ChatGPT പരസ്യങ്ങൾ തെക്കുകിഴക്കൻ ഏഷ്യയിലേക്കും തായ്‌വാനിലേക്കും വ്യാപിക്കുന്നു

ഇന്ന് മുതൽ ഇന്തോനേഷ്യ, മലേഷ്യ, ഫിലിപ്പീൻസ്, സിംഗപ്പൂർ, തായ്‌ലൻഡ്, വിയറ്റ്നാം, തായ്‌വാൻ എന്നിവിടങ്ങളിൽ ChatGPT പരസ്യങ്ങൾ ഘട്ടംഘട്ടമായി ലഭ്യമാക്കിത്തുടങ്ങും. ഏഷ്യാ പസഫിക് മേഖലയിലെ ഓസ്ട്രേലിയ, ന്യൂസിലൻഡ്, ജപ്പാൻ, ദക്ഷിണ കൊറിയ, ഇന്ത്യ എന്നിവിടങ്ങളിൽ അവതരിപ്പിച്ചതിന് പിന്നാലെയാണ് ഈ പ്രഖ്യാപനം. ഇതോടെ മേഖലയിലുടനീളമുള്ള ചെറുതും വലുതുമായ കൂടുതൽ ബിസിനസുകൾക്ക് ഈ സേവനം ലഭ്യമാകും.

OpenAI പരസ്യ പരിഹാര വിഭാഗം, ഡെൻത്സു, ഹവാസ് മീഡിയ, ഓമ്നികോം മീഡിയ, പബ്ലിസിസ് ഗ്രൂപ്പ്, ഡബ്ല്യുപിപി ഉൾപ്പെടെയുള്ള ഏജൻസി പങ്കാളികൾ, സാങ്കേതിക പങ്കാളികൾ എന്നിവരിലൂടെ പരസ്യദാതാക്കൾക്ക് ChatGPT പരസ്യങ്ങൾ ഉപയോഗിക്കാം. യോഗ്യരായ ബിസിനസുകൾക്ക് പരസ്യ മാനേജർ⁠(പുതിയ വിൻഡോയിൽ തുറക്കുന്നു) വഴി സ്വയം സേവനം ഉപയോഗിക്കാനുള്ള സൗകര്യവും ലഭ്യമാണ്.

ആർട്ടിഫിഷ്യൽ ജനറൽ ഇന്റലിജൻസ് മനുഷ്യരാശിക്ക് മുഴുവൻ പ്രയോജനകരമാകുന്നുവെന്ന് ഉറപ്പാക്കുകയാണ് ഞങ്ങളുടെ ദൗത്യം. സൗജന്യമായും കുറഞ്ഞ ചെലവിലും ChatGPT ലഭ്യമാക്കാൻ പിന്തുണ നൽകുന്നതിലൂടെ, നിർമിതബുദ്ധിയുടെ പ്രയോജനങ്ങൾ എല്ലാവരിലേക്കും എത്തിക്കാൻ പരസ്യങ്ങൾ സഹായിക്കുന്നു. നിലവിലുള്ള വിപണികളിലേതുപോലെ, ഫ്രീ, ഗോ പ്ലാനുകളിലെ ഉപയോക്താക്കൾക്ക് മാത്രമേ പരസ്യങ്ങൾ കാണിക്കൂ. പ്ലസ്, Pro, എന്റർപ്രൈസ് സബ്സ്ക്രിപ്ഷനുകൾ പരസ്യരഹിതമായി തുടരും.

ലക്ഷ്യങ്ങളുമായാണ് ആളുകൾ ChatGPT‑യിൽ എത്തുന്നത്. ഒരു യാത്ര ആസൂത്രണം ചെയ്യാനോ ബിസിനസിന് അനുയോജ്യമായ സോഫ്റ്റ്‌വെയർ തിരഞ്ഞെടുക്കാനോ വീട്ടിലേക്ക് ഫർണിച്ചർ വാങ്ങാനോ ആയിരിക്കാം അവർ എത്തുന്നത്. എന്താണ് നേടാൻ ആഗ്രഹിക്കുന്നതെന്നും എന്തിനാണ് പ്രാധാന്യം നൽകുന്നതെന്നും എന്തെല്ലാം പരിമിതികളാണ് നേരിടുന്നതെന്നും സംഭാഷണത്തിലൂടെ അവർ വിശദീകരിക്കുന്നു.

ലഭ്യമായ സാധ്യതകൾ അന്വേഷിക്കുകയും വിലയിരുത്തുകയും ചെയ്യുന്ന സമയത്ത് ആളുകളിലേക്ക് എത്താൻ വിപണനക്കാർക്ക് ChatGPT പരസ്യങ്ങൾ അവസരം നൽകുന്നു. പ്രസക്തമായ ഉൽപ്പന്നങ്ങളും സേവനങ്ങളും പരിചയപ്പെടുത്തുന്നതിലൂടെ, പുതിയ കാര്യങ്ങൾ കണ്ടെത്താനും തീരുമാനങ്ങളെടുക്കാനും പ്രേരിപ്പിക്കുന്ന നിമിഷങ്ങളിൽ പരസ്യങ്ങൾ ഉപകാരപ്രദമാകും.

ChatGPT‑യിൽ ആളുകൾ അർപ്പിക്കുന്ന വിശ്വാസം കാത്തുസൂക്ഷിക്കുക എന്നതാണ് പരസ്യങ്ങളോടുള്ള ഞങ്ങളുടെ സമീപനത്തിന്റെ അടിസ്ഥാനം.

OpenAI-യുടെ പരസ്യ തത്വങ്ങൾ പിന്തുടർന്ന്, ഞങ്ങൾ സംഭാഷണങ്ങൾ പരസ്യദാതാക്കളുമായി പങ്കിടാതെ സ്വകാര്യമായി സൂക്ഷിക്കുന്നു. ഉപഭോക്തൃ വിവരങ്ങൾ ഒരിക്കലും വിൽക്കുന്നുമില്ല. ChatGPT‑യിലെ പരസ്യങ്ങൾ എല്ലായ്‌പ്പോഴും വ്യക്തമായി അടയാളപ്പെടുത്തുകയും ChatGPT‑യുടെ മറുപടികളിൽ നിന്ന് വേർതിരിച്ച് കാണിക്കുകയും ചെയ്യുന്നു. ChatGPT നൽകുന്ന മറുപടികളെ പരസ്യങ്ങൾ സ്വാധീനിക്കുന്നില്ല. പരസ്യങ്ങൾ തങ്ങൾക്ക് അനുയോജ്യമായി ക്രമീകരിക്കുന്നതിലും ഉപയോക്താക്കൾക്ക് നിയന്ത്രണമുണ്ട്. പരസ്യങ്ങൾ കാണാൻ ആഗ്രഹിക്കാത്തവർക്ക് പണമടച്ചുള്ള പരസ്യരഹിത പ്ലാനുകളും ലഭ്യമാണ്.

ഞങ്ങളുടെ ലക്ഷ്യം ലളിതമാണ്: ലക്ഷ്യങ്ങൾ കൈവരിക്കാനും തീരുമാനങ്ങളെടുക്കാനും ശ്രമിക്കുന്ന ആളുകൾക്ക് പരസ്യങ്ങൾ ഉപകാരപ്രദമാകണം. ഒപ്പം, ഞങ്ങളിലൂടെ പരസ്യം നൽകുന്ന ബിസിനസുകൾക്ക് അവ ഫലപ്രദവുമാകണം.

അവതരിപ്പിച്ച് 200 ദിവസം തികയുംമുമ്പ് ChatGPT പരസ്യങ്ങൾ, അന്നത്തെ വരുമാനനിരക്ക് വാർഷികാടിസ്ഥാനത്തിൽ കണക്കാക്കുമ്പോൾ, 100 കോടി ഡോളറിലെത്തിയതായി ഓഗസ്റ്റ് അവസാനം ഞങ്ങൾ പ്രഖ്യാപിച്ചു. ഇപ്പോൾ പതിനായിരക്കണക്കിന് പരസ്യദാതാക്കൾ ChatGPT‑യിൽ പരസ്യങ്ങൾ നൽകുന്നു. അവരിൽ പലരും ഒന്നിലധികം രാജ്യങ്ങളിലെ ആളുകളിലേക്ക് എത്തുന്നുണ്ട്. ഈ വിപുലീകരണത്തിലൂടെ തെക്കുകിഴക്കൻ ഏഷ്യയിലെയും തായ്‌വാനിലെയും കൂടുതൽ ബിസിനസുകൾക്ക് ആ അവസരം ലഭിക്കുന്നു. ഇന്നത്തെ പ്രഖ്യാപനത്തോടെ, ChatGPT പരസ്യങ്ങൾ ഇപ്പോൾ 60-ലധികം രാജ്യങ്ങളിൽ⁠(പുതിയ വിൻഡോയിൽ തുറക്കുന്നു) ലഭ്യമാണ്.

ChatGPT പരസ്യങ്ങളുടെ ഭാവി സാധ്യതകൾ പരിഗണിക്കുമ്പോൾ, ഇതുവരെയുള്ള ഞങ്ങളുടെ പുരോഗതി ആദ്യ അധ്യായം മാത്രമാണ്. വരും മാസങ്ങളിൽ പുതിയ വിപണികളിലേക്ക് വ്യാപിക്കുന്നതും പുതിയ പരസ്യരൂപങ്ങൾ, ഫലപ്രാപ്തി മെച്ചപ്പെടുത്താനുള്ള ഉപകരണങ്ങൾ, ഫലം അളക്കാനുള്ള സംവിധാനങ്ങൾ എന്നിവ വികസിപ്പിക്കുന്നതും ഞങ്ങൾ തുടരും. ഈ പ്രവർത്തനങ്ങളിലുടനീളം നിർമിതബുദ്ധി കൂടുതൽ പേർക്ക് ലഭ്യമാക്കുക, ChatGPT‑യിൽ ആളുകൾ അർപ്പിക്കുന്ന വിശ്വാസം കാത്തുസൂക്ഷിക്കുക, ഉപകാരപ്രദമായ പരസ്യങ്ങൾ ആളുകളിലേക്ക് എത്തിക്കുക, ബിസിനസുകളെ അവരുടെ ലക്ഷ്യങ്ങൾ കൈവരിക്കാൻ സഹായിക്കുക എന്നിവയിൽ ഞങ്ങൾ ശ്രദ്ധ കേന്ദ്രീകരിക്കും.

ഉപയോഗിച്ചുതുടങ്ങാൻ താൽപ്പര്യമുള്ള ബിസിനസുകൾക്ക് ads.openai.com⁠(പുതിയ വിൻഡോയിൽ തുറക്കുന്നു) സന്ദർശിക്കാം.