കങ്ങളെക്കുറിച്ച് മാനേജ്മെൻ്റിന് ശരിയായ നിർദ്ദേശങ്ങൾ നൽകാനും ഫിനാൻസ് ടീമിന് കൂടുതൽ സമയം ലഭിക്കുന്നു.

വെബിലും മൊബൈലിലും, ChatGPT Work ഇന്ന് മുതൽ Pro, Enterprise, Edu പ്ലാനുകൾക്കായി ഘട്ടം ഘട്ടമായി ലഭ്യമാക്കുന്നു. അടുത്ത ഏതാനും ദിവസങ്ങളിൽ ഇത് Plus, Business പ്ലാനുകൾക്കായി ഘട്ടം ഘട്ടമായി ലഭ്യമാക്കും. ChatGPT ഡെസ്ക്ടോപ്പ് ആപ്പിൽ, ഫ്രീ ഉൾപ്പെടെ എല്ലാ പ്ലാനുകളിലും ചാറ്റ്, Work, Codex എന്നിവ ലഭ്യമാണ്, കൂടാതെ Windows, Mac-ൽ ഡൗൺലോഡ് ചെയ്യാൻ⁠(പുതിയ വിൻഡോയിൽ തുറക്കുന്നു)ആഗോളതലത്തിൽ ലഭ്യമാണ്.

നിങ്ങൾ എവിടെയായിരുന്നാലും നിങ്ങളുടെ ജോലികൾ ഒട്ടും തടസ്സമില്ലാതെ മുന്നോട്ട് കൊണ്ടുപോകാൻ സഹായിക്കുന്ന രീതിയിലാണ് ChatGPT Work രൂപകൽപ്പന ചെയ്തിരിക്കുന്നത്. ഫോണിൽ നിന്ന് തന്നെ ഒരു പുതിയ ജോലി ചെയ്യാൻ ആവശ്യപ്പെടാനോ യാത്രയ്ക്കിടയിൽ ഒരു ഡ്രാഫ്റ്റ് പരിശോധിക്കാനോ അല്ലെങ്കിൽ മീറ്റിംഗുകൾക്കിടയിലുള്ള സമയത്ത് കൂടുതൽ സമയം എടുക്കുന്ന ഒരു പ്രോജക്റ്റിൻ്റെ പുരോഗതി വിലയിരുത്താനോ ഇതിലൂടെ സാധിക്കും. പിന്നീട് നിങ്ങൾ തിരികെ സീറ്റിലെത്തുമ്പോൾ, നിർത്തിവച്ചിടത്തുനിന്നുതന്നെ ആ ജോലി വെബ്ബിലൂടെ തുടരാനും സാധിക്കുന്നതാണ്.

കാര്യങ്ങൾ കുറച്ചുകൂടി കാര്യക്ഷമമായി ചെയ്യാൻ ChatGPT ഡെസ്ക്ടോപ്പ് ആപ്പ് ഇപ്പോൾ കൂടുതൽ മികച്ച ഫീച്ചറുകൾ നൽകുന്നുണ്ട്. നിങ്ങളുടെ കമ്പ്യൂട്ടറിലുള്ള ഫയലുകളും ആപ്പുകളും നേരിട്ട് ഉപയോഗിച്ച് ജോലികൾ പൂർത്തിയാക്കാൻ ഡെസ്ക്ടോപ്പിൽ ChatGPT‑ക്ക് സാധിക്കും. ഇനി വെബ്ബ് അധിഷ്ഠിതമായ ജോലികൾക്കാണെങ്കിൽ, ChatGPT‑യുടെ പുതിയ ഇൻ-ബിൽറ്റ് ബ്രൗസറിലൂടെ വെബ്സൈറ്റുകളും മറ്റ് ടൂളുകളും ഓൺലൈൻ ഫയലുകളുമെല്ലാം ഒരൊറ്റ സ്ഥലത്ത് ലഭ്യമാകും; ഇത് നിങ്ങളുടെ ജോലികൾ കൂടുതൽ വേഗത്തിലും എളുപ്പത്തിലും മുന്നോട്ട് കൊണ്ടുപോകാൻ സഹായിക്കുന്നു.

ഇന്ന് മുതൽ Codex ആപ്പ് പുതിയ ChatGPT ഡെസ്ക്ടോപ്പ് ആപ്പുമായി ലയിക്കുന്നു. ഡെവലപ്പർമാർക്കും സാങ്കേതിക വിദഗ്ധർക്കും വേണ്ടിയുള്ള അതേ ശക്തമായ കോഡിംഗ് ഏജന്റായി Codex തുടരുന്നു, പ്രധാന വർക്ക്ഫ്ലോകളിലുടനീളം ഇപ്പോൾ പുതിയ കഴിവുകളോടെ⁠(പുതിയ വിൻഡോയിൽ തുറക്കുന്നു) —ഡിഫുകളിൽ ഇൻലൈൻ എഡിറ്റിംഗ്, സൈഡ് പാനലിൽ pull request റിവ്യൂ, (GPT‑5.6 കരുത്തേകുന്ന) കൂടുതൽ വേഗത്തിലുള്ള കമ്പ്യൂട്ടർ ഉപയോഗം, ഒരൊറ്റ പ്രോജക്റ്റിൽ ഒന്നിലധികം റിപ്പോസിറ്ററികൾക്കുള്ള പിന്തുണ എന്നിവ ഉൾപ്പെടെ.

ChatGPT Work സജീവമാക്കുന്നതിനായി, നിങ്ങളുടെ നിലവിലെ പ്രവർത്തന മേഖലകളിലെ ടൂളുകളെയും മറ്റ് കമ്പ്യൂട്ടേഷണൽ പ്രക്രിയകളെയും Plugin സംവിധാനം വഴി പരസ്പരം ബന്ധിപ്പിക്കേണ്ടതാണ്.

Plugin-കൾ ChatGPT‑യെ Slack, Microsoft Teams, Google Drive, SharePoint, ഇമെയിൽ, കലണ്ടറുകൾ, CRM-കൾ, പ്രോജക്റ്റ് ട്രാക്കറുകൾ, മറ്റ് ആഭ്യന്തര ടൂളുകൾ എന്നിവ ഉൾപ്പെടെയുള്ള വിവിധ ആഭ്യന്തര നെറ്റ്‌വർക്ക് ടൂളുകളുമായി വിജയകരമായി സമന്വയിപ്പിക്കുന്നു. നിങ്ങളുടെ പ്രോംപ്റ്റിന് ഏത് plugin എപ്പോഴാണ് ഉപയോഗിക്കേണ്ടതെന്ന് ChatGPT സ്വയം മനസ്സിലാക്കും. ഇനി നിങ്ങൾക്ക് ഏതെങ്കിലും പ്രത്യേക ആപ്പിൽ നിന്നുള്ള വിവരങ്ങൾ വേണമെന്നുണ്ടെങ്കിൽ, പ്രോംപ്റ്റിൽ “@” എന്ന് ടൈപ്പ് ചെയ്ത ശേഷം ആപ്പിൻ്റെ പേര് നൽകി ChatGPT‑യോട് അത് ആവശ്യപ്പെടാവുന്നതുമാണ്. പുതിയ ഏകീകൃത plugin ഡയറക്ടറി എല്ലാ plugin-കളെയും ഒരൊറ്റ സ്ഥലത്ത് ലഭ്യമാക്കുന്നു; കൂടാതെ നിങ്ങളുടെ സംഭാഷണങ്ങൾക്കിടയിൽ അനുയോജ്യമായ plugin-കൾ നിർദ്ദേശിക്കാനും ChatGPT‑ക്ക് സാധിക്കും.

നിങ്ങളുടെ ആപ്പുകളും ടൂളുകളും പരസ്പരം ബന്ധിപ്പിച്ചു കഴിഞ്ഞാൽ, നിങ്ങൾ എന്താണ് ചെയ്യാൻ ഉദ്ദേശിക്കുന്നതെന്ന് ChatGPT‑യ്ക്ക് മനസ്സിലാക്കാനും ആവശ്യമായ സ്ഥലങ്ങളിൽ നിന്ന് വിവരങ്ങൾ ശേഖരിക്കാനും ഡോക്യുമെൻ്റുകൾ, പ്രസൻ്റേഷൻ സ്ലൈഡുകൾ, വിശകലനങ്ങൾ എന്നിവ തയ്യാറാക്കാനും സാധിക്കും; ഒപ്പം പൂർണ്ണ നിയന്ത്രണം നിങ്ങളുടെ കൈകളിൽ നിലനിർത്തിക്കൊണ്ടുതന്നെ പശ്ചാത്തലത്തിൽ ഡ്രാഫ്റ്റുകൾ കൂടുതൽ മെച്ചപ്പെടുത്താനും ഇതിന് കഴിയും.

കൂടാതെ, ഞങ്ങൾ Sites എന്ന പുതിയ ഫീച്ചർ കൂടി ChatGPT‑യിലെ പബ്ലിക് ബീറ്റാ പതിപ്പിൽ ലഭ്യമാക്കുന്നുണ്ട്. Sites ഉപയോഗിച്ച് നിങ്ങളുടെ ജോലികളെയോ ആശയങ്ങളെയോ ആളുകളുമായി സംവദിക്കാൻ സാധിക്കുന്ന ഒരു വെബ്സൈറ്റോ വെബ് ആപ്പോ ആക്കി മാറ്റാനും അത് നിങ്ങളുടെ ടീം അംഗങ്ങൾക്കോ അല്ലെങ്കിൽ ഒരു URL വഴി പൊതുജനങ്ങൾക്കോ പങ്കുവെക്കാനും സാധിക്കും. ലൈവ് ഡാഷ്ബോർഡുകൾ, പ്രോജക്റ്റ് ട്രാക്കറുകൾ, ലോഞ്ച് കലണ്ടറുകൾ, പ്രോട്ടോടൈപ്പുകൾ, ഇൻ്റേണൽ പോർട്ടലുകൾ, ഇൻ്ററാക്ടീവ് റിപ്പോർട്ടുകൾ എന്നിവ നിർമ്മിക്കാൻ Sites ഏറെ പ്രയോജനപ്പെടും. നിങ്ങൾ നിർമ്മിക്കുന്ന ഇത്തരം Sites-കൾ ChatGPT‑ക്കുള്ളിൽ വച്ചുതന്നെ ടെസ്റ്റ് ചെയ്യാനും പുതിയ വെബ് വിവരങ്ങൾ നിങ്ങളുടെ പ്രൊജക്റ്റിലേക്ക് കൊണ്ടുവരാനും സാധിക്കും. പ്രധാന വിവരങ്ങളിൽ മാറ്റങ്ങൾ വരുന്നതനുസരിച്ച് ഇവ തനിയെ അപ്ഡേറ്റ് ചെയ്യാനും ChatGPT‑ക്ക് സാധിക്കുന്നതാണ്.

ആവർത്തന സ്വഭാവമുള്ള സാധാരണ ജോലികളുടെ ഭാരം ഒഴിവാക്കി തരാൻ ChatGPT Work- ന് സാധിക്കും. ഇത് വഴി കൂടുതൽ മൂല്യമുള്ളതും പ്രധാനപ്പെട്ടതുമായ കാര്യങ്ങളിൽ ശ്രദ്ധ കേന്ദ്രീകരിക്കാൻ നിങ്ങൾക്ക് ആവശ്യത്തിന് സമയം ലഭിക്കുന്നു.

ഒരു തവണ മാത്രം ചെയ്യേണ്ട കാര്യങ്ങൾ ചെയ്യാനോ കൃത്യമായ ഇടവേളകളിൽ അല്ലെങ്കിൽ ഒരു പ്രത്യേക സംഭവം നടക്കുമ്പോൾ ആവർത്തിച്ചു ചെയ്യാനോ അല്ലെങ്കിൽ മാറിക്കൊണ്ടിരിക്കുന്ന വിവരങ്ങൾ നിരീക്ഷിക്കാനോ ഒക്കെ ChatGPT‑യോട് ആവശ്യപ്പെടാൻ Scheduled Task-കൾ നിങ്ങളെ സഹായിക്കുന്നു.

Scheduled Task-കൾക്ക് നിങ്ങളുടെ ബന്ധിപ്പിച്ച ആപ്പുകളും ബ്രൗസറും ഉപയോഗിച്ച് ഇവ ചെയ്യാനാകും:

• എല്ലാ ആഴ്ചയും Slack-ലെ പുതിയ അപ്ഡേറ്റുകൾ പരിശോധിച്ച് കൃത്യമായ ഇടവേളകളിൽ നടക്കുന്ന മീറ്റിംഗുകളുടെ അജൻണ്ട പുതുക്കുക.
• എല്ലാ ദിവസവും രാവിലെ വെബ്സൈറ്റുകളും ഡാഷ്ബോർഡുകളും പരിശോധിച്ച് വന്ന മാറ്റങ്ങൾ സംഗ്രഹിച്ച് ഒരു റിപ്പോർട്ട് അയയ്ക്കുക.
• ഉപഭോക്തൃ പ്രതികരണങ്ങൾ തുടർച്ചയായി നിരീക്ഷിക്കുകയും അതിൽ ആവർത്തിച്ചു വരുന്ന പ്രധാന ആവശ്യങ്ങളെ മുൻഗണനാക്രമത്തിലുള്ള പ്രൊഡക്റ്റ് ആശയങ്ങളാക്കി മാറ്റുകയും ചെയ്യുക.
• ഇമെയിൽ വഴി പുതിയ ഫീഡ്ബാക്കുകൾ ലഭിക്കുമ്പോൾ അതിനനുസരിച്ച് പ്രസൻ്റേഷൻ അപ്ഡേറ്റ് ചെയ്യുക.

ChatGPT നിങ്ങളോടൊപ്പം എങ്ങനെ പ്രവർത്തിക്കണമെന്ന് നിയന്ത്രിക്കുന്നത് നിങ്ങളാണ്. അതിന് എന്തിലേക്ക് ആക്സസ് ലഭിക്കണം, എപ്പോൾ നിങ്ങളുമായി പരിശോധിക്കണം, പ്രവർത്തിക്കുന്നതിന് മുമ്പ് എപ്പോൾ നിങ്ങളുടെ അംഗീകാരം വേണം എന്നിവ നിങ്ങൾ തീരുമാനിക്കുന്നു. നിങ്ങളുടെ ആവശ്യങ്ങൾ മാറുന്നതനുസരിച്ച് ജോലിയുടെ പുരോഗതി വിലയിരുത്താനും അതിൽ ആവശ്യമായ മാറ്റങ്ങൾ വരുത്താനും നിങ്ങൾക്ക് സാധിക്കും.

ഡെസ്ക്ടോപ്പിൽ, ഓൺലൈനായി വിവരങ്ങൾ ശേഖരിക്കാനും വെബ് അധിഷ്ഠിത ടൂളുകൾ ഉപയോഗിക്കാനും ഒപ്പം വെബ്ബ് വഴിയുള്ള ജോലികൾ കൂടുതൽ മെച്ചപ്പെടുത്താനും സഹായിക്കുന്ന ഒരു ഇൻ-ബിൽറ്റ് ബ്രൗസർ ഇപ്പോൾ ChatGPT‑യിൽ ഇപ്പോൾ ഉൾപ്പെടുത്തിയിട്ടുണ്ട്; ഇത് ഒരു സ്ഥലത്ത് തന്നെ ജോലികൾ പൂർത്തിയാക്കാൻ നിങ്ങളെ സഹായിക്കും.

ആപ്പിനുള്ളിൽ തന്നെ ഒരു ഒരു മാർക്കറ്റിനെക്കുറിച്ച് റിസർച്ച് ചെയ്യാനോ വ്യത്യസ്ത വിവരങ്ങൾ താരതമ്യം ചെയ്യാനോ വെബ്സൈറ്റുകകളിൽ നിന്ന് വിവരങ്ങൾ ശേഖരിക്കാനോ അല്ലെങ്കിൽ Google വർക്ക്സ്പേസ്, Microsoft 365 എന്നിവയിൽ നിന്നുള്ള ഫയലുകൾ തുറന്ന് അവ പരിഷ്കരിക്കാനോ ഒക്കെ നിങ്ങൾക്ക് ChatGPT‑യോട് ആവശ്യപ്പെടാം. പുതിയ വിവരങ്ങൾ കൊണ്ടുവരാനും വിവിധ വെബ് പേജുകളിലൂടെ ആവശ്യമായ നടപടികൾ സ്വീകരിക്കാനും അതിന് ബ്രൗസർ ഉപയോഗിക്കാൻ സാധിക്കും; അങ്ങനെ നിങ്ങൾ അതിൻ്റെ ഫലങ്ങൾ വിലയിരുത്തുകയും ആവശ്യമായ നിർദ്ദേശങ്ങൾ നൽകുകയും ചെയ്യുമ്പോൾ ജോലികൾ തടസ്സമില്ലാതെ മുന്നോട്ട് കൊണ്ടുപോകാൻ ഇതിന് കഴിയും.

നിങ്ങൾക്കായി നിങ്ങളുടെ ആപ്പുകൾ, ടൂളുകൾ, ബ്രൗസർ എന്നിവയിലൂടെ പശ്ചാത്തലത്തിൽ ജോലികൾ ചെയ്തുതീർക്കാൻ ഡെസ്ക്ടോപ്പിലെ Computer Use ഫീച്ചർ ChatGPT‑യെ അനുവദിക്കുന്നു—ഇതിലൂടെ ആവശ്യമായ ഇടങ്ങളിൽ ക്ലിക്ക് ചെയ്യാനും ടൈപ്പ് ചെയ്യാനും ഫയലുകൾ മാറ്റാനുമൊക്കെ ഇതിന് സാധിക്കും. ഒരു തവണ മാത്രം ചെയ്യേണ്ട ജോലികൾക്കോ അല്ലെങ്കിൽ നിങ്ങളുടെ കമ്പ്യൂട്ടറിൽ ആവർത്തിച്ച് ചെയ്യേണ്ടി വരുന്ന ജോലികൾ ഉൾപ്പെടുന്ന Scheduled Task-ൻ്റെ ഭാഗമായോ നിങ്ങൾക്കിത് ഉപയോഗിക്കാവുന്നതാണ്.

Chrome-ൻ്റെ സൈഡ്ബാറിൽ നേരിട്ട് ChatGPT ഉപയോഗിക്കാൻ കഴിയുന്ന തരത്തിൽ ഞങ്ങളുടെ Chrome എക്സ്റ്റൻഷനും ഞങ്ങൾ അപ്ഡേറ്റ് ചെയ്യുന്നു. Atlas-ൽ നിന്നുമുള്ള പഠനങ്ങളും, ബ്രൗസർ അധിഷ്ഠിത ജോലി കൂടുതൽ പ്രയോജനകരമാക്കാൻ ഏജൻ്റിക് ടൂളുകൾക്ക് എങ്ങനെ കഴിയുമെന്ന് മനസ്സിലാക്കാൻ ഞങ്ങളെ സഹായിച്ച ഉപയോക്താക്കളിൽ നിന്നുള്ള പഠനങ്ങളും അടിസ്ഥാനമാക്കിയാണ് ഈ ഫീച്ചറുകൾ വികസിപ്പിച്ചിരിക്കുന്നത്. ഇതിൻ്റെ ഭാഗമായി, തനിയെ പ്രവർത്തിക്കുന്ന Atlas ബ്രൗസറിൻ്റെ സേവനം ഞങ്ങൾ ഘട്ടംഘട്ടമായി നിർത്തലാക്കുകയാണ്. ഉപയോക്താക്കൾക്ക് എങ്ങനെ ChatGPT‑യിലേക്ക് മാറാം എന്നതിനെക്കുറിച്ചുള്ള വിവരങ്ങൾ ഉടൻ തന്നെ പങ്കുവെക്കുന്നതുമായിരിക്കും.

ChatGPT Work തുടക്കത്തിൽ തന്നെ എല്ലാത്തരം ജോലികൾക്കും വളരെ അനുയോജ്യമായ ഒന്നാണ്: ഓരോ ടീമും കണക്ട് ചെയ്യാൻ തിരഞ്ഞെടുക്കുന്ന ആപ്പുകളും ഫയലുകളും ടൂളുകളും ഉപയോഗിച്ച് സങ്കീർണ്ണമായ വർക്ക്ഫ്ലോകളെ പിന്തുണയ്ക്കാൻ ഇതിന് കഴിയും. ടീമുകളിലുടനീളം ഞങ്ങൾ കണ്ട യഥാർത്ഥ ഉപയോഗ സാഹചര്യങ്ങൾ താഴെ കൊടുക്കുന്നു:

നിങ്ങളുടെ ടീമുകൾക്കായി കൂടുതൽ നിർണ്ണായകമായ ജോലികൾ ChatGPT ഏറ്റെടുക്കുമ്പോഴും അതിൻ്റെ പൂർണ്ണമായ നിയന്ത്രണം നിങ്ങളുടെ സ്ഥാപനത്തിന് തന്നെയായിരിക്കും. സുരക്ഷ, സ്വകാര്യത, കമ്പ്ലയൻസ്, വർക്ക്സ്പേസ് മാനേജ്മെൻ്റ് എന്നിവയുടെ ശക്തമായ അടിത്തറയിലാണ് ChatGPT നിർമ്മിച്ചിരിക്കുന്നത് ChatGPT Enterprise-ൻ്റെ അടിസ്ഥാനം. ആർക്കൊക്കെയാണ് ഇതിലേക്ക് പ്രവേശനമുള്ളത്, കമ്പനിയുടെ ഏതൊക്കെ വിവരങ്ങളാണ് ChatGPT‑ക്ക് ഉപയോഗിക്കാൻ സാധിക്കുക, ഏതൊക്കെ ടൂളുകളുമായി ഇതിനെ ബന്ധിപ്പിക്കാം, എന്തൊക്കെ നടപടികൾ ഇതിന് സ്വീകരിക്കാം എന്നിവയെല്ലാം Enterprise, Edu അഡ്മിൻമാർക്ക് കേന്ദ്രീകൃതമായി മാനേജ് ചെയ്യാം. കൂടാതെ വലിയ തോതിലുള്ള മേൽനോട്ടത്തിന് സഹായകരമാകും വിധം ChatGPT Work-ൽ നടക്കുന്ന സംഭാഷണങ്ങളും പ്രവർത്തനങ്ങളും കൃത്യമായി നിരീക്ഷിക്കാൻ കമ്പ്ലയൻസ് API⁠(പുതിയ വിൻഡോയിൽ തുറക്കുന്നു) അഡ്മിൻമാരെ സഹായിക്കുന്നു.

ഓരോ പ്രവർത്തന സാഹചര്യത്തിനും അനുയോജ്യമായ രീതിയിലാണ് ഇതിൻ്റെ കൺട്രോളുകൾ തയ്യാറാക്കിയിരിക്കുന്നത്. വെബ് പ്ലാറ്റ്‌ഫോമിൽ, plugin-കളിലേക്കും മറ്റ് കണക്റ്റ് ചെയ്തിട്ടുള്ള ടൂളുകളിലേക്കുമുള്ള ആക്സസ് നിയന്ത്രിക്കാനും ക്ലൗഡ് ശൃംഖലകൾക്കായുള്ള ബ്രൗസർ ഉപയോഗവും നെറ്റ്‌വർക്ക് ആക്സസും കോൺഫിഗർ ചെയ്യാനും കണക്റ്റ് ചെയ്തിട്ടുള്ള സിസ്റ്റങ്ങളിലെ സെൻസിറ്റീവ് ആയ നടപടികൾക്ക് നിയന്ത്രണം ഏർപ്പെടുത്താനും അഡ്മിൻമാർക്ക് സാധിക്കും. ഇനി ഡെസ്ക്ടോപ്പിലാണെങ്കിൽ Codex-ൻ്റെ എൻ്റർപ്രൈസ് ഗവേണൻസ് മോഡൽ⁠(പുതിയ വിൻഡോയിൽ തുറക്കുന്നു)-നെയും ഒപ്പം അഡ്മിൻ കണ്ട്രോൾ⁠(പുതിയ വിൻഡോയിൽ തുറക്കുന്നു)-ളുകളെയും അടിസ്ഥാനമാക്കിയാണ് ChatGPT Work പ്രവർത്തിക്കുന്നത്; ഇത് ലോക്കൽ ഫയലുകൾ, ആപ്പുകൾ, ബ്രൗസറുകൾ, വിവിധ ടൂളുകൾ എന്നിവ ഉൾപ്പെടുന്ന ജോലികൾക്ക് കമ്പനി ശക്തമായ സുരക്ഷ ഉറപ്പാക്കുന്നു—ഇതിൽ ഏജൻ്റുകളുടെ നെറ്റ്‌വർക്ക് ആക്സസ് നിയന്ത്രിക്കുന്നതിനുള്ള പ്രത്യേക പോളിസികളും ഉൾപ്പെടുന്നു.

ഓട്ടോ-റിവ്യൂ, കണക്റ്റ് ചെയ്തിട്ടുള്ള ടൂളുകളും API-കളും ഉൾപ്പെടുന്ന പ്രധാനപ്പെട്ട നടപടികൾ നടക്കുന്നതിന് മുമ്പ്, ഞങ്ങളുടെ ഏറ്റവും അത്യാധുനിക മോഡൽ ഉപയോഗിച്ച് അവ പരിശോധിച്ച് സുരക്ഷയ്ക്ക് മറ്റൊരു തലത്തിലുള്ള പരിരക്ഷ നൽകുന്നു. ഇത് സെൻസിറ്റീവ് വിവരങ്ങൾ അനധികൃതമായി പങ്കിടുന്നത് തടയാൻ സഹായിക്കുന്നു.

ChatGPT Work ഇന്ന് മുതൽ വെബിലും മൊബൈലിലും ലഭ്യമായിത്തുടങ്ങും. ആദ്യ ഘട്ടത്തിൽ Pro, Enterprise, Edu ഉപയോക്താക്കൾക്കാണ് ഇത് ലഭിക്കുക; തുടർന്ന് അടുത്ത ഏതാനും ദിവസങ്ങൾക്കുള്ളിൽ Plus, Business ഉപയോക്താക്കൾക്കും ഇത് ലഭ്യമാകും. അപ്ഡേറ്റ് ചെയ്ത ChatGPT ഡെസ്ക്ടോപ്പ് ആപ്പ്⁠(പുതിയ വിൻഡോയിൽ തുറക്കുന്നു) Mac, Windows ഉപയോക്താക്കൾക്കായി ലോകമെമ്പാടും ഇന്ന് മുതൽ ലഭ്യമാണ്; ഇതിലൂടെ ചാറ്റ്, Work, Codex എന്നീ ഫീച്ചറുകൾ ഫ്രീ പ്ലാൻ ഉൾപ്പെടെയുള്ള എല്ലാ ഉപയോക്താക്കൾക്കും ഉപയോഗിക്കാൻ സാധിക്കുന്നതാണ്.

നിങ്ങൾ ഇതിനകം Codex ആപ്പ് ഉപയോഗിക്കുന്നുണ്ടെങ്കിൽ, പതിവുപോലെ അത് അപ്‌ഡേറ്റ് ചെയ്യാം, അപ്പോൾ അത് പുതിയ ChatGPT ഡെസ്ക്ടോപ്പ് ആപ്പായി മാറും. ഡെവലപ്പർമാർ ഡെസ്ക്ടോപ്പ് ആപ്പ് തുറക്കുമ്പോൾ Codex-നെ ഡിഫോൾട്ട് വ്യൂ ആക്കാനും ആപ്പ് ഐക്കണായി Codex ലോഗോ തിരഞ്ഞെടുക്കാനും കഴിയും. ഡെസ്ക്ടോപ്പ് Codex പ്രോജക്റ്റുകൾ ChatGPT മൊബൈൽ ആപ്പിലൂടെ Go വഴി ആക്‌സസ് ചെയ്യാനാകും. ChatGPT ഡെസ്ക്ടോപ്പ് ആപ്പിന്റെ നിലവിലുള്ള പതിപ്പ് ChatGPT Classic എന്ന് പുനർനാമകരണം ചെയ്യും.

സാധാരണ ചാറ്റ് അഭ്യർത്ഥനകളേക്കാൾ കൂടുതൽ ദൈർഘ്യമേറിയതും കൂടുതൽ ഉൾപ്പെട്ടതുമായ ജോലികൾക്കായാണ് ChatGPT Work രൂപകൽപ്പന ചെയ്തിരിക്കുന്നത്, അതിനാൽ ഉപയോഗം വ്യത്യസ്തമായ രീതിയിലാണ് പ്രവർത്തിക്കുന്നത്. ആവശ്യമായ ജോലിയുടെ അളവനുസരിച്ച് ഉപയോഗം വ്യത്യാസപ്പെടും, കൂടുതൽ സങ്കീർണ്ണമായ ടാസ്കുകൾ നിങ്ങളുടെ പ്ലാനിൽ ഉൾപ്പെടുത്തിയിരിക്കുന്ന ഉപയോഗപരിധിയിൽ നിന്ന് കൂടുതൽ ഉപയോഗിച്ചേക്കാം. ChatGPT Work Codex-ന്റെ അതേ ഉപയോഗ ഘടന⁠(പുതിയ വിൻഡോയിൽ തുറക്കുന്നു) പിന്തുടരുന്നു.

ഉപയോഗം വർദ്ധിച്ചുവരുന്നതിനനുസരിച്ച് ChatGPT Work-ന്‍റെ വിനിയോഗം നിയന്ത്രിക്കാൻ ChatGPT Enterprise, Edu അഡ്മിൻമാർക്ക് ഇനി ചെലവ് നിയന്ത്രണങ്ങൾ⁠(പുതിയ വിൻഡോയിൽ തുറക്കുന്നു) Admin Console⁠(പുതിയ വിൻഡോയിൽ തുറക്കുന്നു)-ൽ സജ്ജമാക്കാം. പൊതുവായി എല്ലാവരുടെയും ഉപയോഗപരിധി ഉയർത്താതെ തന്നെ പ്രധാനപ്പെട്ട ജോലികൾ സുഗമമായി നടത്താൻ അഡ്മിൻമാർക്ക് ഇതിലൂടെ സാധിക്കും. ഇതിനായി വർക്ക്സ്പേസ് തലത്തിൽ ഡിഫോൾട്ട് പരിധികൾ നിശ്ചയിക്കാനും ഗ്രൂപ്പുകൾക്കായി പ്രത്യേക പരിധികൾ ക്രമീകരിക്കാനും കൂടുതൽ കപ്പാസിറ്റി ആവശ്യമുള്ള വ്യക്തികൾക്ക് മാത്രമായി പ്രത്യേക അനുമതികൾ നൽകാനും സാധിക്കും. കൂടാതെ, കൂടുതൽ ക്രെഡിറ്റുകൾക്കായുള്ള അപേക്ഷകൾ ഉപയോക്താക്കൾ സമർപ്പിക്കുന്ന പ്രോജക്റ്റ് വിവരങ്ങളും കാരണങ്ങളും വിലയിരുത്തിക്കൊണ്ട് അഡ്മിൻമാർക്ക് അംഗീകരിക്കാനും ഇതിലൂടെ സാധിക്കുന്നു.

ChatGPT‑യെക്കുറിച്ചുള്ള കൂടുതൽ വിപുലമായ ഒരു കാഴ്ചപ്പാടിലേക്കുള്ള ആദ്യ ചുവടുവെപ്പാണിത്—വെറും ചോദ്യങ്ങൾക്ക് ഉത്തരം നൽകുന്നതിനപ്പുറം ഓരോരുത്തരുടെയും ഏറ്റവും വലിയ ആശയങ്ങളെ യാഥാർത്ഥ്യമാക്കാൻ സഹായിക്കുന്ന ഒരു തലത്തിലേക്ക് ഇതിൻ്റെ ഇൻ്റലിജൻസ് മാറുന്ന ഒരു ഭാവിയാണ് ഇതിലൂടെ ഒരുങ്ങുന്നത്.

കൂടുതൽ അറിയാൻ⁠ | സെയിൽസ് വിഭാഗവുമായി ബന്ധപ്പെടുക⁠(പുതിയ വിൻഡോയിൽ തുറക്കുന്നു)