አነስተኛ ንግድን በChatGPT ወደ ትልቅ ደረጃ ማሳደግ
ዴሪክ እና ላሪሳ ጌተር አነስተኛ ንግዳቸውን ወደ ግዙፍ የመዝናኛ ድርጅት ለማሳደግ ChatGPTን እየተጠቀሙ ነው።
«ለብዙ ዓመታት ትልልቅ ሕልሞች ነበሩን። ከChatGPT በፊት ሊሳኩ ይችላሉ ብዬ አላስብም ነበር። አሁን ሁሉም ነገር ይቻላል።»
Big Airን መገንባት
ከአሥራ አንድ ዓመት በፊት ዴሪክ እና ላሪሳ ጌተር ATV Big Air Tour የተባለውን ተዘዋዋሪ የATV ድንቅ ትርዒት ፈጠሩ። በአነስተኛ ክልላዊ ቡድንነት ጀምረው በፍጥነት በአገሪቱ ካሉት እጅግ ስኬታማ የሞተር ስፖርት ጉብኝቶች አንዱ ሆኑ።
ንግዳቸውን ማሳደጋቸውን መቀጠል ፈልገው ነበር፤ ትልቁ ፈተናቸው ግን የሚሠራው ሥራ ብዙ፣ የሰው ኃይላቸው ደግሞ አነስተኛ መሆኑ ነበር። ሦስት ትናንሽ ሴት ልጆችን እያሳደጉ፣ የትርዒቱን ሎጂስቲክስና አነስተኛ ንግድ የማስተዳደር ቢሮ ሥራዎችን በአንድ ጊዜ ያከናውኑ ነበር። በአብዛኞቹ የትርዒት ቀናት ሥራውን ለማዳረስ ብቻ እስከ ንጋቱ 9 ሰዓት ይሠሩ ነበር።
ChatGPT ዴሪክ የአካባቢውን ታዋቂ ሥፍራዎችና አዝናኝ መረጃዎች የሚያጎሉ የአቅራቢ ጽሑፎችን ለእያንዳንዱ ትርዒት እንዲጽፍ ይረዳዋል።
ላሪሳ በትርዒት ቀናት የChatGPT የድምጽ ሁነታን እንደ የግል ረዳቷ ትጠቀማለች።
ዴሪክ እና ላሪሳ የአሽከርካሪዎችን መርሐ ግብር በChatGPT ይከታተላሉ።
ጉብኝቱን በእጅጉ ማጠናከር
ዴሪክ እና ላሪሳ ChatGPTን በ2023 ያገኙት ሲሆን፣ ብዙም ሳይቆይ በመላው ንግዳቸው መጠቀም ጀመሩ። አሁን ChatGPTን የግብይት ዕቅዶችን፣ የማኅበራዊ ሚዲያ ስልቶችን፣ የደንበኛ ሪፖርቶችን፣ የጉብኝት መርሐ ግብሮችንና የመሣሪያ ክምችት ሪፖርቶችን ለማዘጋጀት ይጠቀሙበታል።
በትርዒት ቀናት በቦታው ላይም ChatGPTን ይጠቀማሉ። የድምፅ ማጉያዎቻቸውንና መድረኩን ለማዘጋጀት እንደ ድምፅ መሐንዲስ፣ የመሣሪያ ችግሮችን ለመፍታትም እንደ መካኒክ ይጠቀሙበታል። ChatGPT ዴሪክ ከአካባቢው ታዳሚዎች ጋር በተሻለ እንዲገናኝ ለእያንዳንዱ ትርዒት የተበጁ ጽሑፎችን እንዲያዘጋጅ ይረዳዋል፤ ላሪሳም ስጦታዎችንና ሸቀጦችን እንድትከታተል ያግዛታል።
«ChatGPT ነገሮችን እያቀለለልን ነው። በተለምዶ ሁለት ሳምንት የሚፈጅብንን ሥራ በአንድ ጠዋት አጠናቀናል።»
የድምፅ ምሕንድስና
የደንበኛ ማጠቃለያ ሪፖርት
የግብይት ዕቅድ
ChatGPT በጉዞ ላይ ሳሉም ንግዳቸው እንዲቀጥል ይረዳቸዋል፤ የዕለቱን እቅድ ያዘጋጃል፣ ከደንበኞች ጋር ያላቸውን ግንኙነት ይከታተላል፣ የስፖንሰርነት ዕድሎችን ይገመግማል፣ ችግሮችንም በወቅቱ ይፈታል። በዚህም እነሱ ከሁሉ የተሻለ ትርዒት በማቅረብ ላይ እንዲያተኩሩ ያስችላቸዋል። በሚሊዮኖች ዶላር የሚተመኑ የመዝናኛ ድርጅቶችን ለሚፎካከር አነስተኛ ንግድ ይህ ተለዋዋጭነት ወሳኝ ነው።
«በጉዞ ላይ ስትሆን ነገሮችን እንደመጡ መቀበልን መማር አለብህ። ትርዒቱ ሊጀምር ጥቂት ሲቀረው ማንኛውም ነገር ሊያጋጥም ይችላል፤ አቅጣጫህን ቀይረህ እንዴት እንደምታሳካው መፍትሔ መፈለግ አለብህ።»
ATV Big Air Tour የሞተር ስፖርትን ከፍተኛ ጉልበት ለቤተሰብ ምቹ ከሆነ ድባብ ጋር ያዋህዳል።
ዴሪክ ChatGPTን እንደ ተንቀሳቃሽ የድምፅ መሐንዲስ ይጠቀማል።
ትርዒቱ የስበት ኃይልን የሚገዳደሩ የATV እና የሞቶክሮስ ድንቅ ትርዒቶችን ለአንድ ሰዓት በመላው አገሪቱ ለሚካሄዱ ዝግጅቶች ያቀርባል።
«ሥራ ፈጣሪ መሆን ያሰብከውን ነገር እውን ማድረግ ስለሚያስችልህ ታላቅ ነፃነት ይሰጣል።»
የላቀ ሕልም ማለም
ChatGPT ባስመለሰላቸው ጊዜ፣ ዴሪክ እና ላሪሳ አሁን በቀጣዩ ግባቸው ላይ እያተኮሩ ነው፤ አምፊቲያትሮችንና ስታዲየሞችን በደጋፊዎች የሚሞሉ ራሳቸውን የቻሉ የATV Big Air Tour ዝግጅቶችን መፍጠር። በተቻለ መጠን ብዙ ሰዎችን መድረስና ሦስቱን ትናንሽ ሴት ልጆቻቸውን ጨምሮ ቀጣዩን የATV አሽከርካሪዎችና ሥራ ፈጣሪዎች ትውልድ ማነሳሳት ይፈልጋሉ።
የጌተር ቤተሰብ ንግዳቸውን ሙሉ በሙሉ ቤተሰብን በማሰብ ገንብተዋል። ልጆቻቸው ሲያድጉም፣ ለመድፈር ፈቃደኛ ከሆኑ ማንኛውም ነገር እንደሚቻል በማሳየት የሥራ ፈጠራ መንፈሳቸውን ለእነሱ ለማስተላለፍ ተስፋ ያደርጋሉ።
ዴሪክ እና ላሪሳ የሥራ ፈጠራ መንፈሳቸው ለሦስቱ ሴት ልጆቻቸው እንዲተላለፍ ተስፋ ያደርጋሉ።
ዴሪክ እና ላሪሳ በእያንዳንዱ ትርዒት ቀጣዩን የATV አሽከርካሪዎችና ሥራ ፈጣሪዎች ትውልድ ማነሳሳት ይፈልጋሉ።
የዴሪክ እና የላሪሳ ሴት ልጆች ከትርዒቱ በኋላ በሸቀጥ መሸጫው ይረዳሉ።
«ChatGPT ከቤተሰቤ ጋር ለማሳለፍ ይቻላል ብዬ ካሰብኩት በላይ ጊዜ መልሶልኛል።»