ಪಾರದರ್ಶಕತೆ ಮತ್ತು ವಿಷಯ ಮಾಡರೇಶನ್
ನಮ್ಮ ಉತ್ಪನ್ನಗಳ ಸುರಕ್ಷಿತ ಮತ್ತು ಜವಾಬ್ದಾರಿಯುತ ಬಳಕೆಯನ್ನು ಉತ್ತೇಜಿಸಲು, ಕಾನೂನನ್ನು ಅಥವಾ ನಮ್ಮ ನಿಯಮಗಳು ಮತ್ತು ನೀತಿಗಳನ್ನು ಉಲ್ಲಂಘಿಸಬಹುದಾದ ವಿಷಯವನ್ನು ನಿರ್ವಹಿಸಲು ನಾವು ವಿವಿಧ ಕಾರ್ಯವಿಧಾನಗಳು ಮತ್ತು ಸಾಧನಗಳನ್ನು ಬಳಸುತ್ತೇವೆ.
ನಮ್ಮ ಸೇವೆಗಳಲ್ಲಿನ ಚಟುವಟಿಕೆಯನ್ನು ಮೇಲ್ವಿಚಾರಣೆ ಮಾಡಲು, ನಮ್ಮ ಪ್ರೈವಸಿ ಪಾಲಿಸಿಗೆ ಅನುಗುಣವಾಗಿ ಸ್ವಯಂಚಾಲಿತ ತಂತ್ರಜ್ಞಾನಗಳು ಮತ್ತು ಮಾನವ ಪರಿಶೀಲನೆಯ ಸಂಯೋಜನೆಯನ್ನು ನಾವು ಬಳಸುತ್ತೇವೆ. ನಮ್ಮ ವಿಧಾನಗಳಲ್ಲಿ ಇವು ಸೇರಿವೆ:
ಪೂರ್ವಭಾವಿ ಪತ್ತೆ: ನಮ್ಮ ನಿಯಮಗಳು ಅಥವಾ ನೀತಿಗಳನ್ನು ಉಲ್ಲಂಘಿಸಬಹುದಾದ ವಿಷಯವನ್ನು ಗುರುತಿಸಲು ನಾವು ವರ್ಗೀಕರಣಕಾರರು, ರೀಜನಿಂಗ್ ಮಾಡೆಲ್‌ಗಳು, ಹ್ಯಾಶ್-ಮ್ಯಾಚಿಂಗ್, ನಿರ್ಬಂಧಪಟ್ಟಿಗಳು ಮತ್ತು ಇತರ ಸ್ವಯಂಚಾಲಿತ ವ್ಯವಸ್ಥೆಗಳನ್ನು ಬಳಸುತ್ತೇವೆ.
ಬಳಕೆದಾರರ ವರದಿಗಳು: ವಿಷಯಕ್ಕೆ ಸಂಬಂಧಿಸಿದ ಉಲ್ಲಂಘನೆಗಳ ಕುರಿತ ಬಾಹ್ಯ ಸೂಚನೆಗಳು ಮತ್ತು ಬಳಕೆದಾರರ ವರದಿಗಳಿಗೆ ನಾವು ಪ್ರತಿಕ್ರಿಯಿಸುತ್ತೇವೆ. ಉಲ್ಲಂಘನೆಯನ್ನು ಹೇಗೆ ವರದಿ ಮಾಡಬಹುದೆಂಬ ಬಗ್ಗೆ ಮಾಹಿತಿ ಇಲ್ಲಿ(ಹೊಸ ಕಿಟಕಿಯಲ್ಲಿ ತೆರೆಯುತ್ತದೆ) ಲಭ್ಯ ಇದೆ. ಬಾಹ್ಯ ಸೂಚನೆಗಳು ಮತ್ತು ಬಳಕೆದಾರರ ವರದಿಗಳನ್ನು ಸಾಧ್ಯವಾದಷ್ಟು ಬೇಗ ಪರಿಶೀಲಿಸುವ ಗುರಿ ನಮ್ಮದು. ನಿಮ್ಮ ವರದಿಯ ಆಧಾರದ ಮೇಲೆ ನಾವು ನಿಯಮ ಜಾರಿ ಕ್ರಮ ಕೈಗೊಳ್ಳುತ್ತೇವೆಯೇ ಎಂಬುದನ್ನು ಸೂಕ್ತ ಸಂದರ್ಭಗಳಲ್ಲಿ ನಿಮಗೆ ತಿಳಿಸುತ್ತೇವೆ.
ಮಾನವ ಪರಿಶೀಲನೆ: ಸೂಕ್ತ ಕ್ರಮಗಳನ್ನು ನಿರ್ಧರಿಸಲು ನಮ್ಮ ತಂಡವು ಗುರುತಿಸಲಾದ ವಿಷಯವನ್ನು ಪರಿಶೀಲಿಸಬಹುದು.
ನಮ್ಮ ನಿಯಮಗಳು ಅಥವಾ ನೀತಿಗಳನ್ನು ಉಲ್ಲಂಘಿಸುವ ವಿಷಯವನ್ನು ನಾವು ಗುರುತಿಸಿದಾಗ, ನಾವು ಈ ರೀತಿಯ ಕ್ರಮಗಳನ್ನು ಕೈಗೊಳ್ಳಬಹುದು:
ಖಾತೆ ನಿರ್ಬಂಧಗಳು: ನಮ್ಮ ಉತ್ಪನ್ನಗಳಿಗೆ ಪ್ರವೇಶವನ್ನು ಕೊನೆಗೊಳಿಸುವುದು ಅಥವಾ ಸೀಮಿತಗೊಳಿಸುವುದು.
ಎಚ್ಚರಿಕೆಗಳು: ಸಂಭಾವ್ಯ ಉಲ್ಲಂಘನೆಗಳು ಮತ್ತು ಅವುಗಳ ಸಂಭವನೀಯ ಪರಿಣಾಮಗಳ ಕುರಿತು ಬಳಕೆದಾರರಿಗೆ ತಿಳಿಸುವುದು.
ವಿಷಯ ಹಂಚಿಕೆಗೆ ನಿರ್ಬಂಧಗಳು: ನಿರ್ದಿಷ್ಟ ವಿಷಯದ ಹಂಚಿಕೆಯನ್ನು ತಡೆಯುವುದು ಅಥವಾ ನಿಷ್ಕ್ರಿಯಗೊಳಿಸುವುದು.
ಹುಡುಕಾಟದ ಫಲಿತಾಂಶಗಳು: ಕೆಲವು ಹುಡುಕಾಟ ಫಲಿತಾಂಶಗಳು ಕಾಣಿಸಿಕೊಳ್ಳುವುದನ್ನು ನಿರ್ಬಂಧಿಸುವುದು.
GPT ಗೋಚರತೆ ನಿಯಂತ್ರಣಗಳು: GPT Storeನಲ್ಲಿನ ಅವುಗಳ ಉಪಸ್ಥಿತಿಯನ್ನೂ ಒಳಗೊಂಡಂತೆ, ನಿರ್ದಿಷ್ಟ GPTಗಳಿಗೆ ಪ್ರವೇಶವನ್ನು ನಿರ್ಬಂಧಿಸುವುದು.
ಫೋರಂ ನಿಯಂತ್ರಣ: ಪೋಸ್ಟ್‌ಗಳನ್ನು ತೆಗೆದುಹಾಕುವುದು ಅಥವಾ OpenAI ಫೋರಂ‌ಗಳಿಗೆ ಪ್ರವೇಶವನ್ನು ನಿರ್ಬಂಧಿಸುವುದು.
ನಿಯಮ ಜಾರಿ ಕ್ರಮಗಳನ್ನು ನಿರ್ಧರಿಸುವಾಗ ನಾವು ಕಾನೂನು ಅವಶ್ಯಕತೆಗಳು, ಉಲ್ಲಂಘನೆಯ ಗಂಭೀರತೆ ಮತ್ತು ಹಿಂದಿನ ಅಥವಾ ಪುನರಾವರ್ತಿತ ಉಲ್ಲಂಘನೆಗಳಂತಹ ಅಂಶಗಳನ್ನು ಪರಿಗಣಿಸುತ್ತೇವೆ.
ನಾವು ನಿಮ್ಮ ವಿಷಯ ಅಥವಾ ಚಟುವಟಿಕೆಯ ಆಧಾರದ ಮೇಲೆ ಜಾರಿ ಕ್ರಮ ಕೈಗೊಂಡರೆ, ನಮ್ಮ ನಿರ್ಧಾರದ ವಿವರಗಳು ಮತ್ತು ಕಾರಣಗಳನ್ನು ನಿಮಗೆ ತಿಳಿಸಬಹುದು. ನಾವು ತಪ್ಪು ಮಾಡಿದ್ದೇವೆ ಎಂದು ನಿಮಗೆ ಅನಿಸಿದರೆ, ನಮ್ಮ ಮೇಲ್ಮನವಿ ಫಾರ್ಮ್ ಮೂಲಕ ನಮ್ಮ ನಿರ್ಧಾರದ ವಿರುದ್ಧ ಮೇಲ್ಮನವಿ ಸಲ್ಲಿಸಬಹುದು.
ನೀವು ಯುಕೆ, ಆಸ್ಟ್ರೇಲಿಯಾ ಅಥವಾ ಬ್ರೆಜಿಲ್‌ನಲ್ಲಿದ್ದರೆ, ನಿಮ್ಮ ನ್ಯಾಯವ್ಯಾಪ್ತಿಯ ನಿಯಮಗಳಿಗೆ ಒಳಪಟ್ಟ ಕ್ರಮಗಳಿಗೆ ಸಂಬಂಧಿಸಿದ ಮೇಲ್ಮನವಿಗಳನ್ನೂ ಸಲ್ಲಿಸಬಹುದು. ಅಂತಹ ಕ್ರಮಗಳ ವಿರುದ್ಧ ನೀವು ಹೇಗೆ ಮೇಲ್ಮನವಿ ಸಲ್ಲಿಸಬಹುದು ಎಂಬ ವಿವರಗಳಿಗಾಗಿ ಕೆಳಗೆ ಲಿಂಕ್ ಮಾಡಲಾದ ಸಂಬಂಧಿತ ವೆಬ್‌ಪುಟಗಳನ್ನು ನೋಡಿ.
ನೀವು ಒದಗಿಸುವ ಯಾವುದೇ ಹೆಚ್ಚುವರಿ ಮಾಹಿತಿಯನ್ನು ಪರಿಗಣಿಸಿ, ನಾವು ಮರುಮೌಲ್ಯಮಾಪನ ಮಾಡಬಹುದು. ನಿಮ್ಮ ಮೇಲ್ಮನವಿ ಯಶಸ್ವಿಯಾದರೆ, ನಾವು ಜಾರಿ ಕ್ರಮವನ್ನು ಹಿಂತೆಗೆದುಕೊಳ್ಳುತ್ತೇವೆ.
ದೂರು ಪ್ರಕ್ರಿಯೆಯ ದುರುಪಯೋಗವು ಕ್ರಮಕ್ಕೆ ಕಾರಣವಾಗಬಹುದು ಎಂಬುದನ್ನು ದಯವಿಟ್ಟು ಗಮನಿಸಿ.
ನಮ್ಮ ಉತ್ಪನ್ನಗಳು ಜಾಗತಿಕವಾಗಿ ವಿಕಸನಗೊಳ್ಳುತ್ತಿದ್ದಂತೆ, ನಮ್ಮ ವಿಧಾನವನ್ನು ಇನ್ನಷ್ಟು ಉತ್ತಮಗೊಳಿಸಲು ನಮ್ಮ ಸಮಗ್ರತೆ ಮತ್ತು ಸುರಕ್ಷತಾ ತಂಡಗಳು ನಮ್ಮ ನೀತಿಗಳು, ಪ್ರಕ್ರಿಯೆಗಳು ಮತ್ತು ಸಾಧನಗಳನ್ನು ನಿರಂತರವಾಗಿ ಮೇಲ್ವಿಚಾರಣೆ ಮಾಡಿ ಪರಿಷ್ಕರಿಸುತ್ತವೆ.
Explore ಫೀಡ್‌ನಲ್ಲಿನ ವಿಷಯಕ್ಕೆ ಹಲವಾರು ಅಂಶಗಳ ಆಧಾರದ ಮೇಲೆ ಆದ್ಯತೆ ನೀಡಲಾಗುತ್ತದೆ, ಅವುಗಳೆಂದರೆ:
ಕಾಲಕ್ರಮ: ಪೋಸ್ಟ್ ಎಷ್ಟು ಇತ್ತೀಚಿನದು ಎಂಬುದು.
ಜನಪ್ರಿಯತೆ: ಇಷ್ಟಗಳ ಸಂಖ್ಯೆ.
ಅನುಪಾಲನೆ: ಕಾನೂನುಗಳು ಅಥವಾ ನಮ್ಮ ನಿಯಮಗಳು ಮತ್ತು ನೀತಿಗಳನ್ನು ಉಲ್ಲಂಘಿಸುವ ವಿಷಯವನ್ನು ತಪ್ಪಿಸುವುದು.
Explore ಫೀಡ್‌ನಲ್ಲಿ ಏನು ಕಾಣಿಸಿಕೊಳ್ಳುತ್ತದೆ ಎಂಬುದನ್ನು ನಿರ್ಧರಿಸಲು ನಾವು ಸ್ವಯಂಚಾಲಿತ ತಂತ್ರಜ್ಞಾನ ಮತ್ತು ಮಾನವ ಪರಿಶೀಲನೆಯನ್ನು ಬಳಸುತ್ತೇವೆ. ಬಳಕೆದಾರರು ತಮ್ಮ ಡೇಟಾ ನಿಯಂತ್ರಣಗಳ(ಹೊಸ ಕಿಟಕಿಯಲ್ಲಿ ತೆರೆಯುತ್ತದೆ) ಮೂಲಕ Explore ಫೀಡ್‌ನಲ್ಲಿ ತಮ್ಮ ವಿಷಯವನ್ನು ಪ್ರಕಟಿಸದಿರಲು ಆಯ್ಕೆ ಮಾಡಬಹುದು.
ಬಳಕೆದಾರರು ChatGPT ಗೆ ವೆಬ್‌ನಲ್ಲಿ ಹುಡುಕಲು ಕೇಳಿದಾಗ ಅಥವಾ ಸಂಬಂಧಿತ ಪ್ರತಿಕ್ರಿಯೆ ನೀಡಲು ChatGPT ವೆಬ್‌ನಲ್ಲಿ ಹುಡುಕಲು ನಿರ್ಧರಿಸಿದಾಗ, ಸಂಭಾಷಣೆಯಲ್ಲಿ ಹುಡುಕಾಟ ಫಲಿತಾಂಶಗಳನ್ನು ಪ್ರದರ್ಶಿಸಬಹುದು.
ಕೆಳಗಿನ ಮಾನದಂಡಗಳ ಆಧಾರದ ಮೇಲೆ ಹುಡುಕಾಟ ಫಲಿತಾಂಶಗಳನ್ನು ಪ್ರದರ್ಶಿಸಲಾಗುತ್ತದೆ:
ಸುಧಾರಿತ ಭಾಷಾ ಮಾಡೆಲ್‌ಗಳು: ಅರ್ಥ, ಉದ್ದೇಶ ಮತ್ತು ಪ್ರಸ್ತುತತೆಯ ಆಧಾರದ ಮೇಲೆ ವಿಷಯವನ್ನು ಮೌಲ್ಯಮಾಪನ ಮಾಡಲು ಬಳಸಲಾಗುತ್ತದೆ. ಹುಡುಕಾಟದ ಪ್ರತಿಕ್ರಿಯೆಗಳು ನಮ್ಮ ನಿಯಮಗಳು ಮತ್ತು ನೀತಿಗಳಿಗೆ ಅನುಗುಣವಾಗಿರುವ ನಿರೀಕ್ಷೆಯಿದೆ.
ಸ್ವಯಂಚಾಲಿತ ವ್ಯವಸ್ಥೆಗಳು: ಬಳಕೆದಾರರ ಉದ್ದೇಶ, ಪ್ರಸ್ತುತತೆ ಮತ್ತು ಇತ್ತೀಚಿನತನದಂತಹ ಅಂಶಗಳನ್ನು ಪರಿಗಣಿಸಿ, ಯಾವ ಫಲಿತಾಂಶಗಳನ್ನು ತೋರಿಸಬೇಕು ಎಂಬುದನ್ನು ನಿರ್ಧರಿಸುತ್ತವೆ.
ಇನ್‌ಲೈನ್ ಉಲ್ಲೇಖಗಳು: ಸಂಬಂಧಿತ ಮೂಲಗಳ ಲಿಂಕ್‌ಗಳನ್ನು ಪ್ರತಿಕ್ರಿಯೆಗಳಲ್ಲಿ ನೇರವಾಗಿ ಸೇರಿಸಲಾಗುತ್ತದೆ.
ಸೈಡ್‌ಬಾರ್ ಮೂಲಗಳು: ನೇರವಾಗಿ ಉಲ್ಲೇಖಿಸದಿದ್ದರೂ, ಹೆಚ್ಚುವರಿ ಸಂಬಂಧಿತ ಸಂಪನ್ಮೂಲಗಳು ಹೆಚ್ಚಿನ ಸಂದರ್ಭವನ್ನು ಒದಗಿಸುತ್ತವೆ. ಮೂರನೇ ವ್ಯಕ್ತಿಯ ಹುಡುಕಾಟ ಪೂರೈಕೆದಾರರನ್ನು ಬಳಸುವಾಗ, ಸೈಡ್‌ಬಾರ್ ಮೂಲಗಳ ಕ್ರಮವು ಆ ಪೂರೈಕೆದಾರರ ಸ್ವಂತ ಶ್ರೇಯಾಂಕ ವ್ಯವಸ್ಥೆಗಳಿಂದ ಪ್ರಭಾವಿತವಾಗಿರುತ್ತದೆ.
ನಮ್ಮ ಸುರಕ್ಷತಾ ಮಾನದಂಡಗಳನ್ನು ಪಾಲಿಸುತ್ತಾ ಉಪಯುಕ್ತ ಮಾಹಿತಿಯನ್ನು ಒದಗಿಸುವ ಗುರಿ ನಮ್ಮದು. ಅಪ್ರಾಪ್ತರನ್ನು ಒಳಗೊಂಡ ಸ್ಪಷ್ಟ ಲೈಂಗಿಕ ವಿಷಯ, ಬಹಿರಂಗಗೊಂಡ ವೈಯಕ್ತಿಕ ಮಾಹಿತಿ ಅಥವಾ ಹಿಂಸಾಚಾರದ ಸೂಚನೆಗಳಂತಹ ಕಾನೂನುಬಾಹಿರ, ಹಾನಿಕಾರಕ ಅಥವಾ ಸೂಕ್ಷ್ಮ ವಿಷಯವನ್ನು ಒಳಗೊಂಡಿರುವ ಕೆಲವು ವೆಬ್‌ಸೈಟ್‌ಗಳಿಗೆ ನಾವು ಲಿಂಕ್ ನೀಡದೇ ಇರಬಹುದು ಅಥವಾ ಅವುಗಳನ್ನು ತೋರಿಸದೇ ಇರಬಹುದು.
ಬಳಕೆದಾರರ ಪ್ರಶ್ನೆಯು ಶಾಪಿಂಗ್ ಮಾಡುವ ಉದ್ದೇಶವನ್ನು ಸೂಚಿಸಿದಾಗ (ಉದಾ., “ನಾನು ನಾಯಿಗೆ ವೇಷಭೂಷಣ ಖರೀದಿಸಲು ನೋಡುತ್ತಿದ್ದೇನೆ”), ChatGPT ಹುಡುಕಾಟವು ಸಂಬಂಧಿತ ಉತ್ಪನ್ನಗಳ ಆಯ್ಕೆಗಳನ್ನು ಪ್ರದರ್ಶಿಸಬಹುದು; ಅವುಗಳ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ಅಥವಾ ಖರೀದಿಸಲು ಲಿಂಕ್‌ಗಳನ್ನೂ ಒದಗಿಸಬಹುದು.
ಉತ್ಪನ್ನಗಳನ್ನು ಈ ಕೆಳಗಿನವುಗಳ ಆಧಾರದ ಮೇಲೆ ಪ್ರದರ್ಶಿಸಲಾಗುತ್ತದೆ:
ಸಂರಚಿತ ಮೆಟಾಡೇಟಾ: ಮೂರನೇ-ಪಕ್ಷದ ಪೂರೈಕೆದಾರರಿಂದ (ಉದಾ., ಬೆಲೆ, ಉತ್ಪನ್ನ ವಿವರಣೆ) ಮತ್ತು ಇತರ ಮೂರನೇ-ಪಕ್ಷದ ವಿಷಯಗಳಿಂದ (ಉದಾ., ವಿಮರ್ಶೆಗಳು).
ಮಾಡೆಲ್ ಪ್ರತಿಕ್ರಿಯೆಗಳು: ಹೊಸ ವೆಬ್ ವಿಷಯವನ್ನು ಪರಿಗಣಿಸುವ ಮೊದಲು ChatGPT ರಚಿಸಿದವು.
ನಮ್ಮ ಸುರಕ್ಷತಾ ಮಾನದಂಡಗಳು: ವಿಷಯವು ನಮ್ಮ ನೀತಿಗಳಿಗೆ ಅನುಗುಣವಾಗಿರುವುದನ್ನು ಖಚಿತಪಡಿಸುವುದು.
ಉತ್ಪನ್ನದ ಫಲಿತಾಂಶಗಳನ್ನು ಹೇಗೆ ಆಯ್ಕೆ ಮಾಡಲಾಗುತ್ತದೆ, ಜೊತೆಯಲ್ಲಿರುವ ವಿವರಣೆಗಳು ಮತ್ತು ಬೆಲೆಗಳು, ಹಾಗೆಯೇ ವ್ಯಾಪಾರಿಗಳನ್ನು ಹೇಗೆ ಆಯ್ಕೆ ಮಾಡಲಾಗುತ್ತದೆ ಎಂಬುದರ ಕುರಿತು ಹೆಚ್ಚಿನ ಮಾಹಿತಿಗಾಗಿ, ChatGPT ಹುಡುಕಾಟದ ಶಾಪಿಂಗ್ ಫಲಿತಾಂಶಗಳು(ಹೊಸ ಕಿಟಕಿಯಲ್ಲಿ ತೆರೆಯುತ್ತದೆ)ಗೆ ಭೇಟಿ ನೀಡಿ.
ಯುಕೆ ಆನ್‌ಲೈನ್ ಸುರಕ್ಷತಾ ಕಾಯ್ದೆ(ಹೊಸ ಕಿಟಕಿಯಲ್ಲಿ ತೆರೆಯುತ್ತದೆ)ಯನ್ನು ನಾವು ಹೇಗೆ ಪಾಲಿಸುತ್ತೇವೆ ಎಂಬುದರ ಕುರಿತು ಹೆಚ್ಚಿನ ಮಾಹಿತಿಗಾಗಿ, ದಯವಿಟ್ಟು ಇಲ್ಲಿ ನೋಡಿ.
ಆಸ್ಟ್ರೇಲಿಯಾದ ಆನ್‌ಲೈನ್ ಸುರಕ್ಷತಾ ಕಾಯಿದೆ(ಹೊಸ ಕಿಟಕಿಯಲ್ಲಿ ತೆರೆಯುತ್ತದೆ)ಯನ್ನು ನಾವು ಹೇಗೆ ಪಾಲಿಸುತ್ತೇವೆ ಎಂಬುದರ ಕುರಿತು ಹೆಚ್ಚಿನ ಮಾಹಿತಿಗಾಗಿ, ದಯವಿಟ್ಟು ಇಲ್ಲಿ ನೋಡಿ.
ಮಕ್ಕಳು ಮತ್ತು ಹದಿಹರೆಯದವರಿಗಾಗಿ ಬ್ರೆಜಿಲ್‌ನ ಡಿಜಿಟಲ್ ಕಾಯ್ದೆ(ಹೊಸ ಕಿಟಕಿಯಲ್ಲಿ ತೆರೆಯುತ್ತದೆ)ಯನ್ನು ನಾವು ಹೇಗೆ ಪಾಲಿಸುತ್ತೇವೆ ಎಂಬುದರ ಕುರಿತು ಹೆಚ್ಚಿನ ಮಾಹಿತಿಗಾಗಿ, ದಯವಿಟ್ಟು ಇಲ್ಲಿ ನೋಡಿ. ನಮ್ಮ ಬ್ರೆಜಿಲಿಯನ್ ಜಾಹೀರಾತುಗಳ ಸಂಗ್ರಹವನ್ನು ಪ್ರವೇಶಿಸಲು, adstransparency.openai.com(ಹೊಸ ಕಿಟಕಿಯಲ್ಲಿ ತೆರೆಯುತ್ತದೆ) ಅನ್ನು ನೋಡಿ.