Leiðarvísir um GPT‑6 líkanafjölskylduna

GPT‑6 er fullkomnasta líkanasafn okkar til þessa og býður upp á úrval líkana fyrir ólík verkefni.

Hvort sem þú ert að breyta hugmynd í virka frumgerð, þróa og prófa nýja virkni eða samhæfa fjölþætt verkferli í kóðageymslum, gagnagrunnum og ytri API-viðmótum, sýnir þessi leiðarvísir hvernig þú velur GPT‑6 líkan, gefur því skýr fyrirmæli, stýrir langvinnum verkefnum og undirbýr rekstur.

• Náðu skilvirkni í rekstri. Notaðu skyndiminni⁠(opnast í nýjum glugga) og þjöppun⁠(opnast í nýjum glugga) til að stýra samhengi og kostnaði. Mældu árangur verkefna og biðtíma og skipuleggðu eftirlit og gagnastýringu.

• Veldu líkan sem hentar verkefnunum. Finndu jafnvægi milli getu, kostnaðar og biðtíma með því að velja líkan, rökadýpt⁠(opnast í nýjum glugga) og hraða sem henta verkefninu.

• Aðlagaðu kvaðningar og færniþætti. Gættu samræmis milli kvaðninga, færniþátta og fyrirmæla í geymslu um hverju líkanið á að skila, hvað það má gera sjálfstætt og hvenær verki telst lokið.

• Haltu langvinnum verkefnum á réttri braut. Notaðu stýringu⁠(opnast í nýjum glugga), ósamstillt verkfæri⁠(opnast í nýjum glugga) og verkaskiptingu⁠(opnast í nýjum glugga) til að takast á við breytingar og sjálfstæða vinnu. Settu skýr viðmið um hvenær líkanið á að leita til þín.

Fyrir gangsetningu er gott að koma á nokkrum prófunum og góðum starfsvenjum.

• Hafðu skilvirkni að leiðarljósi. ⁠(opnast í nýjum glugga)Fjarlægðu óþarft samhengi⁠(opnast í nýjum glugga) en haltu þeim gögnum sem verkefnið þarf. Ef forritið styður það skaltu keyra óháð verkefni samhliða⁠(opnast í nýjum glugga) svo eitt hægt skref tefji ekki ótengda vinnu.

• Endurnýttu sameiginlegt samhengi með kvaðningarskyndiminni⁠(opnast í nýjum glugga) í endurteknum verkefnum. Inntakstókar í skyndiminni kosta allt að 95% minna⁠(opnast í nýjum glugga) en inntakstókar utan þess, eftir því hvaða líkan er notað. Settu föst fyrirmæli og heimildir á undan breytilegum verkefnisupplýsingum og haltu skilgreiningum verkfæra samræmdum. Á mælaborði skyndiminnis⁠(opnast í nýjum glugga) og í greiningarleiðbeiningum⁠(opnast í nýjum glugga) sérðu hvar þessi endurnýting bregst. Reiknaðu með skrifum í skyndiminni og gjöldum fyrir langt samhengi þegar þú metur heildarkostnað verkferlis.

• Í lengri samtölum minnkar þjöppun⁠(opnast í nýjum glugga) samhengið en varðveitir stöðuna sem þarf til að halda áfram.

• Ákveddu hvernig þú ætlar að fylgjast með hegðun⁠(opnast í nýjum glugga) og farðu yfir gagnastýringar⁠(opnast í nýjum glugga) forritsins.

• Prófaðu fyrir gangsetningu: Keyrðu dæmigerð verkefni og mældu árangur, biðtíma og kostnað á hvert vel heppnað verkefni. Skoðaðu gátlistann okkar fyrir gangsetningu með API⁠(opnast í nýjum glugga).

Líttu á val á líkani og rökastigi sem málamiðlun milli greindar og verðs.

• Líkan:

  • GPT‑6 Astra⁠(opnast í nýjum glugga) fyrir erfiðustu verkefnin sem reyna á rök og krefjast hámarksgreindar.

  • GPT‑6.1 Sol⁠(opnast í nýjum glugga) fyrir flókna forritun, rannsóknir og tölvunotkun.

  • GPT‑6 Luna⁠(opnast í nýjum glugga) fyrir afmörkuð verkefni í miklu magni og dagleg, endurtekin verk með skýrt markmið, svo sem að draga út reiti úr reikningum, flokka beiðnir eða búa til skipulagðar samantektir.

Þegar þú metur hvaða líkan hentar verkefninu best skaltu bera saman verð⁠(opnast í nýjum glugga) líkananna.

• Rökastig: Í API-viðmótinu velurðu hversu miklu líkanið ver í að leysa verkefnið.

  • Lágt: Venjubundin verkefni, svo sem að draga út staðreyndir eða gera smávægilegar breytingar.

  • Miðlungs: Verkefni sem krefjast dómgreindar, svo sem að skipuleggja nýja virkni eða bera saman valkosti.

  • Hátt: Erfið villuleit, ítarleg greining eða vandleg yfirferð.

  • Mjög hátt / Max: Prófaðu þar sem það er stutt ef Hátt dugar ekki. Notaðu aðeins áfram ef ávinningurinn réttlætir aukinn tíma og kostnað.

Í API-viðmótinu geturðu breytt rökadýpt í miðju samtali⁠(opnast í nýjum glugga) án þess að rjúfa nýtingu skyndiminnis.

Í Codex skaltu byrja á sjálfgefnu rökastigi líkansins og lækka það síðan fyrir einfaldari verkefni eða hækka fyrir ítarlegri greiningu.

• Hraði:

  • Notaðu Hraðstillingu⁠(opnast í nýjum glugga) í API-viðmótinu þegar svartími skiptir máli, svo sem í spjallforritum eða forritunarverkfærum. Hún veitir styttri og stöðugri svartíma en kostar meira á hvern tóka en hefðbundin vinnsla.

  • Notaðu Ofurhraða⁠(opnast í nýjum glugga) í Codex og API-viðmótinu þegar hraðari svör eru aukakostnaðarins virði, svo sem við hraðar ítranir í forritun. Stillingin flýtir fyrir myndun tóka óháð rökadýpt. Í boði fyrir GPT‑6 Astra⁠(opnast í nýjum glugga).

Byrjaðu á skýrri verkefnislýsingu: tilætluðum árangri, fyrir hverja verkið er, viðeigandi samhengi og takmörkunum og því hvenær verki telst lokið. Farðu síðan yfir þessa fjóra þætti, sem teknir eru saman úr Endurhugsum færniþætti og kvaðningar fyrir GPT‑6 Astra⁠(opnast í nýjum glugga), til að kafa dýpra í uppfærslu fyrirmæla:

• Búðu til betri færniþætti: Hafðu lýsingar stuttar og skýrar um hvenær hver færniþáttur á að keyra. Hladdu aðeins inn viðbótarupplýsingum eftir þörfum og skiptu stífum uppskriftum út fyrir leiðbeiningar sem henta líkönum teymisins.

• Uppfærðu AGENTS.md: Útskýrðu hvenær tiltekin skjöl og prófanir eiga við og heimilaðu örugg, venjubundin verkferli sérstaklega, svo sem staðbundnar prófanir með tímabundnum gögnum og án aðgangs að rekstrarumhverfi.

• Settu ákvörðunum mörk: Tilgreindu hvaða aðgerðir má framkvæma sjálfstætt og hverjar krefjast samþykkis. Settu skýr mörk í stað almennra reglna um að „spyrja alltaf“.

• Gefðu skýr fyrirmæli um þrautseigju: Skilgreindu hvað felst í „lokið“ — að útfæra breytinguna, keyra hana, skoða niðurstöðuna og laga villur — og tilgreindu hvaða ákvarðanir þú þarft að yfirfara.

Frekari leiðbeiningar má finna í góðum starfsvenjum við vinnslu raka⁠(opnast í nýjum glugga).

Hvort sem þú vinnur í Codex eða þróar með API-viðmótinu skaltu tilgreina hvaða ákvarðanir líkanið má taka, hvenær það á að leita til þín og hvernig gagnlegt svar á að vera.

Gefðu líkaninu nægar leiðbeiningar til að halda vinnunni áfram án þess að þurfa að giska þegar mikilvægar ákvarðanir eru teknar. ⁠(opnast í nýjum glugga)Segðu því hvað það má ákveða og hvenær það á að leita til þín⁠(opnast í nýjum glugga). Það má til dæmis velja uppbyggingu samantektar en ætti að ráðfæra sig við þig áður en það breytir umfangi verkefnisins. ⁠(opnast í nýjum glugga)Lýstu því hvernig gagnlegt svar á að vera⁠(opnast í nýjum glugga), til dæmis á einföldu máli, með tæknilegum atriðum sem henta viðtakendum og stuttri skilagrein um hvað breyttist, hvað var prófað og hvað þarf enn að skoða.

Með GPT‑6 líkanafjölskyldunni geturðu nú tekist á við verkefni sem taka klukkustundir eða daga. Notaðu eftirfarandi eiginleika til að stýra fulltrúum betur í langvinnum verkefnum.

Notaðu stýringu, ósamstillt verkfæri og samhliða vinnslu í API-viðmótinu til að halda langvinnum verkefnum gangandi.

• Uppfærðu fyrirmæli meðan á keyrslu stendur: Með stýringu í miðri umferð⁠(opnast í nýjum glugga) geturðu sent leiðréttingu um Responses WebSocket API⁠(opnast í nýjum glugga) meðan líkanið vinnur. Uppfærslur fara í biðröð; þær stöðva ekki verkfæri í keyrslu og afturkalla ekki aðgerðir sem er lokið.

• Haltu áfram að vinna meðan verkfæri keyrir: Ósamstillt verkfæraköll⁠(opnast í nýjum glugga) gera líkaninu kleift að halda áfram óháðri vinnu meðan forritið þitt sinnir hægara verkefni, svo sem prófunum. Forritið skilar niðurstöðunni þegar hún er tilbúin. Bíddu eftir þeirri niðurstöðu áður en þú byrjar á vinnu sem er háð henni.

• Úthlutaðu óháðum undirverkefnum: GPT‑6.1 Sol styður verkferli með mörgum fulltrúum í Responses API⁠(opnast í nýjum glugga). Það getur úthlutað undirfulltrúum óháðum verkefnum, svo sem að rannsaka ólíka hluta kóðasafns, og sameinað niðurstöður þeirra í lokasvar. Vinnsla með mörgum fulltrúum er nú í beta-prófun.

Í langvinnum verkefnum getur þurft að taka ákvarðanir sem þú gast ekki endilega séð fyrir í upphaflegu kvaðningunni. Notaðu skýringar og stýringu til að halda vinnunni á réttri braut.

• Svaraðu spurningum eftir því sem verkinu miðar áfram: Með GPT‑6 Astra getur Codex beðið um skýringar meðan það vinnur⁠(opnast í nýjum glugga). Svaraðu spurningum sem hafa áhrif á næsta skref og tilgreindu hvaða óháðu vinnu má halda áfram meðan þú tekur ákvörðun. Ef þú verður ekki tiltækur skaltu segja Codex hvaða verkefni mega halda áfram og hvenær það á að bíða eftir svari frá þér.

• Breyttu stefnu þegar kröfur breytast: Stýrðu verkefninu sem er í gangi⁠(opnast í nýjum glugga) með nýjum upplýsingum og útskýrðu hvað á að breytast og hvað á að haldast óbreytt. Þannig má forðast að eyða meiri tíma í nálgun sem uppfyllir ekki lengur þarfir þínar.

Tölvunotkun⁠(opnast í nýjum glugga) gerir GPT‑6 Astra, GPT‑6.1 Sol og GPT‑6 Luna kleift að vinna beint á vefsíðum og í skjáborðsforritum, jafnvel forritum án API-viðmóts. Þú getur til dæmis beðið líkanið að rannsaka villu, laga kóðann og opna vöruna þína í vafra til að athuga hvort lagfæringin virki.

Veldu einföldustu áreiðanlegu leiðina í hverju skrefi:

• Notaðu API-viðmót eða tengt verkfæri þegar það getur unnið verkið beint.

• Notaðu tölvunotkun þegar líkanið þarf að lesa af skjá, smella á hnappa eða fylla út eyðublað fyrir þig.

Ef þú ert að bæta tölvunotkun við eigið forrit skaltu gefa líkaninu verkfæri sem getur keyrt kóða til að stýra vafra eða skjáborði. Playwright vinnur með vöfrum⁠(opnast í nýjum glugga); PyAutoGUI vinnur með skjáborðsforritum.