Microsoft-ի և OpenAI-ի գործընկերության հաջորդ փուլը

Նորարարության արագ տեմպը պահանջում է, որ մենք շարունակենք զարգացնել մեր գործընկերությունը՝ ի շահ մեր հաճախորդների և երկու ընկերությունների։ Այսօր մենք հայտարարում ենք փոփոխված համաձայնագրի մասին՝ պարզեցնելու մեր գործընկերությունն ու համատեղ աշխատանքի ձևը՝ հիմնվելով ճկունության, որոշակիության և ԱԲ-ի առավելությունները լայնորեն մատուցելու նպատակի վրա։ Փոփոխված համաձայնագրի ավելի մեծ կանխատեսելիությունը ամրապնդում է մեր համատեղ կարողությունը՝ մեծ մասշտաբով կառուցելու և գործարկելու ԱԲ հարթակներ՝ միաժամանակ երկու ընկերություններին տալով ճկունություն հետապնդելու նոր հնարավորություններ։ Համաձայնագրով սահմանվում է հետևյալը․  

• Microsoft-ը մնում է OpenAI-ի հիմնական ամպային գործընկերը, և OpenAI-ի արտադրանքները առաջինը հասանելի կդառնան Azure-ում, եթե Microsoft-ը չկարողանա և չցանկանա աջակցել անհրաժեշտ հնարավորություններին։ OpenAI-ն այժմ կարող է իր բոլոր արտադրանքները տրամադրել հաճախորդներին ցանկացած ամպային մատակարարի միջոցով։
• Microsoft-ը մինչև 2032 թվականը կշարունակի ունենալ OpenAI-ի մտավոր սեփականության լիցենզիա մոդելների և արտադրանքների համար։  Microsoft-ի լիցենզիան այժմ կլինի ոչ բացառիկ։ 
• Microsoft-ն այլևս OpenAI-ին եկամտի բաժին չի վճարի։
• OpenAI-ից Microsoft-ին եկամտաբաժնի վճարումները կշարունակվեն մինչև 2030 թվականը՝ անկախ OpenAI-ի տեխնոլոգիական առաջընթացից, նույն տոկոսադրույքով, սակայն ենթակա լինելով ընդհանուր առավելագույն սահմանաչափի։ 
• Microsoft-ը որպես խոշոր բաժնետեր շարունակում է անմիջականորեն մասնակցել OpenAI-ի աճին։ 

Թեև այս փոփոխությունը պարզեցնում է գործընկերությունը, մեր համատեղ իրականացվող աշխատանքը շարունակում է մնալ հավակնոտ։ Սկսած տվյալների կենտրոնների նոր հզորությունների գիգավատային մասշտաբով ընդլայնումից մինչև հաջորդ սերնդի սիլիկոնի շուրջ համագործակցությունը, ինչպես նաև կիբերանվտանգության առաջխաղացման համար ԱԲ-ի կիրառումը և այլն, մենք ոգևորված ենք շարունակելու համագործակցությունը՝ ամբողջ աշխարհում մարդկանց և կազմակերպությունների համար ԱԲ-իզարգացումը և և մասշտաբավորումը առաջ մղելու նպատակով։