എൻ്റർപ്രൈസുകൾ നേരിടുന്ന വെല്ലുവിളി ഇനിമേൽ AI ഏജൻ്റുകൾക്ക് പ്രവർത്തിക്കാൻ കഴിയുമെന്ന് തെളിയിക്കലല്ല, മറിച്ച് ഉൽപ്പാദന രംഗത്ത് ഉയർന്ന മൂല്യമുള്ള ജോലികൾ കൃത്യതയോടെ ചെയ്യാൻ അവയെ പ്രാപ്തമാക്കുക എന്നതാണ്. ഉൽപ്പന്നങ്ങളും നയങ്ങളും ഉപയോക്തൃ ശീലങ്ങളും മാറുന്നതിനനുസരിച്ച് ഏജൻ്റുകളുടെ പെരുമാറ്റത്തിലും മാറ്റം വരേണ്ടതുണ്ട്. അതിന് വെറുമൊരു മോഡൽ മാത്രം പോരാ; കാര്യങ്ങൾ മാറുമ്പോഴും നിയന്ത്രണം നഷ്ടപ്പെടാതെ ഏജൻ്റുകളെ മെച്ചപ്പെടുത്താൻ ആവശ്യമായ സിസ്റ്റങ്ങളും വിലയിരുത്തലുകളും വിന്യാസ നൈപുണ്യവും അത്യാവശ്യമാണ്.
ചോദ്യങ്ങൾക്ക് മറുപടി നൽകാനും പ്രശ്നങ്ങൾ പരിഹരിക്കാനും കമ്പനിയുടെ സിസ്റ്റങ്ങൾ ഉപയോഗിക്കാനും അനുമതി ലഭിച്ച നടപടികൾ സ്വീകരിക്കാനും ആവശ്യമുള്ളപ്പോൾ ജീവനക്കാരിലേക്ക് കാര്യങ്ങൾ എത്തിക്കാനും കഴിയുന്ന വിശ്വസനീയമായ AI ഏജൻ്റുകളെ വിന്യസിക്കാൻ സ്ഥാപനങ്ങളെ സഹായിക്കുന്ന, പരീക്ഷിച്ചു തെളിയിച്ച OpenAI Presence ഞങ്ങൾ അവതരിപ്പിക്കുന്നു. വൻകിട കമ്പനികളുമായി വർഷങ്ങളോളം പ്രവർത്തിച്ചുള്ള പരിചയസമ്പത്തുള്ള Presence, മോഡലിൻ്റെ റീസണിംഗ് എബിലിറ്റിയെ കൃത്യതയും പ്രവർത്തനക്ഷമതയും ഉറപ്പാക്കുന്ന നയങ്ങൾ, സുരക്ഷാ മുൻകരുതലുകൾ, നിർദ്ദേശങ്ങൾ എന്നിവയുമായി സമർത്ഥമായി സംയോജിപ്പിക്കുന്നു.
ബില്ലിംഗ് പ്രശ്നങ്ങൾ പരിഹരിക്കുക, ഇൻഷുറൻസ് ക്ലെയിമുകൾക്ക് പിന്തുണ നൽകുക, ജീവനക്കാരുടെ IT സേവന അഭ്യർത്ഥനകൾ പരിഹരിക്കുക തുടങ്ങിയ ഒരു നിർദ്ദിഷ്ട ജോലിയോടെയാണ് ഓരോ ഏജൻ്റ് വിന്യാസവും ആരംഭിക്കുന്നത്. ആ ജോലിക്ക് ആവശ്യമായ അറിവും സിസ്റ്റം ആക്സസും മാത്രമാണ് ഏജൻ്റിന് ലഭിക്കുന്നത്. നയങ്ങൾ കമ്പനിയാണ് തീരുമാനിക്കുന്നത്: ഏജൻ്റിന് എന്തൊക്കെ ചെയ്യാം, എപ്പോൾ അംഗീകാരം വേണം, എപ്പോൾ ഒരാൾ ഏറ്റെടുക്കണം എന്നിവയാണവ. സേവനം ആരംഭിച്ച ശേഷം, യഥാർത്ഥ ഉപയോഗത്തിലെ അനുഭങ്ങളെയും വർദ്ധനവിനെയും അടിസ്ഥാനമാക്കി കുറവുകൾ തിരിച്ചറിയാനാവും. ഇതിലൂടെ ഉപഭോക്താക്കളുടെ ആവശ്യങ്ങളിലെ മാറ്റങ്ങൾക്കനുസരിച്ച് ഏജൻ്റുകളെ പ്രാപ്തമാക്കാൻ സഹായിക്കുന്ന അപ്ഡേറ്റുകൾ Codex നിർദ്ദേശിക്കുന്നു; ഇവ ടീമുകൾക്ക് പരിശോധിച്ച് അംഗീകരിക്കാവുന്നതാണ്.
ഓരോ ഉപഭോക്താവിനും ഒപ്പം ചേർന്ന് പ്രവർത്തിച്ചുകൊണ്ട് ഏറ്റവും ഉയർന്ന പ്രവർത്തനക്രമം കണ്ടെത്താനും ആവശ്യമായ വിവരങ്ങളും സിസ്റ്റങ്ങളും ബന്ധിപ്പിക്കാനും അനുമതികളും നയങ്ങളും നിശ്ചയിക്കാനും ഏജൻ്റിനെ പരിശോധിച്ച് പ്രൊഡക്ഷനിലേക്ക് കൊണ്ടുവരാനും OpenAI സഹായിക്കുന്നു. ഈ സേവനം കൂടുതൽ വിപുലീകരിക്കുമ്പോൾ OpenAI-യ്ക്കും തിരഞ്ഞെടുക്കപ്പെട്ട സിസ്റ്റം ഇൻ്റഗ്രേറ്റർമാർക്കും തുടർന്നുള്ള പിന്തുണ നൽകാൻ സാധിക്കും. OpenAI-യുടെ ഗവേഷണ ടീമുമായി ചേർന്ന് വളരെ ശ്രദ്ധയോടെ വികസിപ്പിച്ചെടുത്തതാണ് Presence. ഓരോ വിന്യാസത്തിൽ നിന്നും ലഭിക്കുന്ന പൊതുവായ വിവരങ്ങൾ തുടർന്നുള്ള ഗവേഷണങ്ങൾക്കും ഉൽപ്പന്ന വികസനത്തിനും ഉപയോഗിക്കുന്നതിലൂടെ, കാലക്രമേണ എല്ലാ ഉപഭോക്താക്കൾക്കുമായി ഈ ഉൽപ്പന്നം മെച്ചപ്പെടുത്താൻ സാധിക്കുന്നു.
ഇന്ന്, ഉപഭോക്തൃ സേവനം, പുറംവിൽപ്പന, ഉയർന്ന ശ്രദ്ധ വേണ്ട ആന്തരിക ജോലിക്രമങ്ങൾ എന്നിവയിലുടനീളം വോയ്സിലും ചാറ്റിലും തത്സമയ സേവനങ്ങൾ നൽകാൻ Presence സഹായിക്കുന്നു. ഉദാഹരണത്തിന്, ബില്ലിംഗ് തടസ്സങ്ങൾ പരിഹരിക്കാൻ ഒരു ഉപഭോക്താവിന് ഇത് ഉപയോഗിക്കാം—ആവശ്യം മനസ്സിലാക്കുക, ഉപഭോക്താവിനെ സ്ഥിരീകരിച്ച് ഉറപ്പുവരുത്തുക, അക്കൗണ്ട് വിവരങ്ങൾ കണ്ടെത്തുക, കമ്പനി നയങ്ങൾ ബാധകമാക്കുക, അനുമതിയുള്ള നടപടികൾ സ്വീകരിക്കുക എന്നിങ്ങനെ എല്ലാ കാര്യങ്ങളും ഇതിലൂടെ സാധ്യമാകുന്നു.
ഓരോ വിന്യാസത്തിലും നയങ്ങൾ, മൂല്യനിർണ്ണയങ്ങൾ, വർദ്ധന നിയമങ്ങൾ എന്നിവ പോലെ മാറ്റമില്ലാതെ തുടരേണ്ടവ ഏതാണെന്നും ഓരോ ജോലിക്രമത്തിനോ ചാനലിനോ അനുസരിച്ച് മാറേണ്ടവ ഏതാണെന്നും കമ്പനികൾക്ക് തീരുമാനിക്കാം. ഇത് നിലവിൽ വിജയിച്ച കാര്യങ്ങളെ അടിസ്ഥാനമാക്കി പ്രവർത്തിക്കാനും തുടക്കം മുതൽ വീണ്ടും ആരംഭിക്കാതെ തന്നെ പുതിയ ഉപയോഗങ്ങളിലേക്ക് സേവനം വിപുലീകരിക്കാനും ടീമുകളെ സഹായിക്കുന്നു.
പ്രൊഡക്ഷൻ സാഹചര്യങ്ങളിൽ ഏജൻ്റുകളെ കാര്യക്ഷമമായി പ്രവർത്തിപ്പിക്കാൻ ടീമുകൾക്ക് ആവശ്യമായ എല്ലാ ഘടകങ്ങളെയും Presence ഒന്നിച്ച് അണിനിരത്തുന്നു: കമ്പനി നയങ്ങളും സാധാരണ പ്രവർത്തന നടപടിക്രമങ്ങളും സുരക്ഷാ മുൻകരുതലുകൾ, അനുമതിയുള്ള നടപടികൾ, സിമുലേഷനുകൾ, മൂല്യനിർണ്ണയ ടൂളുകൾ, ഒപ്പം Codex അടിസ്ഥാനമാക്കിയുള്ള മെച്ചപ്പെടുത്തൽ പ്രക്രിയകൾ എന്നിവ ഇതിൽ ഉൾപ്പെടുന്നു.
ഈ ഘടകങ്ങളെല്ലാം ഒന്നിച്ച് ചേരുന്നതിലൂടെ കമ്പനി സിസ്റ്റങ്ങളെ പരസ്പരം ബന്ധിപ്പിക്കാനും ഏജൻ്റുകൾ എങ്ങനെ പെരുമാറണമെന്ന് നിശ്ചയിക്കാനും പ്രവർത്തനക്ഷമത വിലയിരുത്താനും നയങ്ങൾ കർശനമായി നടപ്പാക്കാനും വിന്യാസത്തിന് ശേഷമുള്ള മാറ്റങ്ങൾ നിയന്ത്രിക്കാനും ടീമുകൾക്ക സാധിക്കുന്നു.
ഉപഭോക്താക്കൾക്കായി വർഷങ്ങളോളം ഏജൻ്റുകളെ വിന്യസിച്ചിട്ടുള്ള പരിചയസമ്പത്തിൽ നിന്നാണ് Presence ഉരുത്തിരിഞ്ഞത്. അതീവ ശ്രദ്ധയും ഉത്തരവാദിത്തവും ആവശ്യമായ അന്തരീക്ഷത്തിൽ ഉയർന്നുവന്ന ആവശ്യങ്ങളാണ് ഈ മികച്ച ഉൽപ്പന്നത്തിന് രൂപം നൽകിയത്. ഓരോ വിന്യാസത്തിൽ നിന്നും ലഭിച്ച ഉൾക്കാഴ്ചകൾ OpenAI-യുടെ ഗവേഷണങ്ങൾക്കും ഉൽപ്പന്ന വികസനത്തിനും നിരന്തരം സഹായകരമാകുന്നു. ഇത് കാലക്രമേണ ഉപഭോക്താക്കൾക്ക് കൂടുതൽ വലിയ നേട്ടങ്ങൾ പ്രധാനം ചെയ്യുന്നു.
1-888-GPT‑0090 എന്ന നമ്പറിലുള്ള OpenAI-യുടെ ഇംഗ്ലീഷ് ഭാഷാ ഫോൺ പിന്തുണാ ചാനൽ പ്രവർത്തിക്കുന്നത് Presence വഴിയാണ്; ഉപയോക്താക്കളുടെ പൊതുവായ സംശയങ്ങൾക്ക് മറുപടി നൽകാനും വിളിക്കുന്നവരെ വെരിഫൈ ചെയ്യാനും അക്കൗണ്ട് വിവരങ്ങൾ പരിശോധിക്കാനും അനുമതിയുള്ള നടപടികൾ സ്വീകരിക്കാനും ഇതിന് സാധിക്കുന്നു. ഏതാനും ആഴ്ചകൾക്കുള്ളിൽ തന്നെ, ഉപഭോക്തൃ സഹായ ജീവനക്കാരുടെ ഗുണനിലവാരം അളക്കാൻ ഞങ്ങൾ ഉപയോഗിക്കുന്ന മാനദണ്ഡങ്ങൾക്കൊപ്പമെത്താനോ അതിനെ മറികടക്കാനോ ഇതിന് കഴിഞ്ഞു; നിലവിൽ വരുന്ന ഫോൺ കോളുകളിലെ 75% പ്രശ്നങ്ങളും മനുഷ്യസഹായമില്ലാതെ തന്നെ ഇത് പരിഹരിക്കുന്നുണ്ട്. ഞങ്ങളുടെ ലോഞ്ച് ടീമുമായി ചേർന്ന് പ്രവർത്തിച്ച Presence, അതിൻ്റെ Codex അടിസ്ഥാനമാക്കിയുള്ള മെച്ചപ്പെടുത്തൽ പ്രക്രിയയിലൂടെ വെറും 10 ദിവസത്തിനുള്ളിൽ ജീവനക്കാരിലേക്ക് കൈമാറേണ്ടി വരുന്ന കോളുകളുടെ എണ്ണം 15 ശതമാനം കുറച്ചു.
മുൻനിര സ്ഥാപനങ്ങളും ഇതേ മികച്ച അടിത്തറയിലാണ് പുതിയ സാധ്യതകൾ കെട്ടിപ്പടുക്കുന്നത്:
- മെക്സിക്കോയിലെ ദൈനംദിന ബാങ്കിംഗ് ആവശ്യങ്ങൾക്കായി AI അധിഷ്ഠിത വോയ്സ് സപ്പോർട്ട് സൗകര്യം ലഭ്യമാക്കുന്നതിനുള്ള സാധ്യതകൾ BBVA പരിശോധിച്ച് വരികയാണ്.
- സ്വാഭാവിക ജാപ്പനീസ് ഭാഷാ ഉപഭോക്തൃ സംഭാഷണങ്ങൾ SoftBank പരീക്ഷിക്കുന്നു.
- മോശം കാലാവസ്ഥ പോലുള്ള ഉയർന്ന അടിയന്തിര സാഹചര്യങ്ങളിൽ ഉപഭോക്താക്കൾക്ക് സമയബന്ധിതമായി സഹായം ലഭ്യമാക്കുന്നതിനുള്ള സാധ്യതകൾ IAG പരിശോധിച്ച് വരികയാണ്.
ഒരു Presence വിന്യാസം ഉപയോക്താക്കളിലേക്ക് എത്തുന്നതിന് മുമ്പ് ടീമുകൾക്ക്, പൊതുവായ ആവശ്യങ്ങൾ, അസാധാരണമായ അവസ്ഥകൾ, ഉയർന്ന അപകടസാധ്യതയുള്ള സാഹചര്യങ്ങൾ എന്നിവ മുൻനിർത്തി അത് പരീക്ഷിച്ച് നോക്കാവുന്നതാണ്. ഏജൻ്റ് കൃത്യമായ നിഗമനത്തിലെത്തിയോ കമ്പനി നയങ്ങൾ പാലിച്ചോ ടൂളുകൾ ശരിയായി ഉപയോഗിച്ചോ ആവശ്യമുള്ളപ്പോൾ ചുമതലകൾ കൈമാറിയോ എന്നൊക്കെ സിമുലേഷനുകളും ഗ്രേഡറുകളും പരിശോധിച്ച് ഉറപ്പാക്കുന്നു. സംഭാഷണങ്ങൾ കമ്പനിയുടെ സുരക്ഷാ പരിധികൾക്ക് വെളിയിലേക്ക് പോകുമ്പോൾ തടയാൻ സുരക്ഷാ മുൻകരുതലുകൾക്ക് സാധിക്കും.
ആ പ്രവർത്തനം ലോഞ്ച് ചെയ്യുന്നതോടെ അവസാനിക്കുന്നില്ല. നയങ്ങളും ഉൽപ്പന്നങ്ങളും ഉപയോക്തൃ പെരുമാറ്റവും മാറുമ്പോൾ, ഒരു ഏജൻ്റ് എവിടെയാണ് നന്നായി പ്രവർത്തിക്കുന്നതെന്നും എവിടെയാണ് ശ്രദ്ധ ആവശ്യമെന്നും പ്രൊഡക്ഷൻ സെഷനുകൾ, ശക്തിപ്പെടുത്തലുകൾ, ഗുണനിലവാര സൂചനകൾ എന്നിവ ടീമുകൾക്ക് കാണിച്ചുതരും. Presence plugin ഉപയോഗിക്കുന്ന Codex ആ സൂചനകൾ പരിശോധിച്ച് അപ്ഡേറ്റുകൾ നിർദ്ദേശിക്കുന്നു. നിർദ്ദേശിക്കപ്പെട്ട ഓരോ മാറ്റവും പ്രൊഡക്ഷനിലുള്ള നിലവിലെ പതിപ്പുമായി ഒത്തുനോക്കി പരിശോധിക്കാൻ ടീമുകൾക്ക് സാധിക്കും, അതിനുശേഷം നിയന്ത്രിതമായ രീതിയിൽ പുതിയ മാറ്റങ്ങൾ ഉപയോക്താക്കളിലേക്ക് എത്തിക്കാവുന്നതാണ്.
നിങ്ങളുടെ ബിസിനസ്സിൻ്റെ പൂർണ്ണ നിയന്ത്രണം നിങ്ങളുടെ കൈകളിൽ നിലനിർത്തിക്കൊണ്ട് തന്നെ—ബിസിനസ്സിലും ഉപഭോക്താക്കളിലും ജീവനക്കാരിലും ഉണ്ടാകുന്ന മാറ്റങ്ങൾക്കൊപ്പിച്ച് മെച്ചപ്പെടാനും പഠിക്കാനും സാധിക്കുന്ന രീതിയിലാണ് Presence രൂപകൽപ്പന ചെയ്തിരിക്കുന്നത്. OpenAI-യുടെ ലോകോത്തര ഗവേഷണങ്ങളുടെ കരുത്തിൽ നിർമ്മിച്ച ഈ ഉൽപ്പന്നം ഞങ്ങളുടെ മോഡലുകളും ശേഷികളും മെച്ചപ്പെടുന്നതനുസരിച്ച് കൂടുതൽ കരുത്തുറ്റതായി മാറുന്നു. ഉൽപ്പന്നം നിലവിൽ പിന്തുണയ്ക്കുന്നതിലും അപ്പുറമുള്ള ഒരു ആവശ്യം വരുമ്പോൾ അത് പ്രൊഡക്ഷൻ ഘട്ടത്തിലേക്ക് എത്തിക്കാൻ OpenAI Forward Deployed Engineers (FDE-കൾ)-മാർക്കും പങ്കാളികൾക്കും ഉപഭോക്താവുമായി ചേർന്ന് പ്രവർത്തിക്കാനാവും.
പരിമിതമായ പൊതുലഭ്യതാ പരിപാടിയിലൂടെ അർഹരായ എൻ്റർപ്രൈസ് ഉപഭോക്താക്കൾക്ക് അവർ ഉപയോഗിക്കാവുന്ന ഉൽപ്പന്നമായി OpenAI Presence ലഭ്യമാണ്. ഇതിൻ്റെ വിന്യാസങ്ങൾക്ക് നേതൃത്വം നൽകുന്നത് OpenAI Forward Deployed Engineers-മാരും തിരഞ്ഞെടുക്കപ്പെട്ട ആഗോള സിസ്റ്റം ഇൻ്റഗ്രേറ്റർമാരുമാണ്. Presence നിലവിൽ ഉപയോക്താക്കൾക്ക് സ്വയം വാങ്ങി ഉപയോഗിക്കവുന്ന ഒരു സെൽഫ്-സെർവ് ഉൽപ്പന്നമായി ലഭ്യമായിട്ടില്ല.
ഞങ്ങൾ OpenAI Presence അവതരിപ്പിക്കുന്നതിനോടൊപ്പം തന്നെ, OpenAI API വഴി ഞങ്ങളുടെ ഏറ്റവും അത്യാധുനിക മോഡലുകൾ ലഭ്യമാക്കിക്കൊണ്ട് വോയ്സ് ഉപയോക്താക്കൾക്കുള്ള തുടർപിന്തുണ ഉറപ്പാക്കുന്നതാണ്.
Presence നിങ്ങളുടെ സ്ഥാപനത്തിന് അനുയോജ്യമാണോയെന്ന് അറിയാൻ, നിങ്ങളുടെ OpenAI അക്കൗണ്ട് ടീമിനെ ബന്ധപ്പെടുക.
