ਓਰੇਕਲ ਦੀਆਂ ਐਪਾਂ ਨੂੰ ChatGPT ਵਿੱਚ ਲਿਆਉਣ ਲਈ OpenAI ਉਸ ਨਾਲ ਸਾਂਝੇਦਾਰੀ ਵਧਾ ਰਿਹਾ ਹੈ

OpenAI ਅਤੇ ਓਰੇਕਲ, ਓਰੇਕਲ ਦੀਆਂ ਐਪਲੀਕੇਸ਼ਨਾਂ ਅਤੇ ਡਾਟੇ ਨੂੰ ChatGPT ਵਿੱਚ ਲਿਆ ਰਹੇ ਹਨ ਅਤੇ OpenAI ਦੇ ਮਾਡਲਾਂ ਅਤੇ ਉਤਪਾਦਾਂ ਨਾਲ ਓਰੇਕਲ ਦੇ ਨਵੇਂ ਉਤਪਾਦਾਂ ਅਤੇ ਸੇਵਾਵਾਂ ਨੂੰ ਸਮਰੱਥ ਬਣਾ ਰਹੇ ਹਨ. ਮਿਲ ਕੇ ਸਾਡਾ ਉਦੇਸ਼ ਕਾਰੋਬਾਰਾਂ ਨੂੰ ਏਆਈ ਦੀ ਮਦਦ ਨਾਲ ਆਪਣੇ ਮੁੱਖ ਕੰਮਕਾਜ ਚਲਾਉਣ, ਬਿਹਤਰ ਐਪਲੀਕੇਸ਼ਨਾਂ ਬਣਾਉਣ ਅਤੇ ਸੁਰੱਖਿਆ ਮਜ਼ਬੂਤ ਕਰਨ ਵਿੱਚ ਮਦਦ ਕਰਨਾ ਹੈ.

ਇਹ OpenAI ਏਪੀਆਈ, ChatGPT ਵਰਕ ਅਤੇ Codex ਨਾਲ ਜੁੜੇ ਸਾਡੇ ਵਪਾਰਕ ਸਬੰਧਾਂ ਨੂੰ ਹੋਰ ਅੱਗੇ ਵਧਾਉਂਦਾ ਹੈ. ਓਰੇਕਲ ਨੇ ਦੱਸਿਆ⁠ ਕਿ ਉਸ ਕੋਲ ChatGPT ਦੇ 130,000 ਸਰਗਰਮ ਵਰਤੋਂਕਾਰ ਅਤੇ Codex ਦੇ 95,000 ਤੋਂ ਵੱਧ ਸਰਗਰਮ ਵਰਤੋਂਕਾਰ ਹਨ. ਉਸ ਦੀ ਭਰਤੀ ਟੀਮ ਬਾਜ਼ਾਰ ਸੰਬੰਧੀ ਖੋਜ ਲਈ ChatGPT ਵਰਕ ਵਰਤਦੀ ਹੈ. ਜਿਸ ਖੋਜ ਨੂੰ ਇਕੱਠਾ ਕਰਨ ਵਿੱਚ ਪਹਿਲਾਂ ਦੋ ਤੋਂ ਚਾਰ ਦਿਨ ਲੱਗਦੇ ਸਨ, ਉਸ ਦੀ ਤਿਆਰੀ ਹੁਣ 15–20 ਮਿੰਟਾਂ ਵਿੱਚ ਹੋ ਜਾਂਦੀ ਹੈ.

OpenAI ਅਤੇ ਓਰੇਕਲ ਦੀ ਸਾਂਝੀ ਕਲਪਨਾ ਅਜਿਹੇ ਉੱਦਮ ਦੀ ਹੈ ਜੋ ਏਜੰਟਾਂ ਨਾਲ ਕੰਮ ਕਰਨ ਲਈ ਤਿਆਰ ਹੋਵੇ, ਜਿੱਥੇ ਲੋਕ ਅਤੇ ਏਆਈ ਏਜੰਟ ਇੱਕੋ ਜੁੜੇ ਹੋਏ ਮਾਹੌਲ ਵਿੱਚ ਵੱਖ-ਵੱਖ ਕਾਰੋਬਾਰੀ ਐਪਲੀਕੇਸ਼ਨਾਂ ਰਾਹੀਂ ਕੰਮ ਕਰਨ. ਸਾਡਾ ਟੀਚਾ ਓਰੇਕਲ ਦੇ ਸੌਫਟਵੇਅਰ ਨੂੰ ਲੱਭਣਾ, ਵਰਤਣਾ ਅਤੇ ਸੰਭਾਲਣਾ ਆਸਾਨ ਬਣਾਉਣਾ ਹੈ. ਇਸ ਲਈ ਪ੍ਰਬੰਧਨ ਨੂੰ ਸਰਲ ਬਣਾਇਆ ਜਾਵੇਗਾ, ਇੱਕੋ ਸਾਈਨ-ਇਨ ਦੀ ਸਹੂਲਤ ਹੋਵੇਗੀ ਅਤੇ ਪਹੁੰਚ ਹਰੇਕ ਸੰਸਥਾ ਦੀਆਂ ਇਜਾਜ਼ਤਾਂ ਤੇ ਮਨਜ਼ੂਰੀਆਂ ਅਨੁਸਾਰ ਨਿਯੰਤਰਿਤ ਹੋਵੇਗੀ. ਇਸ ਨਾਲ ਕਾਰੋਬਾਰਾਂ ਨੂੰ ਆਪਣੇ ਮੁੱਖ ਕੰਮਕਾਜ ਵਿੱਚ ਏਆਈ ਦੀ ਵਰਤੋਂ ਵਧਾਉਣ ਅਤੇ ਪਹਿਲਾਂ ਤੋਂ ਵਰਤੇ ਜਾ ਰਹੇ ਸੌਫਟਵੇਅਰ ਤੋਂ ਹੋਰ ਲਾਭ ਲੈਣ ਵਿੱਚ ਮਦਦ ਮਿਲੇਗੀ.

ਓਰੇਕਲ ਆਪਣੀਆਂ ਐਪਲੀਕੇਸ਼ਨਾਂ ਅਤੇ ਡਾਟੇ ਨਾਲ ਏਕੀਕਰਨ ਰਾਹੀਂ ਇਸ ਕਲਪਨਾ ਨੂੰ ChatGPT ਵਿੱਚ ਸਾਕਾਰ ਕਰਨ ਲਈ ਓਰੇਕਲ ਏਆਈ ਵਰਕਸਪੇਸ⁠ ਵਿਕਸਿਤ ਕਰ ਰਿਹਾ ਹੈ. ਟੀਚਾ ਇਹ ਹੈ ਕਿ ਲੋਕ ਇੱਕੋ ਥਾਂ ਇਹ ਦੱਸ ਸਕਣ ਕਿ ਉਨ੍ਹਾਂ ਨੇ ਕੀ ਕਰਨਾ ਹੈ, ਸਹੀ ਜਾਣਕਾਰੀ ਲੱਭ ਸਕਣ ਅਤੇ ਮਨਜ਼ੂਰਸ਼ੁਦਾ ਕਾਰੋਬਾਰੀ ਕਾਰਜ-ਪ੍ਰਵਾਹ ਪੂਰੇ ਕਰ ਸਕਣ.

ਮਿਸਾਲ ਵਜੋਂ, ਵਿੱਤ ਟੀਮ ਦਾ ਕੋਈ ਨਵਾਂ ਮੈਂਬਰ ChatGPT ਦੀ ਵਰਤੋਂ ਕਰਕੇ ਖਰਚਿਆਂ ਦੀ ਪੜਤਾਲ ਕਰ ਸਕੇਗਾ, ਖਰੀਦ ਦੇ ਫ਼ੈਸਲਿਆਂ ਨੂੰ ਸਮਝ ਸਕੇਗਾ ਅਤੇ ਪਤਾ ਲਗਾ ਸਕੇਗਾ ਕਿ ਮਹੀਨੇ ਦੇ ਖਾਤੇ ਬੰਦ ਕਰਨ ਤੋਂ ਪਹਿਲਾਂ ਕਿਹੜੇ ਕੰਮ ਬਾਕੀ ਹਨ. ਇਸ ਪ੍ਰਸਤਾਵਿਤ ਤਜਰਬੇ ਵਿੱਚ ਵਿੱਤ, ਖਰੀਦ ਅਤੇ ਯੋਜਨਾਬੰਦੀ ਦੀਆਂ ਐਪਲੀਕੇਸ਼ਨਾਂ ਤੋਂ ਜਾਣਕਾਰੀ ਇੱਕ ਥਾਂ ਇਕੱਠੀ ਹੋਵੇਗੀ. ਇਸ ਨਾਲ ਹੋਰ ਕਰਮਚਾਰੀ ਆਪਣੀ ਸੰਸਥਾ ਦੀਆਂ ਇਜਾਜ਼ਤਾਂ ਅਤੇ ਮਨਜ਼ੂਰੀਆਂ ਦੇ ਦਾਇਰੇ ਵਿੱਚ ਓਰੇਕਲ ਦਾ ਸੌਫਟਵੇਅਰ ਵਰਤ ਸਕਣਗੇ.

ਓਰੇਕਲ ਏਆਈ ਵਰਕਸਪੇਸ ਦੇ ਨਾਲ-ਨਾਲ, ਓਰੇਕਲ OpenAI ਦੇ ਮਾਡਲਾਂ ਅਤੇ ਸਾਧਨਾਂ ਨਾਲ ਤਿਆਰ ਕੀਤੇ ਅੱਪਡੇਟਾਂ ਅਤੇ ਨਵੀਆਂ ਪੇਸ਼ਕਸ਼ਾਂ ਦਾ ਐਲਾਨ ਕਰ ਰਿਹਾ ਹੈ:

• ਓਰੇਕਲ ਏਆਈ ਸਕਿਉਰਿਟੀ ਮੈਸ਼ ਨੂੰ OpenAI ਦੇ ਸਾਈਬਰ ਮਾਡਲਾਂ ਦੀ ਵਰਤੋਂ ਕਰਕੇ ਗਾਹਕਾਂ ਦੀਆਂ ਐਪਲੀਕੇਸ਼ਨਾਂ ਅਤੇ ਬੁਨਿਆਦੀ ਢਾਂਚੇ ਵਿੱਚ ਸੁਰੱਖਿਆ ਖਾਮੀਆਂ ਲੱਭਣ ਤੇ ਦੂਰ ਕਰਨ ਵਿੱਚ ਮਦਦ ਲਈ ਤਿਆਰ ਕੀਤਾ ਗਿਆ ਹੈ. ਓਰੇਕਲ ਜਾਂਚ ਦੇ ਬੁਨਿਆਦੀ ਢਾਂਚੇ ਦਾ ਪ੍ਰਬੰਧ ਕਰਦਾ ਹੈ, ਤਾਂ ਜੋ ਗਾਹਕ ਇਨ੍ਹਾਂ ਸਮਰੱਥਾਵਾਂ ਨੂੰ ਸੁਰੱਖਿਅਤ ਢੰਗ ਨਾਲ ਅਤੇ ਆਪਣੇ ਅਧਿਕਾਰਤ ਦਾਇਰੇ ਵਿੱਚ ਵਰਤ ਸਕਣ.

• ਓਰੇਕਲ ਏਆਈ ਐੱਸਐੱਮਬੀ ਬੰਡਲ ਵਿੱਚ ChatGPT Business ਅਤੇ Codex ਦੇ ਨਾਲ ਓਰੇਕਲ ਦੀਆਂ ਐਪਲੀਕੇਸ਼ਨਾਂ ਅਤੇ ਨਿਯਮਤ ਤੌਰ 'ਤੇ ਮਿਲਣ ਵਾਲੇ ਓਰੇਕਲ ਕਲਾਊਡ ਇਨਫ੍ਰਾਸਟ੍ਰਕਚਰ ਕ੍ਰੈਡਿਟ ਸ਼ਾਮਲ ਹਨ, ਤਾਂ ਜੋ ਛੋਟੇ ਕਾਰੋਬਾਰ ਉਤਪਾਦ ਬਣਾ ਸਕਣ ਅਤੇ ਆਪਣਾ ਕੰਮਕਾਜ ਸੰਭਾਲ ਸਕਣ.

• ਓਰੇਕਲ ਐਪ ਕੰਪੋਜ਼ਰ ਨੂੰ ਟੀਮਾਂ ਦੀ Codex ਅਤੇ ਹੋਰ ਏਆਈ ਸਾਧਨਾਂ ਨਾਲ ਐਪਾਂ ਬਣਾਉਣ, ਉਨ੍ਹਾਂ ਨੂੰ ਓਰੇਕਲ ਦੇ ਮਨਜ਼ੂਰਸ਼ੁਦਾ ਡਾਟੇ ਅਤੇ ਕਾਰਜ-ਪ੍ਰਵਾਹਾਂ ਨਾਲ ਜੋੜਨ ਅਤੇ ਆਪਣੀ ਪੂਰੀ ਸੰਸਥਾ ਵਿੱਚ ਸਾਂਝਾ ਕਰਨ ਵਿੱਚ ਮਦਦ ਲਈ ਤਿਆਰ ਕੀਤਾ ਗਿਆ ਹੈ. ਓਰੇਕਲ ਇਨ੍ਹਾਂ ਐਪਾਂ ਨੂੰ ਓਰੇਕਲ ਕਲਾਊਡ ਇਨਫ੍ਰਾਸਟ੍ਰਕਚਰ 'ਤੇ ਤੈਨਾਤ ਕਰਨ ਦਾ ਪ੍ਰਬੰਧ ਕਰਦਾ ਹੈ, ਜਿਸ ਵਿੱਚ ਕੰਪਨੀ ਦੀਆਂ ਇਜਾਜ਼ਤਾਂ ਅਤੇ ਪਹੁੰਚ ਨਿਯੰਤਰਣ ਪਹਿਲਾਂ ਤੋਂ ਸ਼ਾਮਲ ਹੁੰਦੇ ਹਨ.

ਅਮਰੀਕਾ ਵਿੱਚ ਓਰੇਕਲ ਦੇ ਗਾਹਕ ਆਪਣੀਆਂ ਮੌਜੂਦਾ ਖਰੀਦ ਪ੍ਰਕਿਰਿਆਵਾਂ ਅਤੇ ਯੋਗ ਓਰੇਕਲ ਯੂਨੀਵਰਸਲ ਕ੍ਰੈਡਿਟ ਦੀ ਵਰਤੋਂ ਕਰਕੇ ਓਰੇਕਲ ਮਾਰਕੀਟਪਲੇਸ⁠ ਰਾਹੀਂ OpenAI ਏਪੀਆਈ, Codex ਅਤੇ ChatGPT ਵਰਕ ਤੱਕ ਪਹੁੰਚ ਖਰੀਦ ਸਕਦੇ ਹਨ.

OpenAI ਅਤੇ ਓਰੇਕਲ ਦੀ ਸਾਂਝੇਦਾਰੀ⁠ ਬਾਰੇ ਹੋਰ ਜਾਣੋ.