GPT‑6 Astra: 41 ಡಾಕ್ಯುಮೆಂಟ್‌ಗಳನ್ನು ನಿಮಿಷಗಳಲ್ಲಿ ಪರಿಶೀಲಿಸಿದ Legora

Legora ಕಾನೂನು ಮತ್ತು ವೃತ್ತಿಪರ ಕೆಲಸಕ್ಕಾಗಿ ರೂಪಿಸಲಾದ ಏಜೆಂಟ್ ಆಧಾರಿತ ಕಾರ್ಯಾಚರಣಾ ವ್ಯವಸ್ಥೆಯಾಗಿದೆ. 50 ಕ್ಕೂ ಹೆಚಿನ ಮಾರುಕಟ್ಟೆಗಳಲ್ಲಿ 1,800 ಕ್ಕೂ ಹೆಚ್ಚಿನ ಆಂತರಿಕ ಕಾನೂನು ವಿಭಾಗಗಳು ಮತ್ತು ಕಾನೂನು ಸಂಸ್ಥೆಗಳ 100,000 ಕ್ಕೂ ಹೆಚ್ಚಿನ ವೃತ್ತಿಪರರು ಇದನ್ನು ಬಳಸುತ್ತಾರೆ. ಗ್ರಾಹಕರು ಹೇಗೆ ಕಾರ್ಯನಿರ್ವಹಿಸುತ್ತಾರೆ ಎಂಬುದನ್ನು ಅರ್ಥಮಾಡಿಕೊಳ್ಳಲು ಮತ್ತು ಒಪ್ಪಂದಗಳ ಪರಿಶೀಲನೆಯಿಂದ ಕಾನೂನು ಸಂಶೋಧನೆಯವರೆಗಿನ ಅವರ ಸಮಗ್ರ ಕಾರ್ಯವಿಧಾನಗಳಿಗೆ Legora ವನ್ನು ಹೊಂದಿಸಲು ಅದರ ಕಾನೂನು ಎಂಜಿನಿಯರ್‌ಗಳು ಗ್ರಾಹಕರೊಂದಿಗೆ ನೇರವಾಗಿ ಕೆಲಸ ಮಾಡುತ್ತಾರೆ.

ಹಣಕಾಸು ಹೇಳಿಕೆಗಳ ಹೊಂದಾಣಿಕೆ ಪರಿಶೀಲನೆಯು ಹೆಚ್ಚು ಬೇಸರದ ಕಾರ್ಯವಿಧಾನಗಳಲ್ಲಿ ಒಂದಾಗಿದೆ. ಡ್ರಾಫ್ಟ್ ಲೆಕ್ಕಪತ್ರಗಳ ಪ್ರತಿಯೊಂದು ಅಂಕಿಯನ್ನು ಪರೀಕ್ಷಾ ಶಿಲ್ಕುಗಳು, ಏಕೀಕರಣ ಪಟ್ಟಿ ಮತ್ತು ಹಿಂದಿನ ವರ್ಷದ ಲೆಕ್ಕಪತ್ರಗಳೊಂದಿಗೆ ಹೋಲಿಸಿ, ಪ್ರತಿಯೊಂದು ಅಂಶವೂ ತಾಳೆಯಾಗುವವರೆಗೆ ಪರಿಶೀಲಿಸಬೇಕು. Legora ದ ಕಾನೂನು ಎಂಜಿನಿಯರ್ ಪರ್ಸಿವೇಲ್ ಪರ್ಕ್ಸ್ ಹೇಳುವಂತೆ, ಈ ಕೆಲಸಕ್ಕೆ “ಇಡೀ ಸಂಜೆ, ಕೆಲವೊಮ್ಮೆ ಹಲವು ದಿನಗಳೇ ಬೇಕಾಗಬಹುದು.”

GPT‑6 Astra ಬಳಸಿ, Legora ದ ಏಜೆಂಟ್ ಒಂದೇ ಚಾಲನೆಯಲ್ಲಿ 41 ಡಾಕ್ಯುಮೆಂಟ್‌ಗಳ ಹೊಂದಾಣಿಕೆ ಪರಿಶೀಲನೆಯನ್ನು ಪೂರ್ಣಗೊಳಿಸಿತು. ಏಜೆಂಟ್ ಈ ಕೆಲಸವನ್ನು ನಿಮಿಷಗಳೊಳಗೆ ಮುಗಿಸಿತು ಎಂದು Legora ಹೇಳುತ್ತದೆ. ಅದು ಪ್ರತಿಯೊಂದು ಬ್ಯಾಲೆನ್ಸ್ ಅನ್ನೂ, ಅದರ ಪೂರಕ ಪಟ್ಟಿಯೊಂದಿಗೆ ಹೋಲಿಸಿ, ಮೊತ್ತಗಳಲ್ಲಿನ ವ್ಯತ್ಯಾಸಗಳನ್ನು ಗುರುತಿಸಿ, ಪ್ರತಿಯೊಂದು ಪರಿಶೀಲನೆಯನ್ನೂ ದಾಖಲಿಸಿತು. ಇದರ ಫಲವಾಗಿ, ಕಾನೂನು ವೃತ್ತಿಪರರಿಗೆ ಪರಿಶೀಲಿಸಲು ಪ್ರತಿಯೊಂದು ಪ್ರತ್ಯೇಕ ಅಂಶ ಮತ್ತು ಅಂಕಿಯ ವಿವರವಾದ ದಾಖಲೆ ದೊರೆಯುತ್ತದೆ.

ಸಮಗ್ರ ಹೋಲಿಕೆಯನ್ನು ಏಜೆಂಟ್ ನಿರ್ವಹಿಸಿದರೂ, ಪ್ರತಿಯೊಂದು ಫಲಿತಾಂಶದ ಕುರಿತು ತೀರ್ಮಾನಿಸುವ ಹೊಣೆ ತಜ್ಞರದ್ದೇ ಆಗಿರುತ್ತದೆ. ಮಾನವ ಮೇಲ್ವಿಚಾರಣೆಯನ್ನು ಉಳಿಸಿಕೊಳ್ಳುವ ಈ ವಿಧಾನವು, ಕಾನೂನು ಕೆಲಸದಾಚೆಗೆ ಲೆಕ್ಕಪರಿಶೋಧನೆ, ತೆರಿಗೆ, ಅನುಸರಣೆ ಮತ್ತು ಅಪಾಯ ನಿರ್ವಹಣೆಗೆ Legora ತನ್ನ ಪ್ಲಾಟ್‌ಫಾರ್ಮ್ ಅನ್ನು ವಿಸ್ತರಿಸುವ ರೀತಿಯ ಕೇಂದ್ರಬಿಂದುವಾಗಿದೆ.

ನೈಜ ಬಳಕೆಯ ಸಂದರ್ಭಗಳಿಂದ ಪಡೆದ ಸಮಗ್ರ ಕಾನೂನು ಕಾರ್ಯಗಳಲ್ಲಿನ ಕಾರ್ಯಕ್ಷಮತೆಯನ್ನು ಮಾಪನ ಮಾಡುವ ಏಜೆಂಟಿಕ್ ರೀಜನಿಂಗ್‌ಗಾಗಿ Legora ಮಾನದಂಡವನ್ನು (BAR) ಬಳಸಿ Legora, GPT‑6 Astra ವನ್ನು ಮೌಲ್ಯಮಾಪನ ಮಾಡಿತು. ಈ ಹಣಕಾಸು ಹೇಳಿಕೆಗಳ ಕಾರ್ಯವಿಧಾನದಲ್ಲಿ ಹಿಂದಿನ ಮಾಡೆಲ್‌ಗೆ ಹೋಲಿಸಿದರೆ GPT‑6 Astra ಕಾರ್ಯಕ್ಷಮತೆಯನ್ನು ಸುಮಾರು 40% ಸುಧಾರಿಸಿದೆ ಎಂದು Legora ವರದಿ ಮಾಡಿದೆ. BARನ ಎಲ್ಲಾ ಕಾರ್ಯಗಳಲ್ಲಿ ಸರಾಸರಿ ಸುಧಾರಣೆ ಸುಮಾರು 3% ಆಗಿತ್ತು.

ಹೊಂದಾಣಿಕೆ ಪರಿಶೀಲನೆಯಲ್ಲಿ, ಪರ್ಸಿವೇಲ್ ಅವರು ನಿಖರತೆ, ಸಂಪೂರ್ಣತೆ ಮತ್ತು ವಿಶ್ವಾಸಾರ್ಹತೆ ಎಂದು ವಿವರಿಸುವ ಎಲ್ಲಾ ಅಂಶಗಳಲ್ಲೂ Legora ಸುಧಾರಣೆ ಕಂಡಿತು. ಆದಾಯದ ಟಿಪ್ಪಣಿಯಲ್ಲಿ ಮರೆಮಾಡಿದ್ದ £500,000 ವ್ಯತ್ಯಾಸವೂ ಸೇರಿದಂತೆ, Legora ಲೆಕ್ಕಪತ್ರಗಳಲ್ಲಿ ಉದ್ದೇಶಪೂರ್ವಕವಾಗಿ ಸೇರಿಸಿದ್ದ ನಾಲ್ಕೂ ದೋಷಗಳನ್ನು GPT‑6 Astra ಪತ್ತೆಹಚ್ಚಿತು. ಅದು ಪ್ರತಿಯೊಂದು ಬ್ಯಾಲೆನ್ಸ್ ಅನ್ನೂ, ಅದರ ಪೂರಕ ಪಟ್ಟಿಯೊಂದಿಗೆ ಹೋಲಿಸಿ, ಪ್ರತಿಯೊಂದು ಪರಿಶೀಲನೆಯನ್ನೂ ದಾಖಲಿಸಿತು. ಹಿಂದಿನ ಮಾಡೆಲ್ ಸರಿಯಾಗಿ ನಡೆಸಿದ್ದ ಪ್ರತಿಯೊಂದು ಪರಿಶೀಲನೆಯನ್ನೂ ಅದು ಉಳಿಸಿಕೊಂಡಿದ್ದಲ್ಲದೆ, ಸುಮಾರು 50 ಹೆಚ್ಚುವರಿ ಪರಿಶೀಲನೆಗಳನ್ನು ಪೂರ್ಣಗೊಳಿಸಿತು.

ಇದರಿಂದ ಮೊದಲ ಹಂತದ ಪರಿಶೀಲನೆ ಹೆಚ್ಚು ಸಮಗ್ರವಾಗಿಯೂ ವೇಗವಾಗಿಯೂ ನಡೆಯುತ್ತದೆ ಮತ್ತು ಪರಿಶೀಲನೆಗಾಗಿ ಹೆಚ್ಚು ಸ್ಪಷ್ಟವಾದ ದಾಖಲೆ ಸಿಗುತ್ತದೆ. ಅಂತಿಮ ನಿರ್ಧಾರ ಮಾತ್ರ ಕಾನೂನು ತಜ್ಞರ ಬಳಿಯೇ ಉಳಿಯುತ್ತದೆ.