AT&T endurhugsar innra lögfræðistarf með OpenAI
AT&T byggir á starfi LegalEdge til að kanna nýjar leiðir til að styðja við lögfræðiteymi sitt.
Á lögfræðisviði AT&T starfa hundruð lögmanna og annarra sérfræðinga í lögfræði víða um heim. Áður en þau geta veitt fyrirtækinu ráðgjöf þurfa þau að safna saman staðreyndum, skjölum og viðeigandi gögnum úr fyrri verkefnum. Til þess þurfa þau oft að leita til sérfræðinga í ólíkum teymum. David McAtee, æðsti aðstoðarforstjóri og yfirlögfræðingur AT&T, telur að greiðara aðgengi að þessari reynslu sé lykillinn að því að bæta starf sviðsins.
AT&T vinnur með OpenAI að því að undirbúa næsta áfanga. „Samstarfið við OpenAI mun gera okkur kleift að byggja upp innviði sem halda utan um þekkingu um allt fyrirtækið og sem við munum öll nýta okkur,“ segir McAtee.
Samstarfið byggir á LegalEdge, teymi hjá AT&T skipuðu lögmönnum, öðrum sérfræðingum í lögfræði, tæknisérfræðingum og verkefnastjórum sem einbeitir sér að því að nýta gervigreind í umfangsmiklum lögfræðimálum. Næsta skref er að nýta betur þá sérþekkingu sem hefur safnast upp innan fyrirtækisins í þeim verkefnum sem berast á borð lögfræðinga.
Erindi berast úr öllum deildum fyrirtækisins og lögfræðiteymin þurfa að bregðast hratt við án þess að líta fram hjá áhættu. Áður en þau geta veitt ráðgjöf þurfa þau að átta sig á málinu, afla nauðsynlegra bakgrunnsupplýsinga og ákveða hvað þarf að sinna fyrst. Því gegnir móttaka erinda lykilhlutverki í að vernda hagsmuni fyrirtækisins. Bill Ryan, yfirmaður regluvörslu hjá AT&T, lýsir einu fyrirhuguðu verkefni sem móttökukerfi með „inngangi þar sem við tökum á móti erindum á mæltu máli“. Kerfið myndi flokka erindi og forgangsraða þeim, tengja þau við viðeigandi fordæmi, rannsóknir og fyrri verkefni og veita lögfræðingnum sem fer með málið sögulegt samhengi og tillögur að fyrstu skrefum.
Þannig hefðu lögfræðingar betri upplýsingar í upphafi og þyrftu að verja minni tíma í að safna gögnum til að meta mál. Ryan sér tækifæri til að hjálpa sviðinu að nýta faglegt mat sitt til að sinna fleiri þörfum fyrirtækisins.
„Það sem mér finnst mest spennandi við framtíðina er að auka getu okkar til að veita faglegt lögfræðilegt mat í fleiri málum,“ segir hann.
Fyrir McAtee er leiðarljósið í þessari vinnu áfram skýrt: „Ákvarðanataka verður alltaf í höndum lögfræðinganna.“ Markmið samstarfsins er að veita greiðari aðgang að betri upplýsingum svo lögfræðingarnir geti varið meiri tíma í að beita sérþekkingu sinni.
Horfðu á McAtee og Ryan ræða LegalEdge og næsta áfanga í lögfræðistörfum AT&T með OpenAI.
