Malinaw na mga pagpipilian sa privacy, na may mga proteksyong nakapaloob
Ginagamit mo man ang ChatGPT para sa trabaho, pag-aaral, o pang-araw-araw na gawain, ikaw ang may kontrol sa data mo. Ginagawa naming madaling hanapin at pamahalaan ang iyong mga pagpipilian sa privacy, na may mga proteksyong nakapaloob para makatulong na panatilihing ligtas ang iyong impormasyon.
Ang iyong mga kontrol sa privacy sa ChatGPT
Paano namin pinoprotektahan ang iyong privacy
Isinasama namin ang mga proteksyon sa privacy sa kung paano sinasanay ang aming mga modelo, kung paano gumagana ang aming mga produkto, at kung paano nagtatrabaho ang aming mga team.
Hindi namin ibinebenta ang iyong data
Hindi namin ibinabahagi ang iyong mga pag-uusap sa mga advertiser o kasosyo sa marketing, at hindi namin kailanman ibinebenta ang iyong data kahit kanino.
Sinisiguro namin ang kaligtasan ng iyong impormasyon
Gumagamit kami ng ibat't ibang hakbang sa seguridad para makatulong na protektahan ang iyong impormasyon at account—kabilang ang encryption, masusing pagsusuri sa seguridad, at pagsubaybay sa kahina-hinalang aktibidad.
Ikaw ang may kontrol sa iyong data
Maaari mong i-access, i-export, at i-delete ang mga pag-uusap at data sa ChatGPT na nauugnay sa iyong account. May kontrol ka din kung gagamitin ang iyong mga chat para mapahusay ang aming mga modelo.
Sinusuri namin ang bawat paglulunsad na isinasaalang-alang ang privacy
Isinasama namin ang mga pananggalang sa privacy sa aming mga modelo at sa bawat feature, mula sa disenyo hanggang sa paglulunsad hanggang sa pagsubaybay pagkatapos ng paglulunsad.
Binabawasan namin ang dami ng personal na impormasyong ginagamit para pahusayin ang ChatGPT
Ginawa ang aming mga modelo para matuto tungkol sa mundo, hindi tungkol sa mga pribadong indibidwal. Nagsisikap kaming tukuyin at alisin ang mga personal na pantukoy mula sa mga set ng pagsasanay hangga’t maaari.
Sinasanay ang aming mga modelo para maiwasan ang pribado o sensitibong impormasyon
Aktibong sinasanay namin ang aming mga modelo na tumanggi kapag hinihingan ng pribadong impormasyon tungkol sa mga totoong tao—gaya ng mga address o impormasyon sa pakikipag-ugnayan. Patuloy naming sinusubok at ina-update ang mga pag-iingat na ito para patuloy na gumagaling ang mga modelo sa pagdaan ng panahon.
