OpenAI

ChatGPT‑ஐ பொறுப்புடன் பயன்படுத்துதல்

அறிவுசார் பணிகளை மறுவடிவமைக்கும் புதிய தொழில்நுட்பமான செயற்கை நுண்ணறிவு, பெரும் மாற்றங்களை ஏற்படுத்தி வருகிறது. ChatGPT‑ஐ இயக்கும் பெரும் மொழி மாடல்கள் (எல்எல்எம்கள்), மனிதர்களைப் போன்ற மொழிநடையை முன்கணித்து உருவாக்குவதற்காக, பொதுவில் கிடைக்கும் ஏராளமான உரைகள் மற்றும் பிற தரவுகளைக் கொண்டு பயிற்றுவிக்கப்படுகின்றன. இதனால் வரைவு எழுதுதல், சுருக்குதல், புதிய யோசனைகளை உருவாக்குதல், கேள்விகளுக்குப் பதிலளித்தல் போன்ற பணிகளில் அவற்றால் உதவ முடிகிறது. மக்கள் மேலும் திறமையாகவும் படைப்பாற்றலுடனும் பணியாற்ற இது உதவுகிறது.

இந்தத் தொழில்நுட்பம் தொடர்ந்து வளர்ந்து வரும் நிலையில், செயற்கை நுண்ணறிவைப் பொறுப்புடன் பயன்படுத்துவது முக்கியம். இந்த மாடல்கள் சில நேரங்களில் தவறான தகவல்களை வழங்கக்கூடும். அவற்றின் முடிவுகளைக் கவனமின்றிப் பயன்படுத்தினால், அது தவறான பயன்பாட்டுக்கு வழிவகுக்கலாம். ஆர்டிஃபிஷியல் ஜெனரல் இன்டெலிஜென்ஸ் (AGI) மனிதகுலம் முழுவதற்கும் பயனளிப்பதை உறுதி செய்வதே OpenAI-இன் நோக்கம். இந்த இலக்கை அடைய, அனைவரும் அதைப் பாதுகாப்பாகவும் சிந்தித்தும் பயன்படுத்த வேண்டும். ChatGPT‑ஐ புதிதாகப் பயன்படுத்தத் தொடங்கும் எவரும், அதைப் பாதுகாப்பாகவும் பயனுள்ள வகையிலும் பயன்படுத்துவதற்கான சிறந்த நடைமுறைகளைப் பின்பற்ற உதவும் வகையில் இந்தப் பக்கத்தில் குறிப்புகள் வழங்கப்பட்டுள்ளன.

பணியிடக் கொள்கைகளையும் OpenAI கொள்கைகளையும் மதித்து நடக்கவும். எங்கள் கருவிகளைப் பொறுப்புடன் பயன்படுத்துவதற்கான கூடுதல் வழிகாட்டுதலுக்கு, OpenAI-இன் பயன்பாட்டுக் கொள்கைகளைப்⁠ படிக்கவும். பணியிடத்தில் ChatGPT‑ஐ பயன்படுத்தினால், உங்கள் நிறுவனத்தின் விதிகளுக்கே முன்னுரிமை அளிக்க வேண்டும். எனவே, வேலைக்கு ChatGPT‑ஐ பயன்படுத்தும் முன், நிறுவனத்தின் செயற்கை நுண்ணறிவுக் கொள்கைகளைச் சரிபார்க்கவும்.

முக்கியமான பணிகளில் மனிதர்களின் மேற்பார்வையை உறுதிசெய்யவும். ⁠(புதிய சாளரத்தில் திறக்கும்)ChatGPT வழங்கும் தகவல்கள் தவறாக இருக்கலாம்⁠(புதிய சாளரத்தில் திறக்கும்) அல்லது காலாவதியானவையாக இருக்கலாம். ஏனெனில், அது பயிற்றுவிக்கப்பட்ட தரவுகளில் உள்ள பாங்குகளின் அடிப்படையில் பதில்களை உருவாக்குகிறது. அந்தத் தரவுகளில் சமீபத்திய தகவல்கள் இல்லாமல் இருக்கலாம் அல்லது பிழைகள் இருக்கலாம். முக்கியமான தகவல்களை எப்போதும் நம்பகமான ஆதாரங்களுடன் ஒப்பிட்டு மீண்டும் சரிபார்க்கவும். பிழைகள் இருந்தால், கீழ்நோக்கிய கட்டைவிரல் பொத்தான் மூலம் தயங்காமல் சுட்டிக்காட்டவும். 

பாரபட்சத்தையும் கண்ணோட்டத்தையும் கவனிக்கவும். ⁠(புதிய சாளரத்தில் திறக்கும்)மாடல்களில் பாரபட்சம் இருக்கக்கூடும்⁠(புதிய சாளரத்தில் திறக்கும்). எனவே, அவற்றின் பதில்களை எப்போதும் கவனமாக மதிப்பாய்வு செய்யவும். தேவைப்படும்போது முடிவுகளை விமர்சனக் கண்ணோட்டத்துடன் மதிப்பிடவும். பாரபட்சத்தைக் குறைப்பது குறித்து நாங்கள் தொடர்ந்து ஆராய்ந்து வருகிறோம். இதை மேம்படுத்துவதற்கான உங்கள் கருத்துகளை வரவேற்கிறோம்.

சட்டம், மருத்துவம் அல்லது நிதி சார்ந்த ஆலோசனைகளை நிபுணர்களிடம் சரிபார்க்கவும். ChatGPT உரிமம் பெற்ற நிபுணர் அல்ல. இது தரவுகளில் உள்ள பாங்குகளின் அடிப்படையில் பதிலளிக்கும் உரையாடல் செயற்கை நுண்ணறிவு. தகுதிவாய்ந்த நிபுணர்களின் வழிகாட்டுதலுக்கு இது மாற்றாகாது. எனவே, ChatGPT வழங்கும் ஆலோசனை உங்கள் சூழ்நிலைக்கு எப்போதும் பொருத்தமாக இருக்காது. உடல்நலம், சட்டம் அல்லது நிதி சார்ந்த முக்கிய முடிவுகளை எடுக்கும்போது, செயல்படும் முன் எப்போதும் தகுதிவாய்ந்த நிபுணரிடம் சரிபார்க்கவும் அல்லது உங்கள் நிறுவனத்தின் கொள்கைகளைப் பின்பற்றவும்.

ChatGPT பயன்படுத்துவதை வெளிப்படையாகத் தெரிவிக்கவும். உங்கள் பணியில் செயற்கை நுண்ணறிவைப் பயன்படுத்துவதைத் தெரிவிக்க வேண்டும் என்று உங்கள் நிறுவனமோ கல்வி நிறுவனமோ எதிர்பார்த்தால், ChatGPT எவ்வாறு பங்களித்தது என்பதை மற்றவர்கள் அறிந்துகொள்ள உரையாடல் இணைப்புகளை⁠(புதிய சாளரத்தில் திறக்கும்) அல்லது பதிவுகளைச் சேமித்து வைக்கவும்.

வேறொருவரின் குரல் அல்லது தரவைப் பகிர்வதற்கு முன் அவருடைய ஒப்புதலைப் பெறவும். ⁠(புதிய சாளரத்தில் திறக்கும்)ரெக்கார்டிங் பயன்முறை⁠(புதிய சாளரத்தில் திறக்கும்) (உங்கள் வர்க்ஸ்பேஸ் நிர்வாகி இயக்கியிருந்தால்) மற்றும் அதுபோன்ற அம்சங்கள் தனிப்பட்ட தகவல்களைப் பதிவு செய்யக்கூடும். இந்த அம்சங்களைப் பயன்படுத்தும்போது, எந்தவொரு பதிவுக்கும் பங்கேற்பாளர்கள் அனைவரும் ஒப்புதல் அளித்திருப்பதையும், உங்கள் நிறுவனத்தின் கொள்கைகளை நீங்கள் பின்பற்றுவதையும் உறுதிசெய்யவும்.

கருத்துகளை வழங்கவும், கொள்கை சார்ந்த சிக்கார்களைப் புகாரளிக்கவும். பாதுகாப்பற்ற அல்லது தவறான பதில்களைச் சுட்டிக்காட்ட, கீழ்நோக்கிய கட்டைவிரல் பொத்தானை அல்லது புகாரளிக்கும் செயல்முறையைப் பயன்படுத்தவும். உங்கள் கருத்துகள் அனைவருக்குமான பாதுகாப்பை மேம்படுத்த உதவுகின்றன⁠(புதிய சாளரத்தில் திறக்கும்).

சமீபத்திய தகவல்களைப் பெற தேடல் அல்லது டீப் ரிசர்ச் பயன்படுத்தவும். புதிய தகவல்கள் தேவைப்படும்போது, தேடல்⁠(புதிய சாளரத்தில் திறக்கும்) அல்லது டீப் ரிசர்ச்⁠(புதிய சாளரத்தில் திறக்கும்) அம்சத்தை இயக்கவும். இதன் மூலம் ChatGPT சமீபத்திய ஆதாரங்களிலிருந்து தகவல்களைப் பெற முடியும். பதில்களை நம்பிப் பயன்படுத்தும் முன், மேற்கோள்களைச் சரிபார்த்து, இணைப்புகளைத் திறந்து, விவரங்களை உறுதிப்படுத்தவும்.

OpenAI அகாடமியுடன் கற்றலைத் தொடருங்கள்

நடைமுறை AI திறன்களை உருவாக்க உங்களுக்கு உதவும் கூடுதல் வழிகாட்டுதல்கள் மற்றும் வளங்களை கண்டறியுங்கள்.