Нови начини за учење и настава со ChatGPT Работа и Codex

Вештачката интелигенција преминува од алатки што првенствено одговараат на прашања кон системи што можат да расудуваат врз основа на контекстот, да користат други алатки и да помагаат во извршувањето сложена работа во повеќе чекори. Оваа промена го менува значењето на подготвеноста за училиште, работа и за она што следува. 

Додека учениците, студентите и наставниците оваа есен се враќаат во училниците и кампусите, претставуваме три нови образовни приклучоци за ChatGPT Работа и Codex. Тие се осмислени да им помогнат да ги искористат агентските способности со избраните наставни материјали и контекст. Приклучокот е пакет од апликации, вештини за конкретни улоги, упатства и вообичаени работни текови, со кои учениците, студентите и наставниците можат веднаш да започнат без самите да составуваат сложени инструкции. Овие нови приклучоци се достапни и преку ChatGPT Edu и преку окружните имплементации на ChatGPT for Teachers.

Ова се надоврзува на начелото што ја води нашата работа во образованието: ВИ треба да го поддржува учењето, а не да нуди кратенки, додека најдобрите образовни искуства им ја оставаат контролата на наставниците и учениците.

Новите приклучоци опфаќаат еден за студенти, еден за наставници К–12 и еден за универзитетски наставници. Поврзувајќи се со алатките и материјалите на кои веќе се потпираат — од документи и наставни материјали до календари и други одобрени апликации — приклучоците ги разбираат контекстот и тековната задача. Така им помагаат да преминат од љубопитност кон практика, од идеја за час кон материјал за училницата и од замисла за проект кон реализација.

Се сосредоточивме на партнерства со училишта и универзитети за да ја направиме ВИ достапна во безбедни средини управувани од институциите. Претставен во 2024 година, ChatGPT Edu им обезбедува на образовните институции управувани работни простори со приватност, безбедност и административни контроли на корпоративно ниво. ChatGPT for Teachers⁠(се отвора во нов прозорец), претставен во 2025 година, е бесплатен за потврдени американски наставници и училишни окрузи К–12 и нуди заштита и функции за усогласеност наменети за образованието. Раководителите на училиштата и окрузите можат да го регистрираат својот домен за да ги вклучат наставниците во заеднички работен простор со поголем надзор и насоки, вклучувајќи заштита за исполнување на барањата на FERPA и договор за приватност на податоците. 

Приклучокот за наставници К–12 е осмислен да им помогне на наставниците да планираат и создаваат материјали за своите училници. Развиен заедно со наставници К–12, тој може да ги користи материјалите и алатките што наставниците веќе ги употребуваат за да создава приспособени ресурси, да осмислува интерактивни визуелни содржини и да открива сознанија применливи во практиката. Се интегрира и со Learning Commons⁠(се отвора во нов прозорец), непрофитна организација што ги проширува докажаните практики за настава и учење во полза на секој ученик. Тоа им овозможува на наставниците да создаваат материјали усогласени со локалните академски стандарди, рамки и образовни патеки, притоа задржувајќи ја контролата врз педагошките одлуки, оценувањето и агентските дејства. 

Оваа работа го одразува она што го научивме преку соработката со наставниците, вклучувајќи го и партнерството со Американската федерација на наставници (AFT). OpenAI е основачки партнер на Националната академија за настава со ВИ, петгодишна иницијатива што ќе оспособи 400.000 наставници К–12 — приближно еден од секои 10 наставници во САД — ефикасно да користат ВИ и да предводат во обликувањето на начинот на кој ВИ се предава и користи во училниците низ земјата.

Приклучокот за универзитетски наставници овозможува осмислување предмети, настава и академско планирање. Наставниот кадар може да ги ажурира наставните програми, да создава интерактивни веб-страници или мултимедијални оценувања, да ги приспособува материјалите за различни групи студенти или да ја подготвува содржината за својот LMS. Со поврзани календари, документи и други одобрени алатки, наставниците можат да работат на наставата, истражувањето и секојдневните задачи без повторно да го создаваат контекстот за секој нов проект.

Приклучокот за студенти им помага она што веќе го изучуваат да го претворат во поперсонализирано искуство за учење. Студентите можат да работат со насочуван ментор, да вежбаат тешки концепти и од избраните извори да создаваат водичи за учење, квизови, картички и интерактивни визуелни објаснувања. Осмислен со студенти од различни студиски области, географски средини и нивоа на познавање на ВИ, приклучокот се потпира на науката за учењето за да даде предност на подлабокото разбирање и да изгради подобри навики за учење.

Заедно, овие приклучоци им нудат на учениците, студентите и наставниците покорисна почетна точка за работа со ВИ, обединувајќи ги соодветните контекст, алатки и работни текови. Така тие трошат помалку време за поставување на начинот на кој ChatGPT треба да работи, а повеќе за учење, предавање, истражување и создавање, додека институциите ја задржуваат контролата врз достапните алатки и дозволи.

Како што ВИ станува поспособна, можноста за образованието е многу поголема од тоа само да им се помогне на луѓето да научат да користат нова технологија. Таа им помага на учениците и студентите да развијат самостојност: способност да ги насочуваат овие алатки кон значајни цели, да расудуваат, постојано да учат, да решаваат тешки проблеми и да ги претвораат идеите во нешто реално.

Повеќе од 200 милиони млади луѓе на возраст од 18 до 24 години сега го користат ChatGPT секоја недела, со што се вбројуваат меѓу понапредните корисници од пошироката јавност. Сепак, кај корисниците на студентска возраст гледаме сè поголем глобален „јаз во искористувањето на способностите“, односно разлика меѓу она што алатките за ВИ можат да го направат и начинот на кој луѓето навистина ги користат. Дури и напредните студентски корисници ги користат способностите на ChatGPT приближно 90–99 % помалку од најискусните корисници, што покажува дека има значителен простор за продлабочување на вештините за ВИ. 

Структурираниот пристап може да помогне да се намали тој јаз. Во рамките на имплементациите на ChatGPT Edu, студентите со текот на времето развиваат понапредни начини на употреба, ги надминуваат бесплатните корисници во речиси секоја способност и се приближуваат до однесувањето на најискусните корисници, особено во анализата, пресметувањето и учењето. Од воведувањето на ChatGPT Edu во 2024 година, соработуваме со училишта и окрузи К–12, меѓу кои Houston ISD во Тексас, Fairfax во Вирџинија и Fulton во Џорџија, како и со стотици универзитетски кампуси. Меѓу нив се школата Wharton при Универзитетот во Пенсилванија, Универзитетот на Тексас во Остин и системот на Државниот универзитет на Калифорнија, каде што одговорно ја воведуваме ВИ за наставниците и кампусите. 

Преку нашите вложувања во образованието, стотици илјади наставници во образованието К–12 и високото образование имаат бесплатен пристап до алатките, обуките и истражувањата на OpenAI за унапредување на еднаквоста и иновациите. Сега воведуваме нови функции за наставниците, учениците и студентите подобро да ги искористат сите способности на ChatGPT. 

Граничната технологија треба да се спои со работни простори наменети за образованието, обуки, програми водени од колеги, темелни истражувања и доверливи партнери за да се изгради самодоверба за одговорно користење на новите способности. 

За студентите, новиот Студентски колектив на OpenAI е заедница предводена од студенти, наменета за учење, создавање и обликување на иднината со ВИ. Сега се отворени пријавите⁠ за студентите да станат лидери на кампусите и да ја оживеат заедницата во своите кампуси. Преку искуства предводени од колеги и практични проекти, студентите можат да развиваат практични вештини и да ги претвораат своите идеи во дело. А преку партнерства со платформи како Handshake, студентите можат да ги поврзат тие вештини со практикантска работа и можности на почетокот од кариерата.

Во партнерство со фондацијата Walton Family Foundation, OpenAI Academy обединува повеќе од 1.600 наставници К–12, администратори и раководители на окрузи од осум американски града на бесплатни практични работилници во живо, каде што развиваат практични вештини за примена на ВИ на реални предизвици во училницата.

Преку програмата Образование за земјите на OpenAI, соработуваме со влади и национални лидери за да развиваме имплементации приспособени на локалните потреби и истражувања засновани на докази. На пример, во Естонија ChatGPT Edu сега опфаќа повеќе од 20.000 ученици и студенти и 4.600 наставници, паралелно со долгорочна истражувачка иницијатива со Универзитетот во Тарту и Stanford.

Академското истражување е суштински дел од мисијата на високото образование, а граничната ВИ отвора нови можности за научни откритија. Новата програма ChatGPT за академски истражувачи им овозможува на подобните истражувачи 12 месеци бесплатен пристап на ниво Pro за да ги применат ChatGPT Работа и Codex во амбициозни научни проекти во безбеден работен простор.

Следното поглавје на ВИ во образованието ќе го обликуваат она што го создаваат учениците и студентите, она што го овозможуваат наставниците и она што институциите и партнерите го откриваат заедно. Во текот на учебната година ќе продолжиме да создаваме заедно со образовната заедница за да развиваме нови алатки, да ги прошируваме обуките и истражувањата и да нудиме сознанија засновани на докази. Нашата заедничка цел е на секој ученик, студент и наставник да му дадеме самодоверба и способности за да ги прошири границите на она што може да го научи, замисли, создаде и постигне.

Приклучоците за наставници и студенти се достапни во ChatGPT Edu и во окружните имплементации на ChatGPT for Teachers. Контактирајте со нашиот тим за да дознаете повеќе.