OpenAIతో ఆలోచనలకు ప్రచార రూపమిచ్చే Pollo AI

నిర్మాణ నైపుణ్యం అవసరం లేకుండానే ప్రజలు తమ సృజనాత్మక ఆలోచనలను పూర్తిస్థాయి చిత్రాలు, వీడియోలుగా మార్చుకోగలగాలనే ఉద్దేశంతో Pollo AI⁠(కొత్త విండోలో తెరుచుకుంటుంది) స్థాపించబడింది. జనరేటివ్ AI ఉన్నా, ఆశించిన ఫలితాన్ని పొందేందుకు వేర్వేరు సాధనాలను ఉపయోగించడం, తగిన మోడల్స్‌ను ఎంచుకోవడం సృష్టికర్తలకు, ప్రచార నిపుణులకు కష్టంగా ఉండవచ్చు. కొందరు విసుగుతో తమ ప్రాజెక్టులను వదిలేయవచ్చు కూడా.

“రూపకల్పన రంగంలో Canva చేసినదాన్ని మేం వీడియో రంగంలో చేయాలనుకుంటున్నాం. ఇప్పటికే ఎలా ఉపయోగించాలో తెలిసినవారే కాకుండా, మరింత మంది వాస్తవంగా ఉపయోగించుకోగలిగేంత సులభంగా దీన్ని మార్చాలనుకుంటున్నాం,” అని Pollo AI వ్యవస్థాపకుడు, ముఖ్య కార్యనిర్వహణ అధికారి బిల్ జూ వివరిస్తున్నారు. నేడు Pollo AI 2.6 కోట్లకు పైగా వినియోగదారులకు సేవలందిస్తోంది. వారు ఈ వేదికపై వీడియోలు, ప్రకటనలు, విజువల్ కంటెంట్‌ను రూపొందిస్తున్నారు.

ఈ బృందానికి తొలి పెద్ద విజయం అందించింది ముందుగా సిద్ధం చేసిన వీడియో నమూనాలే. ఇప్పుడు సృష్టికర్తలు ఈ వేదికను ఉపయోగించే సందర్భాల్లో 30% ఈ నమూనాలతోనో, ఆదరణ పొందుతున్న ఆకృతుల ఆధారిత పనివిధానాలతోనో మొదలవుతున్నాయి. ఈ విజయాన్ని పునాదిగా చేసుకుని సంస్థ తాజాగా Pollo ఏజెంట్‌ను అందిస్తోంది. ఇది GPT‑6 Astra, GPT‑Image‑2.5 సహా OpenAI మోడల్స్‌ను ఉపయోగించి వీడియో సృష్టిలో ప్రతి దశలోనూ మార్గనిర్దేశం చేస్తుంది. ఒక Pollo AI వినియోగదారు రూపొందించిన, మహావినాశం తర్వాతి ప్రపంచంలో సాగే ఈ సాహసగాథ కూడా దానికి ఉదాహరణే.

Pollo ఏజెంట్ వినియోగదారు ప్రాథమిక ఆలోచనలను, ఉదాహరణగా ఇచ్చిన దృశ్యాలను అర్థం చేసుకుని, కథాంశాలు, సన్నివేశాల క్రమం, స్క్రిప్ట్‌లను రూపొందిస్తుంది. అస్పష్టంగా ఉన్న సృజనాత్మక సూచనలను అర్థం చేసుకోవడంలోనూ, పలు రూపాల్లోని సమాచారంతో పనిచేయడంలోనూ OpenAI మోడల్స్ ప్రత్యేకంగా నిలిచాయని ముఖ్య సాంకేతిక అధికారి పీటర్ జో చెప్పారు. “ఆ విషయంలో GPT‑5.6 ప్రత్యేకంగా రాణించింది,” అని ఆయన అన్నారు. OpenAI API స్థిరత్వాన్ని, క్రమం తప్పకుండా వచ్చే కొత్త విడుదలలను కూడా తాము విలువైనవిగా భావిస్తున్నామని బృందం తెలిపింది.

రీజనింగ్ లోతు, వేగం, ఖర్చు మధ్య సమతుల్యత కోసం, Pollo AI పనులను తగిన మోడల్స్‌కు కేటాయించడానికి GPT‑5.6ను ఉపయోగిస్తుంది. కథనాన్ని రూపొందించడం లేదా సన్నివేశాల్లో మార్పులను ప్లాన్ చేయడం వంటి క్లిష్టమైన పనులకు GPT‑6 Astraను ఉపయోగిస్తుంది. ఈ మోడల్స్ కలయికతో, వినియోగదారు ప్రాంప్ట్ ఆధారంగా పనికి తగిన రీజనింగ్ స్థాయిని వ్యవస్థ ఎంచుకోగలుగుతుంది. వినియోగదారులు మోడల్స్‌ను ఎంచుకోవడానికి లేదా మార్చడానికి వెచ్చించే సమయం 50% కంటే ఎక్కువ తగ్గిందని, దీంతో సృజనాత్మక పనులకు మరింత సమయం దొరుకుతోందని Pollo AI చెబుతోంది.

Pollo AI వాస్తవ వినియోగదారుల ప్రాంప్ట్‌లు, పనివిధానాలతో జనరేటివ్ మోడల్స్‌ను పరీక్షిస్తుంది. ఫలితాల నాణ్యత, నిలకడ, శైలుల వైవిధ్యం, వేగం, ఖర్చును అంచనా వేస్తుంది. ఇమేజ్ జనరేషన్ కోసం GPT‑Image‑2.5ను ఎంచుకుంది. పోస్టర్లు, కథను దృశ్యాలుగా చూపే చిత్రపటాలు, ప్రచార చిత్రాలను రూపొందించడంలో ఇది సృష్టికర్తలకు తోడ్పడుతుంది.

Pollo AIని ప్రధానంగా కంటెంట్ సృష్టికర్తలు ఉపయోగిస్తారు. AI ఇంకా నిజమైన నటులు ఇద్దరితోనూ లఘు నాటికలను రూపొందించడానికి ఈ వేదిక విశేష ఆదరణ పొందింది. అయితే, వీడియో కంటెంట్‌ను వేగంగా, సులభంగా రూపొందించడానికి ప్రచార నిపుణులు, బిజినెస్ యజమానులు కూడా Pollo AIని ఉపయోగించడం పెరుగుతోంది.

Pollo వారి మార్కెటింగ్ స్టూడియో సాధనాల సమాహారంలోని ‘ఫొటో నుంచి వీడియో ప్రకటనలు’ సాధనం, OpenAI మోడల్స్‌తో ఒక స్థిర చిత్రం, ప్రాంప్ట్‌ను చిన్న వీడియోగా మారుస్తుంది. చిన్న బిజినెస్‌లు , నేరుగా వినియోగదారులకు విక్రయించే బ్రాండ్లు సామాజిక మాధ్యమాల కోసం ప్రోడక్ట్ ప్రకటనలను రోజుల బదులు నిమిషాల్లోనే రూపొందించుకునేలా ఇది తీర్చిదిద్దబడింది.

ఒక Pollo AI వినియోగదారు తమ ప్రోడక్ట్ ఫొటోతో విలాసవంతమైన అనుభూతిని కలిగించే లగ్జరీ ఫ్రాగ్రెన్స్ ప్రకటనను రూపొందించాలనుకున్నారు. కేవలం స్థిరమైన ఫొటోతో ఆ అనుభూతిని కలిగించలేరు. నిపుణులతో వీడియో చిత్రీకరణ చేయించుకోవడం వారి బడ్జెట్‌కు మించిన పని.

‘ఫొటో నుంచి వీడియో ప్రకటన’ సాధనంతో ఆ వినియోగదారు తమ తొలి చిత్రాన్ని సుమారు 15 సెకన్ల వీడియో ప్రకటనగా మార్చారు. వీడియో అంతటా ఆ అనుభూతిని కలిగించేందుకు ఈ సాధనం వెల్వెట్ వస్త్రపు మెత్తదనం, వెచ్చని కేంద్రీకృత కాంతులు, సీసాను దగ్గరగా చూపించే దృశ్యాలను సృష్టించింది. చివరగా ముదురు ఎరుపు వస్త్రం నేపథ్యంలో ఫ్రాగ్రెన్స్‌ను చూపించింది.

మరో కస్టమర్ అయిన ఆభరణాల బ్రాండ్, పత్రికల్లో కనిపించే తరహాలో ఆకట్టుకునే ప్రచార చిత్రాన్ని కోరుకుంది. కానీ వినూత్న భావనతో స్టూడియోలో చిత్రీకరణ జరిపేంత బడ్జెట్ దానికి లేదు.

చిరుత పక్కన కూర్చున్న మోడల్ తమ ప్రత్యేక ఆభరణాలను ధరించి ఉండాలన్న ఆ బ్రాండ్ సృజనాత్మక ఆలోచన, Pollo ఏజెంట్, GPT‑Image‑2.5 సాయంతో సాకారమైంది. ఈ సాధనం ముదురు తెరలు, వెచ్చని కాంతులతో దృశ్యాన్ని తీర్చిదిద్ది, బ్రాండ్ ఆభరణాలు స్పష్టంగా కనిపించేలా చేసింది.

ప్రత్యక్ష చిత్రీకరణతో పోలిస్తే తక్కువ శ్రమ, సమయం, ఖర్చుతోనే కస్టమర్‌కు విలాసవంతమైన ప్రచార చిత్రం సిద్ధమైంది.

కస్టమర్లు ఒక ప్రోడక్ట్ ఫొటోతో మొదలుపెట్టి, OpenAI మోడల్స్ సాయంతో దాన్ని మరింత సృజనాత్మకమైన చిత్రంగా మార్చుకోవడాన్ని కూడా Pollo AI సులభతరం చేస్తుంది. ఉదాహరణకు, ఒక పానీయాల బ్రాండ్ తన పీచ్ సోడా ప్రకటనలో సరదా, ఊహాశక్తి ఉట్టిపడాలని కోరుకుంది. కానీ సాధారణంగా స్టూడియోలో తీసే ప్రోడక్ట్ ఫొటోతో ఆ బృందం ఊహించిన దృశ్యాన్ని చూపించడం సాధ్యం కాలేదు.

సృజనాత్మక పనుల్లో మరింత స్పష్టమైన వివరాలను వేగంగా సృష్టించే GPT‑Image‑2.5, Pollo ఏజెంట్ సాయంతో ఆ బృందం సాధారణ సీసా చిత్రాన్ని మంచు కప్పిన సూక్ష్మ ప్రపంచంగా మార్చింది. అందులో రైలు, బల్లులు, మెరిసే నీటి బిందువులు కూడా ఉన్నాయి. అలా సిద్ధమైన చిత్రంలో, బ్రాండ్ తన ప్రచారంలో ఉపయోగించుకోగల సరదా దృశ్యం రూపుదిద్దుకుంది.

రానున్న 12 నెలల్లో AI వీడియో రోజువారీ కంటెంట్ సృష్టిలో భాగం కావాలని Pollo కోరుకుంటోంది. జూ దృష్టిలో, ఒక ఆలోచనను ప్రచురించడానికి, పరీక్షించడానికి లేదా ప్రచారంలో ఉపయోగించడానికి సిద్ధమైన కంటెంట్‌గా మార్చడం మరింత సులభమైతేనే ఇది సాధ్యమవుతుంది. OpenAI మోడల్స్, ఇమేజ్ జనరేషన్ నిరంతరం మెరుగుపడుతుండటంతో Pollo AI దీన్ని అందించగలుగుతోంది.

“కంటెంట్ సృష్టిలో AI తెస్తున్న మార్పు కొన్ని రకాల ప్రోడక్ట్‌లకు అనుకూలంగా ఉంటుందని మేం భావిస్తున్నాం. మెరుగైన ఆకృతులు, తక్కువ ప్రయోగాలు, మోడల్స్‌ను ఉపయోగించేందుకు సరళమైన పనివిధానంతో మొదటి నుంచీ నిలకడగా కంటెంట్‌ను సృష్టించగలిగేలా చేసే ప్రోడక్ట్‌లకే ఆ ప్రయోజనం దక్కుతుంది,” అని ఆయన అంటారు.