అభ్యసన ఎప్పుడూ ఆగదు: AI అభ్యసన నిరంతర ప్రక్రియగా ఎలా మారుస్తుంది

విద్యార్థులు తిరిగి స్కూల్‌లకు వెళ్తున్న తరుణంలో, విద్యార్థులు మరియు అధ్యాపకులు క్లాస్ రూమ్ మించి అభ్యసనాన్ని విస్తరించడానికి ChatGPT ఇప్పటికే ఎలా ఉపయోగిస్తున్నారనే దానిపై OpenAI ఒక కొత్త నివేదిక విడుదల చేస్తోంది.

విద్యార్థులు ప్రశ్న అడగడానికి లేదా సహాయం పొందడానికి చాలాసేపు తరగతి మొదలయ్యే వరకు వేచి ఉండాల్సి వచ్చేది. ఉపాధ్యాయులు పరిపాలనా పనులను కూడా నిర్వహిస్తూ, డజన్ల కొద్దీ విద్యార్థులపై తమ దృష్టిని పంచుకోవాల్సి ఉంటుంది. ప్రశ్న తలెత్తినప్పుడు తల్లిదండ్రులు మరియు ట్యూటర్లు ఎల్లప్పుడూ అందుబాటులో ఉండకపోవచ్చు. ఇప్పుడు, విద్యార్థులకు అవసరమైనప్పుడల్లా మార్గదర్శనం, ఫీడ్‌బ్యాక్, అభ్యసన అందుబాటులో ఉండేలా చేయడం ద్వారా AI వీటన్నింటిని మారుస్తోంది.

గోప్యతను కాపాడే ఒక విశ్లేషణలో, అన్ని వయస్సుల వారు తమకు తెలిసిన విషయాలను పరీక్షించుకోవడానికి ప్రతి వారం ChatGPT తో ఏకంగా 7 కోట్ల సంభాషణలు జరుపుతున్నారని తేలింది. వీటిలో అపోహలను సరిచూసుకోవడం, మరింత సాధన కోసం అభ్యర్థించడం వంటివి కూడా ఉన్నాయి. U.S.లో, స్కూల్‌ సంవత్సరం సమయంలో క్లాస్‌వర్క్ మరియు హోంవర్క్‌కు సంబంధించిన ప్రాంప్ట్‌లు వారానికి 460 మిలియన్లకు పైగా సందేశాలతో గరిష్ఠ స్థాయికి చేరి, ఆదివారం సాయంత్రాల్లో పెరుగుతాయి. వేసవికాలంలో కూడా, అవి వారానికి 180 మిలియన్`‌ల సందేశాలకు మించి ఉంటాయి.

విద్యార్థులకు, నిరంతర అభ్యసన అంటే పాఠం ఇంకా తాజాగా గుర్తున్నప్పుడే క్లాస్ రూమ్‌ వెలుపల బీజగణితంలో సహాయం పొందడం కావచ్చు ఉపాధ్యాయులకు దీని అర్థం, మొదటి గంట మోగేలోపే వివిధ నైపుణ్య స్థాయిలకు అనుగుణంగా అసైన్‌మెంట్ మార్చడం లేదా పునరావృతమయ్యే పత్ర సంబంధిత పనులపై తక్కువ సమయం వెచ్చించి, బోధనపై ఎక్కువ సమయం కేటాయించడం కావచ్చు. ఇంట్లో వేరే భాష మాట్లాడే కుటుంబాలకు, దీని అర్థం వారు అర్థం చేసుకునే భాషలో స్కూల్‌ నుండి వచ్చే సమాచారాన్ని అందుకోవడం మరియు పిల్లల పురోగతికి మరింత మెరుగ్గా తోడ్పడం సాధ్యమవుతుంది.

U.S. వ్యాప్తంగా AIని ఉత్పాదక, సృజనాత్మక, అర్థవంతమైన విధాల్లో ఉపయోగిస్తున్న ఉపాధ్యాయులు, విద్యార్థులను కూడా ఈ నివేదిక ప్రముఖంగా చూపిస్తుంది.

కృత్రిమ మేధస్సు ఉపాధ్యాయుడి వివేచనను, తల్లిదండ్రుల ప్రోత్సాహాన్ని, లేదా నేర్చుకోవడానికి విద్యార్థులు చేయాల్సిన కృషిని భర్తీ చేయలేదు. అయితే, తగిన మార్గదర్శకత్వం మరియు రక్షణ చర్యలతో, ఇది ఉపాధ్యాయులు బోధనపై దృష్టి పెట్టేందుకు మరింత సమయాన్ని కల్పించగలదు, వ్యక్తిగతీకరించిన మద్దతును మరింత మంది వ్యక్తులకు మరిన్ని సమయాల్లో అందుబాటులోకి తీసుకురాగలదు.

AI అభ్యసన ఎప్పుడు, ఎక్కడ జరుగుతుందో ఎలా మారుస్తోందనే విషయంపై పూర్తి నివేదికను ఇక్కడ⁠(కొత్త విండోలో తెరుచుకుంటుంది) చదవండి.