Plex Coffee-ն ChatGPT‑ով ապահովում է արագ, անհատական սպասարկում

Plex Coffee-ն հիմնված է երեք խոստումների վրա՝ մատչելիություն, հարմարավետություն և հյուրընկալ համայնք։ Տեխնոլոգիական ոլորտից ոգեշնչվելով՝ համահիմնադիրներ Ֆիլիպ Չենգը և Մաքս Կամպը սրճարանները ղեկավարում էին ճկուն ստարտափի մտածելակերպով։ «Կադրերի հավաքագրումից մինչև մատակարարման շղթա՝ յուրաքանչյուր գործընթաց, որը հնարավոր էր ավտոմատացնել, ավտոմատացվել է»,- ասում է Չենգը։

Բայց երբ Plex-ը մեկ սրճարանից աճեց չորսի, հիմնադիրները բախվեցին նոր մարտահրավերների, որոնք ավանդական ավտոմատացումը չէր կարող լուծել։ ChatGPT Business-ը բնական լուծումն էր։

Սկզբում առաջին աշխատակիցներին հիմնադիրներն անձամբ էին վերապատրաստում, սակայն երբ թիմին միացան ավելի շատ բարիստաներ և խանութների ղեկավարներ, անձնական ներկայության և յուրաքանչյուր հյուրին ուշադրություն ցուցաբերելու մշակույթի պահպանումը բարդացավ։

«Երբ ես ու Մաքսը սկսեցինք այս գործը, ինքներս էինք կանգնում վաճառասեղանի հետևում։ Յուրաքանչյուր նոր բարիստայի, որին մենք ուսուցանում էինք, անձամբ ցույց էինք տալիս, թե ինչպես շփվել հաճախորդների հետ, ինչպես պատրաստել տարբեր ըմպելիքները, ինչպես լուծել խանութում առաջացող խնդիրները»,- ասում է Չենգը։ «Բայց հետո, երբ ընդլայնվեցինք, նույն մշակույթը նոր ընդունված աշխատակիցների մեջ արմատավորելն ավելի բարդացավ»։

Plex-ի ընդլայնմանը զուգահեռ ի հայտ եկան երկու խնդիր՝ գիտելիքների փոխանակման անկանոն լինելը և վերապատրաստման անհետևողականությունը։ Կես դրույքով աշխատակիցների հերթափոխային աշխատանքի պայմաններում WhatsApp-ի խմբերում կտրուկ աճեցին առօրյա հարցերը՝ որտեղ գտնել այս կամ այն ապրանքը, կամ ինչ մանրամասներ ունի այս կամ այն գործընթացը։ «Մենք գնալով ավելի շատ դժվարություններ էինք ունենում գիտելիքի փոխանակման հարցում, և դրա արդյունքում WhatsApp-ում հաղորդագրությունների տարափ էր սկսվում և խանութների ղեկավարներին շեղում իրենց հիմնական, կենտրոնացում պահանջող աշխատանքից»,- բացատրում է Չենգը։

Ուսուցումը նույնպես ավելի դժվար դարձավ ստանդարտացնել։ Քանի որ աշխատակիցների թիվն աճում էր, խանութների ղեկավարների ժամանակը այլևս չէր բավականացնում, որպեսզի նորեկներին պատշաճ կերպով ուսուցանեն մշակույթի և հաճախորդի փորձառության թեմաներով։ Չենգը փորձել էր տարածել 25-էջանոց ձեռնարկ, բայց «իրականում ոչ ոք դրան ուշադրություն չէր դարձնում»։

Plex-ը սկզբում իր գիտելիքները կենտրոնացրեց Notion-ում, բայց բախվեց սահմանափակման։ «Հիմնաբառով որոնումն այնքան էլ արդյունավետ չէ, քանի որ ամեն մարդ տարբեր բառով է նկարագրում, թե ինչ է փնտրում»,- ասում է Չենգը։

Թիմը գործարկեց Notion-ի միակցիչը, որպեսզի ChatGPT‑ն պատասխաններ տար Notion-ի ֆայլերի և վիքիների համատեքստով, իսկ աշխատակիցներն իրենց անհրաժեշտ տեղեկությունը կարող էին պարզապես հարցնել բնական լեզվով։

«Դա որոշ հարցերի վերաբերյալ WhatsApp-ում ստացվող հաղորդագրությունները կրճատել է ավելի քան 50%-ով, քանի որ մարդիկ պարզապես գիտեն՝ որտեղ գտնել այն, ինչ իրենց անհրաժեշտ է»,- նշում է Չենգը։ Աշխատակազմի համար խանութում կա iPad, որն օգտագործվում է ChatGPT‑ի հետ շփվելու համար։ Այժմ ազատված ժամանակն ու ուշադրությունը ներդրվում են այն ուղղություններում, որոնք Plex-ի համար ամենակարևորն են՝ համայնքային նախաձեռնություններն ու միջոցառումները, որոնցով խանութների ղեկավարներն արդեն ժամանակ ունեն զբաղվելու։

ChatGPT Business-ի միջոցով Չենգը կարողացավ իր 25-էջանոց ձեռնարկը նոր ձևով օգտագործել. «Ես այս ձեռնարկը վերբեռնեցի անհատականացված GPT‑ի մեջ, որով կիսվում եմ աշխատանքի ընդունման նամակում»։ GPT‑ն կազմաձևված է այնպես, որ ուսուցանի թե՛ ընկերության հիմնական արժեքները, թե՛ կոնկրետ գործնական տեղեկություններ, օրինակ՝ որտեղից է Plex-ը ստանում իր սուրճը։

«Ուղղակի տեղեկություն տրամադրելու փոխարեն այն դա անում է գրավիչ, զրույցի ձևաչափով»,- ասում է Չենգը։ Սրա շնորհիվ գիտելիքն ավելի լավ է պահպանվում, իսկ խանութների ղեկավարներն արդեն ավելի քիչ ժամանակ են ծախսում յուրաքանչյուր նորեկին առանձին ուղղորդելու վրա։ «Նոր աշխատակիցների ներգրավման ժամանակը շաբաթներից կրճատվել է մինչև օրեր»։

Երբ նոր աշխատակիցների ներգրավումն և գիտելիքի փոխանցման գործընթացներն արդեն կարգավորված էին, Plex Coffee-ն սկսեց ուսումնասիրել, թե էլ ինչ ձևերով կարելի է կիրառել ChatGPT Business-ը։

• Ընդլայնման ուսումնասիրություն․ Plex-ի աճին զուգընթաց Չենգը ChatGPT Business-ի օգնությամբ գնահատում է նոր մասնաճյուղերի հնարավոր վայրերը․ «Ես օգտվում եմ խորքահին ուսումնասիրության գործիքներից, որպեսզի գնահատեմ, թե հաճախորդների հոսքի դինամիկայից ելնելով՝ ժամանակի ընթացքում որքան եկամուտ կարող է ապահովել տվյալ վայրը»։
• Պահանջարկի փոփոխության ընկալում․ եթե լինում է հատկապես հանգիստ կամ, հակառակը, շատ ծանրաբեռնված օր կամ շաբաթ, «ChatGPT‑ն սովորաբար տալիս է տպավորիչ բացատրություն, օրինակ՝ քանի ուսանող է մեկնել, կամ ինչ միջոցառումներ են տեղի ունենում այդ շաբաթ։ Պահանջարկի օրինաչափությունները ակնթարթորեն և ավելի խորը մակարդակով հասկանալը անչափ արժեքավոր է»,- ասում է Չենգը։
• Մատակարարման պատվերների ավտոմատացում․ մատակարարներից ապրանք պատվիրելը ժամանակատար է, քանի որ նրանցից յուրաքանչյուրն ունի իր առանձին հարթակն ու աշխատանքային ընթացակարգը։ Չենգի խոսքով՝ այս խնդիրը լուծելու համար Plex-ը փորձարկում է ագենտի միջոցով մատակարարներից ուղիղ պատվերներ կատարելու տարբերակը։ Մի քանի քաղաքներում գործող ցանցի համար սա կարող է նվազեցնել նույնատիպ վարչական գործերը և օգնել, որ անհրաժեշտ ապրանքը միշտ տեղում լինի։

• Նոր աշխատակցի ներգրավման գործընթացի տևողությունը կրճատվել է շաբաթներից օրերի
• Գործառնական հարցերի վերաբերյալ WhatsApp-ով ստացվող հաղորդագրությունները նվազել են ավելի քան 50%-ով
• Խանութների ղեկավարների ժամանակն ազատվեց, և նրանք նորից կարող են կենտրոնանալ համայնքային աշխատանքի վրա
• Ավելի արագ և ավելի հետևողական ուսուցում տարբեր վայրերում
• Պահանջարկի օրինաչափությունների և ընդլայնման պլանավորման ավելի հստակ պատկեր

Ըստ Չենգի՝ ԱԲ-ի կիրառումը Plex Coffee-ին օգնում է դառնալ ավելի ճկուն, ավելի դիմացկուն և փոփոխվող պայմաններին ավելի արագ հարմարվող։

Plex Coffee-ը ծրագրում է ընդլայնվել և սրճարանների թիվը հասցնել 10-ի՝ պահպանելով ճկուն ու արդյունավետ աշխատանքային մոդելը․ և այս հարցում ChatGPT Business-ը դրա ընդլայնման անփոխարինելի գործընկերն է։ Բայց արդյունավետությունից բացի, ԱԲ-ն նաև հնարավորություն է տալիս, որ հյուրընկալության մարդկային կողմը չկորի․ բարիստաները կարողանում են ավելի շատ ժամանակ հատկացնել հյուրերին, լավ մթնոլորտ ստեղծել և պահպանել սրճարանի անձնական, ջերմ փորձառությունը, նույնիսկ երբ ընկերությունն աճում է։