Polimill ਨੇ ਜਪਾਨ ਦਾ ਅਗਲੀ ਪੀੜ੍ਹੀ ਦਾ ਜਨਤਕ AI ਢਾਂਚਾ ਬਣਾਇਆ ਹੈ

Polimill ਦੀ ਸ਼ੁਰੂਆਤ Surfvote ਨਾਲ ਹੋਈ ਸੀ, ਜੋ ਅਜਿਹਾ ਪਲੇਟਫਾਰਮ ਹੈ ਜਿੱਥੇ ਨਾਗਰਿਕ ਰਾਜਨੀਤੀ ਅਤੇ ਸਮਾਜ ਬਾਰੇ ਵਿਚਾਰ ਸਾਂਝੇ ਕਰ ਸਕਦੇ ਹਨ। ਸਥਾਨਕ ਸਰਕਾਰਾਂ ਨਾਲ ਕੰਮ ਕਰਦਿਆਂ ਕੰਪਨੀ ਨੂੰ ਇੱਕ ਢਾਂਚਾਗਤ ਚੁਣੌਤੀ ਸਾਹਮਣੇ ਆਈ: ਜਨਤਕ ਖੇਤਰ ਦੀਆਂ ਟੀਮਾਂ ਰੋਜ਼ਾਨਾ ਦੇ ਕੰਮਾਂ ਵਿੱਚ ਇੰਨੀਆਂ ਰੁੱਝੀਆਂ ਸਨ ਕਿ ਉਨ੍ਹਾਂ ਕੋਲ ਨਾਗਰਿਕਾਂ ਦੀ ਆਵਾਜ਼ ਨੂੰ ਨੀਤੀ ਵਿੱਚ ਦਰਸਾਉਣ ਲਈ ਬਹੁਤ ਘੱਟ ਸਮਾਂ ਸੀ।

ਨਾਗਰਿਕ ਭਾਗੀਦਾਰੀ ਵਧਾਉਣ ਲਈ Polimill ਨੂੰ ਪਹਿਲਾਂ ਸਰਕਾਰੀ ਕੰਮਕਾਜ ਨੂੰ ਹੋਰ ਵਧੇਰੇ ਕੁਸ਼ਲ ਬਣਾਉਣ ਦੀ ਲੋੜ ਸੀ। ਕੰਪਨੀ ਨੇ ਜਨਤਕ ਖੇਤਰ ਦੇ ਕਾਰਜ-ਪ੍ਰਵਾਹਾਂ ਲਈ ਜਨਰੇਟਿਵ AI ਮੰਚ ਬਣਾਉਣਾ ਸ਼ੁਰੂ ਕੀਤਾ ਅਤੇ ਅਕਤੂਬਰ 2024 ਵਿੱਚ QommonsAI ਜਾਰੀ ਕੀਤਾ। ਅੱਜ QommonsAI ਸਭਾ ਦੇ ਜਵਾਬਾਂ, ਜਨਤਕ ਸੇਵਾਵਾਂ, ਸਮਾਜਿਕ ਭਲਾਈ ਅਤੇ ਕਾਨੂੰਨੀ ਖੋਜ ਵਰਗੇ ਖੇਤਰਾਂ ਲਈ ਵਿਸ਼ੇਸ਼ AI ਮੁਹੱਈਆ ਕਰਦਾ ਹੈ। ਹੁਣ ਜਪਾਨ ਭਰ ਦੀਆਂ ਲਗਭਗ 1,050 ਨਗਰ ਪਾਲਿਕਾਵਾਂ ਅਤੇ ਕਰੀਬ 550,000 ਸਰਕਾਰੀ ਕਰਮਚਾਰੀ ਇਸਦੀ ਵਰਤੋਂ ਕਰਦੇ ਹਨ। OpenAI ਤਕਨਾਲੋਜੀ ਨਾਲ ਬਣਿਆ QommonsAI ਕਰਮਚਾਰੀਆਂ ਦੀ ਉਤਪਾਦਕਤਾ ਵਧਾਉਣ ਵਾਲੇ ਸਾਧਨ ਤੋਂ ਅੱਗੇ ਵਧ ਕੇ ਉਸ ਰੂਪ ਵੱਲ ਵਿਕਸਿਤ ਹੋ ਰਿਹਾ ਹੈ ਜਿਸਨੂੰ Polimill ਜਪਾਨ ਵਿੱਚ ਨਗਰ ਪਾਲਿਕਾਵਾਂ ਦੇ ਕੰਮ-ਕਾਜ ਲਈ ਇੱਕ ਜਨਤਕ ਓਪਰੇਟਿੰਗ ਸਿਸਟਮ ਮੰਨਦਾ ਹੈ।

ਸਰਕਾਰੀ ਖੇਤਰ ਵਿੱਚ ਜਨਰੇਟਿਵ AI ਨੂੰ ਲਿਆਉਣ ਵਿੱਚ ਸਭ ਤੋਂ ਵੱਡੀਆਂ ਰੁਕਾਵਟਾਂ ਵਿੱਚੋਂ ਇੱਕ ਖਿੰਡਿਆ ਹੋਇਆ ਡੇਟਾ ਸੀ। ਹਰੇਕ ਨਗਰ ਪਾਲਿਕਾ ਦੇ ਆਪਣੇ ਕੰਮਕਾਜ ਦੇ ਤਰੀਕੇ ਅਤੇ ਦਸਤਾਵੇਜ਼ ਫਾਰਮੈਟ ਹਨ ਅਤੇ ਪਿਛਲੇ ਰਿਕਾਰਡ ਖਿੰਡੇ ਹੋਏ ਹਨ। ਉਦਾਹਰਣ ਵਜੋਂ, ਸਭਾ ਦੇ ਜਵਾਬ ਤਿਆਰ ਕਰਨ ਲਈ ਪ੍ਰੀਫੈਕਚਰਲ ਨੀਤੀ ਨਾਲ ਜਵਾਬ ਦੀ ਇਕਸਾਰਤਾ ਨੂੰ ਯਕੀਨੀ ਬਣਾਉਣ ਵਾਸਤੇ ਸਾਲਾਂ ਦੀਆਂ ਮਿੰਟਸ ਦੀ ਹੱਥੀਂ ਸਮੀਖਿਆ ਕਰਨੀ ਪੈ ਸਕਦੀ ਹੈ। ਸਭ ਤੋਂ ਵੱਧ ਸਮਰੱਥਾ ਵਾਲਾ AI ਮਾਡਲ ਵੀ ਵਿਹਾਰਕ ਸੂਝ ਪ੍ਰਦਾਨ ਨਹੀਂ ਕਰ ਸਕਦਾ ਜੇਕਰ ਮੂਲ ਡੇਟਾ ਵਿਵਸਥਿਤ ਨਾ ਹੋਵੇ।

Polimill ਨੇ ਜਪਾਨ ਭਰ ਤੋਂ ਸਭਾ ਦੀ ਕਾਰਵਾਈ ਦੇ ਵੇਰਵੇ ਇਕੱਠੇ ਕਰਕੇ ਮਿਆਰੀ ਬਣਾਏ, ਫਿਰ AI ਰਾਹੀਂ ਮੈਟਾਡਾਟਾ ਜੋੜਿਆ ਅਤੇ ਇੱਕ ਬਹੁਤ ਹਾਈ ਖੋਜ-ਆਧਾਰ ਤਿਆਰ ਕੀਤਾ, ਜੋ ਵੱਖ-ਵੱਖ ਨਗਰ ਪਾਲਿਕਾਵਾਂ ਅਤੇ ਸਮਾਂ-ਮਿਆਦਾਂ ਵਿੱਚ ਕੰਮ ਕਰਦਾ ਹੈ।

ਕੰਪਨੀ ਨੇ ਇਸ ਢਾਂਚੇ ਨੂੰ ਸਭਾਵਾਂ ਤੋਂ ਇਲਾਵਾ ਭਲਾਈ, ਕਾਨੂੰਨ ਅਤੇ ਹੋਰ ਪ੍ਰਸ਼ਾਸਨਿਕ ਖੇਤਰਾਂ ਵਿੱਚ ਵਧਾਇਆ। ਵਿਸ਼ੇਸ਼ ਡਾਟਾ ਅਤੇ AI ਨੂੰ ਇੱਕੋ ਪਲੇਟਫਾਰਮ 'ਤੇ ਲਿਆ ਕੇ ਅਤੇ ਇਸ ਨੂੰ ਇੱਕ ਸਾਂਝੇ ਇੰਟਰਫੇਸ ਰਾਹੀਂ ਖੋਜ-ਯੋਗ ਬਣਾ ਕੇ, QommonsAI ਵੱਖ-ਵੱਖ ਥਾਵਾਂ 'ਤੇ ਖਿੰਡੀ ਹੋਈ ਪ੍ਰਸ਼ਾਸਨਿਕ ਜਾਣਕਾਰੀ ਨੂੰ ਅਜਿਹੇ ਗਿਆਨ ਵਿੱਚ ਬਦਲ ਦਿੰਦਾ ਹੈ ਜਿਸ ਨੂੰ ਰੋਜ਼ਾਨਾ ਦੇ ਕੰਮ-ਕਾਜ ਵਿੱਚ ਵਰਤਿਆ ਜਾ ਸਕੇ। ਇਹ ਢਾਂਚਾ Polimill ਦੇ ਉਸ ਵਿਜ਼ਨ ਦੀ ਬੁਨੀਆਦ ਹੈ ਜਿਸ ਤਹਿਤ QommonsAI ਨੂੰ ਸਰਕਾਰ ਲਈ ਇੱਕ ਸਾਂਝੇ ਪਲੇਟਫਾਰਮ ਦੇ ਤੌਰ 'ਤੇ ਦੇਖਿਆ ਜਾਂਦਾ ਹੈ।

OpenAI ਦੇ GPT ਮਾਡਲ QommonsAI ਦਾ ਮੁੱਖ ਅਧਾਰ ਹਨ। ਜਨਤਕ ਖੇਤਰ ਵਿੱਚ ਜਾਣਕਾਰੀ ਦਾ ਪ੍ਰਬੰਧਨ ਅਤੇ ਲੇਖਾ-ਜਾਂਚ ਲਈ ਤਿਆਰੀ ਲਾਜ਼ਮੀ ਹਨ। QommonsAI ਵਿੱਚ ਅਜਿਹੇ ਪ੍ਰਸ਼ਾਸਨਿਕ ਨਿਯੰਤਰਣ ਹਨ ਜਿਨ੍ਹਾਂ ਰਾਹੀਂ ਪ੍ਰਸ਼ਾਸਕ ਵਿਸ਼ੇਸ਼ਤਾਵਾਂ ਦੀ ਵਰਤੋਂ ਦਾ ਪਿਛਲਾ ਵੇਰਵਾ ਦੇਖ ਸਕਦੇ ਹਨ ਅਤੇ ਸੰਗਠਨ ਦੀ ਨੀਤੀ ਮੁਤਾਬਕ ਉਪਲਬਧ ਮਾਡਲਾਂ ਨੂੰ ਸੀਮਤ ਕਰ ਸਕਦੇ ਹਨ।

ਇਸਦੇ ਨਾਲ ਹੀ Polimill ਦੇ ਮੁੱਖ AI ਅਧਿਕਾਰੀ ਮਾਸਾਹਿਰੋ ਵਾਕਾਬਾਯਾਸ਼ੀ ਮੁਤਾਬਕ, GPT ਮਾਡਲਾਂ ਨੂੰ ਅਪਣਾਉਣ ਦੇ ਮੁੱਖ ਕਾਰਨ ਉਨ੍ਹਾਂ ਦੀ ਵਿਆਪਕ ਸਮਰੱਥਾ ਅਤੇ ਜਾਣ-ਪਛਾਣ ਹਨ। ਜਦੋਂ ਸਰਕਾਰੀ ਕਰਮਚਾਰੀਆਂ ਨੂੰ ਕਿਸੇ ਨਵੇਂ ਸਾਧਨ ਨੂੰ ਲਾਗੂ ਕਰਨ ਤੋਂ ਬਾਅਦ ਵਰਤੋਂ ਕਰਨੀ ਹੋਵੇ, ਤਾਂ ChatGPT ਬਾਰੇ ਵਿਆਪਕ ਜਾਗਰੂਕਤਾ ਬਹੁਤ ਮਾਇਨੇ ਰੱਖਦੀ ਹੈ। ਭਾਵੇਂ ਉਹ ਤਕਨੀਕੀ ਸ਼ਬਦਾਂ ਜਾਂ ਹੋਰ ਮਾਡਲਾਂ ਦੇ ਨਾਵਾਂ ਤੋਂ ਜਾਣੂ ਨਾ ਹੋਣ, ਪਰ ਇਹ ਜਾਣਨਾ ਕਿ ਇਹ ਪ੍ਰਣਾਲੀ ਵਿਆਪਕ ਤੌਰ 'ਤੇ ਵਰਤੀ ਜਾਂਦੀ ChatGPT ਤਕਨਾਲੋਜੀ 'ਤੇ ਆਧਾਰਿਤ ਹੈ, ਇਸਨੂੰ ਅਪਣਾਉਣ ਵੇਲੇ ਸ਼ੁਰੂਆਤੀ ਰੁਕਾਵਟ ਨੂੰ ਘਟਾਉਂਦਾ ਹੈ।

Polimill ਮੁਤਾਬਕ QommonsAI ਦੀ ਆਮ ਗੱਲਬਾਤ ਵਿਸ਼ੇਸ਼ਤਾ ਵਿੱਚ ਰੋਜ਼ਾਨਾ ਦੇ ਕੰਮ ਲਈ GPT ਮਾਡਲ ਸਭ ਤੋਂ ਵੱਧ ਚੁਣਿਆ ਜਾਣ ਵਾਲਾ ਵਿਕਲਪ ਹਨ। ਫਾਈਲਾਂ ਪੜ੍ਹਨ ਤੋਂ ਲੈ ਕੇ ਰੋਜ਼ਾਨਾ ਦੀ ਗੱਲਬਾਤ ਵਿੱਚ ਸਹਾਇਤਾ ਤੱਕ, ਇੱਕੋ ਮਾਡਲ ਵਿੱਚ ਕੰਮ ਨਾਲ ਸਬੰਧਤ ਬਹੁਤ ਸਾਰੀਆਂ ਬੇਨਤੀਆਂ ਦਾ ਭਰੋਸੇਯੋਗ ਜਵਾਬ ਦੇਣ ਦੀ GPT ਦੀ ਸਮਰੱਥਾ QommonsAI ਨੂੰ ਅਮਲੀ ਪੱਧਰ 'ਤੇ ਪੱਕੀ ਥਾਂ ਬਣਾਉਣ ਵਿੱਚ ਮਦਦ ਕਰਦੀ ਹੈ।

OpenAI ਤਕਨਾਲੋਜੀ ਨੇ Polimill ਦੀ ਵਿਕਾਸ ਪ੍ਰਕਿਰਿਆ ਵੀ ਬਦਲ ਦਿੱਤੀ ਹੈ। ਕੰਪਨੀ ਨੇ ਲੋੜਾਂ ਨਿਰਧਾਰਤ ਕਰਨ ਤੋਂ ਲੈ ਕੇ ਮੌਜੂਦਾ GitHub ਕੋਡ ਨਾਲ ਇਕਸਾਰਤਾ ਜਾਂਚਣ, ਲਾਗੂ ਕਰਨ ਅਤੇ ਪਰੀਖਣ ਤੱਕ ਪੂਰੇ ਕਾਰਜ-ਪ੍ਰਵਾਹ ਵਿੱਚ Codex ਨੂੰ ਅਪਣਾਇਆ ਹੈ। ਇੰਜੀਨੀਅਰ AI ਵੱਲੋਂ ਬਣਾਈਆਂ ਯੋਜਨਾਵਾਂ ਦੀ ਸਮੀਖਿਆ ਅਤੇ ਉੱਚ-ਪੱਧਰੀ ਫ਼ੈਸਲਿਆਂ 'ਤੇ ਧਿਆਨ ਦੇ ਸਕਦੇ ਹਨ, ਜਦਕਿ AI ਲਾਗੂ ਕਰਨ ਦਾ ਵਧੇਰੇ ਕੰਮ ਖ਼ੁਦਮੁਖ਼ਤਿਆਰੀ ਨਾਲ ਕਰਦਾ ਹੈ।

AI ਦੀ ਕੋਡ ਲਿਖਣ ਦੀ ਰਫ਼ਤਾਰ ਅਤੇ ਪਿਛੋਕੜ ਵਿੱਚ ਲਗਾਤਾਰ ਕੰਮ ਕਰਨ ਨਾਲ ਵਿਕਾਸ ਦੀ ਗਤੀ ਪਹਿਲਾਂ ਨਾਲੋਂ 3-5 ਗੁਣਾ ਹੋ ਗਈ ਹੈ। ਵਾਕਾਬਾਯਾਸ਼ੀ ਦਾ ਕਹਿਣਾ ਹੈ ਕਿ ਪ੍ਰੋਟੋਟਾਈਪ ਬਣਾਉਣ, ਉਨ੍ਹਾਂ ਨੂੰ ਨਗਰ ਪਾਲਿਕਾ ਟੀਮਾਂ ਨੂੰ ਦਿਖਾਉਣ ਅਤੇ ਸੁਝਾਅ ਇਕੱਠੇ ਕਰਨ ਦਾ ਪ੍ਰਮਾਣਿਕਤਾ ਚੱਕਰ ਬਹੁਤ ਤੇਜ਼ ਹੋ ਗਿਆ ਹੈ।

OpenAI ਦੀ ਸਿੱਧੀ ਸਹਾਇਤਾ ਨੇ ਇਸ ਕੰਮ ਨੂੰ ਹੋਰ ਤੇਜ਼ ਕੀਤਾ ਹੈ। ਇਸ ਸਹਿਯੋਗ ਵਿੱਚ ਉੱਨਤ ਵਿਸ਼ਵ ਪੱਧਰੀ ਉਦਾਹਰਣਾਂ ਦੇ ਵਧੀਆ ਤਰੀਕੇ ਸਾਂਝੇ ਕਰਨਾ, Polimill ਲਈ ਢੁਕਵੀਂ ਜਾਣਕਾਰੀ ਪ੍ਰਦਾਨ ਕਰਨਾ ਅਤੇ ਵਿਕਾਸ ਪ੍ਰਕਿਰਿਆ ਦੇ ਡਿਜ਼ਾਈਨ ਵਿੱਚ ਮਦਦ ਕਰਨਾ ਸ਼ਾਮਲ ਹੈ, ਜਿਸ ਵਿੱਚ ਇਹ ਤੈਅ ਕਰਨਾ ਵੀ ਸ਼ਾਮਲ ਹੈ ਕਿ AI ਨੂੰ ਕਿਹੜੇ ਪੜਾਵਾਂ 'ਤੇ ਕੰਮ ਸੰਭਾਲਣਾ ਚਾਹੀਦਾ ਹੈ ਅਤੇ ਕਿੱਥੇ ਇਨਸਾਨਾਂ ਨੂੰ ਸਮੀਖਿਆ ਕਰਕੇ ਜ਼ਿੰਮੇਵਾਰੀ ਲੈਣੀ ਚਾਹੀਦੀ ਹੈ।

ਮਾਡਲਾਂ ਅਤੇ ਸਮਰੱਥਾਵਾਂ ਦੇ ਵਿਕਾਸ ਨਾਲ AI-ਸਹਾਇਤਾ ਪ੍ਰਾਪਤ ਵਿਕਾਸ ਦੇ ਤਰੀਕੇ ਵੀ ਲਗਾਤਾਰ ਬਦਲਦੇ ਰਹਿੰਦੇ ਹਨ। ਵੱਖਰੀਆਂ ਕੰਪਨੀਆਂ ਲਈ ਵਿਸ਼ਵ ਪੱਧਰ ਦੀਆਂ ਉੱਨਤ ਉਦਾਹਰਨਾਂ 'ਤੇ ਨਜ਼ਰ ਰੱਖਣਾ ਅਤੇ ਉਨ੍ਹਾਂ ਨੂੰ ਆਪਣੇ ਇੰਜੀਨੀਅਰਿੰਗ ਸੰਗਠਨਾਂ ਵਿੱਚ ਸ਼ਾਮਲ ਕਰਨਾ ਔਖਾ ਹੈ। ਵਾਕਾਬਾਯਾਸ਼ੀ ਦਾ ਮੰਨਣਾ ਹੈ ਕਿ OpenAI ਤੋਂ ਲਗਾਤਾਰ ਸਿੱਖਦੇ ਰਹਿਣਾ ਅਤੇ ਉਨ੍ਹਾਂ ਸੂਝ ਨੂੰ Polimill ਦੇ ਅੰਦਰ ਲਾਗੂ ਕਰਨਾ API ਦੀ ਆਪਣੀ ਕਾਰਗੁਜ਼ਾਰੀ ਜਿੰਨਾ ਹੀ ਕੀਮਤੀ ਹੈ।

OpenAI ਤਕਨਾਲੋਜੀ ਨੂੰ ਕੇਂਦਰ ਵਿੱਚ ਰੱਖਦਿਆਂ Polimill ਨੇ QommonsAI ਨੂੰ ਨਗਰ ਪਾਲਿਕਾ ਦੇ ਕੰਮਕਾਜ ਲਈ ਇੱਕ ਪਲੇਟਫਾਰਮ ਵਜੋਂ ਲਗਾਤਾਰ ਫੈਲਾਇਆ ਹੈ। ਇਸ ਨੂੰ ਅਪਣਾਉਣ ਅਤੇ ਵਰਤੋਂ ਦੇ ਮੁੱਖ ਨਤੀਜੇ ਹੇਠ ਲਿਖੇ ਹਨ:

• ਜਾਪਾਨ ਭਰ ਵਿੱਚ ਲਗਭਗ 1,050 ਨਗਰ ਪਾਲਿਕਾਵਾਂ ਅਤੇ ਲਗਭਗ 550,000 ਸਰਕਾਰੀ ਕਰਮਚਾਰੀ QommonsAI ਦੀ ਵਰਤੋਂ ਕਰ ਰਹੇ ਹਨ।
• Polimill ਨੇ ਅਜਿਹਾ ਬੁਨਿਆਦੀ ਢਾਂਚਾ ਤਿਆਰ ਕੀਤਾ ਹੈ ਜੋ ਜਾਪਾਨ ਭਰ ਵਿੱਚ ਖਿੰਡੇ ਹੋਏ ਸਭਾਵਾਂ ਦੇ ਵੇਰਵਿਆਂ ਅਤੇ ਪ੍ਰਸ਼ਾਸਨਿਕ ਜਾਣਕਾਰੀ ਨੂੰ ਇਕੱਠਾ ਕਰਦਾ ਹੈ ਅਤੇ ਸੰਗਠਨਾਂ ਵਿੱਚ ਇਸ ਨੂੰ ਖੋਜਣਯੋਗ ਬਣਾਉਂਦਾ ਹੈ।
• Codex ਅਤੇ OpenAI ਦੀ ਸਿੱਧੀ ਸਹਾਇਤਾ ਨੇ ਪ੍ਰਮਾਣਿਕਤਾ ਅਤੇ ਲਾਗੂਕਰਨ ਦੇ ਚੱਕਰਾਂ ਨੂੰ ਤੇਜ਼ ਕੀਤਾ, ਜਿਸ ਨਾਲ ਵਿਕਾਸ ਦੀ ਗਤੀ 3-5 ਗੁਣਾ ਵੱਧ ਗਈ।
• GPT ਮਾਡਲਾਂ ਦੀ ਉੱਨਤ ਰੀਜ਼ਨਿੰਗ ਨੇ ਘੱਟ ਤਜਰਬੇਕਾਰ ਕਰਮਚਾਰੀਆਂ ਨੂੰ AI ਅਤੇ ਇਕੱਠੀ ਪ੍ਰਸ਼ਾਸਨਿਕ ਜਾਣਕਾਰੀ ਦੀ ਵਤਰੋਂ ਕਰਕੇ ਅਜਿਹੇ ਨੀਤੀ ਪ੍ਰਸਤਾਵ ਤਿਆਰ ਕਰਨ ਵਿੱਚ ਮਦਦ ਕੀਤੀ, ਜਿਨ੍ਹਾਂ ਦੀ ਗੁਣਵੱਤਾ ਤਜਰਬੇਕਾਰ ਅਧਿਕਾਰੀਆਂ ਦੇ ਪ੍ਰਸਤਾਵਾਂ ਦੇ ਨੇੜੇ ਸੀ।

QommonsAI ਦੀ ਕੀਮਤ ਤੇਜ਼ ਜਾਣਕਾਰੀ ਖੋਜ ਤੋਂ ਕਾਫ਼ੀ ਅੱਗੇ ਜਾਂਦੀ ਹੈ। Polimill ਦੀ ਪ੍ਰਮਾਣਿਕਤਾ ਦੌਰਾਨ, ਘੱਟ ਤਜਰਬੇਕਾਰ ਕਰਮਚਾਰੀਆਂ ਨੇ AI ਅਤੇ ਇਕੱਠੀ ਕੀਤੀ ਪ੍ਰਸ਼ਾਸਨਿਕ ਜਾਣਕਾਰੀ ਦੀ ਵਰਤੋਂ ਕਰਦਿਆਂ ਨੀਤੀ ਪ੍ਰਸਤਾਵ ਤਿਆਰ ਕੀਤੇ, ਅਤੇ ਉਨ੍ਹਾਂ ਪ੍ਰਸਤਾਵਾਂ ਨੂੰ ਤਜਰਬੇਕਾਰ ਅਧਿਕਾਰੀਆਂ ਦੇ ਪ੍ਰਸਤਾਵਾਂ ਦੇ ਲਗਭਗ ਬਰਾਬਰ ਮੁਲਾਂਕਣ ਮਿਲੇ।

ਇਸਦੇ ਨਾਲ ਹੀ ਤਜਰਬੇਕਾਰ ਅਧਿਕਾਰੀਆਂ ਦੇ ਪ੍ਰਸਤਾਵਾਂ ਨੂੰ ਅਜੇ ਵੀ ਸਭ ਤੋਂ ਹਾਈ ਮੁਲਾਂਕਣ ਮਿਲੇ। Polimill ਦੇ ਵਿਸ਼ਲੇਸ਼ਣ ਮੁਤਾਬਕ ਇਹ ਫ਼ਰਕ ਅਣਲਿਖੇ ਗਿਆਨ ਕਾਰਨ ਸੀ: ਅਜਿਹੀ ਵਿਹਾਰਕ ਸੂਝ ਜੋ ਹਦਾਇਤੀ ਪੁਸਤਕਾਂ ਵਿੱਚ ਨਹੀਂ ਲਿਖੀ ਹੁੰਦੀ, ਜਿਵੇਂ ਨੀਤੀ ਪ੍ਰਸਤਾਵ ਨੂੰ ਹਕੀਕਤ ਬਣਾਉਣ ਲਈ ਲੋੜੀਂਦੀਆਂ ਪ੍ਰਕਿਰਿਆਵਾਂ ਜਾਂ ਨਿਵਾਸੀਆਂ ਦੀਆਂ ਸੰਭਾਵੀ ਚਿੰਤਾਵਾਂ।

Polimill ਇਹ ਦਰਜ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ ਕਿ ਤਜਰਬੇਕਾਰ ਅਧਿਕਾਰੀ AI ਨੂੰ ਖੋਜ ਲਈ ਕਿਵੇਂ ਹਦਾਇਤਾਂ ਦਿੰਦੇ ਅਤੇ ਨਤੀਜਿਆਂ ਨੂੰ ਕਿਵੇਂ ਸੋਧਦੇ ਹਨ, ਤਾਂ ਜੋ ਪਹਿਲਾਂ ਕਦੇ ਦਰਜ ਨਾ ਹੋਈ ਸੂਝ ਨੂੰ ਸੰਗਠਨਾਤਮਕ ਗਿਆਨ ਬਣਾਇਆ ਜਾ ਸਕੇ। ਇਸ ਦਾ ਮਕਸਦ ਹੁਨਰਮੰਦ ਕਰਮਚਾਰੀਆਂ ਨੂੰ AI ਨਾਲ ਬਦਲਣਾ ਨਹੀਂ, ਸਗੋਂ ਉਨ੍ਹਾਂ ਦੀਆਂ ਸਮਰੱਥਾਵਾਂ ਨੂੰ ਵਧਾਉਣਾ ਅਤੇ ਉਨ੍ਹਾਂ ਦਾ ਵਿਹਾਰਕ ਗਿਆਨ ਅਗਲੀ ਪੀੜ੍ਹੀ ਤੱਕ ਪਹੁੰਚਾਉਣਾ ਹੈ। QommonsAI ਸਰਕਾਰ ਲਈ Polimill ਵੱਲੋਂ ਕਲਪਿਤ ਇਸ ਤਰ੍ਹਾਂ ਦੇ ਗਿਆਨ ਦੇ ਤਬਾਦਲੇ ਲਈ ਇੱਕ ਮਜ਼ਬੂਤ ਨੀਂਹ ਬਣ ਸਕਦਾ ਹੈ।

ਪਤਝੜ 2026 ਵਿੱਚ, Polimill ਵੱਲੋਂ Qommons ONE ਨੂੰ ਪੂਰੀ ਤਰ੍ਹਾਂ ਜਾਰੀ ਕਰਨ ਦੀ ਯੋਜਨਾ ਹੈ, ਜੋ ਕਿ ਇੱਕ ਅਜਿਹਾ ਸਟੋਰ ਹੈ ਜਿੱਥੇ ਬਾਹਰੀ ਕੰਪਨੀਆਂ ਨਗਰ ਪਾਲਿਕਾਵਾਂ ਲਈ ਐਪਲੀਕੇਸ਼ਨਾਂ ਪ੍ਰਦਾਨ ਕਰ ਸਕਦੀਆਂ ਹਨ। ਇਸ ਦੇ ਕੇਂਦਰ ਵਿੱਚ ਇੱਕ ਸੁਪਰ ਏਜੰਟ ਹੋਵੇਗਾ ਜੋ ਕਈ ਵਿਸ਼ੇਸ਼ AI ਸਿਸਟਮਾਂ ਅਤੇ ਨਿੱਜੀ ਖੇਤਰ ਦੀਆਂ ਐਪਾਂ ਨੂੰ ਆਪਸ ਵਿੱਚ ਜੋੜੇਗਾ। ਵਰਤੋਂਕਾਰ ਆਪਣਾ ਟੀਚਾ ਦੱਸ ਸਕਣਗੇ ਅਤੇ ਸਿਸਟਮ ਖੋਜ ਤੋਂ ਲੈ ਕੇ ਪੇਸ਼ਕਾਰੀਆਂ ਤੱਕ, ਵਿਹਾਰਕ ਨਤੀਜੇ ਤਿਆਰ ਕਰਨ ਲਈ ਲੋੜੀਂਦੇ AI ਜਾਂ ਐਪਾਂ ਨੂੰ ਵਰਤੇਗਾ।

ਇਸ ਦ੍ਰਿਸ਼ਟੀਕੋਣ ਨੂੰ ਸਾਕਾਰ ਕਰਨ ਲਈ, Polimill, GPT ਮਾਡਲਾਂ ਦੀਆਂ ਵਿਆਪਕ ਇਨਪੁੱਟ ਅਤੇ ਆਉਟਪੁੱਟ ਸਮਰੱਥਾਵਾਂ ਅਤੇ OpenAI ਦੇ ਏਜੰਟ ਵਿਕਾਸ ਦੇ ਇਕੱਠੇ ਕੀਤੇ ਤਜ਼ਰਬੇ ਨੂੰ ਮਹੱਤਵਪੂਰਨ ਬੁਨਿਆਦ ਵਜੋਂ ਦੇਖਦਾ ਹੈ। OpenAI ਤਕਨੀਕੀ ਪ੍ਰਮਾਣਿਕਤਾ ਅਤੇ ਵਿਅਕਤੀਗਤ ਨਮੂਨਿਆਂ ਰਾਹੀਂ ਵਿਕਾਸ ਵਿੱਚ ਸਹਿਯੋਗ ਵੀ ਕਰ ਰਿਹਾ ਹੈ। ਜਿਵੇਂ-ਜਿਵੇਂ ਮਾਡਲ ਅਤੇ ਵਿਕਾਸ ਤਰੀਕੇ ਵਿਕਸਤ ਹੁੰਦੇ ਜਾ ਰਹੇ ਹਨ, ਵਾਕਾਬਾਯਾਸ਼ੀ ਨੂੰ ਤਾਜ਼ਾ ਸੂਝ Polimill ਤੱਕ ਪਹੁੰਚਾਉਣ ਲਈ OpenAI ਨਾਲ ਨੇੜਿਓਂ ਕੰਮ ਕਰਨ ਵਿੱਚ ਵੱਡਾ ਮੁੱਲ ਨਜ਼ਰ ਆਉਂਦਾ ਹੈ।

ਉਨ੍ਹਾਂ ਸੂਝਾਂ ਨੂੰ ਤੇਜ਼ੀ ਨਾਲ ਵਿਕਾਸ ਵਿੱਚ ਸ਼ਾਮਲ ਕਰਕੇ Polimill ਆਪਣੇ ਉਤਪਾਦ Qommons ONE ਨੂੰ ਲਗਾਤਾਰ ਬਿਹਤਰ ਬਣਾ ਸਕਦਾ ਹੈ। ਇਸ ਦੀ ਅਭਿਲਾਸ਼ਾ ਪ੍ਰਸ਼ਾਸਕੀ ਕੁਸ਼ਲਤਾ ਤੋਂ ਕਿਤੇ ਅੱਗੇ ਹੈ। AI ਦੁਆਰਾ ਬਚਾਇਆ ਗਿਆ ਸਮਾਂ ਸਰਕਾਰੀ ਕਰਮਚਾਰੀਆਂ ਨੂੰ ਨਾਗਰਿਕਾਂ ਦੀਆਂ ਆਵਾਜ਼ਾਂ ਨੂੰ ਹੋਰ ਨੇੜਿਓਂ ਸੁਣਨ ਅਤੇ ਉਨ੍ਹਾਂ ਦਾ ਸਮਰਥਨ ਕਰਨ ਦੇ ਯੋਗ ਬਣਾ ਸਕਦਾ ਹੈ। ਇਹ ਜਨਤਕ ਓਪਰੇਟਿੰਗ ਸਿਸਟਮ ਹੀ ਸਰਕਾਰ ਦਾ ਉਹ ਭਵਿੱਖ ਹੈ ਜਿਸ ਲਈ Polimill ਕੰਮ ਕਰ ਰਿਹਾ ਹੈ।

ਸਰਕਾਰਾਂ, ਕੰਪਨੀਆਂ ਅਤੇ ਨਾਗਰਿਕਾਂ ਨੂੰ AI ਰਾਹੀਂ ਆਪਸ ਵਿੱਚ ਜੋੜਨ ਵਾਲੇ ਅਗਲੀ ਪੀੜ੍ਹੀ ਦੇ ਜਨਤਕ ਬੁਨਿਆਦੀ ਢਾਂਚੇ ਵੱਲ Polimill ਦਾ ਕੰਮ ਤਾਂ ਹੁਣੇ ਸ਼ੁਰੂ ਹੋਇਆ ਹੈ।