Կիբեր պաշտպանությանն ուղղված համատեղ գործողությունների կոչ

Կիբերպաշտպանությունն անմիջապես դարձնել ղեկավարության առաջնահերթություն։ Բարձրացնել անվտանգության չափանիշները և ապահովել դրանց կատարումն այնպիսի հրատապությամբ ու համակարգմամբ, ինչպիսին պահանջում է միջադեպը, որը գերակա է ամեն ինչից՝ բացի կենսական գործառնություններից։ Շտկել ամենաբարձր ռիսկով թերությունները, ստուգել արդյունքները՝ առանց կենսական ծառայությունները խափանելու, և բարձրացնել գնվող, ստեղծվող ու ներդրվող լուծումների, այդ թվում՝ ԱԲ-ի ստեղծած կոդի անվտանգության պահանջները։ Արդիականացնել կամ փոխարինել համակարգերը՝ ներդնելով նվազագույն արտոնությունների սկզբունքը, հասանելիության խիստ վերահսկողությունը և բազմաշերտ պաշտպանությունը։ Լայն ընդգրկման համար օգտագործել արդյունավետ և ավելի մատչելի մոդելներ, իսկ ամենաբարդ խնդիրների համար՝ առաջադեմ հնարավորություններ։ Եթե համակարգը հնարավոր չէ շտկել առանց կենսական ծառայությունները խափանելու, կիրառել և ստուգել փոխհատուցող վերահսկման միջոցներ։

Առաջատար դեր ստանձնել ԱԲ-ով իրականացվող շարունակական հարձակումներից պաշտպանության գործում՝ այդ թվում պաշտպանական միջոցները մշտապես փորձարկելով առաջադեմ կիբերհնարավորությունների դեմ, ԱԲ-ով ուժեղացնելով գործող գործիքները և տեխնոլոգիական գործընկերների հետ անհապաղ վերացնելով բացերը։ Կարևոր ենթակառուցվածքների օպերատորների համար ԱԲ-ով հզորացված պաշտպանությունը հասանելի և գործնականում կիրառելի դարձնել, գործնական աջակցություն տրամադրել գործիքների ներդրման ու շտկումների ստուգման հարցում և կարևոր ենթակառուցվածքների մատակարարման շղթայի արտադրողների ու համակարգային ինտեգրողների հետ համագործակցել՝ շտկումներ կատարելու և ժամանակավոր ուղեցույցներ հրապարակելու համար։ Կիսվել սպառնալիքային հետախուզական տվյալներով և փորձարկված գործնական ուղեցույցներով, իսկ առաջընթացը չափել պաշտպանված կազմակերպությունների թվով, հարձակումները զսպելու արագությամբ և շտկումների արդյունավետությամբ։

Տեղական, ազգային և միջազգային մակարդակներում համակարգել կիբերպաշտպանությունը։ Ամրապնդել կառավարության և ոլորտի միջև առկա կապուղիները՝ գործնականում կիրառելի սպառնալիքային հետախուզական տվյալներով կիսվելու, ամենալուրջ ռիսկերը առաջնահերթ դարձնելու և ամբողջ աշխարհում միջադեպերին արձագանքումն ու վերականգնումը համակարգելու համար։ Ֆինանսավորել կիբերպաշտպանությունը՝ սկսելով այն կենսական ծառայություններից, որոնք գործելու համար չունեն բավարար անձնակազմ կամ բյուջե։ Արագացնել վստահելի հասանելիության ծրագրերի ընդլայնումը, հատկապես կարևոր ենթակառուցվածքների մատակարարման շղթաներում, և պաշտպանական կարողություններն ավելի հասանելի դարձնել այլ պաշտպանների համար։ Վստահելի անվտանգության մատակարարների և գործընկերների միջոցով հիվանդանոցներին, ջրամատակարարման ծառայություններին և տեղական ինքնակառավարման մարմիններին հասանելի դարձնել արդյունավետ պաշտպանական ԱԲ, թույլատրված փորձարկումներ և գործնական աջակցություն։ Հարձակվողներին ստիպել գին վճարել։

Մոդելները պատասխանատու կերպով հասանելի դարձնել, ապահովել զգալի ֆինանսավորում, ուսուցում և գործնական աջակցություն, հատկապես սահմանափակ ռեսուրսներ ունեցող կարևոր ենթակառուցվածքները պաշտպանողներին։ Ստեղծել տեսանելիության և անվտանգության գործիքներ, ապահովել ագնտների ինքնությունների հետագծելիությունն ու հաշվետվողականությունը և տարածել շարունակական մշտադիտարկման լավագույն գործելակերպը։ Ներդրումներ կատարել թույլատրված փորձարկումների, ոչ հրապարակային ծանուցումների և ստուգված շտկումների մեջ, ինչպես նաև կառավարությունների, անվտանգության գործընկերների և բաց կոդով նախագծերի պատասխանատուների հետ կիսվել գործիքներով, գործնական ուղեցույցներով ու սպառնալիքների արժանահավատ գնահատումներով՝ պատրաստվածությունը, արձագանքման և վերականգնման կարողություններն ամրապնդելու համար։