ჩვენი სტრუქტურა

OpenAI დაარსდა 2015 წელს, როგორც არაკომერციული ორგანიზაცია. მისი მისიაა უზრუნველყოს, რომ ზოგადმა ხელოვნურმა ინტელექტმა სარგებელი მოუტანოს მთელ კაცობრიობას. ეს მისია კვლავ წარმართავს ყველაფერს, რასაც ვაკეთებთ.

2019 წელს შევქმენით მოგებაზე ორიენტირებული შვილობილი კომპანია, რომელიც დაგვეხმარებოდა ჩვენი კვლევისა და დანერგვის ძალისხმევის მასშტაბის გაზრდაში. ამ მოგებაზე ორიენტირებულ ორგანიზაციას ყოველთვის მართავდა და აკონტროლებდა არაკომერციული ორგანიზაცია.

ჩვენი განახლებული სტრუქტურით, რომელიც 2025 წლის 28 ოქტომბერს გამოცხადდა:

• არაკომერციული ორგანიზაცია ამჟამასდ არის OpenAI Foundation.
• მომგებიანი ორგანიზაცია ახლა საზოგადოებრივი სარგებლის კორპორაციაა, სახელწოდებით OpenAI Group PBC, რომელიც — ტრადიციული კორპორაციისგან განსხვავებით — ვალდებულია წინ წასწიოს თავისი გაცხადებული მისია და გაითვალისწინოს ყველა დაინტერესებული მხარის უფრო ფართო ინტერესები, რითაც უზრუნველყოფს კომპანიის მისიისა და კომერციული წარმატების ერთობლივად მიღწევას.
• OpenAI Foundation კვლავაც აკონტროლებს OpenAI Group-ს. ახლა ის ფლობს OpenAI Group-ის ჩვეულებრივ კაპიტალში წილს — OpenAI Group-ის ღირებულების ნებისმიერი ზრდის შემთხვევაში ყველა აქციონერი პროპორციულად მონაწილეობს — რაც გრძელვადიან ინიციატივებს გავლენასა და ზრდას უსადაგებს.
• OpenAI Foundation-სა და OpenAI Group-ს ერთი და იგივე მისია აქვთ.

ეს რეკაპიტალიზაცია OpenAI Group-ს ანიჭებს სტრუქტურას, რომელიც კაპიტალის მოზიდვისა და მისიის წინ წასაწევად საჭირო ნიჭიერი კადრების მოზიდვისა და შენარჩუნების საშუალებას მისცემს, ამავდროულად კი შეინარჩუნებს ინდუსტრიაში დღეს არსებულ მისიაზე ორიენტირებული ხელმძღვანელობის ყველაზე ძლიერ წარმომადგენლობას. იგი დასრულდა კალიფორნიისა და დელავერის გენერალური პროკურორების ოფისებთან თითქმის ერთწლიანი კონსტრუქციული დიალოგის წარმართვის შემდეგ.

ჩვენი დირექტორთა საბჭო

OpenAI Foundation-ს მართავს მისი დირექტორთა საბჭო, რომლის შემადგენლობაშიც შედიან დამოუკიდებელი დირექტორები: ბრეტ ტეილორი (თავმჯდომარე), ადამ დ’ანჯელო, პოლ კრისტიანო, დოქტორი სიუ დესმონდ-ჰელმანი, დოქტორი ზიკო კოლტერი, აშშ-ის არმიის ყოფილი გენერალი პოლ მ. ნაკასონე, ადებაიო ოგუნლესი, ნიკოლ სელიგმანი, დევიდ ველესი და რობინ ვინსი — ასევე აღმასრულებელი დირექტორი სემ ალტმანი.

სპეციალური ხმის მიცემისა და მართვის უფლებების საფუძველზე, რომლებსაც OpenAI Foundation ექსკლუზიურად ფლობს, OpenAI Foundation ნიშნავს OpenAI Group-ის დირექტორთა საბჭოს ყველა წევრს და შეუძლია ნებისმიერ დროს შეცვალოს დირექტორები.

დაცულობისა და უსაფრთხოების კომიტეტი (SSC) დარჩება OpenAI Foundation-ის კომიტეტად და გააგრძელებს თავის ამჟამინდელ როლს, რომელიც მოიცავს მთლიანად OpenAI-ის, მათ შორის OpenAI Group-ის, უსაფრთხოებისა და დაცულობის პრაქტიკაზე ზედამხედველობას. SSC-ის თავმჯდომარე — დოქტორი კოლტერი — მხოლოდ OpenAI Foundation-ის საბჭოს წევრი იქნება.

იმის უზრუნველსაყოფად, რომ მისია, გრძელვადიანი სტიმულები და კომერციული წარმატება ერთად განვითარდეს — და დანაწევრებული მმართველობის თავიდან ასაცილებლად — OpenAI Foundation-ის ყველა მოქმედი დირექტორი ასევე იმუშავებს OpenAI Group-ის საბჭოში, გარდა დოქტორ კოლტერისა, რომელიც ხმის უფლების არმქონე დამკვირვებელი იქნება. რეკაპიტალიზაციიდან ერთი წლის განმავლობაში, ფონდის მეორე დირექტორიც გადავა მხოლოდ ფონდის საბჭოში საქმიანობაზე და ჯგუფის საბჭოში ხმის უფლების არმქონე დამკვირვებლის როლს შეასრულებს.

წილობრივი კაპიტალის მფლობელები

რეკაპიტალიზაციის დასრულების მომენტისთვის OpenAI Foundation ფლობს OpenAI Group-ის 26%-იან წილს, რომლის ღირებულება OpenAI Group-ის მიმდინარე შეფასების საფუძველზე დაახლოებით 130 მილიარდი დოლარია.

ამ 26% წილის გარდა, OpenAI Foundation ასევე ფლობს გარანტიას, რომელიც მას OpenAI Group-ის დამატებითი წილების მიღების უფლებას აძლევს, თუ OpenAI Group შეფასების საკვანძო ეტაპს მიაღწევს.

თუ 15 წლის შემდეგ OpenAI Group-ის აქციის ფასი ათმაგზე მეტად გაიზრდება, OpenAI Foundation დამატებით მნიშვნელოვან წილს მიიღებს. საკუთარი წილისა და გარანტიის მეშვეობით ფონდს აქვს პოტენციალი, გახდეს OpenAI-ის წარმატების ერთადერთი უმსხვილესი გრძელვადიანი ბენეფიციარი.

ეს სტრუქტურა OpenAI Foundation-ის რესურსებს პირდაპირ აკავშირებს გრძელვადიან ღირებულებასთან, რომელსაც OpenAI Group ზრდასთან ერთად ქმნის.

OpenAI Group-ის ყველა წილის მფლობელი ახლა ფლობს ერთი და იმავე ტიპის ტრადიციულ აქციას, რომელიც პროპორციულად იზიარებს OpenAI Group-ის წარმატებას და მასთან ერთად მისი ღირებულებაც იზრდება. OpenAI Foundation-ის დირექტორთა საბჭოს კონსულტაციას უწევდნენ დამოუკიდებელი ფინანსური მრჩევლები, ხოლო რეკაპიტალიზაციის პირობები საბჭომ ერთხმად დაამტკიცა.

ასევე, რეკაპიტალიზაციის დასრულების მომენტისთვის OpenAI Group-ის დაახლოებით 27% Microsoft-ის მფლობელობაშია, ხოლო დარჩენილი 47% ამჟამინდელი და ყოფილი თანამშრომლებისა და ინვესტორების მფლობელობაშია.