Sinusuportahan ng OpenAI ang panukala sa California na isinusulong ang ligtas na AI para sa kabataan

Ni Ann O’Leary, VP, Global Policy

Sinusuportahan ng OpenAI ang California Senate Bill 1119, isang batas na itinataguyod ang mahahalagang proteksyon sa kung paano ginagamit ng mga kabataan sa AI, habang pinananatili ang kanilang access sa mga tool na makatutulong sa kanilang matuto, lumikha, at maghanda para sa hinaharap. Nakabatay ang suportang ito sa commitment na ginawa ng co-founder at CEO ng OpenAI, noong nakaraang taon nang ilahad niya ang mga prinsipyo ng kumpanya tungkol sa mga teenager.

Dahil hindi kumikilos ang pederal na pamahalaan, may pagkakataon ang California na magpatupad ng mahigpit na pamantayan para protektahan ang mga kabataan sa paggamit ng AI.

Sa aming liham kay Governor Newsom⁠(magbubukas sa bagong window), pinuri namin siya, kasama sina Senator Steve Padilla, Assemblymembers Buffy Wicks at Rebecca Bauer-Kahan, at ang California Legislature, dahil sa kanilang pamumuno sa mahalagang isyung ito. Nakabatay ang SB 1119 sa mga hakbang para sa kaligtasan ng kabataan na sinuportahan ng OpenAI sa pamamagitan ng aming mga produkto, pandaigdigang prinsipyo sa patakaran, advocacy sa California, at aming gawain para sa Parents & Kids Safe AI Act. Hinihikayat namin si Gobernador Newsom na pirmahan ang panukalang batas para maging batas.

Ang mga teenager ang unang henerasyo na lumalaki kasabay ng AI. Halos siyam sa bawat 10 teenager ang gumagamit ng ChatGPT para matuto, maghanap ng impormasyon, matuto ng mga bagong kasanayan, o maging mas produktibo sa loob ng isang linggo. Kasama ng pagkakataong ito ang malinaw na responsibilidad: dapat may mga karanasang idinisenyo para sa natatanging pangangailangan ng mga teenager habang lumalaki sila, na may matibay na default na proteksyon at mga angkop na pagkakataong matuto, lumikha, at mag-explore.

Makikita sa bagong lunsad naming ChatGPT for Teens ang ganitong approach. Idinisenyo ito para tulungan ang mga user na wala pang 18 taong gulang na matuto, kritikal na mag-isip, at lumikha, habang hinihikayat ang mahusay na paggamit, nagbibigay ng mga built-in na proteksyon, at nag-aalok sa mga magulang ng mga karagdagang kontrol. Kung matutukoy ng aming system na wala pang 18 taong gulang ang isang tao o sinabi niyang siya ay 13–17 taong gulang, awtomatiko siyang dadalhin sa ChatGPT for Teens. Bahagi ng pangunahing karanasan ang mga proteksyong ito, at hindi mga opsyonal na setting na puwedeng i-off ng mga user.

Sa mas malawak na pananaw, naniniwala kaming puwedeng makinabang ang mga teenager sa AI nang hindi isinasakripisyo ang kanilang kaligtasan—isang layuning nasa sentro ng SB 1119.

Pinagsasama ng SB 1119 ang matibay na proteksyon at patuloy na access sa mga kapaki-pakinabang na AI tool. Lubos naming sinusuportahan ang mahahalagang kinakailangang ito:

• Tukuyin ang edad ng isang user;
• Tukuyin at tugunan ang mga panganib sa kaligtasan bago gawing available sa mga kabataan ang isang produkto;
• Sumailalim sa mga hiwalay na audit;
• Protektahan ang mga kabataan laban sa mapaminsalang content, kabilang ang pananakit sa sarili, content na seksuwal na mapagsamantala, at iba pang interaksyong may mataas na panganib;
• Bigyan ang mga magulang ng mga tool para gabayan at limitahan ang paggamit ng kanilang mga anak;
• Iugnay ang mga kabataan sa mga mapagkukunan ng suporta sa krisis kapag may malulubhang panganib sa kaligtasan; at
• Limitahan ang naka-target na advertising at protektahan ang personal na impormasyon ng mga kabataan.

Para sa mga user na natukoy na 13–17 taong gulang, dapat awtomatikong i-apply ang mga proteksyong ito. Pagsasamahin ng panukalang ito ang makabuluhang pananagutan at mga proteksyong makatutulong na pangalagaan ang mga kabataan habang gumagamit sila ng AI.

Angkop ding kinikilala ng SB 1119 na hindi social media ang AI. Itinataguyod ng panukala ang mga proteksyong iniangkop para tulungan ang mga kabataang gumamit ng AI na matuto, lumikha, at mag-explore. Sa pagbuo ng framework na ito, sinikap ng mga policymaker na mapanatili ang access sa mga feature na pang-edukasyon at mahalaga sa kaligtasan, kabilang ang responsableng paggamit ng memory feature ng ChatGPT, habang nagtataguyod ng mas ligtas at angkop-sa-edad na mga karanasan para sa mga teenager.

May mga feature ang ChatGPT for Teens na partikular na ginawa para tulungan ang mga teenager na matuto, tulad ng Quizzes, Learning Visualizations, at Study mode. Binuo ang mga ito kasama ng mga educator at learning expert para gabayan ang mga estudyante sa step-by-step na pagsagot ng mga problema. Layunin ng mga tool na ito na mas mapalalim ang pag-unawa at makatulong sa pagbuo ng mas mahuhusay na gawi sa pag-aaral. Nakakatulong naman ang mga feature na gumagamit ng konteksto mula sa mga naunang pag-uusap, kabilang ang memory, para tuloy-tuloy na maipatupad ang mga proteksyon, matukoy ang mga pattern na maaaring magdulot ng pag-aalala, at makapagbigay ng mas kapaki-pakinabang na suporta sa pag-aaral sa paglipas ng panahon.

Nakakatulong din ang konteksto para mas tuloy-tuloy na gumana ang mga tool na ito para sa kaligtasan at pag-aaral sa paglipas ng panahon. Sa pamamagitan ng mga feature tulad ng memory, puwedeng gamitin ng ChatGPT ang mga kaugnay na impormasyon at preference mula sa mga naunang pag-uusap, kaya puwedeng ipagpatuloy ng mga teenager ang mas mahahabang proyekto sa pag-aaral nang hindi kailangang magsimula ulit. Nakakatulong din ang tuloy-tuloy na kontekstong ito para maiwasang mapalakas ang mga mapanganib na pattern at makapagbigay ng mas angkop na tugon kapag nangangailangan ng karagdagang tulong o resources ang isang kabataan.

Hindi na bago sa amin ang paghahanap ng tamang balanse sa pagitan ng kaligtasan at pag-aaral. Sa nakalipas na taon, nagdagdag kami ng mga kontrol ng magulang, pagtukoy sa edad, aming Teen Safety Blueprint, at Under-18 Principles sa aming Model Spec—mga panuntunang gumagabay sa kung paano dapat kumilos ang aming mga model—para magtakda ng mga bagong pamantayan sa pakikitungo ng mga ito sa mga kabataan. Ipinagbabawal ng mga panuntunang ito ang pakikipag-ugnayang romantiko, paghikayat ng emosyonal na pagdepende, at pagsasabing tao o sentient ang ChatGPT. Nag-aalok din kami ng mga kontrol ng magulang na pinapayagan ang mga pamilya na pamahalaan ang mahahalagang setting para sa kanilang mga teenager at makatanggap ng mga notification kapag may mga sitwasyong may mataas na panganib.

Itinataguyd ng SB 1119 ang matibay na framework para sa kaligtasan ng mga kabataan sa paggamit ng AI sa California. Makakatulong ang patuloy na pag-aaral at pakikipagtulungan habang ipinapatupad ito para mapahusay ang mahahalagang probisyon at mapanatiling epektibo ang framework habang umuunlad ang teknolohiya. Umaasa ang OpenAI na makapagbigayng suporta sa gawaing ito at patuloy na bumuo ng mga karanasan sa AI na angkop para sa mga teenager, na may mga mas matibay at awtomatikong proteksyon at makabuluhang pagkakataong matuto at umunlad.