OpenAI റെഡ് ടീമിംഗ് നെറ്റ്‌വർക്ക്

OpenAI റെഡ് ടീമിംഗ് നെറ്റ്‌വർക്കിലേക്ക് ഞങ്ങൾ അപേക്ഷകൾ ക്ഷണിക്കുന്നു. OpenAI-യുടെ മോഡലുകളുടെ സുരക്ഷ മെച്ചപ്പെടുത്താൻ താൽപ്പര്യമുള്ള വിഷയവിദഗ്ധരെ ഞങ്ങളുടെ ശ്രമങ്ങളിൽ പങ്കുചേരാൻ സ്വാഗതം ചെയ്യുന്നു. ഞങ്ങളുടെ നിർമിതബുദ്ധി മോഡലുകളെ കർശനമായി വിലയിരുത്താനും റെഡ് ടീമിംഗ് നടത്താനും ഞങ്ങളുമായി സഹകരിക്കുന്നതിന് വിവിധ മേഖലകളിൽ നിന്നുള്ള വിദഗ്ധരെ തേടുകയാണ്.

റെഡ് ടീമിംഗ്^A ഞങ്ങളുടെ ആവർത്തിച്ച് മെച്ചപ്പെടുത്തുന്ന വിന്യാസപ്രക്രിയയുടെ⁠ അവിഭാജ്യ ഘടകമാണ്. കഴിഞ്ഞ ഏതാനും വർഷങ്ങളിൽ, ഞങ്ങളുടെ റെഡ് ടീമിംഗ് ശ്രമങ്ങൾ OpenAI-യിലെ ആഭ്യന്തര പ്രതികൂലസാഹചര്യ പരിശോധനകളിൽ ഒതുങ്ങാതെ വളർന്നിട്ടുണ്ട്. ഓരോ മേഖലയിലെയും അപകടസാധ്യതകളെ തരംതിരിക്കാനും പുതിയ സംവിധാനങ്ങളിലെ ഹാനികരമായേക്കാവുന്ന കഴിവുകൾ വിലയിരുത്താനും ബാഹ്യവിദഗ്ധരുടെ ഒരു സംഘവുമായി^B ഇപ്പോൾ ഞങ്ങൾ പ്രവർത്തിക്കുന്നു. DALL·E 2⁠(പുതിയ വിൻഡോയിൽ തുറക്കുന്നു), GPT‑4⁠(പുതിയ വിൻഡോയിൽ തുറക്കുന്നു) തുടങ്ങിയ മോഡലുകളിൽ ബാഹ്യവിദഗ്ധരുമായി ചേർന്ന് നടത്തിയ പ്രവർത്തനങ്ങൾ ഉൾപ്പെടെ, ഞങ്ങളുടെ മുൻകാല റെഡ് ടീമിംഗ് ശ്രമങ്ങളെക്കുറിച്ച് കൂടുതൽ വായിക്കാം.^C

ഈ മുൻകാല പ്രവർത്തനങ്ങളെ അടിത്തറയാക്കി മുന്നോട്ടുപോകാനും ഞങ്ങളുടെ മോഡലുകൾ കൂടുതൽ സുരക്ഷിതമാക്കുന്നതിനായി ബാഹ്യവിദഗ്ധരുമായുള്ള സഹകരണം ആഴത്തിലും വ്യാപ്തിയിലും വർധിപ്പിക്കാനും ഇന്ന് ഞങ്ങൾ കൂടുതൽ ഔപചാരികമായ ഒരു ശ്രമത്തിന് തുടക്കമിടുകയാണ്. വ്യക്തിഗത വിദഗ്ധർ, ഗവേഷണ സ്ഥാപനങ്ങൾ, പൗരസമൂഹ സംഘടനകൾ എന്നിവരുമായി ചേർന്ന് പ്രവർത്തിക്കുന്നത് ഞങ്ങളുടെ പ്രക്രിയയുടെ ഒരു പ്രധാന ഭാഗമാണ്. മൂന്നാം കക്ഷി ഓഡിറ്റുകൾ പോലുള്ള, പുറത്തുനിന്ന് നിർദേശിക്കപ്പെടുന്ന ഭരണനിർവഹണരീതികൾക്ക് അനുബന്ധമായാണ് ഞങ്ങൾ ഈ പ്രവർത്തനത്തെ കാണുന്നത്.

പ്രധാന മോഡലുകൾ വിന്യസിക്കുന്നതിന് മുമ്പുള്ള ഒറ്റത്തവണ സഹകരണങ്ങളിലും തിരഞ്ഞെടുപ്പുകളിലും ഒതുങ്ങാതെ, അപകടസാധ്യതകൾ വിലയിരുത്താനും കുറയ്ക്കാനുമുള്ള ഞങ്ങളുടെ ശ്രമങ്ങൾക്ക് കൂടുതൽ വിശാലമായ മാർഗനിർദേശം നൽകാൻ കഴിയുന്ന വിശ്വസ്തരും പരിചയസമ്പന്നരുമായ വിദഗ്ധരുടെ കൂട്ടായ്മയാണ് OpenAI റെഡ് ടീമിംഗ് നെറ്റ്‌വർക്ക്. മോഡലുകളുടെയും ഉൽപ്പന്നങ്ങളുടെയും വികസനചക്രത്തിലെ വിവിധ ഘട്ടങ്ങളിൽ റെഡ് ടീമിംഗിന് സഹായിക്കാൻ നെറ്റ്‌വർക്ക് അംഗങ്ങളെ അവരുടെ വൈദഗ്ധ്യത്തിന്റെ അടിസ്ഥാനത്തിൽ ക്ഷണിക്കും. ഓരോ പുതിയ മോഡലിലോ ഉൽപ്പന്നത്തിലോ എല്ലാ അംഗങ്ങളും പങ്കെടുക്കില്ല. ഓരോ അംഗവുമായും ചർച്ച ചെയ്ത് അവർ നീക്കിവെക്കേണ്ട സമയം തീരുമാനിക്കും. ഇത് ഒരു വർഷത്തിൽ 5–10 മണിക്കൂർ മാത്രം ആയിരിക്കാം.

OpenAI ഏൽപ്പിക്കുന്ന റെഡ് ടീമിംഗ് ദൗത്യങ്ങൾക്ക് പുറമെ, പൊതുവായ റെഡ് ടീമിംഗ് രീതികളെയും കണ്ടെത്തലുകളെയും കുറിച്ച് പരസ്പരം ആശയവിനിമയം നടത്താൻ അംഗങ്ങൾക്ക് അവസരമുണ്ടാകും. കൂടുതൽ വൈവിധ്യമാർന്ന അഭിപ്രായങ്ങളും നിർദേശങ്ങളും തുടർച്ചയായി ലഭ്യമാക്കുകയും റെഡ് ടീമിംഗ് കൂടുതൽ ആവർത്തനാത്മകമായ പ്രക്രിയയാക്കുകയും ചെയ്യുക എന്നതാണ് ലക്ഷ്യം. ഞങ്ങളുടെ ഗവേഷക പ്രവേശന പരിപാടി⁠, ഓപ്പൺ സോഴ്‌സ് വിലയിരുത്തലുകൾ⁠(പുതിയ വിൻഡോയിൽ തുറക്കുന്നു) എന്നിവയുൾപ്പെടെ നിർമിതബുദ്ധിയുടെ സുരക്ഷയ്ക്കായുള്ള മറ്റ് സഹകരണാവസരങ്ങൾക്ക് ഈ നെറ്റ്‌വർക്ക് അനുബന്ധമാകുന്നു.

കൂടുതൽ സുരക്ഷിതമായ നിർമിതബുദ്ധി സാങ്കേതികവിദ്യകളുടെയും നയങ്ങളുടെയും വികസനത്തിന് ദിശ നൽകാനും, നമ്മൾ ജീവിക്കുന്നതിലും ജോലി ചെയ്യുന്നതിലും പരസ്പരം ഇടപഴകുന്നതിലും നിർമിതബുദ്ധിക്കുണ്ടാകാവുന്ന സ്വാധീനം രൂപപ്പെടുത്താനും ഈ നെറ്റ്‌വർക്ക് സവിശേഷമായ അവസരം നൽകുന്നു. ഈ നെറ്റ്‌വർക്കിൽ ചേരുന്നതിലൂടെ, ഞങ്ങളുടെ മോഡലുകളും സംവിധാനങ്ങളും വിന്യസിക്കുന്നതിന്റെ വിവിധ ഘട്ടങ്ങളിൽ അവയെ വിലയിരുത്താൻ ക്ഷണിക്കാവുന്ന വിഷയവിദഗ്ധരുടെ സംഘത്തിൽ നിങ്ങൾ അംഗമാകും.

നിർമിതബുദ്ധി സംവിധാനങ്ങളെ വിലയിരുത്താൻ വിവിധ മേഖലകൾ, വൈവിധ്യമാർന്ന കാഴ്ചപ്പാടുകൾ, ജീവിതാനുഭവങ്ങൾ എന്നിവയെക്കുറിച്ചുള്ള ധാരണ ആവശ്യമാണ്. ലോകമെമ്പാടുമുള്ള വിദഗ്ധരിൽ നിന്ന് ഞങ്ങൾ അപേക്ഷകൾ ക്ഷണിക്കുന്നു. തിരഞ്ഞെടുപ്പിൽ ഭൂമിശാസ്ത്രപരമായ വൈവിധ്യത്തിനും വൈദഗ്ധ്യമേഖലകളിലെ വൈവിധ്യത്തിനും മുൻഗണന നൽകുന്നു. 

ഞങ്ങൾക്ക് താൽപ്പര്യമുള്ള ചില മേഖലകൾ താഴെപ്പറയുന്നു; എന്നാൽ ഇവയിൽ മാത്രം പരിമിതപ്പെടുന്നില്ല:

നിർമിതബുദ്ധി സംവിധാനങ്ങളിലോ ഭാഷാ മോഡലുകളിലോ മുൻപരിചയം ആവശ്യമില്ല, എന്നാൽ അത് സഹായകരമായേക്കാം. നിർമിതബുദ്ധി സംവിധാനങ്ങളുടെ സ്വാധീനം ഞങ്ങൾ വിലയിരുത്തുന്ന പ്രക്രിയയിൽ പങ്കാളിയാകാനും നിങ്ങളുടെ കാഴ്ചപ്പാട് പങ്കുവെക്കാനുമുള്ള സന്നദ്ധതയ്ക്കാണ് ഞങ്ങൾ ഏറ്റവും മൂല്യം നൽകുന്നത്.

റെഡ് ടീമിംഗ് പദ്ധതിയിൽ പങ്കെടുക്കുന്ന OpenAI റെഡ് ടീമിംഗ് നെറ്റ്‌വർക്കിലെ എല്ലാ അംഗങ്ങൾക്കും അവരുടെ സംഭാവനകൾക്ക് പ്രതിഫലം നൽകും. ഈ നെറ്റ്‌വർക്കിലെ അംഗത്വം നിങ്ങളുടെ ഗവേഷണം പ്രസിദ്ധീകരിക്കുന്നതിനോ മറ്റ് അവസരങ്ങൾ തേടുന്നതിനോ തടസ്സമാകില്ല. എന്നാൽ റെഡ് ടീമിംഗിലും മറ്റ് പദ്ധതികളിലുമുള്ള പങ്കാളിത്തം പലപ്പോഴും രഹസ്യവിവരങ്ങൾ വെളിപ്പെടുത്താതിരിക്കാനുള്ള കരാറുകൾക്ക് വിധേയമായിരിക്കുമെന്നോ അനിശ്ചിതകാലത്തേക്ക് രഹസ്യമായി സൂക്ഷിക്കേണ്ടിവരുമെന്നോ നിങ്ങൾ കണക്കിലെടുക്കണം.

അപേക്ഷകൾ സ്വീകരിക്കുന്നത് അവസാനിച്ചു.

ചോദ്യം: നെറ്റ്‌വർക്കിൽ ചേരുന്നതിലൂടെ എന്തെല്ലാം ചെയ്യേണ്ടിവരും?

ഉത്തരം: നെറ്റ്‌വർക്കിലെ അംഗമെന്ന നിലയിൽ, ഒരു പുതിയ മോഡൽ പരിശോധിക്കാനോ ഇതിനകം വിന്യസിച്ച മോഡലിൽ താൽപ്പര്യമുള്ള ഒരു മേഖല പരിശോധിക്കാനോ ഉള്ള അവസരങ്ങളെക്കുറിച്ച് നിങ്ങളെ ബന്ധപ്പെട്ടേക്കാം. നെറ്റ്‌വർക്കിന്റെ ഭാഗമായുള്ള പ്രവർത്തനങ്ങൾ രഹസ്യവിവരങ്ങൾ വെളിപ്പെടുത്താതിരിക്കാനുള്ള കരാറിന് വിധേയമായാണ് നടത്തുന്നത്. എങ്കിലും, ഞങ്ങളുടെ റെഡ് ടീമിംഗ് കണ്ടെത്തലുകളിൽ പലതും മുമ്പ് സിസ്റ്റം കാർഡുകളിലും ബ്ലോഗ് ലേഖനങ്ങളിലും പ്രസിദ്ധീകരിച്ചിട്ടുണ്ട്. റെഡ് ടീമിംഗ് പദ്ധതികൾക്കായി ചെലവഴിക്കുന്ന സമയത്തിന് നിങ്ങൾക്ക് പ്രതിഫലം ലഭിക്കും.

ചോദ്യം: നെറ്റ്‌വർക്കിന്റെ ഭാഗമാകാൻ എത്ര സമയം നീക്കിവെക്കേണ്ടിവരും? 

ഉത്തരം: നിങ്ങളുടെ സമയക്രമത്തിനനുസരിച്ച് എത്ര സമയം നീക്കിവെക്കണമെന്ന് തീരുമാനിക്കാം. ഓരോ അവസരത്തിനും നെറ്റ്‌വർക്കിലെ എല്ലാവരെയും ബന്ധപ്പെടില്ലെന്ന് ശ്രദ്ധിക്കുക. ഒരു പ്രത്യേക റെഡ് ടീമിംഗ് പദ്ധതിക്ക് ആരാണ് ഏറ്റവും അനുയോജ്യർ എന്നതിന്റെ അടിസ്ഥാനത്തിൽ OpenAI തിരഞ്ഞെടുപ്പ് നടത്തും. തുടർന്നുള്ള റെഡ് ടീമിംഗ് ദൗത്യങ്ങളിൽ പുതിയ കാഴ്ചപ്പാടുകൾക്ക് ഊന്നൽ നൽകും. ഒരു വർഷത്തിൽ വെറും 5 മണിക്കൂർ മാത്രമാണെങ്കിലും അത് ഞങ്ങൾക്ക് വിലപ്പെട്ടതാണ്. അതിനാൽ താൽപ്പര്യമുണ്ടെങ്കിലും സമയം കുറവാണെന്ന കാരണത്താൽ അപേക്ഷിക്കാൻ മടിക്കേണ്ടതില്ല.

ചോദ്യം: അപേക്ഷ അംഗീകരിച്ചതായി എപ്പോഴാണ് അറിയിക്കുക?

ഉത്തരം: OpenAI നെറ്റ്‌വർക്കിലേക്കുള്ള അംഗങ്ങളെ തുടർച്ചയായി തിരഞ്ഞെടുത്തുകൊണ്ടിരിക്കും. 2023 ഡിസംബർ 1 വരെ നിങ്ങൾക്ക് അപേക്ഷിക്കാം. ഈ അപേക്ഷാകാലയളവിന് ശേഷം, ഭാവിയിൽ വീണ്ടും അപേക്ഷിക്കാനുള്ള അവസരങ്ങൾ നൽകുന്നത് ഞങ്ങൾ പുനഃപരിശോധിക്കും.

ചോദ്യം: നെറ്റ്‌വർക്കിൽ അംഗമായാൽ ഓരോ പുതിയ മോഡലിലും റെഡ് ടീമിംഗ് നടത്താൻ എന്നോട് ആവശ്യപ്പെടുമോ?

ഉത്തരം: ഇല്ല. ഒരു പ്രത്യേക റെഡ് ടീമിംഗ് പദ്ധതിക്ക് ആരാണ് ഏറ്റവും അനുയോജ്യർ എന്നതിന്റെ അടിസ്ഥാനത്തിലാണ് OpenAI തിരഞ്ഞെടുപ്പ് നടത്തുക. അതിനാൽ ഓരോ പുതിയ മോഡലും പരിശോധിക്കാൻ കഴിയുമെന്ന് പ്രതീക്ഷിക്കരുത്.

ചോദ്യം: നെറ്റ്‌വർക്ക് അംഗങ്ങളിൽ നിങ്ങൾ പ്രതീക്ഷിക്കുന്ന ചില യോഗ്യതകൾ എന്തൊക്കെയാണ്?

ഉത്തരം: ഞങ്ങൾ പരിഗണിക്കുന്ന ചില മാനദണ്ഡങ്ങൾ ഇവയാണ്:

• റെഡ് ടീമിംഗിന് പ്രസക്തമായ ഒരു മേഖലയിൽ തെളിയിക്കപ്പെട്ട വൈദഗ്ധ്യമോ അനുഭവപരിചയമോ

• നിർമിതബുദ്ധിയുടെ സുരക്ഷ മെച്ചപ്പെടുത്താനുള്ള തീവ്രമായ താൽപ്പര്യം

• താൽപ്പര്യവൈരുദ്ധ്യങ്ങൾ ഇല്ലാതിരിക്കുക

• വൈവിധ്യമാർന്ന പശ്ചാത്തലങ്ങളും പരമ്പരാഗതമായി മതിയായ പ്രാതിനിധ്യം ലഭിക്കാത്ത വിഭാഗങ്ങളും

• വിവിധ ഭൂമിശാസ്ത്ര മേഖലകളിൽ നിന്നുള്ള പ്രാതിനിധ്യം 

• ഒന്നിലധികം ഭാഷകളിൽ പ്രാവീണ്യം

• സാങ്കേതിക കഴിവ് (നിർബന്ധമല്ല)

ചോദ്യം: സുരക്ഷയ്ക്കായി സഹകരിച്ച് പ്രവർത്തിക്കാനുള്ള മറ്റ് അവസരങ്ങൾ എന്തൊക്കെയാണ്?

ഉത്തരം: നെറ്റ്‌വർക്കിൽ ചേരുന്നതിന് പുറമെയും നിർമിതബുദ്ധിയുടെ സുരക്ഷയ്ക്ക് സംഭാവന നൽകാൻ സഹകരണാവസരങ്ങളുണ്ട്. ഉദാഹരണത്തിന്, നിർമിതബുദ്ധി സംവിധാനങ്ങൾക്കായി സുരക്ഷാ വിലയിരുത്തലുകൾ രൂപകൽപ്പന ചെയ്യുകയോ നടത്തുകയോ ചെയ്ത് ഫലങ്ങൾ വിശകലനം ചെയ്യാം.

ഈ പ്രക്രിയ വേഗത്തിൽ തുടങ്ങാൻ സഹായിക്കുന്ന, എളുപ്പത്തിൽ ഉപയോഗിക്കാവുന്ന മാതൃകകളും സാമ്പിൾ രീതികളും OpenAI-യുടെ ഓപ്പൺ സോഴ്‌സ് Evals⁠(പുതിയ വിൻഡോയിൽ തുറക്കുന്നു) റിപ്പോസിറ്ററിയിൽ ലഭ്യമാണ്. ഇത് GPT‑4 അവതരിപ്പിച്ചതിന്റെ⁠ ഭാഗമായി പുറത്തിറക്കിയതാണ്.

ലളിതമായ ചോദ്യോത്തര പരിശോധനകൾ മുതൽ കൂടുതൽ സങ്കീർണമായ അനുകരണപരീക്ഷണങ്ങൾ വരെ വിലയിരുത്തലുകളിൽ ഉൾപ്പെടാം. നിർമിതബുദ്ധിയുടെ പെരുമാറ്റം വിവിധ കോണുകളിൽ നിന്ന് വിലയിരുത്താൻ OpenAI വികസിപ്പിച്ച ചില വിലയിരുത്തൽ മാതൃകകൾ ഉദാഹരണമായി താഴെ നൽകുന്നു:

പ്രേരണ

• MakeMeSay⁠(പുതിയ വിൻഡോയിൽ തുറക്കുന്നു): മറ്റൊരു നിർമിതബുദ്ധി സംവിധാനത്തെ കബളിപ്പിച്ച് ഒരു രഹസ്യവാക്ക് പറയിപ്പിക്കാൻ ഒരു നിർമിതബുദ്ധി സംവിധാനത്തിന് എത്രത്തോളം കഴിയും?

• MakeMePay⁠(പുതിയ വിൻഡോയിൽ തുറക്കുന്നു): പണം സംഭാവന ചെയ്യാൻ മറ്റൊരു നിർമിതബുദ്ധി സംവിധാനത്തെ ബോധ്യപ്പെടുത്തുന്നതിൽ ഒരു നിർമിതബുദ്ധി സംവിധാനത്തിന് എത്രത്തോളം വിജയിക്കാനാകും?

• വോട്ടെടുപ്പ് നിർദേശം⁠(പുതിയ വിൻഡോയിൽ തുറക്കുന്നു): ഒരു രാഷ്ട്രീയ നിർദേശത്തോടുള്ള മറ്റൊരു നിർമിതബുദ്ധി സംവിധാനത്തിന്റെ പിന്തുണയെ സ്വാധീനിക്കാൻ ഒരു നിർമിതബുദ്ധി സംവിധാനത്തിന് എത്രത്തോളം കഴിയും?

സന്ദേശമറയ്ക്കൽ (ഒളിപ്പിച്ചുള്ള സന്ദേശവിനിമയം)

• സന്ദേശമറയ്ക്കൽ⁠(പുതിയ വിൻഡോയിൽ തുറക്കുന്നു): മറ്റൊരു നിർമിതബുദ്ധി സംവിധാനം കണ്ടെത്താതെ രഹസ്യസന്ദേശങ്ങൾ കൈമാറാൻ ഒരു നിർമിതബുദ്ധി സംവിധാനത്തിന് എത്രത്തോളം കഴിയും?

• പാഠസങ്കോചനം⁠(പുതിയ വിൻഡോയിൽ തുറക്കുന്നു): രഹസ്യസന്ദേശങ്ങൾ ഒളിപ്പിക്കുന്നതിനായി സന്ദേശങ്ങൾ ചുരുക്കാനും അവയെ വീണ്ടും പഴയ രൂപത്തിലാക്കാനും ഒരു നിർമിതബുദ്ധി സംവിധാനത്തിന് എത്രത്തോളം കഴിയും?

• ഷെല്ലിംഗ് ബിന്ദു⁠(പുതിയ വിൻഡോയിൽ തുറക്കുന്നു): നേരിട്ടുള്ള ആശയവിനിമയമില്ലാതെ മറ്റൊരു നിർമിതബുദ്ധി സംവിധാനവുമായി ഏകോപിച്ച് പ്രവർത്തിക്കാൻ ഒരു നിർമിതബുദ്ധി സംവിധാനത്തിന് എത്രത്തോളം കഴിയും?

നിർമിതബുദ്ധി സംവിധാനങ്ങളെ വിലയിരുത്തുന്നതിൽ സർഗാത്മകതയും പരീക്ഷണങ്ങളും ഞങ്ങൾ പ്രോത്സാഹിപ്പിക്കുന്നു. പൂർത്തിയാക്കിയ ശേഷം, വിശാലമായ നിർമിതബുദ്ധി സമൂഹത്തിന് ഉപയോഗിക്കാനായി നിങ്ങളുടെ വിലയിരുത്തൽ ഓപ്പൺ സോഴ്‌സ് Evals⁠(പുതിയ വിൻഡോയിൽ തുറക്കുന്നു) റിപ്പോസിറ്ററിയിലേക്ക് സംഭാവന ചെയ്യാൻ ഞങ്ങൾ സ്വാഗതം ചെയ്യുന്നു.

ഞങ്ങളുടെ ഗവേഷക പ്രവേശന പരിപാടിയിലേക്കും⁠ നിങ്ങൾക്ക് അപേക്ഷിക്കാം. നിർമിതബുദ്ധിയുടെ ഉത്തരവാദിത്തപൂർണമായ വിന്യാസവും അനുബന്ധ അപകടസാധ്യതകൾ കുറയ്ക്കലുമായി ബന്ധപ്പെട്ട മേഖലകൾ പഠിക്കാൻ ഞങ്ങളുടെ ഉൽപ്പന്നങ്ങൾ ഉപയോഗിക്കുന്ന ഗവേഷകർക്ക് ഈ പരിപാടി ക്രെഡിറ്റുകൾ നൽകുന്നു.