Nagarro

Hinuhubog ang kompanya ng bukas

Ang Nagarro ay isang pandaigdigang kompanya ng AI-native engineering at transformation. Tinutulungan namin ang mga negosyo na magdisenyo, bumuo, at magpatakbo ng mga sistemang teknolohikal na nagpapanatiling tuloy-tuloy sa kanilang operasyon upang mas mabilis silang makaangkop, maging mas mahusay, at makamit ang masusukat na resulta.

Nakasandig ang aming gawain sa Engineering Intelligence, ang AI-native framework namin para sa transpormasyon ng negosyo. Umaandar ang bawat organisasyon sa mga daloy na nag-uugnay sa mga tao, proseso, at sistema. Kapag naputol o bumagal ang mga daloy na ito, humihina ang pagganap. Lumilikha kami ng katalinuhan para sa masusukat na epekto ng AI sa pamamagitan ng AI-native engineering, mga modelong nakabatay sa matibay na datos, at pagpapasya ng tao. Bunga nito ang patuloy na pagbuti ng pagganap, na karaniwang tumataas nang hindi bababa sa 20%.

Kumikilos kami sa tagpuan ng engineering, teknolohiya, at negosyo. Hindi namin pinapalitan ang mga pangunahing sistema. Binubuksan namin ang buong potensiyal ng mga ito. Mula pilot hanggang production, at mula ambisyon hanggang epekto, inililipat namin ang mga organisasyon mula pangako tungo sa mahusay na pagganap sa loob ng ilang buwan, hindi taon.

Ginagabayan ang aming pamamaraan ng kulturang CARING—isang pilosopiyang nakasentro at inuuna ang tao, na nakaugat sa etika, pananagutan, at pangmatagalang pakikipagtuwang. Hinuhubog nito ang pakikipagtulungan namin sa mga kliyente at sa isa't isa, kaya marami sa aming ugnayan sa mga kliyente ang tumatagal nang mahigit isang dekada.

Sa humigit-kumulang 18,500 eksperto sa 40 bansa, katuwang ng Nagarro ang mga nangungunang negosyo, independent software vendor, at organisasyon ng pampublikong sektor sa Europe, North America, at iba pang rehiyon. Sama-sama, tinutulungan naming maging AI-native, nakasentro sa tao, at handa sa tuloy-tuloy na pagbabago ang mga organisasyon.