Գաղտնիություն, որը դուք եք վերահսկում
Անկախ նրանից՝ դուք զրուցում եք, ստեղծում, թե պարզապես դիտում, ձեր տվյալները ձեր վերահսկողության տակ են։ Մենք մեր արտադրանքներն ու համակարգերը մշակում ենք այնպես, ոչ ձեր տեղեկությունը պաշտպանված ու ապահով լինի։ Դրանք ունեն հեշտ օգտագործվող կարգավորումներ, որոնք սահմանում եք դուք՝ ըստ ձեր հայեցողության։
Ձեզ համար հեշտացնում ենք ձեր տվյալների վերահսկումը
Գաղտնիություն՝ ներդրված յուրաքանչյուր շերտում
Մենք գաղտնիության պաշտպանությունը ներառում ենք մեր մոդելների ուսուցման գործընթացում, մեր արտադրանքների աշխատանքում, ինչպես նաև մեր թիմերի գործունեության մեջ։
Յուրաքանչյուր գործարկում ստուգում ենք՝ հաշվի առնելով գաղտնիության ապահովումը։
Մենք մեր մոդելների, ինչպես նաև յուրաքանչյուր գործառույթի մեջ գաղտնիության պաշտպանության միջոցներ ենք ներդնում դրանց մշակման ողջ ցիկլի ընթացքում՝ նախագծումից մինչև գործարկում և գործարկումից հետո արվող մշտադիտարկում։
Մենք նվազեցնում ենք անձնական տվյալների այն ծավալը, որն օգտագործվում է մեր մոդելներն ուսուցանելու և արտադրանքը գործարկելու համար
Մեր մոդելները ստեղծված են՝ սովորելու աշխարհի, ոչ թե մասնավոր անձանց մասին։ Մենք անձնական տեղեկություններ չենք որոնում, հանրային տվյալներից պրոֆիլներ չենք կազմում և աշխատում ենք, հնարավորության դեպքում, հայտնաբերել և ուսուցման տվյալների հավաքածուներից հեռացնել անձնական նույնացուցիչները։
Մեր մոդելները վարժեցված են այնպես, որ խուսափեն անձնական կամ զգայուն տեղեկությունից
Մենք ակտիվորեն վարժեցնում ենք մեր մոդելներին մերժել այն հարցումները, որոնք պահանջում են իրական մարդկանց մասին անձնական տեղեկություններ, օրինակ՝ հասցեներ կամ կոնտակտային տվյալներ։ Մենք շարունակաբար փորձարկում և թարմացնում ենք այս պաշտպանական միջոցները, որպեսզի մոդելները ժամանակի ընթացքում ավելի կատարելագործվեն։
