AI ഏജന്റുകളിലൂടെ ചോക്കോയുടെ ഭക്ഷ്യവിതരണ ഓട്ടോമേഷൻ
OpenAI എപിഐകളിലൂടെ ചോക്കോ ദശലക്ഷക്കണക്കിന് ഓർഡറുകൾ കൈകാര്യം ചെയ്യുന്നു. മനുഷ്യാധ്വാനം കുറച്ച് ആഗോള ഭക്ഷ്യവിതരണ ശൃംഖലകൾക്ക് മുഴുവൻ സമയവും പ്രവർത്തിക്കാൻ ഇത് സഹായിക്കുന്നു.

ഫലങ്ങൾ
88 ലക്ഷം+
പ്രതിവർഷം കൈകാര്യം ചെയ്യുന്ന ഓർഡറുകൾ
ഫലങ്ങൾ
20,000 കോടി+
പ്രവർത്തനത്തിൽ കൈകാര്യം ചെയ്ത AI ടോക്കണുകൾ
ഫലങ്ങൾ
↑50%
ഓർഡറുകൾ കൈകൊണ്ട് രേഖപ്പെടുത്തുന്നതിലെ കുറവ്
ഫലങ്ങൾ
2 മടങ്ങ്
ജീവനക്കാരെ കൂട്ടാതെ വിൽപ്പനസംഘത്തിന്റെ ഉൽപ്പാദനക്ഷമത
ഭക്ഷ്യപാനീയ വിതരണം ആധുനികമാക്കുന്ന AI അധിഷ്ഠിത പ്ലാറ്റ്ഫോമാണ് ചോക്കോ(പുതിയ വിൻഡോയിൽ തുറക്കുന്നു). യുഎസ്, യുകെ, യൂറോപ്പ്, ജിസിസി എന്നിവിടങ്ങളിലായി 21,000-ത്തിലധികം വിതരണക്കാർക്കും 100,000 വാങ്ങുന്നവർക്കും ഇത് സേവനം നൽകുന്നു. ഭക്ഷണശാലകളെയും സാധനങ്ങൾ നൽകുന്നവരെയും വിതരണക്കാരെയും ഒരൊറ്റ സംവിധാനത്തിൽ ബന്ധിപ്പിച്ച്, ഭക്ഷ്യവിതരണ ശൃംഖലയിലുടനീളം ഓർഡറുകളും വിൽപ്പനയും ഉപഭോക്തൃപരിപാലനവും ചോക്കോ സുഗമമാക്കുന്നു.
ഓർഡറുകൾ വർധിച്ചപ്പോൾ ചോക്കോ ഒരു പ്രധാന തടസ്സം നേരിട്ടു: ഇമെയിലുകൾ, സന്ദേശങ്ങൾ, ശബ്ദസന്ദേശങ്ങൾ, ചിത്രങ്ങൾ, കൈയെഴുത്തു കുറിപ്പുകൾ എന്നിവയിലൂടെയായിരുന്നു അപ്പോഴും ഓർഡറുകൾ വന്നിരുന്നത്. ജീവനക്കാർ ഈ വിവരങ്ങൾ ക്രമബദ്ധമായ ഇആർപി ഓർഡറുകളായി കൈകൊണ്ട് രേഖപ്പെടുത്തി. മന്ദഗതിയിലുള്ളതും പിശകുകൾക്ക് സാധ്യതയുള്ളതുമായ ഈ പ്രക്രിയ വളർച്ചയെ പരിമിതപ്പെടുത്തുകയും പ്രവർത്തനത്തിൽ നിരന്തരം തടസ്സങ്ങളുണ്ടാക്കുകയും ചെയ്തു.
“ആ വിവരങ്ങൾ കൈകാര്യം ചെയ്യുന്നതായിരുന്നു ആദ്യ തടസ്സം, പക്ഷേ ഏറ്റവും പ്രയാസമേറിയത് അതായിരുന്നില്ല. പറയാതെതന്നെ മനസ്സിലാക്കേണ്ട പശ്ചാത്തലമായിരുന്നു യഥാർഥ പ്രശ്നം: ഓരോ ഉപഭോക്താവും ഉൽപ്പന്നങ്ങളെ എസ്കെയു കോഡുകളുമായി ബന്ധിപ്പിക്കുന്ന രീതി, അളവുയൂണിറ്റുകളിലെ മുൻഗണനകൾ, വിതരണക്രമങ്ങൾ എന്നിവ. ഓർഡർ സ്വീകരിക്കുന്ന ജീവനക്കാരുടെ മനസ്സിലായിരുന്നു ആ അറിവുണ്ടായിരുന്നത്. ഓർഡർ രേഖപ്പെടുത്തുമ്പോൾത്തന്നെ അവ്യക്തതകൾ പരിഹരിക്കുന്ന നിഗമന സംവിധാനങ്ങളിൽ ആ അറിവ് ഉൾപ്പെടുത്തേണ്ടതുണ്ടായിരുന്നു.”
യഥാർഥ ഉപയോഗത്തിന് സജ്ജമായ വലിയ ഭാഷാ മോഡലുകൾ വന്നതോടെ, ജോലികൾ ക്രമീകരിക്കുന്ന സോഫ്റ്റ്വെയറിനപ്പുറം അവ നേരിട്ട് നിർവഹിക്കുന്ന AI സംവിധാനങ്ങൾ നിർമിക്കാനുള്ള അവസരം ചോക്കോ കണ്ടെത്തി. ആ മാറ്റത്തിന്റെ കേന്ദ്രമായി OpenAI എപിഐകൾ മാറി.
AI അടിത്തറയാക്കിയ പുതിയ തലമുറ ഉൽപ്പന്നങ്ങൾക്കായി ചോക്കോ സ്വന്തം പ്ലാറ്റ്ഫോമിന്റെ കേന്ദ്രത്തിൽ OpenAI എപിഐകൾ ഉൾപ്പെടുത്തി. കമ്പനി അവതരിപ്പിച്ച ഓർഡർഏജന്റ്(പുതിയ വിൻഡോയിൽ തുറക്കുന്നു) ഇമെയിലുകൾ, എസ്എംഎസ്, ചിത്രങ്ങൾ, രേഖകൾ തുടങ്ങിയ വിവിധ രൂപത്തിലുള്ള വിവരങ്ങൾ കൈകാര്യം ചെയ്ത്, ഇആർപിയിൽ ഉപയോഗിക്കാവുന്ന ക്രമബദ്ധമായ ഓർഡറുകളാക്കി മാറ്റുന്നു.
“സംസാരം എഴുത്താക്കാനും വിവരങ്ങൾ വേർതിരിച്ചെടുക്കാനുമുള്ള കഴിവുകൾ ഞങ്ങൾക്ക് ശക്തമായ അടിത്തറ നൽകി. ഓരോ ഉപഭോക്താവിന്റെയും മുൻ ഓർഡറുകളും ഉൽപ്പന്നപ്പട്ടികയും അടിസ്ഥാനമാക്കി അവ്യക്തതകൾ പരിഹരിക്കാൻ, മാറുന്ന സന്ദർഭങ്ങളിൽനിന്ന് പഠിക്കുന്ന ഒരു സംവിധാനം ഒരുക്കുക എന്നതായിരുന്നു യഥാർഥ എൻജിനീയറിംഗ് വെല്ലുവിളി. അതാണ് യാന്ത്രിക പ്രവർത്തനത്തെ ബുദ്ധിപൂർവമായ പ്രവർത്തനത്തിൽനിന്ന് വേർതിരിക്കുന്നത്.”
OpenAI-യുടെ Realtime API ഉപയോഗിച്ച് ചോക്കോ വോയ്സ്ഏജന്റും(പുതിയ വിൻഡോയിൽ തുറക്കുന്നു) നിർമിച്ചു. ഒരു സെക്കൻഡിൽ താഴെ പ്രതികരണവേളയോടെ ഫോണിലൂടെ സ്വാഭാവികമായി ഓർഡർ നൽകാൻ ഇത് ഉപഭോക്താക്കളെ സഹായിക്കുന്നു—പ്രവൃത്തിസമയത്തിനു പുറത്തും.

മോഡലിന്റെ പ്രകടനം, വിവിധ രൂപത്തിലുള്ള വിവരങ്ങൾ കൈകാര്യം ചെയ്യാനുള്ള കഴിവ്, സ്ട്രക്ചേഡ് ഔട്ട്പുട്ടുകൾ, വിപുലമായ ഉപയോഗത്തിലെ വിശ്വാസ്യത എന്നിവയാണ് OpenAI തിരഞ്ഞെടുക്കാൻ കാരണം. ഒരേ സാങ്കേതിക പരിസരത്തിൽ എഴുത്തും ദൃശ്യങ്ങളും ശബ്ദവും കൈകാര്യം ചെയ്യാനായതോടെ, മുമ്പ് വേറിട്ടുനിന്ന പ്രവർത്തനക്രമങ്ങളെ ബുദ്ധിപൂർവം പ്രവർത്തിക്കുന്ന ഒരൊറ്റ സംവിധാനത്തിൽ ഏകോപിപ്പിക്കാൻ ചോക്കോയ്ക്കു കഴിഞ്ഞു.
വേഗത്തിൽ നടപ്പാക്കാനും ആവശ്യാനുസരണം വിപുലീകരിക്കാനും കഴിഞ്ഞു. OpenAI-യുടെ എസ്ഡികെകളും എപിഐകളും ഉപയോഗിച്ച്, സംസാരം എഴുത്താക്കൽ, എംബെഡിംഗുകൾ, ഫംഗ്ഷൻ കോളിംഗ് തുടങ്ങിയ ശേഷികൾ ചോക്കോ അതിവേഗം സ്വന്തം സംവിധാനത്തിൽ ഉൾപ്പെടുത്തി. യഥാർഥ ഉപയോഗത്തിൽ കൃത്യതയും പ്രകടനവും ഉറപ്പാക്കാൻ, സ്ഥിരീകരിച്ച വിവരശേഖരങ്ങൾ, നിരന്തര നിരീക്ഷണം, എ/ബി പരിശോധന എന്നിവ ഉൾപ്പെട്ട കർശനമായ വിലയിരുത്തൽ സംവിധാനവും സംഘം നിർമിച്ചു.
മുഴുവൻ ഓർഡർ പ്രക്രിയയുമായും തടസ്സമില്ലാതെ സംയോജിപ്പിക്കാനായത് ഉപയോഗം വ്യാപിക്കാൻ സഹായിച്ചു. ഉപഭോക്താക്കൾ ഓർഡർ നൽകുന്ന രീതി മാറ്റേണ്ടിവന്നില്ല. ഫോണോ സന്ദേശമോ ഇമെയിലോ ആകട്ടെ, സംവിധാനം അവർക്കനുസരിച്ച് പ്രവർത്തിച്ചു.
“സ്വന്തം ഓർഡറുകൾ ഇത് കൈകാര്യം ചെയ്യുന്നത് കണ്ടതോടെ ഉപഭോക്താക്കൾക്ക് പെട്ടെന്നുതന്നെ വിശ്വാസമായി. അപ്പോഴാണ് ഉപയോഗം ശരിക്കും അതിവേഗം വ്യാപിക്കാൻ തുടങ്ങിയത്.”
ഐച്ഛികമായ “ഓട്ടോപൈലറ്റ്” മോഡിൽ, നിശ്ചിത വിശ്വാസ്യതാനില കൈവരിക്കുമ്പോൾ ഓർഡറുകൾ സ്വയമേവ കൈകാര്യം ചെയ്യാൻ വിതരണക്കാർക്കു കഴിഞ്ഞു. അസാധാരണ സാഹചര്യങ്ങളിൽ മനുഷ്യരുടെ പരിശോധനയും നിലനിർത്തി. തിരുത്തലുകളിൽനിന്ന് തുടർച്ചയായി പഠിച്ച് സംവിധാനം കാലക്രമേണ കൃത്യതയും വിശ്വാസ്യതയും മെച്ചപ്പെടുത്തി.
പ്രതിവർഷം 88 ലക്ഷത്തിലധികം ഓർഡറുകൾ കൈകാര്യം ചെയ്ത്, ദശലക്ഷക്കണക്കിന് ജോലികൾ കൈകൊണ്ട് ചെയ്യേണ്ടതില്ലാതാക്കുന്നു
ഓർഡറുകൾ കൈകൊണ്ട് രേഖപ്പെടുത്തുന്നത് 50% വരെ കുറച്ച്, കൂടുതൽ മൂല്യമുള്ള ജോലികൾക്കായി ജീവനക്കാർക്ക് സമയം നൽകുന്നു
ഉൽപ്പാദനക്ഷമത ഇരട്ടിയാക്കി, ജീവനക്കാരെ കൂട്ടാതെ പ്രവർത്തനം വിപുലീകരിക്കാൻ സഹായിക്കുന്നു
സ്വയംപ്രവർത്തനത്തിനുള്ള പരിധികൾ ക്രമീകരിച്ച്, പിശകുനിരക്ക് 1–5%-ൽ താഴെ നിലനിർത്തുന്നു
മുഴുവൻ സമയവും ഓർഡറുകൾ സ്വീകരിച്ച്, രാത്രികളും വാരാന്ത്യങ്ങളും മൂലമുള്ള കാലതാമസം ഒഴിവാക്കുന്നു
ആദ്യ ദിവസംതന്നെ വിലയിരുത്തൽ തുടങ്ങുക: സ്ഥിരീകരിച്ച ചെറിയൊരു വിവരശേഖരം പോലും (10–20 ഉദാഹരണങ്ങൾ) പുരോഗതി അളക്കാനും മെച്ചപ്പെടുത്തലുകൾ പരിശോധിച്ചുറപ്പിക്കാനും ആത്മവിശ്വാസത്തോടെ തുടർപരിഷ്കാരങ്ങൾ നടത്താനും സഹായിക്കും.
AI-ക്ക് അനുയോജ്യമായ നിരീക്ഷണ സംവിധാനങ്ങളിൽ നിക്ഷേപിക്കുക: AI സംവിധാനങ്ങളിലെ പിശകുകൾ പരിഹരിക്കാൻ പതിവ് പ്രവർത്തനരേഖകൾ മാത്രം പോരാ. പ്രകടനം മനസ്സിലാക്കാനും മെച്ചപ്പെടുത്താനും മോഡലിന്റെ ഇൻപുട്ടുകളും ഔട്ട്പുട്ടുകളും റീസണിംഗ് ഘട്ടങ്ങളും രേഖപ്പെടുത്തണം.
തുടക്കത്തിലേ യുക്തമായ പ്രതീക്ഷകൾ നൽകുക: നിശ്ചിത നിയമപ്രകാരം ഒരേ ഫലം നൽകുന്ന സോഫ്റ്റ്വെയറിൽനിന്ന് വ്യത്യസ്തമായി, വലിയ ഭാഷാ മോഡലുകൾ സാധ്യതകളെ അടിസ്ഥാനമാക്കിയാണ് പ്രവർത്തിക്കുന്നത്. ഈ വ്യത്യാസം ജീവനക്കാരെയും ഉപയോക്താക്കളെയും ബോധ്യപ്പെടുത്തുന്നത് വിശ്വാസം വളർത്താനും ഉപയോഗിച്ചുതുടങ്ങുമ്പോഴുള്ള തടസ്സങ്ങൾ ഒഴിവാക്കാനും നിർണായകമാണ്.
ഭക്ഷ്യവിതരണ മേഖലയിലുടനീളം ചോക്കോ AI ശേഷികൾ വിപുലീകരിക്കുന്നത് തുടരുന്നു. സങ്കീർണമായ പ്രവർത്തനക്രമങ്ങൾ നിർവഹിക്കുന്നതിൽ ഏജന്റുകളുടെ പങ്കും വർധിപ്പിക്കുന്നു. AI സംവിധാനങ്ങൾ കൂടുതൽ ഉത്തരവാദിത്വം ഏറ്റെടുക്കുമ്പോൾ, കമ്പനി പുതിയൊരു വിഭാഗം ഉപയോക്താക്കളെ സജ്ജരാക്കുന്നു: എൻജിനീയർമാരല്ലാത്ത “ഏജന്റ് ഏകോപകർ”. ബിസിനസ് ഫലങ്ങൾ കൈവരിക്കുന്ന ബുദ്ധിപൂർവമായ സംവിധാനങ്ങൾ രൂപകൽപ്പന ചെയ്യുകയും കൈകാര്യം ചെയ്യുകയും ചെയ്യുന്നവരാണിവർ.
“ജോലി ചെയ്യാൻ സഹായിക്കുന്ന സോഫ്റ്റ്വെയറിൽനിന്ന് ജോലി യഥാർഥത്തിൽ നിർവഹിക്കുന്ന സംവിധാനങ്ങളിലേക്ക് ഞങ്ങൾ മാറുകയാണ്. കൂടുതൽ വേഗത്തിലും കുറഞ്ഞ വിഭവങ്ങളോടെയും വെല്ലുവിളികളെ അതിജീവിക്കാനുള്ള ഏറെ മെച്ചപ്പെട്ട ശേഷിയോടെയും പ്രവർത്തിക്കാൻ ഈ മാറ്റം ഞങ്ങളുടെ ഉപഭോക്താക്കളെ സഹായിക്കുന്നു.”
വിൽപ്പന, വാണിജ്യം, വിതരണശൃംഖല എന്നിവയിൽ കൂടുതൽ സ്വതന്ത്രമായും സന്ദർഭം മനസ്സിലാക്കിയും പ്രവർത്തിക്കുന്ന സംവിധാനങ്ങൾക്കായി OpenAI എപിഐകളുടെ ഉപയോഗം വിപുലീകരിക്കാൻ ചോക്കോ പദ്ധതിയിടുന്നു. ജോലികൾ ക്രമീകരിക്കുന്ന സോഫ്റ്റ്വെയറിൽനിന്ന് അവ നിർവഹിക്കുന്ന AI അധിഷ്ഠിത സംവിധാനങ്ങളിലേക്കുള്ള മാറ്റം ഇതോടെ തുടരും.


