OpenAI

OpenAI CSAM ခွဲခြားစနစ် အသုံးပြုခွင့်လျှောက်လွှာ

OpenAI CSAM ခွဲခြားစနစ်ကို စိတ်ဝင်စားသည့်အတွက် ကျေးဇူးတင်ပါသည်။ ဤပုံစံသည် သင့်အဖွဲ့အစည်း၊ လက်ရှိကျင့်သုံးနေသော ကာကွယ်ရေးနှင့် အန္တရာယ်လျှော့ချရေး ဆောင်ရွက်ချက်များ၊ အသုံးပြုရန် ရည်ရွယ်ထားသည့်ပုံစံနှင့် ဤကိရိယာက သင့်လုပ်ငန်းစဉ်အတွက် သင့်လျော်မှုရှိမရှိကို ကျွန်ုပ်တို့ နားလည်နိုင်ရန် အထောက်အကူပြုပါသည်။ အသုံးပြုခွင့်ပေးရန် သင့်မသင့် အကဲဖြတ်ရာတွင် ဤအချက်အလက်များကို အသုံးပြုပါသည်။

လျှောက်ထားသူ၏ အချက်အလက်များ

လုပ်ငန်းခွင်တွင် အသုံးပြုမည့်ပုံစံ

လက်ရှိတွင် CSAM ရှာဖွေဖော်ထုတ်ရေး သို့မဟုတ် တိုက်ဆိုင်စစ်ဆေးရေးအတွက် အခြားနည်းပညာစနစ်တစ်ခုခုကို အသုံးပြုနေပါသလား။ *
သင့်အဖွဲ့အစည်းတွင် CSAM ကို လူကိုယ်တိုင် စစ်ဆေးသုံးသပ်သည့် လုပ်ငန်းစဉ်များ ရှိပါသလား။ *
သင့်အဖွဲ့အစည်းတွင် CSAM ဖြစ်သည်ဟု ယူဆရသော အကြောင်းအရာများကို သက်ဆိုင်ရာအခြေအနေအလိုက် NCMEC နှင့်/သို့မဟုတ် သက်ဆိုင်ရာအဖွဲ့များထံ အကြောင်းကြားတင်ပြသည့် လုပ်ငန်းစဉ် ရှိပါသလား။ *
သင့်အဖွဲ့အစည်းသည် NCMEC တွင် မှတ်ပုံတင်ထားပါသလား။ *

ဥပဒေဆိုင်ရာ စည်းကမ်းချက်များနှင့် အတည်ပြုချက်များ

ကျွန်ုပ်သည် အောက်ပါအချက်များကို အတည်ပြုပါသည်။

  1. ကျွန်ုပ်၏ ဖြေဆိုချက်များနှင့် အတည်ပြုချက်များ (စုပေါင်း၍ “လျှောက်လွှာပုံစံ”) အပါအဝင် ဤလျှောက်လွှာပုံစံ ကို ကျွန်ုပ် ပြန်လည်စစ်ဆေးပြီးဖြစ်ပါသည်။ သင့်လျော်စွာ စုံစမ်းမေးမြန်း၍ ကျိုးကြောင်းဆီလျော်စွာ သေချာစိစစ်ပြီးနောက် ကျွန်ုပ် သိရှိယုံကြည်သမျှအရ ပေးအပ်ထားသော အချက်အလက်များသည် တိကျပြည့်စုံကြောင်း ကျွန်ုပ် ကြေညာအတည်ပြုပါသည်။

  2. ဤလျှောက်လွှာပုံစံတွင် အမည်ဖော်ပြထားသော အဖွဲ့အစည်း (“ဝန်ဆောင်မှုရယူသူ”) ကိုယ်စား ဤပုံစံကို လက်မှတ်ရေးထိုးရန် လိုအပ်သည့် လုပ်ပိုင်ခွင့် ကျွန်ုပ်တွင်ရှိပြီး အစီအစဉ်တွင် ပါဝင်ဆောင်ရွက်ရန် လိုအပ်သော အဖွဲ့အစည်းတွင်း ခွင့်ပြုချက်အားလုံးကို ရရှိပြီးဖြစ်ပါသည်။

  3. ဤလျှောက်လွှာပုံစံရှိ အချက်အလက်တစ်ခုခုသည် တိကျပြည့်စုံမှု မရှိကြောင်း သို့မဟုတ် တိကျပြည့်စုံမှု မရှိတော့ကြောင်း သိရှိပါက OpenAI ထံ (csamclassifier@openai.com) မှတစ်ဆင့် ချက်ချင်း စာဖြင့် အကြောင်းကြားပါမည်။

  4. ဝန်ဆောင်မှုရယူသူသည် ဤလျှောက်လွှာပုံစံပါ ဥပဒေဆိုင်ရာ စည်းကမ်းချက်များကို သဘောတူပြီး ယင်းစည်းကမ်းချက်များကို ဤသဘောတူညီမှုဖြင့် သဘောတူစာချုပ်၏ အစိတ်အပိုင်းအဖြစ် ထည့်သွင်းပါသည်။ “သဘောတူစာချုပ်” ဆိုသည်မှာ— (က) ဝန်ဆောင်မှုရယူသူနှင့် OpenAI တို့အကြား ဝန်ဆောင်မှုများအတွက် လက်မှတ်ရေးထိုးထားသည့် သဘောတူစာချုပ် ရှိပြီးဖြစ်ပါက ဝန်ဆောင်မှုရယူသူ၏ ဝန်ဆောင်မှုအသုံးပြုခြင်းအပေါ် ထိုသဘောတူစာချုပ်က အကျုံးဝင်သည်၊ သို့မဟုတ် (ခ) ဝန်ဆောင်မှုရယူသူနှင့် OpenAI တို့အကြား ဝန်ဆောင်မှုများအတွက် လက်မှတ်ရေးထိုးထားသည့် သဘောတူစာချုပ် မရှိသေးပါက ဝန်ဆောင်မှုရယူသူ၏ ဝန်ဆောင်မှုအသုံးပြုခြင်းသည် https://openai.com/policies/services-agreement တွင် ဖော်ပြထားသော OpenAI ဝန်ဆောင်မှုများဆိုင်ရာ သဘောတူစာချုပ်နှင့်အညီ ဖြစ်ရမည်။ ဤလျှောက်လွှာပုံစံတွင် အဓိပ္ပာယ်ဖွင့်ဆိုမထားသည့် အင်္ဂလိပ်စာလုံးကြီးဖြင့် အစပြုသော ဝေါဟာရများသည် သဘောတူစာချုပ်တွင် သတ်မှတ်ထားသည့် အဓိပ္ပာယ်များအတိုင်း ဖြစ်ရမည်။

လျှောက်ထားသူ၏ အတည်ပြုချက် *
အစီအစဉ်၏ စည်းကမ်းချက်များကို သဘောတူညီခြင်း *

မှတ်ချက်။ တင်သွင်းပြီးနောက် သင့်မည်သူမည်ဝါဖြစ်ကြောင်း အတည်ပြုရန် အစိုးရထုတ် အထောက်အထားပြသခြင်းနှင့် အခြေခံလုပ်ငန်းအချက်အလက်များ ပေးအပ်ခြင်းတို့ပါဝင်သည့် အတိုချုံး စိစစ်အတည်ပြုမှုအဆင့်ကို လုပ်ဆောင်ရန် တောင်းဆိုနိုင်ပါသည်။