Գաղտնիության հստակ ընտրանքներ՝ ներկառուցված պաշտպանություններով
Անկախ նրանից՝ ChatGPT‑ն օգտագործում եք աշխատանքի, ուսման թե առօրյա խնդիրների համար, ձեր տվյալների կառավարումը ձեր վերահսկողության տակ է։ Մենք այնպես ենք կազմակերպել, որ գաղտնիության հետ կապված ձեր ընտրանքները հեշտ լինի գտնել և կառավարել, իսկ ներկառուցված պաշտպանական միջոցներն օգնում են ապահով պահել ձեր տեղեկությունները։
Ձեր գաղտնիության կարգավորումները ChatGPT‑ում
Ինչպես ենք պաշտպանում ձեր գաղտնիությունը
Մենք գաղտնիության պաշտպանությունը ներառում ենք մեր մոդելների ուսուցման գործընթացում, մեր արտադրանքների աշխատանքում, ինչպես նաև մեր թիմերի գործունեության մեջ։
Մենք չենք վաճառում ձեր տվյալները
Մենք ձեր զրույցները չենք կիսում գովազդատուների կամ մարքեթինգային գործընկերների հետ և երբեք ոչ ոքի չենք վաճառում ձեր տվյալները։
Մենք ապահովում ենք ձեր տեղեկատվության անվտանգությունը
Ձեր տեղեկություններն ու հաշիվը պաշտպանելու համար մենք կիրառում ենք անվտանգության մի շարք միջոցներ՝ ներառյալ գաղտնագրումը, փորձագետների կողմից իրականացվող անվտանգության թեստավորումը և կասկածելի գործունեության մշտադիտարկումը։
Դուք վերահսկում եք ձեր տվյալները
Դուք կարող եք մուտք գործել, արտահանել և ջնջել ձեր հաշվի հետ կապված ChatGPT‑ի զրույցներն ու տվյալները։ Դուք նաև վերահսկում եք՝ արդյոք ձեր զրույցներն օգտագործվեն մեր մոդելները բարելավելու համար, թե՞ ոչ։
Յուրաքանչյուր գործարկում ստուգում ենք՝ հաշվի առնելով գաղտնիության ապահովումը։
Մենք մեր մոդելների, ինչպես նաև յուրաքանչյուր գործառույթի մեջ գաղտնիության պաշտպանության միջոցներ ենք ներդնում դրանց մշակման ողջ ցիկլի ընթացքում՝ նախագծումից մինչև գործարկում և գործարկումից հետո արվող մշտադիտարկում։
Մենք նվազեցնում ենք ChatGPT-ն բարելավելու համար օգտագործվող անձնական տվյալների ծավալը
Մեր մոդելները ստեղծված են՝ սովորելու աշխարհի, ոչ թե մասնավոր անձանց մասին։ Մենք աշխատում ենք, հնարավորության դեպքում, հայտնաբերել և ուսուցման տվյալների հավաքածուներից հեռացնել անձնական նույնացուցիչները։
Մեր մոդելները վարժեցված են այնպես, որ խուսափեն անձնական կամ զգայուն տեղեկությունից
Մենք ակտիվորեն վարժեցնում ենք մեր մոդելներին մերժել այն հարցումները, որոնք պահանջում են իրական մարդկանց մասին անձնական տեղեկություններ, օրինակ՝ հասցեներ կամ կոնտակտային տվյալներ։ Մենք շարունակաբար փորձարկում և թարմացնում ենք այս պաշտպանական միջոցները, որպեսզի մոդելները ժամանակի ընթացքում ավելի կատարելագործվեն։
