OpenAI

ChatGPT‑ді жауапкершілікпен пайдалану

ЖИ — зияткерлік еңбекті түбегейлі өзгертіп жатқан жаңа технология. ChatGPT негізіндегі үлкен тілдік модельдер (LLM) адам тіліне ұқсас мәтінді болжау және құрастыру үшін көпшілікке қолжетімді орасан зор көлемдегі мәтіндер мен басқа да деректер арқылы оқытылады. Соның арқасында олар мәтіннің алғашқы нұсқасын жазу, қысқаша мазмұндау, идея ұсыну және сұрақтарға жауап беру сияқты тапсырмаларды орындауға көмектесіп, адамдардың тиімді әрі шығармашылықпен жұмыс істеуіне мүмкіндік береді.

Бұл технология дамып келе жатқандықтан, ЖИ-ді жауапкершілікпен пайдалану маңызды. Бұл модельдер кейде қате ақпарат беруі мүмкін, ал олардың тұжырымдарын ойланбастан қолдану модельдерді дұрыс пайдаланбауға әкелуі мүмкін. OpenAI миссиясы — жалпы жасанды интеллект (AGI) бүкіл адамзатқа пайда әкелуін қамтамасыз ету. Бұл мақсатқа жету үшін әркім оны қауіпсіз әрі саналы түрде қолдануы қажет. Бұл беттегі кеңестер ChatGPT‑ді енді қолдана бастаған кез келген адамға оны қауіпсіз әрі тиімді пайдаланудың үздік тәсілдерін ұстануға көмектеседі.

Жұмыс орныңыздың және OpenAI саясаттарын сақтаңыз. Құралдарымызды жауапкершілікпен пайдалану туралы қосымша нұсқауларды OpenAI компаниясының Пайдалану саясаттарынан⁠ қараңыз. ChatGPT‑ді жұмыста қолдансаңыз, компанияңыздың ережелері басымдыққа ие, сондықтан оны жұмыс үшін пайдаланбас бұрын ұйымыңыздың ЖИ-ге қатысты саясаттарымен танысыңыз.

Маңызды жұмысты адамның бақылауында ұстаңыз. ⁠(жаңа терезеде ашылады)ChatGPT қате ақпарат беруі мүмкін⁠(жаңа терезеде ашылады) немесе оның ақпараты ескірген болуы мүмкін. Өйткені ол жауаптарын өзі оқытылған деректердегі заңдылықтарға сүйеніп құрастырады, ал бұл деректерде ең соңғы ақпарат болмауы немесе қателер болуы мүмкін. Маңызды фактілерді әрдайым сенімді дереккөздерден қайта тексеріңіз және қателерді төмен қаратылған бас бармақ түймесімен белгілеуден тартынбаңыз. 

Біржақтылыққа және ақпараттың қандай көзқарас тұрғысынан берілгеніне назар аударыңыз. ⁠(жаңа терезеде ашылады)Модельдер біржақтылықтан толық арылмаған болуы мүмкін⁠(жаңа терезеде ашылады), сондықтан жауаптарды әрдайым мұқият қарап, қажет кезде тұжырымдарды сыни тұрғыдан бағалаңыз. Біз біржақтылықты азайту жолдарын үздіксіз зерттеп келеміз және осы бағыттағы жұмысты жақсартуға қатысты пікірлеріңізді қуана қабылдаймыз.

Құқықтық, медициналық немесе қаржылық кеңесті маманға тексертіңіз. ChatGPT — лицензиясы бар маман емес, деректердегі заңдылықтарға сүйеніп жауап беретін сұхбаттасуға арналған ЖИ. Ол білікті мамандардың кеңесін алмастыра алмайды. Сондықтан ChatGPT кеңесі сіздің жағдайыңызға әрдайым сәйкес келе бермеуі мүмкін. Денсаулық, құқық немесе қаржы сияқты маңызды мәселелер бойынша шешім қабылдағанда, әрекет етпес бұрын міндетті түрде білікті маманмен кеңесіңіз немесе ұйымыңыздың саясаттарын басшылыққа алыңыз.

ChatGPT қолданғаныңызды ашық айтыңыз. Жұмыс берушіңіз немесе оқу орныңыз жұмысыңызда ЖИ қолданғаныңызды көрсетуді талап етсе, өзгелер ChatGPT‑дің қалай көмектескенін көре алуы үшін әңгіме сілтемелерін⁠(жаңа терезеде ашылады) немесе жазбаларын сақтаңыз.

Өзге адамның дауысын немесе деректерін бөліспес бұрын оның келісімін алыңыз. ⁠(жаңа терезеде ашылады)Аудиожазба режимі⁠(жаңа терезеде ашылады) (жұмыс кеңістігіңіздің әкімшісі қосқан болса) және соған ұқсас функциялар жеке ақпаратты жазып алуы мүмкін. Бұл функцияларды қолданғанда, барлық қатысушының жазба жасауға келісім бергеніне және ұйымыңыздың саясаттарын сақтап отырғаныңызға көз жеткізіңіз.

Пікір білдіріп, саясат талаптарының бұзылғаны туралы хабарлаңыз. Қауіпті немесе қате жауаптарды белгілеу үшін төмен қаратылған бас бармақ түймесін немесе шағым жіберу мүмкіндігін пайдаланыңыз. Сіздің пікіріңіз баршаға қауіпсіздікті арттыруға көмектеседі⁠(жаңа терезеде ашылады).

Өзекті жауап алу үшін іздеуді немесе терең зерттеуді пайдаланыңыз. Ақпараттың жаңалығы маңызды болса, ChatGPT өзекті дереккөздерден ақпарат ала алуы үшін іздеуді⁠(жаңа терезеде ашылады) немесе терең зерттеуді⁠(жаңа терезеде ашылады) қосыңыз. Жауаптарға сүйенбес бұрын көрсетілген дереккөздерді тексеріп, сілтемелерді ашып, мәліметтердің дұрыстығына көз жеткізіңіз.

OpenAI академиясымен білім алуды жалғастырыңыз

Практикалық ЖИ дағдыларын дамытуға көмектесетін қосымша нұсқаулықтар мен ресурстармен танысыңыз.