አዲስ የኢንተርፕራይዝ ኤ.አይ ምዕራፍ እየተጀመረ ነው።
ባለፉት ሁለት ዓመታት ውስጥ፣ ዋናው ትኩረት በቴክኖሎጂው ፍጥነት ላይ ነበር፦ አዲስ ሞዴሎች፣ አዲስ ብቃቶች፣ አዲስ ግኝቶች እና ኤ.አይ ምን ሊያደርግ እንደሚችል የሚያሳዩ ማሳያዎች። ያ ምዕራፍ አስፈላጊ ነበር። ነገር ግን ይህ ሁኔታ በመረጃው ዓለም ላይ ቴክኒካዊ ዝማኔዎች፣ የምርት ዜናዎች እና የደረጃ መለኪያ አፈጻጸሞች ብቻ የበላይነት እንዲኖራቸው ያደረገ ሲሆን እነዚህ ነገሮች ግን አሁን ላይ ለአቀባበል እና ለእሴት እንቅፋቶች አይደሉም።
ለአመራሮች ወሳኙ ጥያቄ ኤ.አይ ምን ሊያደርግ ይችላል የሚለው ሳይሆን፣ ያንን ብቃት እንዴት ወደ ተጨባጭ የሥራ ክንውን ለውጥ መቀየር ይቻላል የሚለው ነው፦ የተሻሉ ውሳኔዎች፣ ፈጣን የሥራ ፍሰቶች፣ ጠንካራ አፈጻጸም፣ አዲስ የአጠቃቀም ስልቶች እና በመጨረሻም አዲስ የንግድ ሞዴሎች።
ያ ለውጥ የተለየ ዓይነት ቻናል ያስፈልጓል።
ለዚህም ነው በስራ ቦታ ላይ ስላለው የኤ.አይ ተግባራዊ እውነታዎች ላይ የሚያተኩረውን አዲሱን የOpenAI የንግድ ጦማር አቀባበል ቻናልን የምንጀምረው፣ የዚህ ቻናል ትኩረት፦ ስኬታማ ድርጅቶች አቀባበልን እንዴት እንደሚያስፋፉ፣ ከተጠቃሚያቸው ጋር እምነትን እንዴት እንደሚገነቡ፣ የሥራ ሂደቶችን እንዴት እንደሚቀይሩ እና ዘላቂ የሆነ ብልጫን እንዴት እንደሚፈጥሩ።
ይህ ቻናል ያንን የሽግግር ወቅት ለሚያስሱ አመራሮች የተዘጋጀ ነው፦ የሥራ አስፈፃሚ ደረጃ ኃላፊዎች (C Level)፣ የኤ.አይ ኃላፊዎች፣ የለውጥ እና የቴክኖሎጂ አቀባበል አመራሮች እንዲሁም ኢንተርፕራይዞች ከኤ.አይ-ለተቆራኘው ዓለም ጋር ራሳቸውን እንዲያላምዱ ለሚረዱ ኦፕሬተሮች እና አማካሪዎች።
- ኤ.አይ የት ቦታ እሴት እንደሚፈጥር እና "ጥሩ" ምን እንደሚመስል፦ ኤ.አይ ትርጉም ያለው የንግድ እሴት ከየት እንደሚያመጣ፣ መሪዎች ዕድሎችን እንዴት መገምገም እንዳለባቸው እና ጠንካራ አፈጻጸም በተግባር ምን እንደሚመስል ላይ ግልጽ የሆነ አስተሳሰብ።
- ድርጅቶች ኤ.አይን እንዴት በተሳካ ሁኔታ እንደሚያስፉፉ፦ የቴክኖሎጂ አቀባበል ስርጭት እንዲቀላጠፍ ስለሚረዱ ነገሮች፣ እንዲዘገይ ስለሚያደርጉ ምክንያቶች እና ግንባር ቀደም ድርጅቶች ከሙከራ ደረጃ ወጥተው ወደ እውነተኛ የአሠራር ለውጥ እንዴት እንደሚሸጋገሩ የሚጠቁሙ ተግባራዊ ግንዛቤዎች።
- ኤ.አይ የአሠራር ሞዴሎችን እና የሥራ ሚናዎችን እንዴት እንደሚቀይር፦ ኤ.አይ የዕለት-ተዕለት ሥራ አካል ሲሆን ምን ዓይነት ለውጦች እንደሚመጡ፦ የሥራ ኃላፊነቶች እንዴት እንደሚሸጋገሩ፣ መሪዎች አመራራቸውን እንዴት በተለየ መንገድ እንደሚከውኑ እንዲሁም ድርጅቶች ለእምነት፣ ለቁጥጥር እና ለብቃት ሲሉ አወቃቀራቸውን እንዴት ዲዛይን እንደሚያደርጉ።
- በኤ.አይ ገበያ ውስጥ የትኛው ዘላቂው የትኛውስ ደግሞ አላፊ ዝና እንደሆነ፦ የትኛው አስፈላጊ እንደሆነ፣ የትኛው ጫጫታ እንደሆነ እና የትኞቹ እድገቶች የኢንተርፕራይዞችን ውሳኔ በዘላቂነት ሊቀርጹ እንደሚችሉ የሚዳስስ ተጨባጭ እይታ።
- በኢንተርፕራይዝ እውነታዎች ላይ የተመሰረቱ አቀባዊ እይታዎች፦ ለእውነተኛ ገደቦች፣ ለሥርዓቶች፣ ለሥራ ፍሰቶች እና ለቁጥጥር አካባቢዎች ትኩረት በመስጠት እነዚህ ጥያቄዎች በተለያዩ የኢንዱስትሪ ዘርፎች ውስጥ እንዴት በተለየ መልኩ እንደሚተገበሩ።
ለዚህም፣ ከዘርፉ የተገኙ ማዕቀፎችን፣ የውሳኔ መመዘኛዎችን፣ የአሠራር ንድፎችን እና ምሳሌዎችን በጥልቀት እናስሳለን እንዲሁም እናጋራለን። ከሁሉ በላይ ደግሞ፣ ግንባር ቀደም ድርጅቶች ምን የተለየ ነገር እያደረጉ እንደሆነ የሚያሳዩ ተጨባጭ ማብራሪያዎችን እናጋራለን። የኛ ግብ ኤ.አይ ወዴት እየሄደ እንደሆነ መግለጽ ብቻ ሳይሆን፣ መሪዎች ቀጥሎ ምን ማድረግ እንዳለባቸው እንዲወስኑ መርዳት ነው።
ጽሁፋችንን ቀጥተኛ፣ ጥብቅ እና ጠቃሚ እናደርጓለን፦ ለሥራ አአስፈጻሚዎች ለማንበብ አጭር የሆኑ፣ ውሳኔ ለመስጠት የሚያስችል በቂ ይዘት ያላቸው እና በተግባራዊ አተገባበር እውነታዎች ላይ የተመሰረቱ ናቸው።
በዚህ ዘርፍ ውስጥ እየገነቡ፣ የአሠራር ሞዴሎችን እየቀረጹ ወይም አቀባበልን እየመሩ ከሆነ፣ ይህንን ግብዓት ዲዛይን ያደረግነው ለእርስዎ ነው። ኤ.አይ የሥራ ሁኔታን በፍጥነት እየቀየረ ሲሆን ግባችንም አመራሮች ያንን ለውጥ በግልጽነት እና በልበ ሙሉነት እንዲመሩ መርዳት ነው።
ወደ አቀባበል ዜና እንኳን በደህና መጡ። የብልጫዎን መሠረት ለመገንባት እኛን ይከተሉ።
