მოწინავე ხელოვნური ინტელექტი კიბერდაცვის სპეციალისტებისთვის.
უფრო უსაფრთხო პროგრამული უზრუნველყოფა, ნაგულისხმევად მედეგი
OpenAI Daybreak — ესაა ჩვენი ხედვა იმისა, თუ როგორ შევცვალოთ მიდგომა პროგრამული უზრუნველყოფის შექმნისა და დაცვისადმი.
Daybreak-ი დილით მზის სინათლის პირველი გამოჩენაა. კიბერდაცვისთვის ეს ნიშნავს რისკის უფრო ადრე დანახვას, უფრო სწრაფად მოქმედებას და იმის ხელშეწყობას, რომ პროგრამული უზრუნველყოფა მედეგი იყოს ნაგულისხმევად.
ამოსავალი დებულება ისაა, რომ კიბერთავდაცვის მომდევნო ეპოქა პროგრამულ უზრუნველყოფაში თავიდანვე უნდა იყოს ჩაშენებული. ეს გულისხმობს არა მხოლოდ მოწყვლადობების აღმოჩენასა და გასწორებას, არამედ მათდამი მედეგობას მაგულისხმევად.
ახლა ხელოვნურ ინტელექტს შეუძლია, დაცვის სპეციალისტებს დაეხმაროს კოდის ბაზების დონეზე მსჯელობაში, ძნელად შესამჩნევი მოწყვლადობების იდენტიფიცირებაში, გასწორებების ვალიდაციაში, უცნობი სისტემების ანალიზსა და აღმოჩენიდან აღმოფხვრაზე უფრო სწრაფად გადასვლაში. იქიდან გამომდინარე, რომ იმავე შესაძლებლობების ბოროტად გამოყენებაც შესაძლებელია, Daybreak-ი გაფართოებულ დაცვით შესაძლებლობებს აერთიანებს ნდობასთან, ვერიფიკაციასთან, პროპორციულ დამცავ მექანიზმებსა და ანგარიშვალდებულებასთან.
მიზანი მარტივია: დაჩქარდეს კიბერდაცვის სპეციალისტების მუშაობა და უწყვეტად იქნეს დაცული პროგრამული უზრუნველყოფის უსაფრთხოება.
Daybreak-ი აერთიანებს OpenAI-ს მოდელების ინტელექტს; Codex-ის, როგორც აგენტური ჩარჩოს, გაფართოებადობასა; და ჩვენს პარტნიორებს უსაფრთხოების თვითგამაძლიერებელ ციკლში, რომ ხელი შეუწყოს ყველასთვის უფრო უსაფრთხო სამყაროს შექმნას. დაცვის სპეციალისტებს შეუძლიათ, შემუშავების ყოველდღიურ ციკლში ჩართონ კოდის დაცული შემოწმება, საფრთხეების მოდელირება, პატჩების ვალიდაცია, დამოკიდებულებების რისკების ანალიზი, აღმოჩენა და რეკომენდაციები მოგვარების შესახებ, რომ პროგრამული უზრუნველყოფა თავიდანვე უფრო მედეგი იყოს.
მომდევნო კვირებში ჩვენს ინდუსტრიულ და სამთავრობო პარტნიორებთან ვიმუშავებთ, რადგან ვემზადებით კიდევ უფრო განვითარებული კიბერშესაძლებლობების მქონე მოდელების დასანერგად იტერაციული დანერგვის მიდგომის ფარგლებში.
როგორ უნდა დანერგოთ ხელოვნური ინტელექტი თანამედროვე კიბერდაცვის სისტემაში
ყურადღება გაამახვილეთ მართლა მნიშვნელოვან საფრთხეებზე
პრიორიტეტი მიანიჭეთ მაღალი გავლენის მქონე საკითხებს, წუთებამდე შეამცირეთ ანალიზისთვის საჭირო საათები და უფრო ეფექტიანად გამოიყენეთ ტოკენები.
გამოიყენეთ პატჩები უსაფრთხოდ და მასშტაბურად
შექმენით და გამოსცადეთ პატჩები პირდაპირ თქვენს რეპოზიტორიუმებში: ისარგებლეთ შემოფარგლული წვდომით, მონიტორინგითა და შემოწმებით.
გადაამოწმეთ თითოეული გასწორება
გააგზავნეთ შედეგები და აუდიტისთვის მზა მტკიცებულებები საკუთარ სისტემებში, რომ თვალყური მიადევნოთ და შეამოწმოთ მოგვარების პროცესი.
დანერგეთ მოწინავე კიბერინტელექტი Codex Security-ში
აირჩიეთ შესაფერისი დონე წვდომისა
დაუკავშირდით OpenAI-ს გუნდს, რომ შეარჩიოთ საუკეთესო მოდელი უსაფრთხოების სამუშაო პროცესებისთვის.
წვდომა | რა იცვლება | მიზნობრივი გამოყენების სცენარები |
GPT‑5.5 (ნაგულისხმევი) | სტანდარტული დამცავი მექანიზმები ზოგადი დანიშნულებით გამოყენებისთვის | ზოგადი დანიშნულების, დეველოპერული და ინტელექტუალური შრომის დავალებები |
Trusted Access for Cyber პროგრამაში ჩართული GPT‑5.5 | უფრო ზუსტი დამცავი მექანიზმები შემოწმებული თავდაცვითი სამუშაოსთვის ავტორიზებულ გარემოებში | უსაფრთხოების სფეროში თავდაცვითი სამუშაო პროცესების უმეტესობა, მათ შორის, კოდის დაცული შემოწმება, მოწყვლადობების სორტირება, მავნე პროგრამული უზრუნველყოფის ანალიზი, აღმოჩენის საშუალებების შემუშავება და პატჩების ვალიდაცია |
GPT‑5.5‑Cyber | ყველაზე მეტად ნებადამრთველი ქცევა სპეციალიზებული ავტორიზებული სამუშაო პროცესებისთვის, კომბინირებული უფრო მკაცრი შემოწმების სისტემასა და ანგარიშის დონეზე განხორციელებულ კონტროლთან | საჩვენებელ ვერსიაზე წვდომა სპეციალიზებული სამუშაო პროცესებისთვის, რაც მოიცავს ავტორიზებულ შეტევით ტესტირებას, შეღწევადობის ტესტირებასა და კონტროლირებად ვალიდაციას |
ჩვენ გვენდობა წამყვანი ორგანიზაციები უსაფრთხოების სფეროში
„აღფრთოვანებული ვართ OpenAI-ს კიბერშესაძლებლობების პოტენციალით, რომელიც უსაფრთხოების უზრუნველყოფის სამუშაო პროცესებში უფრო ძლიერი მსჯელობისა და აგენტური შესრულების შემოტანას გულისხმობს. ეს დიდი წინ გადადგმული ნაბიჯია გუნდებისთვის, რომლებსაც შეუძლიათ, მოწინავე მოდელები გამოიყენონ არა მხოლოდ მუშაობის ტემპის დასაჩქარებლად, არამედ თავიანთი უსაფრთხოების მდგომარეობის გასაუმჯობესებლადაც“.
