როგორ იქცა Codex OpenAI-ს შემოქმედებითი გუნდის მოთანამშრომლედ

ეს ჩვენი სერიის ნაწილია, რომელშიც ვაზიარებთ შიდა მაგალითებს, თუ როგორ იყენებს OpenAI საკუთარ ტექნოლოგიასა და API-ებს. ესენი OpenAI-ს შიდა გამოყენების ხელსაწყოებია და აქ გაზიარებულია, როგორც საილუსტრაციო მაგალითები, თუ როგორ უჭერს მხარს მოწინავე AI ჩვენს გუნდებში გამოყენების სხვადასხვა შემთხვევას.

ბევრს ჰგონია, რომ Codex მხოლოდ ინჟინრებისა და დეველოპერებისთვისაა, მაგრამ ჩად ნელსონისთვის, OpenAI-ს კრეატიული კონტენტის სპეციალისტისთვის, Codex პრობლემების კრეატიული გადაჭრისა და თანამშრომლობის საშუალება გახდა. ჩადის როლია, გამოიკვლიოს, რისი შეთავაზება შეუძლია OpenAI-ს მოდელებს შემოქმედებითი გუნდებისთვის, შემდეგ კი ეს შესაძლებლობები აქციოს დემოებად, სამუშაო პროცესებად და იდეებად, რომლებსაც ბრენდის პარტნიორები დაეყრდნობიან და განავითარებენ.

კრეატიული კონტენტისთვის განკუთვნილი სტანდარტული პროგრამული უზრუნველყოფის შეზღუდვების ფარგლებში მუშაობას მიჩვეული ჩადი შთაბეჭდილების ქვეშ მოექცა Codex-ის უნარით, დაეხმაროს მას უკეთესი ხელსაწყოების შექმნაში, მორგებული სამუშაო პროცესების აწყობასა და პროექტის სრული კონტექსტის საფუძველზე კამპანიის მიმართულებების გენერირებაში.

„ხელსაწყოებს, რომლებსაც მთელი ჩემი კარიერის განმავლობაში ვიყენებდი, წარმოდგენა არ აქვს, რომელ პროექტზე ვმუშაობ, რომელი ბრენდისთვის ვმუშაობ ან რომელი პროდუქტის წარდგენას ვცდილობ,“ აღნიშნავს ჩადი. „Codex-სა და ChatGPT‑ს აქვთ კონტექსტი. მათ ესმის, რომ მე ვმუშაობ ამ კლიენტისთვის, ამ პროდუქტისთვის, ამ სტრატეგიული მიზნებისათვის“.

Codex-ს, ასევე, შეუძლია ბრენდის კრებულების, სტილის სახელმძღვანელოების, შრიფტებისა და კომპოზიციების მომზადება — და ამ ინფორმაციის საშუალებით უფრო მეტად ერგება პროექტის შემოქმედებით საჭიროებებს.

კამპანიის მიმართულება ფორმირდება იმ ბრენდით, რომლისთვისაც ის არის განკუთვნილი, პროდუქტითა და იმ ემოციური ხასიათით, რომელიც გსურთ, გადმოსცეთ ნამუშევარში. ჩადმა აღმოაჩინა, რომ Codex-ს შეუძლია მთელი ამ კონტექსტის გათვალისწინება და ამ შეტანილ მონაცემებზე მუშაობა ისე, როგორც ტრადიციულ ხელსაწყოებს არ შეეძლოთ.

ის, ასევე, იყენებს Codex-ს იმ ხელსაწყოების შესაქმნელად და მოსარგებად, რომლებიც კონკრეტული პრობლემების გადაჭრას შეუწყობს ხელს.

ბუნებრივი ენით მას შეუძლია, აღწეროს სასურველი სამუშაო პროცესი და Codex-ს სთხოვოს მის შექმნაში დახმარება. ეს შეიძლება ნიშნავდეს API-გასაღების დაკავშირებას, პროტოტიპული ინტერფეისის შექმნას ან მორგებულ UI-ს დიზაინს, რომელიც მას ვიზუალური გადაწყვეტების შესწავლის საშუალებას მისცემს.

„Codex-ით რეალურად შემიძლია, შევქმნა ხელსაწყოები, სამომხმარებლო ინტერფეისები, სლაიდერები და მართვის ელემენტები,“ — ამბობს ის. „შემიძლია დავარეგულირო კამერის კომპოზიცია ან განათება და შევქმნა რეალურ დროში ჩრდილები სიღრმითა და მოცულობით“.

Codex, ასევე, აჩქარებს შემოქმედებით ძიებას. ცოტა ხნის წინ ჩადს ერთი დღე ჰქონდა იმისთვის, რომ ახალი კლიენტისთვის კამპანიის იდეების ფართო სპექტრი შეემუშავებინა. ჩვეულებრივ, შესაძლოა, ხუთ მიმართულებას გაჰყოლოდა, ან, საკმარისი დრო რომ ჰქონოდა, იქნებ 10-საც. მათგან ბევრი, სავარაუდოდ, ერთი და იმავე იდეის მცირედ განსხვავებული ვარიანტი იქნებოდა.

Codex-თან მუშაობისას ჩადმა დაიწყო იმით, რომ სისტემას პროექტის კონტექსტი მიაწოდა: ბრენდი და მისი პროდუქტები, გარკვეული სახელმძღვანელო მითითებები და კლიენტის მიზნები. მან, ასევე, გააზიარა მოსაზრებები იმის შესახებ, თუ როგორი ტონი სურდა, რომ კამპანიას ჰქონოდა.

სულ ერთ დღეში ჩადმა და Codex-მა კამპანიის 50 მიმართულება შექმნეს, რომლებიც მან შემდეგ განიხილა და 10 ყველაზე ძლიერი იდეა გამოარჩია. „აღმოვაჩინე, რომ Codex მაძლევს საშუალებას, მივყვე შემოქმედებით იმპროვიზაციას და გაცილებით მეტი თავისუფლების განცდით გამოვიკვლიო ყველა ეს სხვადასხვა ვარიანტი,“ — ამბობს ის.

იდეების მრავალფეროვნების დამსახურებით ჩადმა შეძლო პრეზენტაციაში უფრო ძლიერი ვარიანტების წარმოდგენა მოკლე ვადის მიუხედავად.

Codex შემოქმედებით გუნდებს მეტ შესაძლებლობას აძლევს იმ ეტაპებზე, რომლებზეც მუშაობა ხშირად ნელდება — ესენია საწყისი კონცეფციების შემუშავება, სამუშაო პროცესების დიზაინი და ტექნიკური განხორციელება.

როდესაც ჩადს პროტოტიპი აქვს ჩაფიქრებული, მას შეუძლია, აღწეროს ის და მისი შექმნა დაიწყოს. თუ სამუშაო პროცესი ახალ მოდალობებზე ან API ინტეგრაციებზეა დამოკიდებული, მას შეუძლია, სთხოვოს Codex-ს, დაეხმაროს მათ დაკავშირებაში. და თუ რაიმეზე გაიჭედება, შეუძლია საკითხი ბუნებრივ ენაზე აღწეროს და ეტაპობრივად გადაჭრას, შემოქმედებითი ნაკადის დაურღვევლად.

შემოქმედებითი პროფესიონალებისთვის ეს ამცირებს იდეასა და განხორციელებას შორის არსებულ სხვაობას:

• ტექნიკური დაბრკოლებები, რომლებიც ადრე გადაბარებას მოითხოვდა, შეიძლება იმავე შემოქმედებითი პროცესის ნაწილი გახდეს.
• კრეატიული კონტენტის დირექტორებს შეუძლიათ ვრცელი მოთხოვნების ნაცვლად კომპოზიციისა და განათების მართვის ელემენტებთან მუშაობა.
• დიზაინერებს შეუძლიათ ინტერფეისის პროტოტიპის შექმნა მორგებული ხელსაწყოების განსაზღვრისა და შექმნისთვის დალოდების გარეშე.
• გუნდებს შეუძლიათ მეტი კონცეფცია შეისწავლონ ისე, რომ ადამიანის მხრიდან განსჯა პროცესის ცენტრში დარჩეს.

უფრო ფართო თვალსაზრისით, ჩადის გამოცდილება წარმოაჩენს ახალ გზებს, რომლებითაც შემოქმედებითი გუნდები AI-ს იყენებენ: ისინი ქმნიან სისტემებს, რომლებიც სჭირდებათ იდეების მოსაფიქრებლად, შესაფასებლად და დასახვეწად, როცა ნამუშევარი თანდათან ფორმას იძენს.

„ვფიქრობ, Codex-ის გამოყენებისას ერთი რამ ვისწავლე: თუ შემოქმედებითი სამუშაო პროცესის, გადაწყვეტის ან ინტერფეისის იდეა გაქვთ, უბრალოდ, ჰკითხეთ მას“, — ამბობს ის. „უთხარით, რა გაქვთ ჩაფიქრებული და უცებ, 10 წუთში უკვე მის პროტოტიპს ნახავთ“.