GPT‑6 குடும்ப மாடல்களுக்கான வழிகாட்டி

GPT‑6 என்பது இதுவரையிலான எங்கள் மிக மேம்பட்ட மாடல் தொகுப்பு. பல்வேறு பணிகளுக்கேற்ற மாடல்களை இதில் தேர்ந்தெடுக்கலாம்.

யோசனையைச் செயல்படும் முன்மாதிரியாக்குவது, அம்சத்தை உருவாக்கிச் சோதிப்பது, ரிபாசிட்டரிகள், தரவுத்தளங்கள், வெளிப்புற API-களில் பலபடி பணிப்பாய்வுகளை ஒருங்கிணைப்பது என எதுவாயினும், GPT‑6 மாடலைத் தேர்ந்தெடுக்கவும், தெளிவாக அறிவுறுத்தவும், நீண்ட பணிகளை நிர்வகிக்கவும், பயன்பாட்டுக்குத் தயாராக்கவும் இவ்வழிகாட்டி உதவும்.

• நேரடிப் பயன்பாட்டில் திறம்பட இயக்குங்கள். சூழலையும் செலவையும் நிர்வகிக்க தற்காலிகச் சேமிப்பு⁠(புதிய சாளரத்தில் திறக்கும்), சுருக்குதல்⁠(புதிய சாளரத்தில் திறக்கும்) ஆகியவற்றைப் பயன்படுத்துங்கள். பணி வெற்றியையும் தாமதத்தையும் அளவிடுங்கள்; கண்காணிப்பு, தரவுக் கட்டுப்பாடுகளைத் திட்டமிடுங்கள்.

• பணிச்சுமைக்கேற்ற மாடலைத் தேர்ந்தெடுங்கள். பணிக்கேற்ற மாடல், ரீஸனிங் முயற்சி⁠(புதிய சாளரத்தில் திறக்கும்), வேகத்தைத் தேர்ந்தெடுத்து திறன், செலவு, தாமதத்தைச் சமநிலைப்படுத்துங்கள்.

• ப்ராம்ப்ட்களையும் திறன்களையும் மாற்றியமையுங்கள். மாடல் தரவேண்டிய முடிவு, சுயமாகச் செய்யக்கூடியவை, பணி முடிவதற்கான நிபந்தனைகள் குறித்து ப்ராம்ப்ட்கள், திறன்கள், ரிபாசிட்டரி அறிவுறுத்தல்கள் ஒரே மாதிரி இருக்கட்டும்.

• நீண்ட பணிகளைச் சரியான பாதையில் வைத்திருங்கள். மாற்றங்களையும் சார்பற்ற பணிகளையும் கையாள வழிநடத்தல்⁠(புதிய சாளரத்தில் திறக்கும்), ஒத்திசைவற்ற கருவிகள்⁠(புதிய சாளரத்தில் திறக்கும்), பணி ஒப்படைப்பு⁠(புதிய சாளரத்தில் திறக்கும்) ஆகியவற்றைப் பயன்படுத்துங்கள். மாடல் எப்போது உங்கள் கருத்தைக் கேட்க வேண்டும் என்பதைத் தெளிவாக வரையறுங்கள்.

பயன்பாட்டில் விடுமுன், சில சோதனைகளையும் சிறந்த நடைமுறைகளையும் செயல்படுத்துங்கள்.

• செயல்திறனைக் கருத்தில் கொள்ளுங்கள். ⁠(புதிய சாளரத்தில் திறக்கும்)தேவையான ஆதாரங்களை வைத்துக்கொண்டு, பணிக்குத் தேவையற்ற சூழல் தகவல்களை நீக்குங்கள்⁠(புதிய சாளரத்தில் திறக்கும்). செயலி ஆதரித்தால், சார்பற்ற பணிகளை ஒரே நேரத்தில் இயக்குங்கள்⁠(புதிய சாளரத்தில் திறக்கும்). மெதுவான ஒரு படி, தொடர்பற்ற பணிகளைத் தடுக்காது.

• மீண்டும் வரும் பணிகளில் பொதுவான சூழலை ப்ராம்ப்ட் தற்காலிகச் சேமிப்பு⁠(புதிய சாளரத்தில் திறக்கும்) மூலம் மறுபயன்படுத்துங்கள். மாடலைப் பொறுத்து, தற்காலிகமாகச் சேமித்த உள்ளீட்டு டோக்கன்களின் செலவு, சேமிக்காதவற்றைவிட 95% வரை குறைவு⁠(புதிய சாளரத்தில் திறக்கும்). மாறும் பணி விவரங்களுக்கு முன் நிலையான அறிவுறுத்தல்களையும் குறிப்புகளையும் வையுங்கள். கருவி வரையறைகளை ஒரே மாதிரி வைத்திருங்கள். மறுபயன்பாடு எங்கே தடைப்படுகிறது என்பதை தற்காலிகச் சேமிப்புத் தகவல் பலகை⁠(புதிய சாளரத்தில் திறக்கும்), கண்டறிதல் வழிகாட்டி⁠(புதிய சாளரத்தில் திறக்கும்) மூலம் அறியலாம். முழுப் பணிப்பாய்வின் செலவை மதிப்பிடும்போது தற்காலிகச் சேமிப்பில் எழுதுதல், நீண்ட சூழலுக்கான கட்டணங்களையும் சேருங்கள்.

• நீண்ட உரையாடல்களில், சுருக்குதல்⁠(புதிய சாளரத்தில் திறக்கும்) தொடரத் தேவையான நிலையைத் தக்கவைத்துச் சூழலின் அளவைக் குறைக்கிறது.

• நடத்தையை எவ்வாறு கண்காணிப்பது⁠(புதிய சாளரத்தில் திறக்கும்) என முடிவெடுத்து, செயலியின் தரவுக் கட்டுப்பாடுகளை⁠(புதிய சாளரத்தில் திறக்கும்) ஆய்வு செய்யுங்கள்.

• பயன்பாட்டில் விடுமுன் சோதியுங்கள்: வழக்கமான பணிகளை இயக்கி, வெற்றி, தாமதம், வெற்றிகரமான ஒவ்வொரு பணிக்குமான செலவை அளவிடுங்கள். எங்கள் API பயன்பாட்டு அறிமுகச் சரிபார்ப்புப் பட்டியலைப்⁠(புதிய சாளரத்தில் திறக்கும்) பாருங்கள்.

மாடல், ரீஸனிங் நிலைத் தேர்வை நுண்ணறிவுக்கும் விலைக்கும் இடையிலான சமநிலையாகக் கருதுங்கள்.

• மாடல்:

  • அதிகபட்ச நுண்ணறிவு தேவைப்படும் மிகக் கடினமான ரீஸனிங் பணிகளுக்கு GPT‑6 Astra⁠(புதிய சாளரத்தில் திறக்கும்).

  • சிக்கலான நிரலாக்கம், ஆராய்ச்சி, கணினிப் பயன்பாட்டுக்கு GPT‑6.1 Sol⁠(புதிய சாளரத்தில் திறக்கும்).

  • பெருமளவில் செய்யும் குறிப்பிட்ட பணிகளுக்கும், விலைப்பட்டியல் புலங்களைப் பிரித்தெடுத்தல், கோரிக்கைகளை வகைப்படுத்துதல், கட்டமைத்த சுருக்கங்களை உருவாக்குதல் போன்ற தெளிவான இலக்குள்ள அன்றாடப் பணிகளுக்கும் GPT‑6 Luna⁠(புதிய சாளரத்தில் திறக்கும்).

பணிக்கான சிறந்த மாடலைத் தேர்ந்தெடுக்கும்போது, மாடல்களின் விலைகளை ஒப்பிடுங்கள்⁠(புதிய சாளரத்தில் திறக்கும்).

• ரீஸனிங் நிலை: பணியில் மாடல் எவ்வளவு முயற்சி செலவிட வேண்டும் என்பதை API-இல் தேர்ந்தெடுங்கள்.

  • குறைவு: தகவல்களைப் பிரித்தெடுத்தல், சிறு திருத்தங்கள் போன்ற வழக்கமான பணிகள்.

  • நடுத்தரம்: அம்சத்தைத் திட்டமிடுதல், தேர்வுகளை ஒப்பிடுதல் போன்ற தீர்மானிக்கும் திறன் தேவைப்படும் பணிகள்.

  • அதிகம்: கடினமான பிழைத்திருத்தம், ஆழமான பகுப்பாய்வு, கவனமான ஆய்வு.

  • மிக அதிகம் / Max: அதிகம் போதாவிட்டால், ஆதரிக்கப்படும் இடங்களில் சோதியுங்கள். கூடுதல் நேரம், செலவுக்கேற்ற முன்னேற்றம் இருந்தால் மட்டுமே தொடருங்கள்.

API-இல், தற்காலிகச் சேமிப்பைப் பாதிக்காமல் உரையாடலின்போதே ரீஸனிங் முயற்சியை மாற்றலாம்⁠(புதிய சாளரத்தில் திறக்கும்).

Codex-இல் மாடலின் இயல்பு ரீஸனிங் நிலையில் தொடங்குங்கள். எளிய பணிகளுக்குக் குறையுங்கள்; ஆழமான பகுப்பாய்வுக்கு அதிகரியுங்கள்.

• வேகம்:

  • அரட்டைச் செயலிகள், நிரலாக்கக் கருவிகள் போன்று பதில் நேரம் முக்கியமானபோது, API-இல் விரைவுப் பயன்முறையைப்⁠(புதிய சாளரத்தில் திறக்கும்) பயன்படுத்துங்கள். வழக்கமான செயலாக்கத்தைவிட டோக்கனுக்கான செலவு அதிகம்; ஆனால் பதில்கள் வேகமாகவும் சீரான நேரத்திலும் கிடைக்கும்.

  • விரைவான நிரலாக்கச் சுழற்சிகள் போன்றவற்றில் வேகமான பதில்கள் கூடுதல் செலவுக்குப் பயனளித்தால், Codex, API-இல் அதிவிரைவைப்⁠(புதிய சாளரத்தில் திறக்கும்) பயன்படுத்துங்கள். ரீஸனிங் முயற்சியைச் சாராமல் இது டோக்கன் உருவாக்கத்தை விரைவாக்குகிறது. GPT‑6 Astra-வுக்குக் கிடைக்கிறது⁠(புதிய சாளரத்தில் திறக்கும்).

வேண்டிய முடிவு, அது யாருக்கானது, தொடர்புடைய சூழல், கட்டுப்பாடுகள், பணி முடிவதற்கான நிபந்தனைகளைத் தெளிவாகக் கூறித் தொடங்குங்கள். அறிவுறுத்தல்களை மேம்படுத்த, GPT‑6 Astra-வுக்கான திறன்களையும் ப்ராம்ப்ட்களையும் மறுபரிசீலித்தல்⁠(புதிய சாளரத்தில் திறக்கும்) கட்டுரையிலிருந்து சுருக்கிய இந்த நான்கு பகுதிகளைப் பாருங்கள்:

• சிறந்த திறன்களை உருவாக்குங்கள்: ஒவ்வொரு திறனையும் எப்போது இயக்க வேண்டும் எனச் சுருக்கமாகக் கூறுங்கள். தேவைக்கேற்ப மட்டும் துணை விவரங்களை ஏற்றுங்கள். கடுமையான வழிமுறைகளுக்குப் பதிலாக உங்கள் மாடல்களுக்கேற்ற வழிகாட்டல் தாருங்கள்.

• AGENTS.md-ஐப் புதுப்பியுங்கள்: ஆவணங்களும் சோதனைகளும் எப்போது பொருந்தும் எனக் கூறுங்கள். நேரடிப் பயன்பாட்டு அணுகலின்றி, தற்காலிகத் தரவில் உள்ளூர்ச் சோதனைகளை இயக்குவது போன்ற பாதுகாப்பான வழக்கமான பணிப்பாய்வுகளை வெளிப்படையாக அனுமதியுங்கள்.

• முடிவெடுக்கும் வரம்புகளை அமையுங்கள்: “எப்போதும் கேள்” என்ற பொதுவிதிக்குப் பதிலாக, சுயமாகச் செய்யக்கூடியவை, ஒப்புதல் தேவைப்படுபவை எவை எனத் தெளிவுபடுத்துங்கள்.

• விடாமுயற்சிக்கான விதிகளை வகுங்கள்: மாற்றத்தைச் செயல்படுத்துதல், இயக்குதல், முடிவை ஆய்தல், தோல்விகளைச் சரிசெய்தல் என “முடிந்தது” என்பதன் பொருளை வரையறுங்கள். உங்கள் ஆய்வு தேவைப்படும் முடிவுகளைக் குறிப்பிடுங்கள்.

மேலும் வழிகாட்டலுக்கு, ரீஸனிங் சிறந்த நடைமுறைகளைப்⁠(புதிய சாளரத்தில் திறக்கும்) பாருங்கள்.

Codex-இல் பணிபுரிந்தாலும் API மூலம் உருவாக்கினாலும், மாடல் எந்த முடிவுகளை எடுக்கலாம், எப்போது உங்கள் கருத்தைக் கேட்க வேண்டும், பயனுள்ள பதில் எப்படி இருக்க வேண்டும் என்பதைக் குறிப்பிடுங்கள்.

முக்கியமான முடிவுகளை ஊகித்து எடுக்காமல் பணியைத் தொடரும் அளவுக்கு மாடலுக்கு வழிகாட்டுங்கள். ⁠(புதிய சாளரத்தில் திறக்கும்)எவற்றைத் தானாகத் தேர்ந்தெடுக்கலாம், எப்போது உங்கள் கருத்தைக் கேட்க வேண்டும் என அதற்குச் சொல்லுங்கள்⁠(புதிய சாளரத்தில் திறக்கும்). எடுத்துக்காட்டாக, சுருக்கத்தை எப்படி அமைப்பது என அது முடிவெடுக்கலாம்; ஆனால் திட்டத்தின் வரம்பை மாற்றுமுன் உங்களிடம் கேட்க வேண்டும். ⁠(புதிய சாளரத்தில் திறக்கும்)பயனுள்ள பதில் எப்படி இருக்க வேண்டும் என விவரியுங்கள்⁠(புதிய சாளரத்தில் திறக்கும்). எடுத்துக்காட்டாக, எளிய மொழி, வாசகர்களுக்கேற்ற தொழில்நுட்ப விவரங்கள், என்ன மாறியது, எது சரிபார்க்கப்பட்டது, எதற்கு இன்னும் கவனம் தேவை என்ற சுருக்கமான பணி ஒப்படைப்புக் குறிப்பு ஆகியவற்றைக் கேட்கலாம்.

GPT‑6 குடும்ப மாடல்களுடன், இப்போது பல மணிநேரம் அல்லது நாட்கள் நீளும் பணிகளையும் மேற்கொள்ளலாம். நீண்ட நேரப் பணிகளில் ஏஜென்ட்களைச் சிறப்பாக நிர்வகிக்கப் பின்வரும் அம்சங்களைப் பயன்படுத்துங்கள்.

API-இல் நீண்ட நேரப் பணிகளைத் தொடர்ந்து முன்னெடுக்க வழிநடத்தல், ஒத்திசைவற்ற கருவிகள், இணையான பணிகளைப் பயன்படுத்துங்கள்.

• இயக்கத்தின்போதே அறிவுறுத்தல்களைப் புதுப்பியுங்கள்: மாடல் பணிபுரியும்போதே Responses WebSocket API⁠(புதிய சாளரத்தில் திறக்கும்) மூலம் திருத்தத்தை அனுப்ப பதில் உருவாக்கத்தின்போதான வழிநடத்தல்⁠(புதிய சாளரத்தில் திறக்கும்) உதவுகிறது. புதுப்பிப்புகள் வரிசையில் சேர்க்கப்படும்; அவை இயங்கும் கருவிகளை ரத்துசெய்யவோ முடிந்த செயல்களைச் செயல்தவிர்க்கவோ செய்யாது.

• கருவி இயங்கும்போதும் பணியைத் தொடருங்கள்: உங்கள் செயலி சோதனைகள் போன்ற மெதுவான பணியை இயக்கும்போது, மாடல் சார்பற்ற பணிகளைத் தொடர ஒத்திசைவற்ற கருவி அழைப்பு⁠(புதிய சாளரத்தில் திறக்கும்) உதவுகிறது. முடிவு தயாரானதும் உங்கள் செயலி அதைத் திருப்பியளிக்கும். அந்த முடிவைச் சார்ந்த பணிகளைத் தொடங்குமுன், அது கிடைக்கும்வரை காத்திருங்கள்.

• சார்பற்ற துணைப் பணிகளை ஒப்படையுங்கள்: GPT‑6.1 Sol, Responses API-இல் பல ஏஜென்ட்கள் கொண்ட பணிப்பாய்வுகளை⁠(புதிய சாளரத்தில் திறக்கும்) ஆதரிக்கிறது. நிரல் தொகுப்பின் வெவ்வேறு பகுதிகளை ஆராய்வது போன்ற சார்பற்ற பணிகளைத் துணை ஏஜென்ட்களிடம் ஒப்படைத்து, அவற்றின் கண்டறிதல்களை இறுதிப் பதிலில் அதனால் ஒருங்கிணைக்க முடியும். பல ஏஜென்ட் அம்சம் தற்போது பீட்டா நிலையில் உள்ளது.

நீண்ட நேரப் பணிகளின்போது, தொடக்க ப்ராம்ப்ட்டில் நீங்கள் எதிர்பார்த்திருக்காத முடிவுகளை எடுக்க வேண்டியிருக்கலாம். பணியைச் சரியான பாதையில் வைத்திருக்கத் தெளிவுபடுத்தலையும் வழிநடத்தலையும் பயன்படுத்துங்கள்.

• பணி முன்னேறும்போதே கேள்விகளுக்குப் பதிலளியுங்கள்: GPT‑6 Astra மூலம் Codex, பணிபுரியும்போதே விளக்கம் கேட்க முடியும்⁠(புதிய சாளரத்தில் திறக்கும்). அடுத்த படியைப் பாதிக்கும் கேள்விகளுக்குத் தீர்வு தாருங்கள். நீங்கள் முடிவெடுக்கும் வரை எந்தச் சார்பற்ற பணிகளைத் தொடரலாம் என்பதையும் குறிப்பிடுங்கள். நீங்கள் அருகில் இருக்கப்போவதில்லை என்றால், எந்தப் பணிகளைத் தொடரலாம், எப்போது உங்கள் பதிலுக்காக நிறுத்த வேண்டும் என்பதை Codex-க்குச் சொல்லுங்கள்.

• தேவைகள் மாறும்போது பணியைத் திசைமாற்றுங்கள்: எவை மாற வேண்டும், எவை மாறக்கூடாது என விளக்கி, புதிய தகவல்களுடன் நடப்புப் பணியை வழிநடத்துங்கள்⁠(புதிய சாளரத்தில் திறக்கும்). உங்கள் தேவைகளுக்கு இனியும் பொருந்தாத அணுகுமுறையில் கூடுதல் நேரம் செலவிடுவதைத் தவிர்க்க இது உதவுகிறது.

கணினிப் பயன்பாடு⁠(புதிய சாளரத்தில் திறக்கும்) மூலம் GPT‑6 Astra, GPT‑6.1 Sol, GPT‑6 Luna ஆகியவை வலைத்தளங்களுடனும் கணினிச் செயலிகளுடனும் நேரடியாகச் செயல்படலாம்; API இல்லாத செயலிகளிலும் இது சாத்தியம். எடுத்துக்காட்டாக, ஒரு பிழையை ஆராய்ந்து, நிரலைச் சரிசெய்து, திருத்தம் செயல்படுகிறதா எனச் சரிபார்க்க உங்கள் தயாரிப்பை உலாவியில் திறக்குமாறு மாடலைக் கேட்கலாம்.

ஒவ்வொரு படிக்கும் எளிமையான, நம்பகமான வழியைத் தேர்ந்தெடுங்கள்:

• பணியை நேரடியாகச் செய்ய முடிந்தால், API அல்லது இணைக்கப்பட்ட கருவியைப் பயன்படுத்துங்கள்.

• மாடல் உங்களுக்காகத் திரையைப் படிக்கவோ பொத்தான்களைச் சொடுக்கவோ படிவத்தை நிரப்பவோ வேண்டுமெனில், கணினிப் பயன்பாட்டைப் பயன்படுத்துங்கள்.

உங்கள் செயலியில் கணினிப் பயன்பாட்டைச் சேர்க்கிறீர்கள் என்றால், உலாவி அல்லது கணினியைக் கட்டுப்படுத்த நிரலை இயக்கக்கூடிய கருவியை மாடலுக்கு வழங்குங்கள். Playwright உலாவிகளுடன் செயல்படுகிறது⁠(புதிய சாளரத்தில் திறக்கும்); PyAutoGUI கணினிச் செயலிகளுடன் செயல்படுகிறது.