22 ઑક્ટોબર, 2026

Decisions API વડે ઝડપી પ્રતિસાદ આપતી ઍપ બનાવો

કોઈપણ ઍપ્લિકેશન માટે ઝડપી, લક્ષિત અને ઓછા ખર્ચે નિર્ણયો.

લોડિંગ…

ઍપ્લિકેશનો અને એજન્ટો કાર્યપ્રવાહ દરમિયાન ઘણા નાના નિર્ણયો લે છે: ઇનપુટનું વર્ગીકરણ કેવી રીતે કરવું, વિનંતી ક્યાં મોકલવી કે આગળ કઈ કાર્યવાહી કરવી. એકેક નિર્ણય સરળ હોય છે. પરંતુ મોટા પાયે, તેમાં લાગતો સમય અને ખર્ચ વધતા જાય છે.

આજે અમે Decisions APIને સામાન્ય ઉપયોગ માટે ઉપલબ્ધ કરાવી રહ્યાં છીએ. GPT‑6 Luna વડે બનેલું Decisions API, Lunaની ઇન્ટેલિજન્સને મર્યાદિત જવાબો ધરાવતા પ્રશ્નો પર કેન્દ્રિત કરે છે. તે ઍપ્લિકેશનો અને એજન્ટોને લખાણ, છબીઓ અને સંરચિત ઇનપુટના આધારે લગભગ તત્કાળ નિર્ણયો લેવામાં મદદ કરે છે—Responses API દ્વારા GPT‑6 Lunaનો ઉપયોગ કરવાની સરખામણીમાં 10 ગણી વધુ ઝડપે.

જાહેર બીટા પછીથી, અમે GPT‑Live સાથે સીધું એકીકરણ, ફરી વપરાતા સંદર્ભ માટે પ્રોમ્પ્ટ કૅશિંગ અને અનુમાન પ્રક્રિયાને યુએસ તથા EUની અંદર જ રાખવાની સુવિધા ઉમેરી છે. ડેવલપરો સીધા JSON ઇનપુટ પણ મોકલી શકે છે, પ્રશ્નની સૂચનાઓમાં છબીઓ સમાવી શકે છે અને દરેક વિનંતીમાં 400 સુધીના પ્રશ્નો પૂછી શકે છે—જે અગાઉની મર્યાદાથી બમણા છે. અમે પ્રતિસાદનો સમય ઘટાડવાનું પણ ચાલુ રાખ્યું છે, જેમાં એશિયાના અનેક પ્રદેશોમાં ક્ષમતા વધારવાનો સમાવેશ થાય છે.

ટીમો Decisions APIનો કેવી રીતે ઉપયોગ કરી રહી છે

Decisionsના પ્રારંભિક ઉપયોગથી જણાયું છે કે તે વિવિધ પ્રકારનાં કામમાં ઉપયોગી છે.

OpenAIની વિવિધ ટીમો ઉત્પાદન અને વ્યવસાયના કાર્યપ્રવાહોમાં Decisions APIનો ઉપયોગ કરી રહી છે. dots ટીમ તેનો ઉપયોગ પ્રતિસાદનો સમય ઘટાડવા અને પરસ્પર સંવાદ સુધારવા માટે કરી રહી છે. અમારી વ્યક્તિગત નાણાંની ટીમ તેનો ઉપયોગ વ્યવહારોનાં વર્ણનોનું વર્ગીકરણ કરવા માટે કરે છે. અમારી સંચાર ટીમ Decisions વડે સમાચાર અહેવાલોને વિષય મુજબ વર્ગીકૃત કરે છે અને મુખ્ય રજૂઆતોને તે સમર્થન આપે છે કે પડકારે છે તે મુજબ ગુણ આપે છે. આથી કયા અહેવાલોની વધુ ઊંડાણથી સમીક્ષા કરવી તે ઓળખવામાં મદદ મળે છે.

આ પ્રારંભિક ઉદાહરણો દર્શાવે છે કે ઝડપી, સંરચિત નિર્ણયપ્રક્રિયા વિવિધ પ્રકારનાં કામમાં આવતી માહિતીને ઉપયોગી કાર્યવાહીમાં કેવી રીતે ફેરવી શકે છે. ગ્રાહકો પણ Decisions APIનો એટલો જ વ્યાપક ઉપયોગ કરી રહ્યા છે—AIનો ખર્ચ યોગ્ય કામ સાથે ચોકસાઈથી જોડવાથી લઈને ભાષા શીખવાના અનુભવને વધુ સંવાદાત્મક બનાવવા સુધી.

5માંથી 1

“Box Extract અને Decisions API વડે અમે વ્યવસાયિક દસ્તાવેજોનું વર્ગીકરણ કરીને તેમને યોગ્ય આગળના તબક્કે મોકલીએ છીએ. અમારા મૂલ્યાંકનમાં, વીમા પ્રમાણપત્રોના 30 કિસ્સાઓમાં Decisions APIએ આગળનો માર્ગ લગભગ 5 ગણી ઝડપે પસંદ કર્યો, અને તેની ચોકસાઈ Responses API જેટલી જ રહી. આથી નિયમિત કામ આપમેળે થાય છે અને ઓછી ખાતરીવાળા કિસ્સાઓ સમીક્ષકોને મોકલાય છે.”

—બિશ્વરૂપ પાલિત, ઉપપ્રમુખ, ઉત્પાદન વ્યવસ્થાપન—પ્લૅટફૉર્મ અને એકીકરણો, Box

“Decisions API સમસ્યાઓ સ્વાયત્ત રીતે ઉકેલવા માટે એજન્ટે બનાવેલા [rshell આદેશો⁠(નવી વિન્ડોમાં ખૂલે છે)] ચલાવતાં પહેલાં તેમનું જોખમ આંકવામાં અમને મદદ કરે છે. ઉપલબ્ધ અત્યાધુનિક મૉડલોની સરખામણીમાં તેણે સમકક્ષ ચોકસાઈ સાથે p95 પર 40 ગણી ઝડપ આપી. આથી Decisionsને સમસ્યા ઉકેલવાની કાર્યવાહીના સમય-સંવેદનશીલ મુખ્ય ક્રમમાં સામેલ કરવું શક્ય બન્યું છે.”

—એજે સ્ટુયવેનબર્ગ, સ્ટાફ ઇજનેર, Datadog

“Decisions APIથી અમારા AI ખર્ચને વાસ્તવમાં થયેલા કામ સાથે જોડવાની પ્રક્રિયા GPT‑6 Lunaની સરખામણીમાં 4 ગણી ઝડપી અને 30% સસ્તી બની છે, અને ચોકસાઈ જળવાઈ રહી છે.”

—રેને સુલતાન, સંશોધન ઇજનેર, Ramp

“Sierraમાં, અમે Decisions APIનો ઉપયોગ ગ્રાહકો સાથે ચાલુ વાતચીતમાં કાર્યસંકલનના કેટલાક તબક્કાઓ દરમિયાન યોગ્ય આગળની કાર્યવાહી પસંદ કરવા માટે કરીએ છીએ. તેનો p95 સમય 280 મિલિસેકન્ડથી ઓછો છે. અમારી અગાઉની પદ્ધતિ કરતાં તે લગભગ 3 ગણી ઝડપે અને દરેક કૉલદીઠ 90% ઓછા ખર્ચે કામ કરે છે, અને ગ્રાહકોને મળતાં પરિણામોમાં કોઈ ઘટાડો થયો નથી.”

—અજીત ગ્રેવાલ, ઇજનેર, Sierra

“ભાષા શીખનારાઓ માટે યોગ્ય સમયે પ્રતિસાદ મળવો મહત્વનો છે. અમારા પરીક્ષણમાં, GPT‑Liveમાં Decisions APIના એકીકરણથી આગળની કાર્યવાહી સુધીનો સમય 90%થી વધુ ઘટાડી શકાયો—1.4 સેકન્ડથી 0.13 સેકન્ડ. આથી શીખવાનો અનુભવ ઘણો વધુ સંવાદાત્મક બન્યો.”

—ઍન્ડ્રુ સૂ, મુખ્ય ટેક્નોલોજી અધિકારી, Speak

તમારી ઍપ્લિકેશનને જરૂરી નિર્ણયનો પ્રકાર પસંદ કરો

Decisions APIનો ઉપયોગ સરળ છે: ડેવલપરો પ્રશ્ન અને તેના માન્ય જવાબો નક્કી કરે છે, પછી લખાણ, છબીઓ અથવા સીધા JSON સ્વરૂપે સંદર્ભ આપે છે. API ત્રણ સમર્થિત પ્રકારોમાંથી એક પ્રકારનો જવાબ આપે છે—સંભાવના, પસંદગી અથવા ગુણ—જેનો ઉપયોગ ઍપ્લિકેશનો આગળ શું કરવું તે નક્કી કરવા માટે કરી શકે છે. જવાબના વિવિધ પ્રકારોને કારણે Decisionsનો અનેક પ્રકારનાં કામમાં ઉપયોગ થઈ શકે છે.

Decisions API જવાબના ત્રણ પ્રકારોને સમર્થન આપે છે:

પ્રકાર	ઉપયોગ	મુખ્ય પરિણામ
predicate	કોઈ શરત સાચી હોવાની સંભાવનાનો અંદાજ કાઢો, જેમ કે ઉત્પાદનમાં દેખીતું નુકસાન છે કે નહીં.	probability: શરત સાચી હોવાની સંભાવનાનો 0થી 1 વચ્ચેનો અંદાજ.
choice	તમારા પૂર્વનિર્ધારિત વિકલ્પોમાંથી એક પસંદ કરો, જેમ કે એજન્ટે આગળ વધવું, ફરી પ્રયાસ કરવો કે સ્પષ્ટતા માંગવી.	choice: તમે આપેલાં મૂલ્યોમાંથી એક. પ્રતિસાદમાં સંભાવનાઓ અને વિશ્વાસનું સ્તર પણ સામેલ હોય છે.
score	મૂલ્યાંકનના માપદંડમાં ગોઠવેલાં ક્રમિક સ્તરો પ્રમાણે ઇનપુટને ગુણ આપો, જેમ કે નુકસાનની ગંભીરતા.	score: સ્તરોના સૂચકાંકોની સંભાવના-ભારિત સરેરાશ.

Decisions API અને GPT‑Live વડે તત્કાળ અવાજ-સંવાદના અનુભવો બનાવો

GPT‑Live વડે તમે તમારી અવાજ-આધારિત ઍપ્લિકેશનોમાં સ્વાભાવિક, અભિવ્યક્તિસભર વાતચીત શક્ય બનાવી શકો છો. વચ્ચે કોઈ બોલે ત્યારે પણ તે સહજ રીતે સંભાળી લે છે, જેથી વાતચીતનો પ્રવાહ જળવાઈ રહે છે. Decisions API હવે GPT‑Live સાથે સીધું એકીકૃત થાય છે⁠(નવી વિન્ડોમાં ખૂલે છે), જેથી ઍપ્લિકેશનો ચાલુ વાતચીત દરમિયાન ઝડપી, લક્ષિત નિર્ણયો લઈ શકે છે. ગ્રાહક સહાય એજન્ટ નક્કી કરી શકે છે કે સ્પષ્ટતા માટે પ્રશ્ન પૂછવો, વિનંતી યોગ્ય જગ્યાએ મોકલવી કે સમસ્યા ઉચ્ચ સ્તરે રજૂ કરવી. વપરાશકર્તા વાત કરે ત્યારે અવતાર પોતાના ચહેરાના હાવભાવ બદલી શકે છે અને વપરાશકર્તાના શબ્દો અનુસાર આંખ મીંચકારીને કે સ્મિત આપીને વધુ સંવાદાત્મક અનુભવ આપી શકે છે.

નીચેના ઉદાહરણમાં અવતારના હાવભાવ પસંદ કરવા માટે વાતચીતના લિખિત રૂપમાં થતા ફેરફારોનો ઉપયોગ થાય છે. ચાલુ GPT‑Live સત્રમાં session.triggersમાં આ ગોઠવણી ઉમેરો.

JSON

1{
2  "type": "decisions",
3  "event_type": "session.input_transcript.delta",
4  "decisions": {
5    "questions": [{
6      "type": "choice",
7      "name": "reaction",
8      "instructions": "Choose an appropriate reaction for the avatar based on the user's latest message.",
9      "choices": [
10        { "value": "neutral" },
11        { "value": "happy" },
12        { "value": "sad" },
13        { "value": "concerned" }
14      ]
15    }]
16  }
17}

Live એક decision.event મોકલે છે; ઍપ્લિકેશન પસંદ કરેલી reaction વાંચે છે અને તે મુજબ પાત્રને હલનચલન કરાવે છે. અવાજને Decisions API સાથે જોડવા વિશે વધુ જાણો.⁠(નવી વિન્ડોમાં ખૂલે છે)

GPT‑Live સાથે Decisions જાતે અજમાવો

Mic off

Microphone off until you start

Expression palette

Tap a face to preview it.

Live decisions

Watch as the Decisions API chooses a facial expression based on what each of you says.

Your words

Watch the reaction as you speak.

Assistant’s words

Watch the face as the assistant replies.

Try saying

I rehearsed my audition for my cat. She walked out halfway through.

આ ડેમો સમય-મર્યાદિત છે. તેનો ઉપયોગ કરીને, તમે OpenAI ની શરતો⁠ સાથે સંમત થાઓ છો અને અમારી પ્રાઇવસી પોલિસી⁠ સ્વીકારો છો.

તમારો પ્રથમ નિર્ણય બનાવો અને તેનું મૂલ્યાંકન કરો

Decisions API આજથી સમર્પિત Decisions એન્ડપોઇન્ટ દ્વારા GPT‑6 Luna સાથે સામાન્ય ઉપયોગ માટે ઉપલબ્ધ છે. વર્તમાન દરો અને કૅશિંગની વિગતો માટે કિંમત અને ઉપલબ્ધતાની માર્ગદર્શિકા⁠(નવી વિન્ડોમાં ખૂલે છે) જુઓ.

તમારી ઍપ્લિકેશન વારંવાર લેતી હોય એવા એક નિર્ણયથી શરૂઆત કરો. પ્રશ્ન, સંભવિત જવાબો અને તેમની વચ્ચે ભેદ પાડવા માટે જરૂરી સંદર્ભ નક્કી કરો. વાસ્તવિક ઉપયોગને અનુરૂપ ઉદાહરણો પર તેને ચકાસો. Decisions Playground⁠(નવી વિન્ડોમાં ખૂલે છે)માં તમારાં પોતાનાં લખાણ કે છબીઓ વાપરો અથવા તમારી પ્રથમ વિનંતી મોકલવા માટે ડેવલપર માર્ગદર્શિકા⁠(નવી વિન્ડોમાં ખૂલે છે) અનુસરો.

Decisions APIનો ખર્ચ દર દસ લાખ ઇનપુટ ટોકનદીઠ $0.10 છે. કૅશ કરેલા ઇનપુટનો ખર્ચ દર દસ લાખ ટોકનદીઠ $0.01 છે. 30 મિનિટ અને 12 કલાક માટે કૅશમાં લખવાના ખર્ચ વિશે અમારી કિંમતની માર્ગદર્શિકા વાંચો.⁠(નવી વિન્ડોમાં ખૂલે છે) તમે માત્ર ઇનપુટ ટોકન માટે ચૂકવણી કરો છો: આઉટપુટ ટોકનનો કોઈ ચાર્જ નથી. યુએસ અને ઈયુમાં પ્રાદેશિક પ્રક્રિયાની સુવિધા ઉપલબ્ધ છે અને પાત્ર ગ્રાહકો માટે ઝીરો ડેટા રિટેન્શન⁠(નવી વિન્ડોમાં ખૂલે છે) ઉપલબ્ધ છે. વિગતો માટે કિંમત અને કૅશિંગ⁠(નવી વિન્ડોમાં ખૂલે છે) તથા ડેટા નિયંત્રણો ⁠(નવી વિન્ડોમાં ખૂલે છે)જુઓ.

લેખક

OpenAI

વાંચતા રહો

બધું જુઓ

Introducing GPT-6 Sol and Luna — Art card

GPT-6 Sol અને Lunaનો પરિચય

પ્રોડક્ટ22 સપ્ટે, 2026

Introducing the Agents API — cover image

એજન્ટ્સ APIનો પરિચય

પ્રોડક્ટ10 સપ્ટે, 2026

Better prompt caching for GPT-6 — Card image

GPT-6 માટે વધુ સારું પ્રોમ્પ્ટ કૅશિંગ

પ્રોડક્ટ22 સપ્ટે, 2026