Անցնել հիմնական բովանդակությանը
OpenAI

22 հոկտեմբերի, 2026 թ.

Արտադրանք

Ստեղծեք արագ արձագանքող հավելվածներ Decisions API-ով

Արագ, նպատակային, մատչելի որոշումներ՝ ցանկացած հավելվածի համար։

Բեռնվում է…

Հավելվածներն ու ագենտները աշխատանքային գործընթացում բազմաթիվ փոքր որոշումներ են կայացնում՝ ինչպես դասակարգել մուտքային տվյալները, ուր ուղղորդել հարցումը կամ ինչ գործողություն կատարել հաջորդիվ։ Առանձին վերցրած՝ դրանք պարզ են։ Սակայն մեծ ծավալների դեպքում դրանց ուշացումներն ու ծախսերը գումարվում են։

Այսօր Decisions API-ն դարձնում ենք ընդհանուր հասանելի։ GPT‑6 Luna-ի հիման վրա ստեղծված Decisions API-ն Luna-ի բանականությունն ուղղում է սահմանափակ պատասխաններով հարցերին՝ օգնելով հավելվածներին ու ագենտներին տեքստի, պատկերների և կառուցվածքային մուտքային տվյալների հիման վրա որոշումներ կայացնել գրեթե իրական ժամանակում՝ մինչև 10 անգամ ավելի արագ, քան Responses API-ով աշխատող GPT‑6 Luna-ն։

Հանրային բետա տարբերակից ի վեր ավելացրել ենք GPT‑Live‑ի հետ ներկառուցված ինտեգրում, կրկնօգտագործվող համատեքստի համար հարցումների քեշավորում և մոդելի հաշվարկներն ԱՄՆ-ում ու ԵՄ-ում կատարելու հնարավորություն։ Մշակողները կարող են նաև մուտքային տվյալները փոխանցել անմիջապես JSON ձևաչափով, պատկերներ ներառել հարցերի հրահանգներում և մեկ հարցմամբ տալ մինչև 400 հարց՝ նախորդ սահմանաչափի կրկնապատիկը։ Մենք նաև շարունակել ենք կրճատել ուշացումները, այդ թվում՝ Ասիայի մի շարք տարածաշրջաններում ավելացնելով հաշվողական հզորությունները։

Ինչպես են թիմերն օգտագործում Decisions API-ն

Decisions-ի կիրառման առաջին փորձը ցույց է տվել դրա օգտակարությունը տարբեր խնդիրների լուծման համար։

OpenAI-ի թիմերը Decisions API-ն կիրառում են պրոդուկտային և բիզնես աշխատանքային գործընթացներում։ dots-ի թիմն այն օգտագործում է արձագանքման ժամանակը կրճատելու և փոխգործակցությունը բարելավելու համար։ Մեր անձնական ֆինանսների թիմն այն օգտագործում է գործարքների նկարագրությունները դասակարգելու համար, իսկ հաղորդակցության թիմը Decisions-ով դասակարգում է մեդիա լուսաբանումն ըստ թեմաների և գնահատում, թե որքանով է այն ամրապնդում կամ վիճարկում առանցքային պատումները՝ պարզելու համար, թե ինչն է ավելի մանրամասն ուսումնասիրության կարիք ունենում։

Այս առաջին օրինակները ցույց են տալիս, թե ինչպես կարող է արագ, կառուցվածքային որոշումների կայացումը մուտքային տեղեկությունը վերածել օգտակար գործողության՝ ամենատարբեր իրավիճակներում։ Հաճախորդները նույնքան լայնորեն են կիրառում Decisions API-ն՝ ԱԲ-ի ծախսերը ճշգրիտ բաշխելուց մինչև լեզվի ուսուցումն ավելի ինտերակտիվ դարձնելը։

1 -ը 5-ից
“Box Extract-ի և Decisions API-ի միջոցով մենք դասակարգում ենք բիզնես փաստաթղթերը և ուղղորդում դրանք համապատասխան հաջորդ քայլին։ Մեր գնահատման ընթացքում ապահովագրական վկայագրերի 30 դեպքի համար Decisions API-ն ապահովեց ուղղորդման տարբերակի մոտ 5 անգամ ավելի արագ ընտրություն՝ պահպանելով Responses API-ի ճշգրտության նույն մակարդակը։ Սա հնարավորություն է տալիս ավտոմատացնելու կրկնվող աշխատանքը և վստահության ցածր մակարդակ ունեցող դեպքերը փոխանցելու ստուգողներին։”
Բիսվարուպ Պալիտ, հարթակի և ինտեգրումների պրոդուկտների կառավարման գծով Box-ի փոխնախագահ

Ընտրեք ձեր հավելվածին անհրաժեշտ որոշման տեսակը

Decisions API-ն օգտագործելը պարզ է․ մշակողները սահմանում են հարցն ու դրա թույլատրելի պատասխանները, ապա տրամադրում համատեքստը՝ տեքստի, պատկերների կամ անմիջապես JSON-ի տեսքով։ API-ն վերադարձնում է աջակցվող երեք տեսակի պատասխաններից մեկը՝ հավանականություն, ընտրություն կամ գնահատական, որի հիման վրա հավելվածները կարող են որոշել հետագա քայլերը։ Պատասխանների տեսակների բազմազանությունը թույլ է տալիս Decisions-ը կիրառել ամենատարբեր խնդիրների լուծման համար։

Decisions API-ն աջակցում է երեք տեսակի պատասխանների․

Տեսակ

Կիրառման նպատակը

Հիմնական արդյունքը

պայման

Գնահատել պայմանի ճշմարիտ լինելու հավանականությունը, օրինակ՝ արդյոք ապրանքն ունի տեսանելի վնասվածք։

հավանականություն. պայմանի ճշմարիտ լինելու հավանականության գնահատական՝ 0-ից 1 միջակայքում։

ընտրություն

Ընտրել ձեր նախապես սահմանած տարբերակներից մեկը, օրինակ՝ արդյոք ագենտը պետք է շարունակի, նորից փորձի, թե պարզաբանում խնդրի։

ընտրություն. ձեր տրամադրած արժեքներից մեկը։ Պատասխանը ներառում է նաև հավանականություններն ու վստահության մակարդակը։

գնահատում

Գնահատել մուտքային տվյալները ըստ գնահատման չափանիշների համակարգում հերթականությամբ դասավորված մակարդակների, օրինակ՝ վնասվածքի ծանրության աստիճանի։

գնահատում. մակարդակների ինդեքսների՝ հավանականություններով կշռված միջինը։

Ստեղծեք իրական ժամանակում աշխատող ձայնային հավելվածներ Decisions API-ով և GPT‑Live‑ով

GPT‑Live-ով կարող եք ձեր ձայնային հավելվածներին հաղորդել բնական, արտահայտիչ խոսելու ունակություն և սահուն արձագանքել խոսքի ընդհատումներին՝ պահպանելով զրույցի ընթացքը։ Decisions API-ն այժմ ունի ներկառուցված ինտեգրում GPT‑Live‑ի հետ⁠(բացվում է նոր պատուհանում)՝ օգնելով հավելվածներին ուղիղ զրույցների ընթացքում արագ, նպատակային որոշումներ կայացնել։ Հաճախորդների սպասարկման ագենտը կարող է որոշել՝ ճշտող հարց տալ, ուղղորդել հարցումը, թե խնդիրը փոխանցել ավելի բարձր մակարդակի մասնագետի։ Ավատարը կարող է փոխել իր դեմքի արտահայտությունը, երբ օգտատերը խոսում է իր հետ, և ըստ օգտատիրոջ խոսքերի՝ աչքով անել կամ ժպտալ՝ շփումն ավելի ինտերակտիվ դարձնելով։

Ստորև բերված օրինակում ավատարի դեմքի արտահայտությունն ընտրվում է ըստ զրույցի տառադարձման թարմացումների։ Այս կազմաձևումն ավելացրեք GPT‑Live‑ի գործող սեսիայի session.triggers բաժնում։

JSON

1
{
2
  "type": "decisions",
3
  "event_type": "session.input_transcript.delta",
4
  "decisions": {
5
    "questions": [{
6
      "type": "choice",
7
      "name": "reaction",
8
      "instructions": "Choose an appropriate reaction for the avatar based on the user's latest message.",
9
      "choices": [
10
        { "value": "neutral" },
11
        { "value": "happy" },
12
        { "value": "sad" },
13
        { "value": "concerned" }
14
      ]
15
    }]
16
  }
17
}

Live-ն ուղարկում է decision.event իրադարձություն․ հավելվածը կարդում է ընտրված reaction արժեքը և համապատասխանաբար անիմացնում կերպարին։ Իմացեք ավելին ձայնային գործառույթները Decisions API-ին միացնելու մասին։⁠(բացվում է նոր պատուհանում)

Ինքներդ փորձեք Decisions-ը GPT‑Live‑ի հետ

Mic off

Microphone off until you start

Expression palette

Tap a face to preview it.

Live decisions

Watch as the Decisions API chooses a facial expression based on what each of you says.

Your words

Watch the reaction as you speak.

Assistant’s words

Watch the face as the assistant replies.

Try saying

I rehearsed my audition for my cat. She walked out halfway through.

Այս դեմոն ժամանակով սահմանափակ է։ Օգտագործելով այն՝ Դուք համաձայնում եք OpenAI-ի Օգտագործման պայմաններին⁠ և ընդունում եք մեր գաղտնիության քաղաքականությունը⁠։

Ստեղծեք և գնահատեք ձեր առաջին որոշումը

Decisions API-ն այսօրվանից ընդհանուր հասանելի է GPT‑6 Luna-ով՝ հատուկ Decisions վերջնակետի միջոցով։ Ընթացիկ սակագներն ու քեշավորման մանրամասները տեսեք գների և հասանելիության ուղեցույցում⁠(բացվում է նոր պատուհանում)։

Սկսեք մի կրկնվող որոշումից, որը ձեր հավելվածը հաճախ է կայացնում։ Սահմանեք հարցը, հնարավոր պատասխանները և դրանք տարբերակելու համար անհրաժեշտ համատեքստը։ Փորձարկեք այն իրական օգտագործումն արտացոլող օրինակներով՝ Decisions Playground⁠(բացվում է նոր պատուհանում)-ում օգտագործելով ձեր տեքստը կամ պատկերները, կամ հետևեք մշակողների ուղեցույցին⁠(բացվում է նոր պատուհանում)՝ ձեր առաջին հարցումն ուղարկելու համար։

Decisions API-ի արժեքը կազմում է $0.10՝ մեկ միլիոն մուտքային թոքենի համար։ Քեշավորված մուտքային տվյալների արժեքը $0.01 է՝ մեկ միլիոն թոքենի համար։ 30 րոպե և 12 ժամ պահպանվող քեշային գրառումների մասին կարդացեք մեր գնային ուղեցույցում։⁠(բացվում է նոր պատուհանում) Դուք վճարում եք միայն մուտքային թոքենների համար․ ելքային թոքենների համար վճար չի գանձվում։ Տարածաշրջանային մշակումը հասանելի է ԱՄՆ-ում և ԵՄ-ում, իսկ համապատասխան պահանջները բավարարող հաճախորդների համար հասանելի է «Ոչ մի պահվող տվյալ»⁠(բացվում է նոր պատուհանում) տարբերակը։ Մանրամասների համար տեսեք գների ու քեշավորման⁠(բացվում է նոր պատուհանում) և տվյալների կառավարման ⁠(բացվում է նոր պատուհանում)բաժինները։

Հեղինակ

OpenAI

Շարունակել կարդալ

Դիտել բոլորը
Introducing GPT-6 Sol and Luna — Art card
Ներկայացնում ենք GPT-6 Sol-ը և Luna-ն

Արտադրանք

Introducing the Agents API — cover image
Ներկայացնում ենք Agents API-ն

Արտադրանք

Better prompt caching for GPT-6 — Card image
Հարցումների բարելավված քեշավորում GPT-6-ի համար

Արտադրանք